鮮道樂 (已結業)

日本蟹道樂大家應該食過啦！原來香港都有個鮮道樂的！地點就係喺元朗啦！（之前住元朗都冇發現添）😛話說佢呢度真係整得好靚、成個樓底都係紙扇，整得好有日本藝術feel,員工服務態度仲好好添！生完小朋友終於都可以食生野啦！開心開心🥳！我好懷念拖羅！🦐同埋帶子刺身🥰🥰我唔客氣啦！yummy yummy 😋 生蠔好新鮮！仲識郁㗎！拖羅好正！$150 三塊我覺得好抵食囉！🤗平民價錢就有頂級嘅日本料理刺身， 埋單兩都係食咗$600咋！😊#元朗西菁街23號K Plus地下G25-28號舖

同屋企人之前食過一次呢間餐廳放題，忍唔住再食多次🥳因為性價比真係好高，除左有得任飲酒之餘，仲可以食好新鮮嘅食物，感覺同其他放題截然不同😇我同媽咪最鐘意係食燒雞泡魚乾😛所有食物都整得好出色！ 必試銀雪魚同海膽❤️ 一個字，正！

聞說元朗西菁街23號KPlus地下G25-28號開咗間日本料理「鮮道樂」，出面大大個牌寫住放題收費成人最平$488、最貴$638，分時段收費另設加一服務費。呢個價錢喺元朗嚟講都算係中高價位，如果將💰價錢=👍🏻食物質素的話，呢度一定係好好味嘅～於是我哋決定，慳慳地小試牛刀🔪🐂，就食個Lunch睇下咩料先🤨.📝率先分別Order咗:🐱豬軟骨稻庭烏冬($72)-豬軟骨肉質鮮嫩、但未夠入味，烏冬湯底一般，豬骨湯味淡，相反味精味濃😶 ⠀⠀⠀⠀⠀⠀⠀⠀⠀ 👧蒲燒鰻魚丼($88)- 鰻魚做唔到入口即溶嘅口感，食到最後姐姐仲要同條魚拉扯咗一輪先將佢撕裂到🥴🐶大大粒角切魚生丼($72)- 魚生尚算新鮮，但可惜每粒魚生好似得一個味，彷彿世界變了樣🤒.同時，兩個丼嘅米並冇日本飯一貫的香軟，口感亦同我哋平時食開嘅日本米有分別🤭.一頓出色的料理，除了廚司用心烹調外，食材是否新鮮、有否嚴選都很重要。大家都係識食之人，希望呢間店日後可以係選材上更加嚴謹喇，要對得住幫襯您嘅顧客🤝🤝.總結評分：5/10番啅之數：⭐️⭐️

之前經過有留意呢間野,睇過佢個餐牌有份放題價錢同埋散叫,放題價錢都幾貴,我哋食唔到好多好多所以就決定散叫。一開始要小食同埋刺身又真係好新鮮,果然係食到雙眼閃閃發光！🤩🤩🤩其實佢有好多選擇，我諗要食多幾次先可以試多啲款式。

約左個好耐冇見既朋友出黎見個面，大家都係新界西，留係元朗啱哂，又近又多好野食。今次想食下日本野，見到呢間門面幾靚，野食都睇落吸引就揀左呢間。餐牌設計好有心思，好似睇緊報紙咁刺身系列因為只有2人，所以每樣食物只係叫左少少。每樣刺身都好新鮮，赤蝦大大隻令人食得好過癮。清酒煮蜆清酒味不算太濃，蜆份量還好，剛好食夠還可以留肚食其他菜式。唯一失望是沙沒有清乾淨。蜆size 都唔細呀胡麻豆腐，筆者的最佳頭盤之選天婦羅系列外脆內軟，大滿足！壽司系列吞拿魚蓉，和牛，火炙三文魚，所有壽司都做到了日本一流的規格。淨係肉要包住飯團已經唔係好多餐廳可以做到。左口魚邊壽司筆者今晚至愛，外面輕輕燒起脆邊，魚肉細嫩易入口，一瞬間就將兩件左口魚壽司送入肚裡。

