鳴門日本料理 (已結業)

什錦刺身什錦魚生飯廣島蠔什菜湯鍋-好好味餐前小食-雖然係藕片、味道OK軟殼蟹牛油果壽司-唔太肥膩、味道OK海鮮Pizza-OK好食海胆魷魚壽司-正﹗

從前(幾年前)還在牛頭角返工的時候,亦有來過此店用午膳,印象中沒有什麼好或者壞的感覺,應該是一般吧, 今日再來是因為太座來這樓上”沙龍”理髮,整完都成9點最就腳就係呢度, 晚餐亦不妨一試呀,就咁我們進來了並坐在最入面一排梳化卡位, 幾闊落可能因為時間不早的關係兩個人座四個人位都無乜所謂啩,我們點菜如下:1.)滑蛋炸豬扒飯-$62 主要係好耐無食過這飯了,叫來懷緬過去一下, 滑蛋汁OK但豬扒肉質似被抽脂似的,全瘦肉嚟嘅好硬淨下喎,米飯也是一樣比較硬身,而不是Q口, 同傳統日米有點距離,此套餐沒有供椰菜絲沙律而係問客人會否加$25就會有個”蟹籽沙律”,我們加了錢來了個”蟹籽沙律”沙律份量都算足,但蟹籽沙律落漏了”粟米粒粒”呀,算了吧, 它只是收$62個餐,如果收一百就投訴去佢老闆度了,2.)火炙三文魚壽司- 兩件, 味道同口感都OK3.)秋刀魚刺身半條-$98 半條只得四件, 沒有配鮮磨薑茸只有青介辣,魚嘅切法有點”摸不著頭腦”半條魚柳一開四, 睇起嚟隻碟好長, 冰碎好多, 魚只有四片加埋魚頭還占不了碟的一半, 這是”關東”定”關西”嘅擺法唔太清楚,只係用一般思維去推敲的話就會話被人偷食了

約咗兩個都鐘意食壽司的朋友去此店共聚也大飽一餐, 我地叫咗三文魚生(好厚, 多吃有點膩), 鰻魚卷(d飯散散地, 有點腥), 我喜歡吃軟殼蟹卷, 不過都係一般, 又係有點腥, 料不太足夠) 而吞拿魚和墨魚壽司都新鮮, 大蝦天婦羅算是今晚最喜歡的食物。最後食埋個紅豆雪糕(太甜), d紅豆大粒d就好啦! 讚賞的是服務不錯, 我地坐左成三個鐘, 服務員都有禮貌, 不會好黑面咁要我們走, 不過這裡位真係少, 所以同朋友傾計都係找另一地方好d!

朋友生日決定食豪啲 朋友話牛頭角有間鳴門果度啲野幾好食下 於是就去左果度~問朋友點解唔去megabox果間(記得megabox都有間鳴門) 果陣先知原來兩間係冇關係架而小妹係寫緊嘅觀塘牛頭角道果間鳴門一入到去店員就即刻笑住行過黎問幾多位 好有禮貌朋友果然冇介紹錯啲野食真係好好味 凍柚子茶 凍冰冰好夠味有好多柚子肉係低飲到最低我嫌佢甜得擠~帆立貝黃金燒: 有芝士同埋金菇放係帆立貝度一齊燒 燒好出黎d芝士金黃色+小小黑色憹儂地好惹味 但係食到最尾個帆立貝反而冇芝士咁好味!海鮮冷稻庭烏冬: 稻庭烏冬好彈好煙韌 入面有三文魚北寄貝蟹d柳青瓜絲八爪魚 仲有個辣辣地又甜甜地嘅汁鋪底 立魚刺身薄切(配洋風汁): 立魚剌身質感適中, 唔會太lum又唔係太韌 個汁甜甜辣辣同海鮮冷稻庭烏冬個汁一樣軟殼蟹炒飯: 因為實在太香所以搞到平時唔中意食軟殼蟹嘅我都心思思忍唔住食左兩舊 炒飯入面加左啲蟹籽 食嘅時候"扑扑"聲好得意三文魚刺身: 大大件厚切份量又多 一啖食一舊真係有啲難度! 其實都幾貴下 不過咁嘅價錢食又好食又有水準嘅野, 都算抵食嘅~下次有機會一定會带爸爸媽媽去試下~

