鳳城皇宴 (已結業)

午飯時間好少去飲茶，難得有朋友先去攞位等我，咁就恭敬不如從命呢！鳳城皇宴之前都食過過一次，食物不錯，而且感覺食物新鮮，所以今次就返轉頭幫襯。灌湯餃好得意喎，用個碗盛著上，湯浸著大大隻灌湯餃!餡料好充足，好大隻，不過食完都唔會飽，因為浸住湯食，很濕潤，我覺得好開胃。味道方面，鹹淡適中，like! 蝦餃好大隻，中間每粒都有兩隻蝦，算唔錯！他用料都幾新鮮，蝦肉好爽口，啲皮又整得夠乾身。蒸排骨，比較多骨，所以感覺無咁抵食。但味道方面，蒜蓉味好重，好香，喜歡食蒜蓉豆豉的話，這道蒸排骨啱曬！只是冇乜肉食冇咁抵啫！要扣分！

阿媽平時煮飯咁辛苦 今晚就一於等佢輕鬆下同兩老出街一齊晚飯老人家始終喜歡食中菜 所以就揀咗呢間位於珠海路嘅【 鳳城皇宴】呢間酒樓除咗有小菜之外 亦專門食順德菜更推出晚飯四選一 有乳豬 龍蝦 大鱔 同龍躉選擇 認真超值叫咗經典名菜 【鍋貼大明蝦】$98 老一輩會稱呢道菜為鍋貼明蝦而年輕人就會叫佢蝦多士呢度菜感覺非常西化 可謂fusion菜式嘅始祖順德菜出名食河鮮 呢道菜就選用咗新鮮嘅淡水蝦大廚先將鮮蝦去殼再拍扁 然後釀在方包上並用炸嘅方式烹調食起嚟甘香酥脆 口感十足 絕不油膩而蝦肉亦相當爽口彈牙 用嚟咗酒非常適合【大良炒鮮奶】$98呢道可謂係順德菜最經典嘅菜式之一主要嘅材料有牛奶 蛋白 蟹肉同 欖仁呢道菜講求大廚嘅時間掌握 稍一過火就會炒焦 令到炒鮮奶嘅質感變硬口感柔軟如豆腐 另外奶味香濃亦夠曬清淡 用嚟送飯最適合不過懷舊小炒【欖角焗肉排】$98呢道菜式非常惹味除咗可以品嘗到欖角嘅鹹香之外大廚亦加上咗蜜糖 令味道更加甜美肉排選用咗一字排 肥瘦適中而且啖啖肉 令人回味無窮【上湯焗美國龍蝦伊麵底】$168以呢個價錢黎講 龍蝦嘅size都算非常大隻龍蝦肉夠爽口彈牙 食得出係新鮮貨式伊麵口感煙韌

順德別稱「鳳城」，物產富庶，淡水河鮮特別多，舊年獲聯合國教科文組織頒發「世界美食之都」既殊榮，見呢間酒樓用到鳳城嚟到做招牌，好似好靠得住咁，就入嚟試吓。大良炒鮮奶，順德菜既特色在於所用既食材並唔係乜野名貴貨色，烹調既精髓全在於細節之中，好似呢一道著名大良炒鮮奶咁，呢一啲咁高難度嘅菜式， 喺屋企煮唔到， 出到嚟食飯梗係要嗌吓；傳統既炒牛奶指定要用水牛奶嚟炒，而且係要用軟炒，即係炒既時候動作要輕柔，要達到口感嫩滑，不能起焦或油膩既標準。 呢度個炒鮮奶唔算好多油， 但係都炒得好滑， 媽咪大愛， 狂風掃落葉式瞬間就清咗碟。欖角焗肉排， 不嬲都好鍾意攬角嘅味道，見到餐牌有呢一道餸，唔使考慮即刻點上，肉排新鮮唔用雪藏貨，所以仍然食得出淡淡嘅豬味，欖角同個酸甜嘅汁互相配合，好食得很。上湯焗龍蝦伊麵底，伊麵嚟到先試一啖上湯，有住濃郁嘅龍蝦味就知道似樣喇，龍蝦個仔不少，肉質爽口彈牙，嗌龍蝦伊麵底，主角往往都係個伊麵，伊麵趁住呢個咁有龍蝦味嘅上湯，又係一絕。家鄉釀鯪魚，鯪魚係順德四大家魚之一，雖然魚刺比較多，但是肉質鮮美，家鄉釀鯪魚取多骨鯪魚嚟製作，鯪魚拆肉打成魚膠再釀番入魚皮入面，變番一條完整的鯪魚，炸