元朗有很多好吃的，但今晚這餐真是正，完全是對得住這個價錢有余。我覺得放題𣎴需要很多食物種類，最重要是食物的質素高。每人包一半隻龍蝦🦞及大吞拿魚腩，龍蝦鮮甜肉質彈牙，吞拿魚腩入口即溶甘。👍🏻👍🏻這個岩石燒安格斯牛小排好正，肥瘦均勻。味噌甲羅燒，好香。好適合配上多士食。珍寶黃金蠔燒得好嫩滑。除了固包的，其他刺身壽司，熟食等是任叫的。刺身夠新鮮就如它的店名鮮道樂。一人份量的刺身飯。噔噔～令我最驚喜的是生蠔都是任點的。而且生蠔都不錯，很鮮甜。其他的熟食都很不錯。

元朗依間放題近日都幾出名，出名貴😂我同朋友食量唔大，所以一直都未有衝動去試，直到見到有啲人話佢有得散叫，我哋就一於去試下。平日唔算多人，地方都幾大同舒適，佢係西菁街個頭，叫咗入入地都叫搵下。我哋嗌咗半打法國蠔，都幾嫩滑同埋冇腥味，加埋檸檬汁同有黑椒嘅醬食。再嗌咗珍寶赤蝦，肉質黏口而且有口感，肉身夠厚。之後嗌咗原條燒喜之次，夠大條，份量夠，外面燒得微脆，肉質唔會冧。燒牛舌一嗌就係兩串，大大件有肉汁流出嚟，有脂香。

之前已經黎食過放題。不過因為今次老婆唔食得生野，所以決定散叫，同時試下熟食既質素。食完發覺除左生野之外，呢間餐廳既熟食質素唔錯，仲要一d都唔貴。值得成為我既飯堂之選。芝麻雞翼：我和老婆都好鍾意食呢個雞翼。除左即叫即炸，熱辣辣之外，雞翼仲非常入味，而且肉質飽滿，絕對係encore 之選。壽喜燒牛肉鍋：上菜時覺得個鍋咁細，夠唔夠食ga。但食既時候發現佢深不見底，長食長有。佢個壽喜燒汁調得好好味，所以我特登點左個紫菜珍珠飯撈汁食。蒲燒鰻魚：鰻魚肉夠厚身，而且肥美又唔鯹，仲要係上左最多肉個邊🤤雜錦天婦羅🍤：天婦羅絕對能睇得出廚師既功力。係出麵食，有時會粉醬太厚，又或者炸得太淋太油膩。但呢間粉醬夠薄，而且炸得香脆，廚師係炸既時候油溫拿捏得非常好👍🏻土佐木魚廣島蠔：本來想食炸蠔，但實在太普通，所以點左呢個蠔。佢係包住木魚炸，然後再加返個汁。別有一番風味。榴槤炸彈：我老婆唔食榴槤，我一個人食咗三粒。榴槤味都幾香濃，不過我覺得可以再濃D。紫菜珍珠飯：每樣樣都好好味，加個飯拌吃就最好！

