鳳城皇宴 (已結業)

今日放假，同朋友入左屯門度行山。行完大家都好餓就去搵野食喇！見到呢間酒樓竟然都有海鮮蒸汽窩食喎！價錢仲好平民化。就已經有好多款唔同既海鮮食！😍好吸引！！緊係入去試下 個 海鮮蒸汽五層塔啦！😋😋👍原來要book的，好多人都book定留位。但好彩咁岩有張抬。$398呢個套餐。有美國龍蝦，元貝，沙巴龍躉，白貝（蜆）。本身有聖子，但酒樓話無哂貨，轉做貴妃蚌😊仲好，因為貴妃蚌多肉食啲。同聖子無貴妃蚌咁鮮味😂上菜囉！好大盤！影相一流 😁職員講解左一輪，睇住個餐牌，去按個時間。不同海鮮都有不同既時間。列得好清楚，同唔難教個時間。一夠鐘，佢就會熄。一隻既 龍蝦😍好大隻。落左啲蒜蓉係上面一齊蒸，好快就食得！一打開，好香既龍蝦鮮味！由於已經一早拆開左，所以食落唔會好麻煩！👍龍蝦都幾新鮮，食落d肉好彈牙！唔洗點豉油都夠曬味了！貴妃蚌！上面放左粉絲，粉絲一齊蒸，吸哂貴妃蚌既鮮味！正！個貴妃蚌好大舊肉。一啖食，好滿足 😍一斤龍躉。點上少少豉油，更帶出魚既鮮味。魚肉都幾嫩滑！大大隻既元貝。又係放上了粉絲。感覺上，貴妃蚌更好味！😊蜆。 要連碟一齊蒸！都唔差喎！連埋d蜆汁一齊食，好味。👍海鮮送酒一流！😘😘食到最後仲有

呢幾日又凍返，打邊爐打得多好燥熱，今次試吓海鮮蒸氣鍋先😋😋屋企附近有一間，一入門口好乾淨，企理，唔使等位👍👍店員好細心好Nice，見到我有小朋友即刻俾個角落頭位我😌仲介紹我食特價海鮮套餐＄398有龍蝦，原條龍躉，扇貝，蝦，硯，唔使諗即刻叫咗，平時條魚街市買都要＄68，龍蝦都要百幾蚊啦，佢仲推介左我哋加＄58要買個淮山瑤柱豬骨粥，2大1小食吾曬咁滯。啲食材好新鮮，店員好細心，不停幫你換碟，仲有個爐好正，Set定5分鐘，叮一聲食得，確保你唔會over cook，仲有圖教埋你set幾多分鐘👍👍👍BTW ,第一次食蒸氣火鍋先至知道原來個鍋底係唔使加水，好鬼大鄉里啊！店員先見我仔仔多多野講氹下佢，仲送埋糖水俾我哋食添😁😁，不過小朋友都係飲汽水㗎啦＄22有3罐，真係街方價😜

今日返老公屯門屋企瞓，一家人食個飯，佢搵咗近屯門泳池嘅鳳城皇宴，於是一家人浩浩蕩蕩行過去！呢邊唔近市中心，要嚟的話坐輕鐵最好，唔係我老公屋企近都唔行過嚟。但地點唔算上佳，都好多客人，似乎幾好味！嚟到見有蒸鍋，仲有海鮮五層塔，即叫！不過成排人5個人，應該唔夠，於是叫多咗個小籠包、紫薯同埋肥牛，3個大男人唔知夠唔夠食呢？首先嚟嘅係五層塔，子、沙白同埋帶子已經好搶眼，即係刻蒸先！侍應有教路，沙白最好係連碟蒸，避免有壞分子唔新鮮，整衰個粥底，有心！但最終隻隻都有開口，好甜好爽口，正！蟶子同元具都係有粉絲托底，好味！係元貝細隻咗少少，但係蟶子係大隻嘅，打返個和！總體而言個五層塔係中上之選！但係梗係唔夠飽啦！食埋個牛牛先，都叫入口即溶，好味嘅。個紫薯就一塊塊唔係而家好興嘅粒粒薯，蒸耐咗都唔爛，幾有咬口，算幾好。小籠包就真係夠皮薄，唔小心好易整穿！湯好鮮甜，食唔停！必叫！加埋個粥底，成家人都飽飽咁返屋企！

