鳳鳴石磨腸粉 (觀塘廣場) (已結業)

下午時間唔係好肚餓，所以想食一啲唔係好飽嘅食物，諗到去觀塘廣場度食腸粉，唔會太heavy，午飯時間都要排一陣隊，我叫咗個套餐：叫咗招牌石磨雞蛋豬肉腸粉 加 燒賣，配豆漿！今日對我嚟講份量就啱啱好！配料好多有芫荽、蒜、豉油！正😄打開個蓋已經聞到好香！配搭得非常之好！石磨腸粉都好滑，好多雞蛋！豬肉都好滑～口感好好👍🏻食完一啖想再食多一啖！ 啲炸蒜好惹味！石磨腸粉絕對係喺我公司附近嘅美食之一！有時放工買一盒返屋企做晚飯做餸又得

食過咁多間石磨腸粉，鳳鳴真心係高質。腸粉有口感，嫩滑有蛋香。可以按照自己嘅個人口味加唔同嘅配料。有自家製豉油、芝麻、麻香汁、麻醬、炸蒜、石磨辣椒粉和芫茜，另外可以免費升級要黑米或者紅米腸粉底。通常我一次會食兩個先夠喉，所以大食嘅話會建議加套餐。（招牌石磨雞蛋豬肉腸👆🏻）（配料可自由搭配）

餐廳：鳳鳴石磨腸粉 地區：觀塘地址：觀塘開源道68號觀塘廣場地下G34號舖日期：13/8/2022時間：3:20人數：2人 等位： 5 mins 價錢： ＄23⭐️招牌石磨雞蛋豬肉腸粉⭐️腸粉偏厚，但嫩滑有蛋香，蘸上自家調配的豉油，鹹中帶甜👍，可按個人喜好加上自家炒香的芝麻、炸蒜、石磨辣椒粉和芫茜，我哋除咗芫荽咩都要，因有炸蒜同辣椒粉令味道更香口同惹味🤗，即刻嗌多份食😚有七間分店，聽講觀塘尼間分店最好食，不過有機會都會試下去其他分店😋

去開觀塘過夜做嘢，晨早起身唔想食酒店早餐，跑完步順便四圍行吓搵早餐食，見到有石磨腸粉外賣買回酒店享用。揀了石磨羅漢齋腸，一般雖然腸粉底係好食軟滑，但冬菇無味淨用水浸，食落有啲怪。另一份是紅米蝦米腸粉，有驚喜，腸粉底依然軟滑厚身，蝦米夠多又大隻，仲脆口的。 滿足滿足豆腐也不錯，正常好喝。不愧為觀塘平價美食。

呢到嘅石磨雞蛋腸粉真係好抵食😋滑溜腸粉再加雞蛋皮🥚內餡配埋半肥瘦嘅豬肉碎 好甘香有咬口🐷成個口感更豐富😍另外加埋秘製麻辣汁、麻油、豉油🌶炸蒜、芫荽同芝麻🧄非常惹味！

鳳鳴石磨腸粉（Tsuen Wan)鍾意食腸粉嘅朋友仔一定有聽過呢間鋪頭😎 有多款石磨腸粉選擇 今次就嚟咗觀塘廣場掃街 當然唔可以錯過佢啦😍🥢⌖ 石磨雞蛋豬肉腸🥚🐷🌶️💰$23賣相已經夠靚仔😌 食落石磨腸粉好滑身 餡料又好足🤩🤩 除咗有蛋香味👃 豬肉仲好嫩滑 小編覺得個精粹在於佢哋用嘅配料真係特別惹味🤤🤤 睇翻原來係落咗麻香汁、芝麻、麻油、炸蒜🧄、手工辣椒🌶️ 同埋面頭加咗少少芫荽吊味 食落完全冇違和感 啲手工辣椒真係辣得過癮😙 一個字：正！☻ 回頭指數：9/ 10 #Fatshit_ami #Lunchtime #觀塘美食 #港式美食 #食好西 #香港美食 #中式美食 #港式腸粉 #腸粉推介 #石磨腸粉推介 #石磨腸粉 #石磨雞蛋豬肉腸

石磨腸粉夠滑，多款配料選擇，可以自由配搭，真是可以一日食一款🤗🤗🤗。今次揀咗配牛肉， 醬汁方面加咗芫茜豉油芝麻， 賣相吸引， 味道不錯， 下次再試另一款先😊。 不過外賣人多， 繁忙時間要等候😅

WFH左一段時間，依家開番工，開工前歎返個早餐先，好耐冇食熱辣辣腸粉。之前試過即場叫等左好耐，所以今次醒目左，係九龍灣就預先打定電話叫定，去到就有得拎走，唔使等。今次叫左個套餐 $36：一份蝦米腸粉+ 6粒燒賣 + 豆漿一支，都好抵食。蝦米腸粉 - 獨愛白米腸粉，腸粉皮滑唔黏牙，蝦米足料，加上豉油、蔥花、香蒜、芫茜好配合。唯一美中不足，叫走辣走左辣粉，走漏左麻香汁，即係麻辣油，雖然麻麻辣辣幾惹味，不過早餐食辣都係麻麻，下次識叫走埋麻香汁。豆漿 - 一支豆漿份量都多，甜度適中，飲到豆味。燒賣 - 口感OK彈牙，唔會食到成口粉。食晒成個套餐都幾飽肚。

鳳鳴石磨腸粉今日食左招牌牛肉腸由於太好賣既關係腸粉米漿淨反黑米，於是我膽粗粗試下黑米既牛肉腸單點 ❤️黑米牛肉腸$26呢到招牌係招牌石磨雞蛋豬肉腸石磨豬肉腸石磨牛肉腸粢飯$18📍鳳鳴石磨腸粉 (觀塘廣場) (觀塘)觀塘開源道68號觀塘廣場地下G34號舖☎️ : 24886928