知道最近很多人推薦，今日放假同舊同事聚舊，下雨天沒有太多人，來到門口感覺店鋪裝潢很漂亮。店內天花上很多日本傘，很特別的裝飾午市定食套餐真的不錯，款式亦很多，100內可以選擇到很好了!2人選了2個套餐，另加錢轉人像咖啡 (＾▽＾) 極上壽司定食 (8件) $108三文魚壽司，帶子壽司，玉子壽司，油甘魚壽司，赤蝦壽司，海膽壽司，加洲壽司。壽司上刺身又厚又冰凍，入口鮮甜，連豉油都不用，就是原味已經很滿足前菜是雲耳，爽脆酸酸地，味道開胃。麵豉湯比其他店大碗些，而且很多蔥，味道不咸。烏冬份量都不少，大胃王都吃得飽，值得推薦最特別跟套餐加18元可轉人像咖啡，實在不打卡不可，推薦情侶來體驗。圖片很清晰，咖啡味道正常，但很有拍照打卡的重點。三文魚親子海膽丼$105海膽2件鮮橙黃色，沒有腥味很鮮甜! 滿意!三文魚厚切， 口感還爽爽的有魚腩口感，加上大量魚籽，配珍珠米非常好味! 吃完還有點意猶未盡!餐內前菜，麵豉湯剛好補上這缺陷，麵豉湯很大碗，味道少咸有蔥花很香2人享受了非一般高質午市套餐，埋單都是2百多，環境食物都很讚

在元朗亂逛的時候，被一間裝修精緻，充滿日本風的餐廳吸引過去，原來就是聞名元朗的鮮道樂！還未踏入店門口，已經得到服務員親切招待，然後送上熱茶和精緻菜單，有放題和單點選擇，我們選擇了後者。漂亮日本傘倒掛在餐廳，裝修別出心裁。店長推介了corona混合菠蘿汁，容易入口又清新。最先來的是鵝肝多士，鵝肝真的很大片，厚度十足，煎煮時間非常恰當，能外表香口之餘內裡不會乾身，配上醬汁十分開胃。再來便是牛油果炸蝦反卷，牛油果控的我表示非常滿足。牛油果成熟度非常恰當，而且份量不會少，包著剛炸起的炸蝦，配撘著沙津醬，不用沾上醬油味道已經十分清新美味。壽司有珍寶赤蝦，金箔三文魚，北海道帶子。每件份量都不細，材料新鮮，珍寶赤蝦還會細心地先把頭和分開了，能夠完美打卡之餘還方便進食，誠意十足。芝士風味玉子燒，好吃得雙眼合上，慢慢感受芝士在口腔穿插，加上玉子的甜美，忍不住舉起了手指公。再來店主蠻推的土佐木魚廣島蠔，炸過後的廣島蠔肉汁仍在，體積也沒有因此減少，配上獨有醬汁令炸物不會熱氣，十分滿足。最後打卡還送千層雪糕，成為今晚完美的句號。這家小店做事十分認真和有誠意，食物精緻之餘服務也處處週到，提供了一頓完美無瑕的晚餐

又來食街食東西喇 很多餐廳的街道想食什麼也能找到 這裡已食過好幾家但這家就未食過 所以決定一試去到的時候不太多人 店員熱情地招呼我們我們看到餐牌也呆了 好像報紙的餐單我們很快便落單點東西喇🤤🤤·刺身拼盤C HKD$118裡面有三文魚/珍寶赤蝦/八爪魚/翡翠螺食材挻新鮮的 很快就被我們食清光·雜錦天婦羅 HKD$88裡面有3隻炸蝦/2件南瓜及蕃薯炸到挻鬆脆可口🤤 又是搶食的時候·金箔三文魚壽司 HKD$26我想有金箔的三文魚不是到處也有吧所以點來試試看 三文魚也挻新鮮·油甘魚壽司 HKD$32最近多了很多日本餐廳有這款壽司愈來愈受歡迎的刺身 味道不會比三文魚差·火炙蒲燒饅魚壽司 HKD$38饅魚就食得多 炙燒就小食 所以點來試試食落去會軟身一點 味道挻香的·道樂鮮之味壽司 HKD$52看到名字挻特別所以點來試試看原來是有魚籽/海膽/吞拿魚碎/帶子店員提示要一口食整件口感會更佳·芝士黃金珍寶燒蠔 HKD$38/隻酸酸甜甜的味道與一般食開的一樣但是蠔會比一般的較為大一點🤤🤤·日式紅豆蓉燒年糕 HKD$52經過燒的年糕口感會較為煙韌一點而且配上紅豆蓉更為錦上添花☺CP值挻高的一餐如果食放題應該