已經係成個月之前, 但遲到好過冇到, 後補一個食評.呢間餐廳因為喺我公司附近, 有時lunch都會黎食下, 今次就下佢dinner.叫左4樣野食, 刺身拼盤, 新鮮好味~/5分五目鰻魚飯~呢個係凍食, 有子薑係裡面, 好好笑~/5分呢個係我叫左好多次, 但殷到次次都好喜歡食嘅滑蛋鰻魚飯, 諗起就想食~/5分炸雞軟骨, 香人野, 最愛~/5分

今日陪男友去聯合醫院探佢婆婆,之後搵間餐廳醫肚,隨街用「艾瘋」search Openrice,就俾我地搵到呢間日本餐廳,我地order咗幾款食物,有夢之戀、滑蛋豬扒飯、滑蛋雞肉飯、嗚門海鮮鍋(辣辣地好野味)、刺身拼盤、燒明太子雞翼(我覺得好咸,送酒會適合d)、味噌焗廣島蠔(個味幾match)。食到好飽,準備埋單既時候,就俾我地見到前DJ 歐陽德勛和前歌手 蔡立

今晚放工過左黎呢邊食日本野, 呢到有2間日本野有近, 一間呢間鳴門另一間就喺斜對面, 結果我地揀左呢間試食, 店內環境細, 枱與枱之間好有壓迫感, 定食價錢都偏貴$60up, 雖然話晚巿但包既野唔多, 前菜並唔係日本料既前菜, 係大豆芽配啲紅蘿蔔(凍食), 麵豉湯偏咸一啲麵豉味都冇, 冇餐飲只得熱茶一杯, 然後就係定食配白飯刺身飯 - 8-10款刺身, 但某幾款刺身係唔太新鮮錆魚定食 - 魚皮鹽燒, 魚肉一啲味都冇, 配以白飯

想食日本菜，觀塘區雖有幾間，但食評都只是一般，見到這間好似ok喎，辜且一試，又真係幾好喎親子三文魚生飯定食 - 三文魚好鮮甜，無雪味，三文魚子亦唔鯹親子三色飯定食 - 三文魚切得好厚，海膽很新鮮，墨魚亦很爽口，一個字：正壽司定食 - 八件，好精緻，份量不算大，但魚生款款新鮮什錦天婦羅 - 好大份，有三隻蝦,南瓜,蕃薯,青椒,冬菇,茄子，好抵食每份定食包前菜，麵豉湯和一份小食；是日前菜為牛脷，小食我們選了一件軟殼蟹手巻, 一份燒三文魚腩,一份粟米沙律，全部都好食剛吃完，侍應即遞上甜品 - 雪糕糯米磁，服務都算幾好幾貼總括而言，可以再試

下班在地鐵上才想找晚餐地點, Openrice經手機搜尋的結果中選中這小店1) 什錦刺身(上)http://i78.photobucket.com/albums/j109/tamalemon/openrice/kowlooneast/Naruto/DSC03466.jpg百二蚊, 在平民居酒屋中不算便宜。 吃得出受制於材料, 説明了這是入門套餐。 但店家用心的準備材料, 所以效果一點驚喜也沒有, 但亦做到發揮材料的味道。 十二件裝的刺身, 除開是$10一件, 也算一切合乎了百二蚊的水準有餘。至少跟"乞矢島"超市刺身一比, 便絕不算貴就是了。 刺身吃的不就是一份用心, 細心, 和安心嗎?2) 燒明太子雞亦 及 石頭鍋飯http://i78.photobucket.com/albums/j109/tamalemon/openrice/kowlooneast/Naruto/DSC03470.jpg這個燒明太子雞亦, 抵讚。但石頭鍋飯可能擺左一陣至食, 唔掂。 3) 燒羊扒http://i78.photobucket.com/albums/j109/tamalemon/openrice/ko

係屋企無端端好hungry叫左滑蛋豬扒飯同鰻魚飯外賣叫完睇左陣食評門鐘就響我肯定10分鐘刀無!!!滑蛋豬扒飯$28-滑蛋好滑,如果多d就好-d飯多到食唔哂-豬扒刀好大塊,條邊仲脆脆地鰻魚飯$35-鰻魚好軟熟,食得出岩岩燒出尼-仲搭左舊甜蛋同2隻冬菇菇-鰻魚汁好夠! (個底淋左層鰻魚汁先鋪飯,好聰明既做法!夠汁得尼又唔會變左做泡飯XD)