順德，又名鳳城，自古就係魚米之鄉，不但只物產豐富，亦講求不時不食，加上每位順德師傅好似天生就有一對巧手，能夠將平凡既食材變成美食，難怪有「食在廣州，廚出鳳城」既講法；同事話喺佢屋企樓下有間好正宗嘅順德菜酒樓，今日又經開呢頭， 就入嚟試下佢先。著名大良炒鮮奶， 鮮奶炒得好滑， 每一啖都好順喉， 炒得夠滑之餘又唔會太多油， 盡顯師傅嘅功架， 加埋面頭香脆嘅松子吊味， 好襯 好好味啊。著名鍋貼大明蝦，好多餐廳通常經過油炸嘅都唔會話俾啲好新鮮嘅你， 但係呢度嘅大明蝦雖然經過油炸， 但係每一啖都爽口彈牙， 每一啖都係 係食得出嘅新鮮。家鄉煎釀鯪魚，順德人愛食魚亦都善於食魚，多骨少肉亦不怕，呢一度咁傳統嘅順德菜， 完全能夠食得出師傅嘅手勢正唔正宗，鯪魚纖維多而幼，水分少而味鮮，肉色白而嫩，可惜幼骨絲特別多，但係經過順德師傅既巧手，以驚人既刀工和手工嚟起肉拆骨，充份體現出順德菜「粗菜精做」的精神，入口甘香而不膩，令人停唔到口。順德魚腐浸雙翠， 順德魚腐口感滑溜， 雙翠分別係勝瓜同埋白菜， 另外仲有少少中芹同埋炸蒜頭， 係一個清清地得嚟又好味嘅選擇。最尾敬送嘅海帶綠豆沙，都足料好味。臨走嘅時候見到餐廳

今晚和屋企人一齊去食晚飯， 乖女知道我鍾意食魚， 特別 選擇咗出名食海鮮嘅河鮮嘅順德菜式。呢間《鳳城皇宴》位於屯門海珠路海典軒入面， 鄰近屯門泳池， 搭輕鐵嘅話搭到豐景園站就到。第一道菜式係【煎釀鯪魚】， 呢一道可謂功夫菜式， 由於鯪魚本身多骨，大廚先將鯪魚去骨，再刮出魚肉做成鯪魚球， 之後再釀回魚身， 變身為一條完整嘅魚，慢慢煎香。細嚼之下， 可以品嚐到果皮嘅香氣。 而且鯪魚肉夠曬彈牙爽口。 芡汁嘅味道亦唔會太濃，唔會遮蓋魚本身嘅鮮味。另一道菜式【順德魚腐浸雙翠】， 魚腐亦同樣係順德出名嘅食品， 由於口感嫩滑，因而得名。 魚腐營養價值豐富， 而且老少咸宜，無論老人家定小朋友都必定喜愛。魚腐吸收咗奶白色嘅魚湯精華， 非常入味。雙蔬入面有白菜仔同埋勝瓜，清清地， 夠曬健康。另外仲叫咗【上湯焗美國龍蝦伊麵底】，美國龍蝦168元一隻，size合理， 三個人食咁咁好。龍蝦夠新鮮，肉質爽口彈牙， 而上湯亦都吸收了龍蝦嘅精華，味道夠鮮夠甜。整體嚟講， 呢間酒樓晚市食小菜非常經濟實惠， 而且最近仲推出咗【片皮鴨鱘龍全包宴】， 一圍全包價$2380， 又有片皮鴨食， 又有平時一定食唔到嘅鱘龍魚， 可謂

以往哩個位置都係做酒樓，繼上一次係百樂門，隔左唔算太耐今次又換左鳳城皇宴今日星期日十二點幾去到好彩唔洗等位直入，坐底睇番同之前百樂門格局冇咩分別，最大分別係d員工幾好服務我地叫左個雙連環，揀左B組既楊洲窩麵同E組既燒賣，蝦餃，蒸土魷楊洲窩麵配料有菜心，蝦，冬菇，魷魚等，另外可以揀選粗或幼麵，我地揀左粗麵都幾爽口我地再另外叫多碟鮮蝦腐皮卷，但我覺得唔夠脆蝦餃皮薄唔易散，蝦既分量都幾多又彈牙咖哩蒸土魷都唔差，唔會un同埋爽口，同埋係好微辣，唔食得辣既朋友應該都食到燒賣食落肥豬肉唔會太多，唔會覺得食完好漏既感覺本身冇唸住食甜品，見推車姐姐主動問咁就試下啦椰肉好多，唔知係咪水牛奶，好香好滑，冬天食好潤！食完成個口都有清新椰子味直得推薦

因為媽媽話冇食過蒸海鮮，收工近近地就搵間試下啦！個粥底要$58，其實我係覺得有d貴，不過試得就試哂全套啦！第一層係龍蝦，第二層係沙巴仔，第三層蟶子，第四層元貝，原本底個層係白蜆，不過師傅話d蜆唔係好新鮮，所以轉左貴妃蚌比我地呀d職員好好，會自己主動幫你蒸，每食完一層就幫你換一次碟，換到我都唔好意思我仲加左個梅菜菜心，不過味道就麻麻喇，梅菜又冇撈過油又有沙，菜心都老2個人食真係要個塔加粥已經好夠飽，最後要打包個粥番去