港島人好少入新界，今次由細到大住屯門嘅朋友仔邀請我入去玩，仲話安排好嘢食畀我，好啦去一次！去到先知係食蒸鍋，算佢有心啦！鳳城集團估唔到已經打入新界，而且一入去都9成枱滿，睇嚟都有信心。叫咗個海鮮五層塔，食材都幾新鮮！打頭陣龍蝦好爽口，唔韌，蒸出嚟鮮甜，幾OK。龍躉都鮮甜，對比起龍蝦當然無咁爽，不過都好清新。到個人最喜歡的聖子，size幾大，一眼見到已經幾滿意，但可能我太貪心蒸耐咗，咬口多咗爽口感少咗，不過味道好清甜，中上水準。沙白蜆、蒸元貝就合格啦，總合而言最推薦龍蝦，無得輸。其他海鮮都新鮮鮮甜，值得一去！

今日同哥哥一起吃飯,佢話家附近有間不錯的順德菜而且甜品十分好味,所以話帶我來試試先, 可能因為平日吾太多人,所以坐得十分舒服,因為我地為了甜品來已是不二之選,最後再選個四選一的龍蝦來吃......最愛的甜品，西米布甸 $98..這個超大份量差不多五人都夠食，表面有少少燶十分之香。下面的西米布甸好滑又香，入面仲有吾少西米係度添，去到中間位就有好味而吾甜的白蓮蓉，增加滑的口感，最後留返一半可以比屋企人再食。當初諗住這價錢食美國龍蝦伊面底都吾會有咩肉食,始終都係特價只係 $128,沒想到堅抵食喎，大約等左十分鐘野食就黎到啦，沒想到都幾足料喎，下面伊面三個人食都夠。龍蝦勁多肉又彈牙，醬汁味道剛好吾太咸，最後我地龍蝦仲有少少食吾晒添。龍蝦勁多肉又彈牙，醬汁味道剛好吾太咸，最後我地龍蝦仲有少少食吾晒添。下面的伊面底吸晒龍蝦和醬汁味,又吾會太淋身,十分好味又抵食.其實佢四選一仲有好多吾同選擇,都見到有吾少人食乳豬,但因為今日得2個人就下次屋企人食飯時再來吧.茶的味道都吾錯而且仲有酸菜超開胃添.

今日去到屯門游泳池做野，見到對面有間酒樓超近，就做完野同同事過黎吃晚餐，黎到見到原來係順德酒樓, 當然叫左個順德名菜再加其他菜式，食完堅飽而價錢合理。順德菜點會吾叫返個家鄉煎蓮藕餅，八件份量都幾厚身，入面有蓮藕加腊肉煎出黎，十分有好口感，而且配上醋味道更佳， $88這價錢都合理，而且最後仲要食吾晒外賣拿回家添。川味口水雞 $48..鐘意食辣的我點會放過呢，這裡的口水雞和出面有點吾同，醬汁比較杰身，所以掛係雞度更多，辣度吾太辣有點麻香，份量都夠而且雞口感都嫰滑吾錯。啫啫芥蘭煲 $78...炒得好香口吾老身而且菜十分新鮮又翠綠，入面有些豬肉碎都好入味。原來叫完睇返仲有小食同吾同的湯水....但因為已叫了唯有下次啦.這裡最好仲要有電視而且坐得十分舒服，茶味道都吾錯夠濃郁。食品都有好多吾同選擇,仲有吾少順德名菜添,下次再黎做野可以再試佢其他菜式.

而家度度都有蒸汽窩食，我都食過唔少放題有得食，今次有朋友介紹呢間酒家有蒸汽窩食，又試下同日式既有咩唔同先。睇餐牌已經好吸引。黎到我都嘩一聲，好靚啊!第一層個龍蝦好鮮甜好有肉，用左蒜泥去調味，我覺得好足夠，已經唔使點醬料。第二層係龍躉，D魚肉好滑，亦好少幼鱗，，正!第三層有蟶子，好大條入口爽脆既蟶子呀，一啖你食唔晒架。第四層有超大粒帶子，面頭舖滿粉絲和生熟蒜，我鐘意食。第五層係蜆，D蜆大粒，爽口之餘，絕對無沙架。食到呢度已經好飽，但係個粥既香味，令我又可以再開動，呢個係淮山弼底，D弼滲滿左海鮮既味道，但又唔會搶左淮山味。