其實已經唔係第一次有呢個體驗 不過平時見冇落錯單就算鬼數 今日叫左兩條豬肉蛋 兩條齋腸 本身諗住今日唔係個個女員工落單應該冇死啦 因為之前幾次落單個陣同佢講話唔要套餐即刻面色態度都變曬 態度又麻麻（我觀察過佢只會對女性顧客咁既態度 明曬啦）好彩今日個男員工落單都算正常 點知落配料個陣又係呢個女員工 已經好清晰同佢講其中一條齋腸同豬肉蛋 除左辣其他都要 最後返到來竟然冇比最靈魂的麻油 另外一條齋腸同豬肉蛋話除左辣同炸蒜其他都要 點知又冇麻油連芫荽都冇埋 明明睇住佢落個陣覺得佢好似冇落齊配料 所以已經好好態度問多佢一次係咪落曬配料啦 佢仲話已經落齊晒 如果係真係聽唔清楚唔記得而我又冇問多次你既情況下而落漏左就話算 但已經問多次你 你仲要話落齊晒咁先嬲啊嘛 雖然呢間啲腸粉係好食 但份量真係太少 性價比唔高 但下次食一定要等呢個咁「正」既女員工唔係度先幫襯 費事激氣

😋味道：9.5/10🗣服務：7/10🏡環境：7/10🤩特色：9/10💵人均：$20-40💰性價比：8/10👍🏻推薦度：10/10✨.🐼好耐之前就聽過呢間腸粉 聽親都係好評 所以想試好耐😆有次路過終於試到 點知一試就勁鍾意😋於是每一次路過觀塘都會食🤣其實仲有好多其他分店 得閒都可以試吓😙可惜店舖係冇位嘅 之前都係企埋一邊食 而家疫情咁嚴重就可能只能夠外賣🥲雖然腸粉來講就唔算平 不過勝在味道質素高 調味又夠特色 第二度食唔到 所以都係會忍唔住100%回頭😌另外唔夠飽嘅話仲可以加套餐要燒賣魚蛋😙. （👍🏻為推薦）👍🏻🍳石磨雞蛋豬肉腸粉 $23 (10/10)✨呢度嘅石磨腸粉即叫即整 係皺皮腸粉 皮超薄同香滑😋仲可以免費揀黑米或者紅米腸 可按需要選擇😆個人試過揀黑米 味道上冇咩分別~呢款係店舖嘅招牌 加埋雞蛋同豬肉整味道更香 口感都更多層次🥰重點係調味！可以令味道更加昇華🤩呢度嘅自家製麻香汁真係100分😍有少少辣嘅麻痺感 亦有濃濃嘅香辣味加埋麻油 芝麻 炸蒜 辣椒🌶️成個感覺好夾🤤👍🏻🐤無骨手撕雞腸粉 $29 (9/10)呢個係店鋪嘅必試🤣我每次嚟都係嗌呢兩個一樣都係腸粉皮又薄又滑 調味香口🥰手

其實初初開果陣好抵食又真心好食，但後來太多人幫襯lunch等廿分鐘等唔切就好耐冇食，尋日見人地post過有d想食，今日又得閒就去買，點知好失望.....我明明同女職員講得好清楚要走蔥，結果冇走到....加雞蛋又聽到囉...我明明講要炸蒜，要豉油走辣，結果得好少好少炸蒜仲要冇豉油，大佬膠粉燒賣冇豉油點食？成份野乾爭爭，我外賣番公司打開先知出事😢 佢好快手冚蓋塊板遮住睇唔到佢有冇落料，疫情之下係街好難打開檢查尤其果度係一條行仔通道人來人往。。。然後好失望，覺得唔俾豉油係一大錯誤，亦冇重覆確定我要既野....唉搞到我而家既體驗係又貴又唔好食🙄公司乜都無惟有用爭鮮醬油頂住先...

以前細個成日都會食到石磨手造嘅腸粉，比起普通腸粉更滑更好味。近呢幾年多咗好多石磨腸粉舖頭，呢間提供好多唔同款式，lunch time想食健康啲就叫咗佢嘅雞蛋豬肉腸粉，外賣醬汁另上，腸粉好滑身而且味道唔會好濃

本身諗住去買個石磨腸粉食，點知見到門口放咗個鳳鳴同永樂粉麵廠聯乘嘅蝦子麵套裝，入邊有一樽鳯嗚做嘅麻香汁，加埋8個永樂嘅蝦子麵(4粗4幼)，呢排疫情要成日留係屋企，買定多少少糧食都冇問題，就一於買返去試吓啦去親食石磨腸粉都一定會加佢個麻香汁，佢個麻香汁有好香嘅花椒味，少少麻辣，非常過癮永樂袋蝦子麵一打開嘅時候有一陣好香嘅味道湧出來個麵淥完之後仍然好有彈性，再用鳳鳴嘅麻香汁撈埋個麵食，個味好夾呀樽麻香汁單買都要$62 ，呢個套裝$98再包埋8個麵其實都真係算唔錯！佢仲送咗張9折卡，去永樂同埋鳳鳴網店買嘢可以有9折優惠估唔到一個看似簡單嘅聯乘都咁貼心咁實際，不枉我支持咗咁耐 ～ 哈哈哈哈(當然本身啲嘢都好食啦)

成日食好西，間中都要比身體抖下。食蒸野就最健康，我推薦佢石磨豬肉蛋腸粉，即叫即蒸好滑，再加埋佢d醬料，小小麻辣咁好正。其他食物試過佢地嘅燒賣魚蛋同黐飯，不過不失，自家製飲品就唔錯。