今次係特登入去食蒸氣鍋嘅，因為見朋友食完話好食$398有5層海鮮😋龍蝦，龍躉，扇貝，聖子，同沙白😍😍😍每層都好好食，侍應服務態度都好好，不停換碟同幫我地蒸🤗仲加左個58蚊嘅粥底，好食😊

四人套餐，加白飯，七百多元不算便宜，為等那味所謂首創鐵板燒鵝，等了差不多一個鐘頭，結果超失望，塊鐵板唔熱，半隻燒鵝是雜碎一堆，冇脾冇翼，不知所謂，差過快餐店，實在欺人太甚，現場負責人態度也惡劣，講多錯多，結果我塊面㷫過塊鐵板，講明以後冇幫襯！

星期日family day去咗屯門鳳城皇宴飲茶早上十一點到揀了一個五連環的套餐等於有8款食物點心我唔多介紹喇因為都是有水準的推介一些不是每間酒樓都吃到的吧鹹菜胡椒豬肚味道夠，但胡椒味略嫌不夠。生煎蓮藕餅鳳城特色菜， 用豬肉溝蓮藕煎成的，香口小食。籠仔班頭腩蒸飯分量很多， 因為落咗蒜頭蒸， 飯味很香，魚腩亦很滑， 推介金磚豆腐粒我很喜歡吃這種椒鹽豆腐粒細細粒， 一口一粒， 外脆內軟， 很惹味鐵板燒鵝皇這個有驚喜， 嚟到先淋上醬汁， 有點似叉燒醬，雖然肉質唔算軟淋，但很好吃。

最愛食海鮮😌細個食海鮮就麻煩D 又貴D, 而家周圍附近隨時都有酒樓蒸汽鍋食,仲要好似呢間咁就我搵親戚食晚飯, 隨便$398 就有個五層海鮮塔喇。這裡的部長都好有街坊態度, 雖然第一次黎食, 但部長真係令到我賓至如歸。仲要有龍蝦,沙巴龍躉,貴妃蚝,原隻元貝,沙白蜆, 每款材料都好新鮮, 龍蝦爽口彈牙啦。龍躉件 好多件, 厚肉, 我清蒸無加豉油都無一丁點腥味。有一點要讚, 叫左個肉蟹$168隻, 黎到有D 唔新鮮, 部長二話不說即刻換過隻比我。部長推介有灌湯餃, 本身以為好似飲早茶D 灌湯餃咁, 點知佢用個架 真接蒸隻餃同蒸完隻餃都冇爛, 埋到碗先整開佢食,好似飲一碗濃雞湯咁, 原來隻餸無乜餡,主要係嗰啖湯! 不過都比我發現有蟹肉喺內面!試過食蒸汽窩冇粥底感覺唔完滿咖! 而且又浪費曬D 海鮮汁, 所以我一定要選有粥底嘅黎食。呢個粥底我睇住加材料, 有淮山白果豬肉, 食嗰陣時我仲以為加左味精添。見到好多餸都想食, 所以一定會再黎!

屯門有好多酒樓, 但係好食新鮮嘅蒸氣鍋 就唔多嘅! 之前試過卓爾居嗰邊都ok, 今次見海典軒附近的鳳城皇宴都開左3-4個月. 就去試下啦!最主要見到佢有個SET係星海鮮五層塔包有龍蝦,沙巴龍躉件, 而家有398蚊有5類 ,唔使海鮮逐樣計就會比較貴!入到酒樓已經坐滿曬人, 但運作 好流暢又無話要不停催班先有餸出。侍應都係比較年長老牌伙計, 但一眼關7 , 放低野時都會有幾句計傾下, 感覺好親切咖。 龍蝦- 超爽口新鮮, 餐牌上嘅教導時間非常準確沒有過火發或者唔夠熟嘅情況發生可惜當晚沒有聖子要轉做貴妃蚌, 不過貴妃蚌比原本菜單有O既帶子更鮮甜更好味!另外侍應非常細心地教導沙白蜆一定要用碟蒸 , 因為驚有紗或者有唔好嘅水倒咗落D 粥度就成煲粥冇得食咖喇!! 除咗個塔之外, 我就加咗個牛肉, 蒸牛肉原來咁正, 好味到不得了,入口即溶嘅! 一啲都唔so而且有好香牛味。另外伙計推介紹下個灌湯餃咁就一於試下佢 果然係覺得入面 係灌曬啲湯, 感覺都幾得意嘅可以試下咖。