又係同朋友慶祝生日，為方便佢係觀塘返工，係觀塘搵食，哩間佢只係食過lunch，今次試試晚餐先。一行四人一早卜咗位，鋪仔細細，只有最入的一張長卡位。三文魚卷、鰻魚卷、烏冬鍋、金菇牛肉卷、沙律、明太子釀雞翼、火炙壽司、雞翼串等，樣樣都唔錯，最好味係鰻魚卷，食完好想再食服務好好，有效率有禮貌，係一間有心的小店，埋單時有得抽獎，d禮物都幾吸引ga，由壽星囡一轉，轉到六支細YOU C1000，個個有得飲永不落空

上一次跟朋友到鳴門巳經是二個月前的事了,今次我約了幾個朋友再去,我們每次例牌都會order*鳴門剌身飯-不同的剌身(好新鮮)*鳴門海鮮鍋(少少辣好味),*一板海胆剌身(有4件寿司飯自己DIY有得食/有得玩)幾好 都是$78 算平,*燒牛舌都ok,*試了{和牛肩肉一爐兩食},有菜/牛肩肉,要自己煮的,好特別,有好多不同的調味料提供,好大陣仗的, *廣島蚝什菜湯鍋-有6隻蚝(好鮮甜),個湯底是立魚湯----好奶色,好味(值得推介)(最後還試了老板親手做的甜品).....牛乳奶凍........原來是............ 非常好吃的,好重奶味, 好滑- 有驚喜-侍應姐姐話不是日日都有的, 最好是預訂

肥豬俾人激親，就等我請肥豬食飽飽消消氣啦！肥豬話試下鳴門喎，好主意！當時大約差不多8:20pm度去到，唔算太多人，兩個人可坐四人檯。本來想叫套餐，不過個二人套餐唔係咁岩食，於是就決定散叫。我地食左：鳴門刺身飯($72) – 有兩大塊三文魚、玉子、一隻牡丹蝦、一隻帶子、油甘魚(應該係)，仲有一條條透明的(唔知叫乜野，哈…)同埋蟹子！刺身幾新鮮，三文魚夠油潤，好味！咁o既價錢，都算抵食！鍋燒烏冬($60) – 烏冬係比較扁身個隻，有鳴門卷、一隻天婦羅蝦、雞肉、大蔥、金菇，仲有一隻蛋打左入去添！哩個鍋燒烏冬都幾飽肚，個湯又好好飲，令到個烏冬唔會淡茂茂。燒明太子雞翼($38) – 一客有兩隻，size細左小小。明太子釀左入雞翼裡面，有點辣辣地，幾特別架。待應態度好好，會主動加茶，又快手清左檯面的吉碟／碗。埋單$170，連加一$187，我齊頭俾$190。晌觀塘哩個舊區難得有一間賣日本菜的餐廳默默耕耘，雖則當然就唔可以講得上係正宗，不過都值得鼓勵啦！哩間都會返兜~~(相片質素不太好，請見諒)鳴門website: http://www.hkwm.com/restaurant/hk-sushi/new

記得幾年前食過一次，但沒甚麼印象，今天剛好經過，想不到吃甚麼，結果再來這裡。蟹皇粥：驚喜之作，一碗有整隻細蟹，粥底鮮甜，不錯！海膽刺身：沒腥味，還有四件壽司飯和紫菜，自己DIY壽司，有得食有得玩，海膽壽司加青瓜絲一起吃，出奇地好食。燒羊扒：很新鮮，不錯，但羶味濃了些，而且好細件。串燒雞翼和雞軟骨：好味！總括來說，食物質素不錯，服務員有禮貌，吃得不多也不太飽，已幾乎近三百元，不太值，但在日本菜來說，這個價錢也是正常的吧。

今晚同媽咪食飯, 不考女家陣先知佢原來戒了生冷野, 所以今晚要食全熱葷燒秋刀魚 $48 : 我怕多骨, 所以無食, 媽咪話唔夠香; 魚身比較瘦, 但佢都幾喜歡囉 海鮮野菜石頭鍋飯 $75 :石頭飯從來係我既至愛, 熱辣辣加上大大窩上枱, 材料唔算豐富; 有三文魚, 蝦, 墨魚, 野菜等, 不是上等的海鮮, 飯微焦（但無飯焦,）味道也算不錯 南瓜, 蕃薯天婦羅 $45: 最快上枱的一味, 炸粉薄但唔夠香口, 有小小膩口感覺 焦糖吉士 $23 : 用甜甜的焦糖蓋了有小許濃味, 燉蛋夠滑, 吉士味不是太濃厚, 也pass 的 整體只是不過不失, 價錢同食物有點距離, 有機會下次試下既係壽司等食物