鳴越 Pho

营业中

休息中

叫咗個咖喱牛腩飯，「咬」咗一啖已經知道瀨嘢，再試多舊都仲係咬唔落，硬過鞋底，但薯仔同咖喱冇問題叫個女侍應過嚟，同佢講個問題問吓可唔可以轉其他肉，你是但俾啲豬扒或者扎肉或者雞翼我都好，佢好串咁話要成個飯轉冇得就咁轉啲肉，或者叫我加錢追加小食☺️ 咁我就算因為唔想嘥咗啲飯同咖喱，唯有當自己唔好彩平時過嚟食只係因為近，態度欠奉俾錢嘅時候我同佢講過牛腩真係好垃圾，佢話我隔離嗰台都有反映過，但係佢哋就冇意思解決問題經過今次之後更加唔會再嚟PS一路去到我埋單杯嘢飲都仲未到祝生意興隆！

Ming Viet is a Vietnamese restaurant located next to Central Market. We never noticed it before but it appears to have been here for quite a while. Not exceptionally fancy looking, it was busy.They had an afternoon tea menu that was under $50 that come with a standard drink with optional discounts for anything else. They also had snacks available.  But the most interesting was the choices on the sets. Aside from the usual pho and rice, they also had chicken feet and rice rolls. Items that are us

今日食咗好多餐，晚飯嚟個輕食，小店空間唔多，我地三個人坐四人位都有小小迫。點咗火車頭河，原來好大碗，有牛丸，生牛肉，柏葉…，好耐無食越南菜，幾鍾意九層塔,香草…嘅味道。加咗個鳳爪小食，好辣，口感有啲硬。只收現金💸

鳴越中環有兩間 ，呢間係近中要街市旁，其實食越南粉中環係無咩選擇，呢間佢助在下午茶同午餐都夠哂平，一個生牛肉湯粉$47，呢個時勢邊度搵呀 ？咁當然啦，唔好食 廿蚊都看得貴，今次我就叫左個火車頭湯河，佢呢度就叫 綜合粉，佢個粉d配料都多既，有 牛筋、牛柏葉、 牛丸、生牛肉，食落感覺都係o個句啦牛有牛味 ，唔得，寫食評要專業少少，生牛肉來到半生不熟咁，唔係全熟既，d牛丸又真係好有牛味wo,有咬勁，湯底不過不失啦，係有d重既味精咪既，不過都合理啦，其實佢仲有個咖哩牛坑腩飯，呢個就真係推介啦，下次經過可以去試下

因為疫情我哋晚市買咗外賣返屋企食，夜晚去咗舖頭已經等咗好耐都冇侍應，等咗大概5分鐘左右有個女人行出嚟，好惡咁問我哋究竟揀好未？佢要落單😮‍💨 我係見到佢寫住夜晚外賣有discount，我哋先試下姐，錢都未收，使唔使咁嘅態度呀？好似阻住佢搵食咁！好啦我哋order完之後佢自己係咁數”12345….”，數咗幾次，我哋都覺得有啲奇怪，咁無理佢啦！點知叫完外賣，睇吓張單！⭐️⭐️⭐️⭐️⭐️唔係啊嘛你逐個外賣盒同我計錢？人哋其他舖頭都唔係咁啦！咁樣做生意嘅咩？本身個態度已經差啦！而家仲要咁樣？例如: 我叫一個牛肉湯檬，加熱奶茶, 外賣盒=3個 🙄🙄 收錢嗰陣態度已經差㗎啦！外賣盒仲要收錢收到盡！唔會再幫襯囉！😡😡😡😡

啱啱諗住買個外賣, 要咗個湯粉同檸茶, 收到食物後問個女店員有冇甜醬, 佢話呢度冇甜醬,問佢有冇辣椒醬或者辣椒佢轉頭行走咗, 咁我就打開外賣睇吓有冇已經放咗入去最後係冇嘅,反而發現咗檸茶變咗做奶茶,咁我就用禮貌嘅tone問靚女比錯咗杯奶茶如果嗌咗檸茶,佢就問你張單幾多號我就話返比佢聽,跟住佢就用惡劣嘅態度畫張單係寫奶茶㗎嘛,我仍然用平心靜氣嘅態度同佢講我同你落單嗰陣時係講檸茶,佢依舊用惡劣嘅態度你出返去先我好忙咁你有排等. 跟住我直接問過師傅可唔可以幫我整杯熱檸茶出邊個員工打錯咗入邊師傅馬上整咗俾我. 跟住我去對面諗住開餐,發現冇匙羹剩係得對筷子, 我就過返馬路問嗰個女店員你哋詞根放響邊度我自己攞, 佢用非常惡劣嘅態度問我order咗咩嘢啊?我就話湯粉,佢跟住話我咪放咗囉!我話如果你放咗我會唔會特登咁得閒行返返嚟攞呀? 你俾咗對筷子我咋. 跟住又話冇,我話咁大間餐廳點會冇匙羹啊,跟住好唔願意咁攞咗一Pack有筷子匙羹嘅cutlery俾我,跟住我同佢講你咩態度,我明白你自己一個非常繁忙, 我都盡量唔煩佢想自己攞,但係佢做嘅行為同埋態度實在令人難以接受,特別係我係用禮貌嘅tone去開始同佢