今日去咗屋企樓下呢個鳳城皇宴食, 原先諗住食小菜嘅, 但跟住見到好多枱都係食海鮮塔所以我都轉咗做食蒸汽鍋喇,哈~海鮮塔O既海鮮, 有龍蝦, 沙巴龍躉都只係呢個價錢$398. 我覺得都幾抵。 龍蝦肉新鮮彈牙O既,蝦頭D 膏好味到不得了,一食便知龍與鳳!之後嗌咗一碟海蝦,又係鮮甜咖 , 差唔多有成廿幾隻,我都分左3次先蒸曬! 所有海鮮都非常新鮮, 一開始其實比齊曬所有調味料, 貝殼類就會有加咗蒜蓉同粉絲做底,但食曬所有海鮮都冇用過D 調咪料囉!仲有呢個灌湯餃 $30 隻,係部長強烈推介, 果然… 佢個餃並唔係而家一般D 酒樓做O既灌湯餃, 平時係一豌湯+ 一隻餃, 呢個入面係一隻濃濃的湯, 個湯好似翅咁杰, 都冇咁樣食過, 好特別!沙白蜆建議用碟墊住蒸, 因為我地用碟蒸完真係見到個碟有污穢野,有少少沙留O係碟。 不過D 蜆就粒粒都開曬, 好鮮!一粒沙都冇!最後個粥底係瑤柱鮮淮山粥58蚊, 煲完連埋D海鮮精華, 出嚟個味好鮮甜,可惜份量只得四至五個酒樓飯碗,好好味呀,我食多兩三碗都仲得。

星期日家庭日，飲茶是最適合不過。話說我住呢邊咁耐，樓下間酒樓都轉過無數咁多手，理由都好明顯：平但唔好食（仲要又唔夠旁邊的富臨平），易手也無可厚非。最近，新店上場的就是老牌鳳城的分支-皇宴，冇理由咁近城皇廟，都唔求次籤，俾個機會大家（唔洗再食富臨），一朝早，兩個人，四款點心，務求試試端倪。五福臨門（平日：$14.8/假日：$16.8），見佢幾抵食，叫一個，一次過試佢幾款手勢。雞包仔：饅頭鬆軟，餡料唔算多，肉絲、香菜等調味唔會太淡，吃下去還算惹味。燒賣：餡料是蝦肉同豬肉兩溝，調味適中，有蝦肉的爽又有肉的鮮味，質感唔會硬或蒸得過軟，時間掌握唔錯。粉粿：外皮煙韌，菜餡豐富，如果再多一點芹菜，會更添香味，味道更好。蝦餃：外皮厚薄適中，蒸得剛好，不會一夾破掉。餡料調味有老茶樓的風味，蝦肉餡好香，同埋真係食到筍味，相當出色。薑汁千層糕：煙韌鬆軟，有彈性，薑味突出而不辣，味道又不會太甜，作為餐後甜品絕不會讓人感到膩，實屬驚喜之作。當然我們仲有其他，其中之一的好耐沒見過的傳統點心—鴛鴦臘腸卷。好多時候，市面只有「臘腸」卷，這裡臘腸卷較多元化；是有「臘腸」同「潤腸」的。而我貪新鮮，要試潤腸版本。很邪惡但很

之前都食過一次呢間鳳城皇宴 ，佢d小菜都幾好味！所以今次就帶埋d家人一齊黎再食！點知最近有得食蒸汽海鮮窩！家人又話未食過呢d,好似幾好咁！所以就揀左食蒸海鮮窩喇！😁😁家人第一次食覺得好新奇。好新穎又好玩！哈哈！個牌有寫要蒸幾耐。唔洗擔心唔識。好靚呀！好正咁！d海鮮望落去都幾新鮮！！員工好好，幫我地開爐放入去蒸。又教我地點蒸。😋😋話咁快就有得食喇！😁龍蝦好好味。食落d肉好新鮮。配料令到佢更加惹味！肉質爽口 👍yummy龍躉 🐟🐟都幾大條！食落唔會話腥，肉質又幾滑，唔會話好鞋！唔錯。但都幾多骨。好彩d骨都大條。大大隻帆立貝。仲有d蒜蓉粉絲係底。正！！可以吸收曬d精華！好鮮味！😍😍！見到有得蒸飽，好似幾過癮。叫左半打 流沙奶皇包！😋😋自己蒸，始終都唔夠酒樓d大蒸爐好味！但都唔差。😊一分開，都好流心！海蜆！😍蒸完既蜆，食落好鮮味！👍食落亦無沙食到！做得好好！貴妃蚌 😃😃味道同帆立貝差唔多。但口感就貴妃蚌d肉就大d!都幾好味！👍最後想一讚既係酒樓d員工既服務真係好好。見我地一食完每道菜，就主動走過黎幫我地蒸另一款！👍仲要不斷同我地換新碟！真係好服務！😎