聽聞海典軒開了間新鳳城，又喺屋企附近，於是今日晚餐去試試佢！海鮮五層塔蒸鍋似乎係主打，於是試咗一試，水平都幾好！食材新鮮嘅，特別係龍蝦最出色，夠甜又夠爽口！不過呢個晚飯最特色，返而係知道呢到有好多懷舊菜式。事緣食完蒸鍋，好甜食嘅老竇提議要返個甜品，於是叫咗西米布甸，原本以為係普通布甸，點知上菜先知係傳統製法！西米布甸入面仲加入蓮蓉餡，而且係加大碼！本身味道已經夠哂濃郁，食完仲有少少杏仁回甘味道，層次口感都好豐富，有驚喜！而同場我哋都係咁八卦有咩特色菜，除咗好好味西米布甸之外，隔離枱有叫一味鐵板燒鵝，啫啫聲又香噴噴，最衰今次食飽哂，唔係一定叫嚟試下！仲有蒜子火腩呢啲懷舊菜，睇嚟要嚟多次試埋先得！

今日小妹放工happy Friday 約埋屋企人去附近新開既呢間酒家，鳳城皇宴，見佢岩岩開張冇幾耐黎試下佢門面好靚，出面個view環境都好舒服，出奇地去到一間酒家係員工服務態度唔錯望一望個餐牌，我已經睇中左脆皮炸子雞，因為好抵，半隻都係48蚊，呢個係晚市優惠黎，四選一見到未食先興奮仲有好多懷舊小菜，懷舊到小妹可能未出世今日試左大良炒鮮奶，下次再試埋其他順德小炒皇，小妹我就幾欣賞佢多料，有炸芋條，魷魚，腰果呢啲唔洗講，蝦乾仲大大隻，而且唔會太咸大良炒鮮奶，都算大碟呀係我最期待既脆皮炸子雞48蚊黎講抵到冇聲出，入味又脆皮，半隻已經份量多3個人，叫下叫下叫多左，見到大閘蟹忍唔到手同口，雖然唔係好大隻，但開個蟹蓋之後唔失望喎，好多膏好香女人係敵唔過甜品，有第二個胃，西米布甸真係一流，小妹第一次試，入面有西米有好香蓮容味加上面層焦糖香，最吸引係聽到下午茶時段有一人份量架，而家呢個係細既，但已經夠5-6個人食，先係78蚊叫左咁多野，眼闊肚窄食唔晒，叫多個白飯打包走，又食多餐整體而言，屯門又一新食點，想食懷舊小菜，下次可以再黎，我覺得最適合一家大細節慶日子

lunch好少去飲茶，不過今日有人陪，兩條友都試下去飲茶。臘腸蒸雞飯，應該係早市未賣晒，所以做特價小點賣$12.8，雞肉幾滑，有雞味，不過盅頭飯是用細砵仔蒸的，不是大鐵盅果種，份量少一d, 但d飯蒸得靚，一粒粒乾身的有嚼勁，好味。春風得意腸，特點$25.8，裡面是條炸春卷咁，餡料有西芹，肉碎，蝦肉得，粉皮都幾滑，味道淡d要加多d豉油，食落外滑內脆，口感不錯。餡料算多呢，喜歡有蝦肉的鮮味。叉燒包中點$15.8,叉燒餡正！唔係得肥膏，係好多碎叉燒，瘦的，我鍾意！汁又不太濃，好味！鮮蝦菜苗餃，大點，手快食左隻添！咬開，內裡有豆苗添合鮮蝦的湯汁流出，未至於小籠包咁多湯，但是有湯汁而且很鮮甜，覺得幾特別，蝦肉爽口，雖然是大點貴些，不過一試無妨，幾好味！是次埋單連茶位加一$100, 雖然只吃了四個點心，不過都好飽了！

今日中秋節同屋企人做節，所以屋企人專登訂咗位過去食七點半去。到達七點半，全場爆滿勁多人 ，坐得都可以還做接受，唔算太逼夾，不過都幾嘈。 餸菜方面就有一塊餐牌嘅選擇，幸好都有唔少選擇而且都好抵食，本來想食乳豬，不過叫時話埋曬，所有冇得食。最後我哋嗌咗一個燒鵝再加龍躉2味同埋扣肉。 整體方面味道都算唔錯，嘢食都算夠熱，唔太鹹，分量都算唔少。 除咗個龍躉加菜，這個餸差唔多叫做冇味，同偏凍，就比較一般 。而茶方面質素就冇乜味，整體一般可接受。