影片
电话号码
59039699
营业时间
今日营业
12:00 - 15:00
18:00 - 22:00
星期一
全日休息
星期二至日
12:00 - 15:00
18:00 - 22:00
以上资料只供参考，请与餐厅确认详情
呢间铁板烧由上年八月开已经想试好耐见佢OpenRice零负评而且好多人都有介绍终于的起心肝生日饭book枱去试试佢晚市做两轮分别系六点同八点我哋准时1750到出面已经有人排队所有食客都好准时我哋被安排坐Bar枱可以边睇师傅煮边食前菜沙律同市面差唔多 冇乜好讲刺身拼盘 鱼生鲜味带子食落开胃之后师傅就开始开炉师傅煮嘢食非常俐落边睇边食 系一种高级享受而且师傅有问必答 气氛非常好鲍鱼非常鲜味 就算铁板烧一啲都唔韧 而且好大只加埋师傅有调味过整体好惹味龙虾简直系个餐嘅一绝必定要食 佢将龙虾起咗肉之后用龙虾嘅膏 打成酱汁调味之后 再炒返落龙虾肉度有镬气之余 亦显示到师傅功架呢个系必定必定要食鹅肝多士 鹅肝满满但系经过师傅嘅铁板处理完全唔觉得油腻 成口油非常干身 加埋块多士简直绝配牛肉烧 入面有好多葱有丰满油溢感之余亦食到葱嘅甜香味樱花虾炒饭师傅特意炒到好干身 粒粒分明入面有浓浓嘅牛油香樱花虾同炸蒜香气整体配合得好好50衞门大吟酿 系另外叫 个餐唔包价值$388因为觉得食物太好味一定要开返支清酒咁先会尽兴同埋谂极都谂唔到点解佢哋咁嘅质素可以卖到呢个价钱如果喺港岛区 或者尖沙咀坐底收贵三份一或者一半我觉得呢个价钱食到呢个质素简直系物超所值 超晒班同埋餐厅最赚钱嘅都系酒水一定要帮助吓食完离开 觉得超级满足同埋终于明白点解呢间铁板烧日日Full Booking都可以零负评同埋听师傅讲 晏昼好似免加一收费所以下次会晏昼再去食而家香港真系好难得有呢啲良心食肆
继续阅读
从长沙湾吃到深水埗的「鸟海山铁板烧」，搬店后再次再朝圣，喜欢这里的铁板烧平民价钱，但食材高质，招牌二人精选套餐有齐刺身、龙虾、鲍鱼、鹅肝多士、牛肉薄烧等贵价食材，每位都只系$600左右，真心抵食👍👍🔥人气铁板烧套餐二人前 $1198▪️沙律｜新鲜沙律菜配上麻酱酱汁，清新美味▪️是日精选刺身｜深海池鱼、油甘鱼、 真鲷、油甘鱼，四款刺身新鲜肥美，件仲厚切▪️活鲍鱼｜新鲜鲍鱼，烟靭又够腍，鲍鱼肝酱炒香浓味，味道充满甘香▪️活龙虾｜原只龙虾非常新鲜，肉质爽口又弹牙，配合虾头膏酱爆炒，滋味无穷▪️鹅肝多士｜煎得外脆内软，入口油润，鹅肝用海盐调味，味道香浓无比▪️牛肉薄烧｜牛肉脂肪比例适中，包住香蒜和香葱，烧至大约五成熟，口感软嫩又多汁▪️炒饭｜最爱的炒饭，师傅炒得香口粒粒分明，每次我都会追加流心蛋，蛋黄流进炒饭捞匀嚟食，简直系人间美味▪️野菜｜食炒饭怎能没有蔬菜配合，蔬菜好清甜，炒得清新爽脆，好食▪️味噌汤｜再配合返一碗热辣辣嘅面豉汤，够晒温暖又饱肚
继续阅读
之前喺长沙湾食过这间店舖，原来搬咗嚟深水埗， 记得上次食嘅时候食材好新鲜， 今日出咗粮又再嚟食一食喺门口睇餐牌就见到 鸟海山铁板餐二人份有龙虾，有鲍鱼，仲有鹅肝多士第一道菜前菜 - 沙律第二度菜就系是日刺身-有四款侍应介绍顺时针咁食一睇就知鱼生新鲜铁板料理的重头戏，莫过于「活龙虾」与「活鲍鱼」整整一只龙虾起肉铁板炒， 最特别系酱汁系以虾膏调制所以虾肉虾膏味浓，师傅精准火候锁住肉质弹性， 绝对系食到停唔到口活鲍鱼弹牙有口感， 调味唔会好复杂，食返原本鲍鱼的海鲜味， 觉得鲍鱼最好嘅烹调方法就系铁板 烧， 有镬气又惹味牛肉薄烧里面卷咗一些葱同埋炸蒜好期待的鹅肝多士厚切鹅肝煎至外皮酥脆, 下面多士以牛油煎香， 每一口都是热量与幸福的拉锯战再嚟炒饭粒粒分明，有蛋香同埋樱花虾最后再加一个炒杂菜铁板烧嘅精髓系既可以品尝美食又可以睇到师傅炒功精湛餐厅逢星期一休息
