鴻星中菜 (已結業)

今晚諗住同個女慶祝, 唔介意食番餐好野, 點知極其失望....由於唔係太餓, 諗住貴精不貴多, 兩大一細叫左一個推介雞燉翅, 話足二兩翅, 講真唔多覺, 味道淡到... 美心跟餐既翅湯都好味過佢, 即係唔知唔記得落鹽定唔捨得落金華火腿....但係d 料都冇哂味, 又唔似煲唔夠時間, 都唔知係咪加水... 一個石頭魚湯, 亞女飲既, 一向水準; 石頭魚餃, 好似梅梅地(一向格蘭果間好d); 一碟翡冷翠(翠玉瓜上面有塊涷飽片), 預左好淡口; 最失敗係個推介北海道毛蟹講真我第一次食, 唔知又煋又梅係正常定隻蟹唔掂, 所以唔敢退貨, 不過食兩野已經想停, 個心好以後唔使再去.埋單一千零二十. 找錢仲放正喺張枱中間, 都唔知乜野係服務態度, 之後多謝都冇. 係去到門口個男經理最有禮貌同我地講多謝.

呢度好爆，訂了台都要等。服務態度都吾錯，今次點了特色點心，海馬餃，什麼翡翠餃。海馬餃:個樣走灑，吾同餐牌上0甘靚，食落有點油。翡翠餃:不外如是。不時有姐姐令住點心出來，圍圍問下要吾要。原本在點心紙上order得剛剛好，但見姐姐sell緊的想食既點心，所以最終over order

有親友結婚, 擺酒地點選左係呢度, 五小恭候, 八時入席已經唔會, 好彩九點多已經有得食, 個場D人好似好趕咁, D菜一碟一碟咁接住上, 哈哈...正合我意乳豬全體- 皮好脆, 肥膏唔多蝦仁炒螺片- 望個樣以為會係辣, 但食落又唔係, 同檯好多小朋友都食得, 蝦仁大大隻, 螺片無特別, 反而同炒既豆角幾青嫩爽口原隻帶子- 用刀叉上, 都幾大粒, 不過味略嫌淡兼唔夠熱炸蟹拑- 我既至愛, 肉質好彈牙, 連食兩隻不知幾滋味翅- 料幾足海斑- 蒸得剛好, 魚肉幾嫩滑鮑片花菇花膠- 花菇好厚肉, 整體唔錯鴛鴦飯- 試了白汁個邊, 味幾濃伊麵- 同檯小朋友食了啖話唔好食椰絲小白兔- 無食, 但今次小朋友就擦晒撻仔- 無食紅豆沙- 無食在此恭賀蕭生新婚愉快~~~

環境ok呀，好多水晶燈，係樓底矮左少少，同埋個廳好長好直，我地坐得後，就睇唔倒出面發生既野。服務也一般，侍應好快就分菜，有點壓迫感!仲問"有無邊個要？"而唔係"請問邊位要?"食物，整體來說都ok,有一些是新穎一點式菜式。鴻運乳豬全體--幾好鮮蟹肉竹笙翡翠--蟹肉好少，賣相一般蝦仁螺片--配豆角，很特別原隻帶子--係幾得意同好味，食完好漏呢雞絲翅--多料大海斑--幾好，好滑鮑脯花菇花膠--鮑片好少，偏細塊當紅脆燒雞--幾好鴛鴦飯、伊麵白兔仔棉花糖--差不多全檯都無食，本來我好期待的，但原來真係...因為好重揶油的"溢"味。蓮蓉tart仔--甜得黎好好味紅豆沙--唔錯

Service 差，食物味道普通，非常失望，不會再去！

見廣告話鴻星大閘蟹套餐又多又抵食, 於是琴晚一行4人去左海港城鴻星, 食生平第二次既大閘蟹, 7點入去,唔係好多枱有人, 個waitress 既服侍好週到, 有講有笑咁,唔錯唔錯; 之後等齊人(約8點)叫左個$1480既4人套餐, 漫長既"去飲"式晚飯正式開始....一開始食左蟹粉小籠包同兩輪(1王1后) 既大閘蟹後,足足等左大半個鐘, 個經理先走黎問你食唔食豉油雞, "我地個餐係食脆皮雞架喎" 我地唔明白,所以問經理"冇, 多左兩隻豉油雞出黎, 想睇下你地想唔想轉o者" 經理答嘩!脆皮雞貴過又好味過豉油雞, 咁即係搵我地笨o者, 打死都唔轉....又等多陣先有個翅黎, 但係黎既係兩碗不知名既羹, 個餐明明係燕窩蛋白燴翅喎, 點搞架, 脾氣開始黎...跟住食多成個鐘之後先黎條石斑, 一叉開, 仲有血色架喎, d肉黏住條骨, 擺明唔熟啦! 跟住叫個侍應黎換左佢, 點知佢夠膽死翻蒸俾返我!有冇搞錯呀! 魚點會翻蒸俾個客架! 咁大間酒樓咁做野既? 搵個經理理論, 佢應承蒸過一條俾我, 仲話15分鐘就得, 點知等左30分鐘都仲未有, 再催之下都要等多10分鐘... 食完之後望下個錶: 11點!

