鮮芋仙 (粉嶺中心)

营业中

休息中

之前天氣好凍，所以想食碗熱辣辣嘅糖水暖下肚☺️依家鮮芋仙已經開到周圍都有，食糖水就第一時間諗起佢芋圓3號：好似稀左嘅紅豆沙芋圓除咗地瓜球有啲甜味之外，其他都冇乜味😞但成碗野都唔會太甜，食落口好舒服芋圓4號：同芋圓3號嘅分別係花生轉左芋頭🤣芋頭勁大舊，好在中間都夠稔食完2大舊芋頭都飽左🤣其實$50一碗糖水都唔平，但勝在唔會過甜又飽肚，冬天食完會暖哦菜式：- 芋圓3號（紅豆、花生、珍珠）：$48- 芋圓4號（芋頭、紅豆、珍珠）：$52味道：🤤🤤🤤/5性價比：🤤🤤🤤/5

粉嶺糖水舖唔多，近近地鐵路站附近就只有呢間台式甜品店；其實已經開左一段時間，但自己從未食過，因為佢寫明每人有最低消費😐，如果飯後仲要一個人食佢咁大碗糖水，真係無咩可能。直到某個星期六，問個職員先知，原來係計總額😯。結果我地一行四人叫左三款糖水😏。招牌仙草冰沙 $48三碗糖水中，賣相最討好。仙草大大塊、又軟又滑，配埋黑糖好好味；芋圓就一般D，芋香同地瓜香都比較淡。熱芋圓4號 $52芋頭大大舊、又粉又甜；紅豆糖水唔算好甜，但整體較為普通。熱燒仙草3號 $48呢款仙草係期間限定，適蓬當日氣溫急跌至16度，最啱食熱仙草。老實講啱啱上枱果陣個樣好唔吸引，水汪汪、液體嘅仙草…😅點知仙草慢慢凝固😮，最後變成好似鼻涕質地嘅滑嘟嘟仙草，幾特別😋。如果下次再嚟，應該只專佢地嘅草仙😌。

💰Order左d咩？芒果豆花椰奶西米露 $48布丁麻糬抹茶紅豆冰 $68​☝🏻芒果豆花椰奶西米露 $48估唔到豆花係呢杯野都幾夾，唔會死甜，上面層椰奶好香又滑，中層芒果西米露，底層係微微暖又軟滑豆花，一齊吸入口，口感好豐富，最重要係全部材料都好夾​✌🏻布丁麻糬抹茶紅豆冰 $68呢個好有驚喜，最頂層抹茶應該加左奶/cream（？），超creamy又香抹茶味，冇假味/假甜，連埋d沙冰一齊食好綿滑，👩🏻食第一啖好驚喜：點解可以咁滑咁夾？😋😋好好食呀，個布甸都唔失望，係滑架，軟綿綿唔係實的，反而個麻糬就麻麻，偏硬唔煙韌​總結：要求以上items轉做恆常menu甜品（個抹茶去到10月9，冇得食lu😢）​🗒️以下評分最高分五粒🌟​抵食程度：🌟🌟🌟粒（價錢其實少少貴但好食，同埋份量多，睇第三張圖就知）環境&服務：🌟🌟🌟粒（正常環境同服務）

本身呢一區甜品選擇就已經唔多。再加上平時我都好鍾意食台式嘅甜品同埋沙冰🍧所以佢哋係我嘅選擇，我最鍾意食就係佢哋嘅仙草冰沙雖然價錢有啲貴，但係有時夜晚外賣返屋企食都覺得幾開心

花生醬三重QQ牛奶冰 $58入面有齊哂白玉湯圓 小芋圓 麻糬 雪糕 花生醬 牛奶冰 啱晒煙韌控😍一食落口忍唔住要講粗口🤣 好濃嘅花生醬 超正‼️ 同牛奶冰+雪糕食勁夾 冇得輸😎 仲要都幾大量花生醬 食到底都仲r到一pat pat🙈爭啲想買多碗食😂招牌仙草冰沙 $45每次必點食物～芋圓 仙草都多到爆🤤

買了2 盒回家吃。豆腐花水和硬的竽，無味⋯⋯十分⋯⋯難吃。$93 😤買－碗普通的豆花應該會更好吃，不用$48 買這個豆腐水加2 塊硬竿頭。另外一碗冰佔了碗的三分之－，無下次！丟了錢又壞肚皮！

凍嘅仙草6號同埋豆漿豆花4號再加芋圓，佢連芋圓都有大芋圓同埋小芋圓兩款俾你揀，我哋揀咗大粒嗰隻。仙草6號入面除咗燒仙草同埋沙冰底之外仲有粉條、粉粿同珍珠，我估黃黃綠綠嗰三舊就係我估黃黃綠綠嗰三舊嘅就係粉粿，糖水另外想，不過我覺得已經夠甜所以冇落到。豆漿豆花4號入面就有芋頭、紅豆同珍珠，感覺上豆腐花份量比較少，味道都ok。

🧉鮮芋仙（粉嶺）​📍粉嶺中心地下（三哥對面）​📢冬季有燒仙草（menu冇，QR code落單先見到）​Menu圖1️⃣&2️⃣燒仙草2號（熱）$48超～～級好食，鮮芋仙所有甜品中，仙草最好食，呢個係煮熱左既仙草，黎到係液態狀，一路食會凝固成啫喱狀，好得意🤣比仙草凍仲好食​圖3️⃣芋圓2號（熱）$48呢個都唔錯，糖水湯底係紅豆湯（不是紅豆沙），都係燒仙草好食d​（評分：5杯☕️最高分）食物：☕️☕️☕️☕️環境：☕️☕️☕☕️CP值：☕️☕️☕️☕️服務：☕️☕️☕️️️️️️️️️️️️☕️​✨會再幫襯? 會

之前出去銅鑼灣行街果陣一直好中意去食meet fresh，因為d甜品夠大份可以兩個人一齊食價錢又公道🤭🤭😋住北區嘅我日盼夜盼終於等到粉嶺都開meet fresh喇！粉嶺分店開係舊有阿布泰位置（萬寧對出），舖位較細。餐具應該係因為冇地方洗碗嘅關係，全部使用即棄嘅外賣餐具，係環保方面略欠😅今次同屋企人一齊去食，由於佢哋唔太好甜品，所以就簡單叫咗個布丁Q麻糬冰一齊食。自己掃qr code 網上落完單之後等個號碼牌響就可以出去攞餐點喇，今次等咗大概5分鐘就有，上菜速度唔錯。餐點嘅味道同其他分店一樣冇太大分別，份量都係一如既往大大份，唔錯。總括而言，同其他分店最大嘅分別就係環境細得濟坐得唔太舒服，其他都冇乜太大問題。😙

個舖頭開到三尖八角咁樣，自助攞餐嘅時候要經過個扶手電梯先攞到。牛奶冰個份量比其他區少一半但價錢一樣，仲要啲冰係冇味嘅。係好失望... 食咗咁多間最失望真係呢一間😡

北區人期待咗好耐嘅糖水店終於開張！可惜芋圓真係超級硬 ！珍珠都好硬 ！紅豆都唔掂！冰沙亦不是黑糖底 ！非常奇怪！仲唔記得俾奶同羹！崩潰啊！還望檢討一下！跟返其他分店嘅質素！