继续阅读
餐厅开启深水埗嘅地方，门面装修得非常之有气派。鸟海山铁板餐（二人餐）$1198 入到去叫咗一个人气之选嘅铁板烧套餐，佢有龙虾、鲍鱼同鹅肝食之余仲可以系二人份量！前菜系麻酱沙律，之后就入到去冷盘。冷盘有四种精选嘅刺身：墨鱼、根白、白鲷、油甘鱼腩。餐厅会同你介绍食刺身嘅次序，令到你可以好好咁样享受刺身嘅层次同埋味道嘅递进。活鲍鱼可以食到清酒𪷽落去煮嘅味道，大火之下加清酒可以锁住鲍鱼嘅海洋咸香，同时间提鲜。铁板烧将鲍鱼表面烧得金黄超脆，火候掌握得好好鲍鱼食落去仲保持湿润仲有弹性。活龙虾做得非常之出色，佢用咗龙虾膏同埋清酒去煮龙虾酱。煮完之后浠稠度掌握得非常之到位，龙虾膏嘅酱裹住每一嚿龙虾肉。非常之鲜甜仲可以食到龙虾膏嘅甘香。$1198除咗龙虾之后竟然仲可以食到鹅肝。铁板烧高温之下鹅肝好快咁释出浓郁嘅油香。自烤过嘅多士成为成道菜味道嘅载体，佢出收咗鹅肝嘅油脂同埋牛油酱汁。食落去会有咸甜交错嘅味道。
继续阅读
💯刺身四点一开场就已经被呢个刺身拼盘震撼到！四款刺身全部鲜味爆灯，完全冇雪藏味。带子厚切，入口即溶，鲜甜得嚟带微微海水咸香；平目鱼爽脆清新，点少少酸汁更提鲜；深海池鱼油脂适中，鱼味浓郁；油甘鱼肥美甘香，鱼油丰腴但唔腻。师傅刀工细腻，每件刺身厚度均匀，证明食材同手艺都系上乘之作！ 💯鹅肝多士鹅肝多士系邪恶但无敌嘅组合！鹅肝煎得外脆内软，一啖咬落去，油脂香瞬间爆发，配上烘得香脆嘅多士同甜甜嘅酱汁，完全中和咗鹅肝嘅腻感。最正系师傅火候控制得啱啱好，鹅肝中心保持嫩滑，入口即化，食完仲有阵阵余韵，令人想encore！ 💯南非鲍鱼新鲜到不得了嘅南非活鲍鱼，上枱时仲识郁，师傅即场处理，铁板煎香后再淋上清酒同鲍鱼肝酱。鲍鱼肉质弹牙得嚟唔会韧，鲜味十足，仲带微微焦香。💯新鲜西澳龙虾龙虾绝对系全晚亮点之一！西澳龙虾肉质结实鲜甜，师傅用铁板快速煎香，锁住肉汁，再轻轻调味，完全唔需要花巧嘅酱汁，净系食龙虾本身嘅鲜味已经够晒满足。虾头嘅膏仲多到爆，香浓到不得了，食到舔舔脷！ 💯美国牛肉薄烧牛肉薄烧系铁板烧经典之作，呢度选用美国牛肉，油脂分布均匀，师傅将牛肉薄切后快速煎至五成熟，再卷住香葱同蒜蓉。一啖咬落去，牛肉嫩滑多汁，葱蒜香气扑鼻，味道层次丰富。最欣赏系牛肉嘅焦香边，微微脆口，正到无朋友！ 💯樱花虾炒饭呢个樱花虾炒饭有惊喜！炒饭粒粒分明，镬气十足，樱花虾嘅咸香同蛋香完美融合，仲加咗少少蔬菜粒增添口感。师傅炒功了得，饭粒干身唔油！💯蒜蓉炒椰菜最后嘅蒜蓉炒椰菜简单但出色，椰菜爽脆清甜，蒜香十足，炒得啱啱好唔会过老，作为一餐嘅结尾非常 refreshing。 呢间日式铁板烧餐厅无论食材、师傅手势定系整体体验都系顶级水准，每一道菜都感受到师傅嘅用心同功力。刺身鲜甜、鹅肝邪恶、鲍鱼龙虾高质、牛肉香浓，炒饭镬气十足，完全冇伏！
继续阅读
您可能会有兴趣的...