中環越式Pho週末下午到中環行街，中環街市太多人所以喺附近搵嘢食，見到呢間越南Pho有下午茶，價錢唔貴就入去試吓。食越南嘢最重要係試個牛骨湯底，今次叫左個札肉金邊粉，覺得個湯底都OK。不過扎肉就一般般，唔算好吸引。朋友嗌咗個咖喱牛腩飯，反而個咖喱汁就好惹味，牛腩亦都夠腍，值得推介。下午茶來講，食物份量算多，中環食個下午茶$50又食得飽都唔易搵。暫時評價餐廳服務ok，食物不過不失，希望有機會再試其他嘢。

呢間餐廳第一次幫襯，一入去嘅時候個收銀阿姐叫我哋坐卡位（2人），之後叫我哋坐埋一邊，中間擺咗塊「隔板」？ 話可能有人搭枱⋯ 我都明位置對於餐廳經營係好重要，但係而家疫情，都唔係擺塊咁嘅嘢叫做隔咗吧，我相信就算其他陌生人坐低，都會覺得好唔衛生，所以一入嚟就對呢間餐廳印象好差。見到有其他人都有講呢個情況，希望餐廳關注一下！但都公平咁講，食物方面，喺中環呢個價錢來講算係都平，個檬粉好爽口，湯底唔會死咸，而且幾好食！ 分量足夠，杯奶茶都唔錯！

今日去完近期大熱嘅中環街市 又想食平d🤭黎之前已經做定功課喺街市對面 有性價比高嘅越南菜咁就唔焗住係入面食dinner~ 😛.🌟越南生牛肉河粉 ($63)生牛河份量十足🍜河粉夠滑 而且唔會吸晒啲湯搞到d麵發脹而且生牛肉仲有切成薄片 味道鮮嫩 我亦都幾鍾意佢嘅湯底👍🏻.🌟會安豬頸肉配金鳳絲苗 ($72)至於呢個豬頸肉亦都係切到薄薄一片 所以食到旁邊仲有d焦香同少少脆口😋切到薄片唔代表佢份量少 豬頸肉仲附上蔥油 非常惹味好好送飯 .套餐仲會包埋一杯熱飲☕我哋點左熱奶茶同熱朱古力喺中環黎講呢個價錢都算係物超所值🤓

打工仔平時食中午飯已經好趕時間，不嬲都有時會幫襯呢間餐廳。但因為比較多人等，如果到舖頭先再叫外賣起碼要等20分鐘，有時叫個雞翼河粉都唔知點解要等好耐，所以有時都會打定電話叫外賣。今日我打去叫外賣嘅時候，正常咁叫個豬頸肉飯，跟住個姐姐竟然同我講叫號碼啦，叫號碼快啲呀，k0005(佢講完我都唔係好記得個no.)果下心入邊即刻燥左，大佬呀我係你間餐廳度打工架？鬼知咩number咩。呢度嘢食味道係OK，所以先不時會幫襯，但員工態度有個女人真係西西地，好多時等緊外賣嘅時候見到佢對其他客人都係呼呼喝喝，又愛理不理，都係食個飯仲要受氣，唔知以為排緊澳牛。

今日放工之後好肚餓，所以就過咗嚟食返個下午茶當係early dinner😊😊因為都真係好鍾意食越南野，又好耐冇食越南河粉，所以就叫咗個綜合可惜，就好似出邊嗰啲火車頭咁樣，有牛筋牛腩等等嘅材料，都好好食㗎。因為有啲熱氣所以呢就買咗個椰青，一上嚟真係嚇親成塊面咁大。入邊仲有好多椰子肉添，飲完都好飽，同埋非常之清甜唔係街邊嗰啲平嘢，所以加$20自己覺得都唔錯。另外就加咗一個小食係炸蝦餅，可惜今日冇粉卷，如果唔係下次都想試吓。總結來講覺得呢一間係不錯嘅越南餐廳下次過去中環街市飲嘢之前都可以過嚟再食