今日同朋友一大清早去咗元朗打波，跟住就一齊去食飯，我哋經過西菁街見到呢間鮮道樂門口個餐牌幾吸引，就入咗去食午餐。午餐嘅選擇都唔少喎，有平有貴，不過我好日都唔入元朗，今日就食貴少少。我哋叫咗兩個餐，包前茶，味噌湯，同汽水，如果想要其他飲品就要加錢。火山井，真係好大碗，海膽無鯹味，三文魚子粒粒脹卜卜，吞拿魚不錯，還有三文魚等。雜錦刺身定食，配紫菜珍珠飯，個飯好好味呀，刺身有三文魚、海膽、帶子、大蝦、油甘魚、劍魚腩，刺身好新鮮，隻蝦仲超級大隻！星期六去食竟然都唔使加一，抵食。

想食優質嘅日本料理絕對冇難度只要入去元朗鮮道樂，馬上就食到。坐低就食大k最鍾意嘅加拿大海膽壽司！入口即溶新鮮美味係初 夏嘅必然選擇。跟住係各式各樣唔同嘅美味刺身，三文魚北寄貝鮮蝦 油甘魚 帶子 新鮮美味冇得頂！仲叫咗個芝士年糕，本來只係隨便點點。但係就變咗開心大發現！個芝士年糕好似流心 流出嚟。記得要趁熱食呀！到咗我最期待嘅安格斯牛小排，係今晚嘅重點出場。一放上枱個爐上面有一塊熱石已經霸氣十足！話淨係見到都已經好想食啦！睇下啲安格斯牛小排， 肥瘦均勻 ！淨係見到已經流曬口水。除咗太好食同埋唔夠食之外根本係無懈可擊！食得啦唔講咁多住食嘢先！食完個shabu-shabu好似都仲爭少少 ！食多個軟殼蟹壽司手捲簡直係完美嘅句號。

最近聽朋友講，元朗有間日本餐廳好食，係以前富達廣場果邊。今日就去左試下佢既lunch。平日lunch最好2點後食，咁先易有位，無哂學生同你爭位坐😂😂😂😂入到去坐低，都幾舒服！職員好快手比餐牌我地睇。我叫左個牛肉壽喜燒❤️而朋友叫左個魚生飯食飯都黎得快，好快我既壽喜燒就黎到，我仲加左十蚊轉烏冬😍😍食壽喜燒又點可以唔配烏冬丫～～份量非常多，牛係多到最後我都食唔哂，而且佢既疏菜都算多！成個煲都放滿哂😍😍食親壽喜燒我一定要飲佢湯底，呢間個味煲味噌味！甜甜地，而且油唔算多，勁好飲😂😂😂不過最後，我都食唔哂佢既烏冬！實在個煲都好多料😂😂最後兩人埋單200$ 有找！勁抵食！性價比好高❤️

今晚帶住媽媽黎到元朗鮮道樂撐枱腳～裝潢風格感覺好似日本居酒屋。呢間主打放題形式食盡各種優質食材。價錢$438-$488左右一位。另一種就以單點形式，餐單上除左放題可以任食之外，每項食物都有單點的價錢～由於媽媽屬小鳥胃，食丁點就會飽嘅關係就決定單點。日本梅子果酒 $68 其實一樽都已經夠兩人享用～Hoegarden mix奇異果 $88 外面比較少飲到，有果香唔太甜。比原味會較少泡生蠔刺身拼盤B 包括日本室津冰鮮生蠔2隻、三文魚3件、油甘魚2件、珍寶赤蝦2隻最出色就係呢隻日本室津冰鮮生蠔，蠔肉肥美鮮甜，海水味唔重。鹽燒牛舌串 $48/2串 共6件，燒得唔乾又惹味！不錯～牛肉壽喜燒 $82