鳳園餐廳

营业中

休息中

行完山想搵個地方坐下，食少少野。呢度環境唔錯，有好大福濕地公園璧畫，感覺較悠閒。叫左瑞士雞翼沙律，鷄翼好淋入曬味，但偏鹹。水果沙律味道正常，份量適中，配埋杯幼滑茶走，好正。

今日放工後同同事們一齊食晚飯，推介左村內一間餐廳一入到去都幾大，好多大枱又方便我地依個煲d豆腐都好味呀！內有魷魚 义燒同豬肉推介個豆腐實在一試難忘！雜菜煲就普普通通咁！有准山，西蘭花，菜心等....蠔餅都幾好味，d蠔仔仲好大粒啊！加埋魚露仲香口，都幾大碟同密集既蠔仔依個京都豬扒，京都汁同平時唔同，唔會太酸，味道剛剛好，撈飯都幾好味架d雞都唔錯，冇雪藏味，肉質都幾好唔太硬！另外叫白飯食都唔錯架！雖然地點就唔係市中心！值得再去試其他野食，佢地整到好夠鍋氣

有日禮拜，人在元郎山貝村，周圍都唔覺有嘢食。工業村禮拜無鋪頭開，最近要行返過去西鐵站。見到呢間唔太貴，地方闊落又有冷氣，即管一試啦。當時係食晏晝飯時間嘅尾聲，有得任裝嘅例湯已清晒。唔想食飯，就叫個雞扒麵加可樂，共$47。大約10分鐘上桌，公仔麵個湯底好似冇乜落到味粉，只係得咸味。還好啲麵無烚過火，依然有咬口。驚喜嘅係雞扒，有5大塊而每塊都有摺埋嘅tempo 紙巾咁大，煎得熱辣辣又多汁。雖然呢餐要近$50 ，呢塊扒都值得嘅。

我昨天中午去過。要了一客東江鹹雞飯。雞其實是沙薑雞，很嫩很鮮甜，醃的非常入味，但不是很鹹，很美味，飯也很香。$50一客。服務也不錯。聽說他們的南乳煎鴨也是招牌菜之一。很期待。

點解？我們7個人去食普通菜式晚飯。好似去飲咁，一個鐘都上唔晒4餸一湯。叫靚湯變老火湯，避風堂炸雞翼係炸到黑色。唔想做生意就收舖啦！跑馬大晒咩？劣評！唔會再來食。

住餐廳附近，因方便、即使價錢不便宜也會幫襯這餐廳。一向叫外賣時都叫一家人份，今晚剛好一人，原本想點咖哩牛腩飯+凍檸茶；怎知order 時餐廳說一份就不送... 好吧⋯⋯那點多份奶醬多，終於接受order了。等了約30分鐘，飯來了、包也來了....oh! 不對！是「麵包皮」來了！我咁大個人真係從來都無見過一間餐廳可以比份自己都唔要的麵包皮給客人做奶醬多！再打開塊麵包皮..簿如紙！刀工「一流」！奶和醬只在麵包皮中間，十分乾身，為了不浪費、我免強吃了幾口就放下了。簡直覺得被騙！至於牛腩飯，味道不過不失，咖哩飯有咖哩味。我在想：係咪獨市就可以咁做生意？見到這份所謂的奶醬多，外賣紙隨即丟棄，不用再見！

本人住在附近屋苑，但叫外賣時會因下列情況不送：1. 單單一份早餐，被要求多叫一份多士或一杯熱飲2. 12:00 - 14:00 不送外賣價錢已經不便宜，還多多制肘，現決定永久杯葛！

這間餐廳自我搬來元朗後每天回家也會經過，位於一棟村屋的地下層，樓上是住宅; 如果有朋友去過南生圍，而又由元朗西鐵站行入去，就必定會經過這間茶記的~店子分為戶外有蓋茶座及冷氣室內位置。在這類茶餐廳，不要期望有超水準的服務，只期望食物夠熱，正正常常，那便足夠。由於我們去茶記當日天氣頗熱，伙記叫我們入內坐，而且戶外坐位大部份位置被附近的建築及裝修工人佔據，說真的，當我行到入餐廳見到咁多麻甩佬，我係有衝動想走的，可惜當是我已經超餓，而最近的茶記要去到雞地，決定坐低一試~餐廳店內計埋我哋都只係有兩枱客，太餓既關係，我就點左時菜魚蛋湯米($25)、豬扒煎蛋麵($25)。時菜魚蛋湯米($25)呢款湯粉超易煮，在家也能輕易整到，不過適合經常嚷著要減肥的我，魚蛋只有5粒，仲要係街邊篤篤吓嗰D小魚蛋，好HEA下，大家咪睇以為有咁多雜菜呀，其實係我阿媽碗豬扒麵既配菜，佢知我超餓夾哂比我，至於我呢款所謂時菜魚蛋米，時菜既份量居然會比一碗豬扒麵既蔬菜為少，真得意!! 而且豬扒蛋麵完全無提過會有菜呢樣野，咁點解會有咁多菜呢? 就要問下廚師喇，當然我無GUTS問LA~豬扒煎蛋麵($25)我阿媽碗麵就出色得多喇，豬扒