雖然舖頭名係Pho，但OT完實在太肚餓，要食個飯先夠頂肚，仲要一個人食曬三件粉卷你就知我有幾肚餓/知我有幾大食🙈啦。🌖C12 豬頸肉拼金沙肋排飯 $85食肉獸出動！一次過食到豬頸肉同金沙肋排，咁就可以慳返唔洗叫金沙肉排做追加小食，同時可以叫另一樣小食，一個人一餐都食到三款餸菜，係咪好醒目先😎。豬頸肉同肋排都唔會太肥，豬頸肉外層焦香；肋排唔會有鬆肉粉味，骨頭好易就甩到出黎，不過味道稍鹹。套餐C2個飯寫明係金鳳絲苗，好有理由相信套餐C12 都係用一樣嘅飯～係唔係都好，個飯都係好食嘅，米飯🍚粒粒分明，唔會水份太多爛溶溶，而且砌到成個金字塔咁，係外形上都有落足心機。🌕安南手作粉卷（3件） 追加小食$22完全打破晒我都有粉卷嘅印象！皮雖然唔算薄，但上枱熱辣辣，包住沙葛切、木耳、甘荀、豬肉碎，以五香粉同胡椒等調味，餡料清爽得來又夠味！呢個真係必點呀！🌗利賓納紅毛丹冰 跟餐轉特飲+$12新奇組合梗係要order 黎試下！紅毛丹唔單止有紅毛丹，入面仲塞左菠蘿🍍；利賓納令到紅毛丹染左少少色，overall 無話特別夾但又唔會奇怪。🤵🏻服務超到位！真係要比啲掌聲老闆👏🏻👏🏻👏🏻！基本上老闆一個人已經可以打

中環難找食相信無人不知，還是晚上加班放工之後，路過一間越式料理餐廳，看著越式小食和飲品，菜式較巿面的供應為少，所就決定入座，確實味道做得不錯，好讓自己吃個美食，飲杯甜品的飲品，好好享樂一下。******************************真的沒想到，放工加班後的時間，這間越式料理餐廳嗚越，不在大街之上都如此滿座。晚巿餐牌很簡單，就只有晚餐選擇，包熱飲一杯，凍飲要加HKD3，特飲只需加HKD12。此外，還可追加小食都是幾十蚊。單看晚餐主食，還不是一般越式餐廳所吃的食物配搭，有其吸引力，價錢都由HKD63至HKD88，連飲品HKD100 都不要，以晚巿收費確實抵食，所以追加小食和轉配特飲都物超所值。單是飲品，越式飲品選擇也不少，還有越式滴漏咖啡和椰青，晚巿轉配，加點錢都是可以。雖然飲品名字和泰國的飲品一樣，但其實食材上配搭有點出入。椰汁三色冰，晚巿轉配加HKD12，和泰式不同的是以紅綠豆配青色棵條，不是三色棵條的椰汁冰。這杯椰汁三色冰又大大杯，喝上口又潤喉，紅綠豆和棵條份量也不少，喝上一整杯都幾飽肚，就算吃了炸物或帶辣小食，都一樣無有怕。追加小食，越式炸生蠔 HKD22，炸生蠔

同大家介紹下呢間越南野，必須要推介嘅生牛肉湯河，食住個陣見住幾個人都叫外賣叫呢個拎走左。做得生牛肉河先決條件係牛肉要夠新鮮同靚，唔係好易肚痛同有味，呢間嘅完全係又薄又軟熟，好正，加上湯係好厚好香甜，完全令我回想起越南旅行嘅回憶！平時我都會食開豬頸肉飯，今晚就拼個金莎骨試下，都焦香好味嘅，不過懶人既我更愛全豬頸肉，因為幼細一條條食好方便同脆卜卜😋另外仲叫左泰式鳳爪，酸酸甜甜，呢款仲係無骨嘅，食落好方便唔洗吐骨👏🏻👏🏻☺️ 價錢算係ok，晚市同午市都係套餐跟野飲的，飲左椰汁涼粉冰同埋菊花蜜，推介飲椰汁嘅特飲，比較清涼好爽😆唯一要留意嘅係坐近門口的話，外賣客出出入入有機會比較熱，如果可以坐入點會涼爽啲。整體黎講呢間性價比都好高嘅，中午外賣仲有折添👏🏻👏🏻👍🏻

位於中環橫街的一家越式餐廳，以中環的價錢來說，這個價錢相當合理，而且份量剛好。晚市選擇不多，就是餐牌上的14款套餐，湯粉撈麵或是飯；另一邊全部都是飲品，越式飲料。晚市套餐：清萊手撕雞絲配越南扎肉湯檬粉大大個湯麵碗，但雞絲及麵條不多。湯檬粉掛湯。湯底清清淡淡，味道鮮甜，上面還有生洋蔥、蔥花、芽菜、香葉等，扎肉則是很厚實的那種，吃的時候更添口感及嚼勁。追加小食：串燒雞肉三串串燒雞，新鮮由油鍋撈起的雞肉，外層掃的肉串淋上沙嗲汁後，更香口惹味。越式特飲：青檸薏米水薏米水帶消暑、祛濕的功效，最適合香港這些濕熱的天氣。味道清新，加入了糖冬瓜，微微帶甜；沉底的薏米帶口感，惟兩薄片青檸的味道不突出，未能突顯青檸清香，如果厚一點的檸片更佳。