1) 鴻運乳豬全體脆卜卜，正！2) 鮮蟹肉竹笙翡翠好味！青青！唔錯！賣相都好靚！3) 紅糟蝦仁螺片我最鍾意喱味，少少辣，好味，加埋藕片，好爽口，勁好味！4) 上湯煎原隻帶子皇佢對我好好，比隻最大隻我。又唔韌喎！幾好！ 5) 瑤柱雞絲燴翅勁多料，獻汁剛剛好，好味！ 6) 金腿蒸大海斑蒸得剛剛好，魚肉好滑！ 7) 鮑脯花菇花膠筒勁好味！我最鍾意食花膠& 鮑片，鮑片一都唔韌。8) 當紅脆燒雞我冇食到，睇落都幾味呀！9) 鴛鴦炒飯、雙喜伊麵當然水準達標喇10) 良緣美 - 可愛小白兔喱個一向都係鴻星出色甜品，當然不負眾望。 - 蓮蓉pie甜，pie皮好鬆化 - 百年好合紅豆沙起沙，唔錯！喱度環境唔錯，侍應招呼週到，幾好！

早兩日佛誕，難得有一日假期，媽咪就約埋一班親戚出黎飲茶聚聚。媽咪就選擇左尖沙咀的鴻星，貪佢夠晒方便，個個都可以有車出到去。我地成班有10人，叫左20多樣點心，其中我覺得最好食o既有日芥牛柳粒、椒鹽軟殼蟹、流沙包同埋燒肉米。牛柳粒:好?，好有芥辣的味道，但又唔會太辣，正!軟殼蟹:炸得岩岩好，好脆，又夠羔，好食!流沙包餡真係好流，一咬開就流晒出黎，奶黃餡味道又夠濃、又香。燒肉米燒肉真係冇得彈，層皮勁脆，又唔會好似出面d酒樓咁，d皮連住一大舊肥膏，肥瘦岩岩好!其實其他點心都不錯，但呢幾樣真係本人的推介，大家不妨試試。另外，裝修完後感覺新左好多，坐得又舒服，waiter服務亦不錯，總之整體就好啦!!!

最近d 人係咁講集體回憶,阿公及媽打見到廣告,就話要食咩片兒面, 又話細個時成日食...咁於是就去了食啦,佢地食的野, 我大部份連聽都未聽過, 但都幾特別, 佢地話已經唔係好多地方有得食, 其中蟹肉片兒面真的幾特別, 面係黃色一片片, 好似我地平時食開的粟米片, 但浸係湯度, 仲有蟹肉, 口感非常過癮, d湯都好鮮甜另外仲有個骨香手撕雞, 上碟已經好靚, 雞肉又嫩, 而且香口, 好食雖然等位等得耐了少少, 但佢地都說值得的, 最緊要都係d老人家開心, 如果你想疼下你的家人, 都可以帶佢地回味一下以前的美食

是日同朋友lunch..剛在中午前到達,所以還可以立即有位..三個人..蒸糯米飯--一大籠,睇落冇乜料,但撈埋之後食,發覺好夠料,食落又唔太油,好食叉燒飽--普通鴨腳扎--唔好食,鴨腳冇味金錢肚蘿蔔--唔辣,蘿蔔吸收左汁料味道,'淋',牛肚都靚蟹粉小籠包--最差!要成$20粒,價錢都唔係問題,問題係佢唔值!!!蟹粉唔靚,唔好食!!石頭魚卷--非常少石頭魚肉,同沙律海鮮卷冇分別

有一次去紅磡鴻星食飯,完全無人招呼,經理,部長黑口黑面,打開茶壺蓋30分鐘都無人沖水,寫菜時經理一味叫你食貴嘢,到埋單都要20分鐘.總之以後都吳會再去!各位去之前請三思!三思!

屋企人提早做冬，有人揀了鴻星，自問對鴻星沒有太大好感，地方又迫，而且又唔抵食。有人負責點了一個$2,XXX套餐，先前每人送一杯淡而無味的石榴汁。最有水準就只有一碟四併盤有素鵝、炸豆腐、蜜汁燒鱔及燒腩仔，就有是燒鱔，蜜汁味好濃，又燒得香脆。而其他也不見得好食，例如：西洋菜湯-極重味精、蒸石班-肉質好”鞋”、煎魚餅-又硬又無味、麻辣海參-只有一“辣”、有碟半隻炸子雞半隻燒鵝併盤，雞較好有一點點，而隻鵝就”鞋烚烚”、排骨煲仔飯-沒有傳統的煲仔飯香，我寧願食街邊的煲仔食。還有飯後浸過糖水的生果、所謂出名的「白兔仔」、冇味的雪耳糖水。真係又貴又唔抵食。

We have dinner here tonight for 冬至. 一家三口. 要了兩個Shark Fin with 石頭魚soup ($188*2). Very nice and tasteful. 海參also very nice ($168 for 1/2 size). Then 1/2 fried chicken. The meat of the chicken is very good.. not dry at all. And one entree. alll comes up to $800. With this price, is so reasonable. Will try the alnobone set later. PS . But some of their sets and menus are different in different suburb

糯米飯睇落食水較深食落唔油又唔太鹹但配料份量較少盬焗雞批入味亦夠鹹但略嫌細隻左d

上個星期日一家四口去左鴻星食大閘蟹．味道好好．我地叫左一個４人大閘蟹餐，本來覺得好似貴左少少，但係個質素好好，連我個老爺咁識食都讚，千幾蚊都抵！其實佢地個餐都幾豐富：大閘蟹好肥好多膏，Ｄ膏仲好新鮮，隻隻五兩蟹都好足兩燕窩蛋白燴翅：甜甜地，做飯前甜品一流．蝦子鮑粒扒柚皮：鮑粒加柚皮原來係一個好新鮮的配答，好CREATIVE．玻璃蝦球：蝦好新鮮，加埋紅糟醬炒，好野味！蒸法國鰈魚：呢碟餸比我想像中差少少，用肉絲蒸有點膩蟹粉小籠包：好好食，肉質好滑，皮薄，多汁．好！