影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
9個朋友去食午飯，當係團年飯，想喺銅鑼灣有活動，所以book 左鳯城。感覺上係相對傳統的酒樓以點心為主，另外有午市套餐，我地叫左六人餐，再另加點心小菜，因為有d 想食既呢個餐冇得揀。生煎蓮藕餅，好大塊蛋煎糯米雞，好特別，咁食糯米雞原來幾好食。凰城炒飯，好食，炒得夠乾爽，入面仲有好多配料魷魚鬚，飲茶小食類至愛😋鮑魚炆雞，朋友話團年飯點都要有雞，所以叫左呢款，好入味，正😋包羅萬有，3款唔同口味既包，包括綠茶流沙包，叉燒包，奶黃包蓮蓉西米焗布甸，朋友推介呢個甜品，因為我地人多，所以叫左個大既一齊share. 佢面層係西米，中間原來有蓮蓉，蓮蓉唔太甜,西米同蓮蓉好配合到，而且好少見其他地方有得食。本來以為食咗咁多嘢，大家都飽晒，再加上呢碟甜品咁膩，應該都食唔晒，點知大家不下不下差唔多都食晒。
继续阅读
行開銅鑼灣，突然想飲茶，咁就去鳳城啦！在地下找到位，因有一段時間冇去過了，應該裝修過吧！待應開茶，滾水茶正，因現在好多已是自助式。因食咗過晏少少早餐，中午點咗個拼盤、叉燒腸粉、地道d嘅咖喱魷魚而已。2個人志在吹水，haha.個拼盤有d特式，用竹藍送上。叉燒腸也搞搞新意思，賣相與傳統不同 - 冬甩型。咖喱魷魚唔係太辣，魷魚算多，唔錯。中午飯時間樓下滿席（無上樓，唔知道情況）。地方整潔，服務Ok。下次會來飲下午茶，下午茶優惠大中小點一律小點計，仲抵。
继续阅读
買左秋冬4人餐，就約朋友去試下，每人一隻大閘蟹，係公蟹味道非常好， 跟住仲有每人一碗蛇羹， 一煲羊腩煲， 半隻炸子雞， 魚湯浸時蔬，食得好飽，好好味， 侍應服務一流， 值得一試 下次會是其他
继续阅读
同屋企人星期五晚來食飯 家人兩老先到攞位一入到來就見佢地坐咗門口嘅枱從家人口中得知職員話今日餐廳好滿 所以俾左個門口位我地 但一路眼見就仲有好多位剩 完全無坐滿過餐廳門口位又焗又熱 完全係無冷氣咁款 係就係有俾風扇吹住你食另外筷子俾唔夠 當然筷子托都係俾唔夠同職員講話要多兩個筷子托 但又淨係俾一個敷衍你 之後又要再嗌先俾多一個你至於食物質素係完全對唔得住個價錢 好油都預咗 唔平又唔係好食 職員態度就中規中矩不過整體感覺奇差 無下次！
继续阅读
30/6星期日飲茶，落單後等左大半個鐘見無野嚟，請侍應跟進，之後個侍應攞住張點心紙問係咪你地，話唔知點解同事放低左，原來無入到，一句唔好意思都無，之後點心繼續嚟唔齊，又漏單，侍應態度繼續愛理不理咁散漫！
继续阅读