鴻星中菜 (瑞安中心) (已結業)

晚飯點了燒鵝+龍蝦伊麵套餐， $298。價格不貴所以期望也不高。但估唔到水準甚佳！ 龍蝦是波龍，鮮甜彈牙，並非雪藏貨。熟度亦啱啱好！伊麵亦帶濃濃的龍蝦味。 燒鵝皮脆肉嫩，整體嚟講實在喜出望外！平時好少寫食評，但今次鴻星真係抵讚抱歉唔記得影龍蝦伊麵。諗起要影相已經食曬

近年尾大家都想慶祝一番，但無得聚餐唯有叫外賣，平時都知道呢間野又貴食物又無咩特別，礙於地點問題照叫外賣（78折好吸引）番到上樓，份量打個5折吖！唔該晒！見到成千銀（未打折前）食D咁嘅嘢真係食慾大減！出名個明爐蜜汁叉燒又干有硬蘿蔔糕1片切開兩舊當兩位份量楊枝甘露無楊枝無西米得甘露（水一般的甘露）完全無質感無口感真係好失望！D嘢唔係唔洗錢架，$800食晏好貴架喇，可唔可以俾D心機做好D吖！不過算啦好難有下次

因疫情關係，加上限聚令，故今年冬至唯有order這間經常光顧的食肆為冬至而設的盤菜。揀選了價錢為$1,650的六人冬日盛宴，並贈送燒腩肉、生炒糯米飯及紅燒貢品飽魚，算是抵食。盤菜的餸料包括 : 鮑魚、柱甫、花膠、海參、豬手、北菇……等共20款，十分豐富，但筆者發覺可能因餸料太多，雖然已經淋上附送的鮑魚汁，但有些食材及隨後加的蘿蔔根本吸收不到醬汁的味道，而且雞肉鞋口、鴨亦帶有騷味，但糯米飯又偏鹹，較之在堂食，盤菜食物的味道明顯較遜色，是較人失望的一餐。

比較小寫中式食肆的食評，不是不愛中菜，只是常光顧的中式食館一直水準穩定，好似沒有甚麼好品評。就像這一間鴻星，週六晚與家人往吃蛇宴，但筆者不吃蛇，故冇嘢好寫亦只點了一客龍蝦伊麵作主菜🦞其實並不是signature dish，故味道普通，雖然龍蝦也算爽口彈牙，份量亦可以，卻稍嫌味道偏淡。倒是最後兩份甜品 : 燕麥蕃薯條，坊間比較小見，蕃薯切成小長條炸香再灑上麥片，香甜有咬口，雖然是炸，但一點也不油膩，感覺健康另一款麥片蛋散皇， 每件的份量比一般蛋散大幾十倍，好誇張四大件蛋散蛋味香濃，炸得十分鬆脆很有驚喜誰還敢批評中式甜品冇新意當然，若糖霜及糖漿可以分開給顧客自己隨意加減就更窩心

今日係「立冬」，又到咗食大閘蟹嘅時候，好耐冇食大閘蟹，今年一於去食蟹宴，我哋揀咗灣仔「鴻星中菜」食大閘蟹，我哋叫咗2個大閘蟹宴 $4381️⃣ 雪燕竹笙羹2️⃣ 大閘蟹(公) x 2 🦀🦀3️⃣ 大閘蟹(后) x 1 🦀4️⃣ 原隻鮑魚蝦仁5️⃣ 上湯薑絲灼菜遠6️⃣ 蟹粉小籠包7️⃣ 家嫂臘味飯8️⃣ 精美甜品9️⃣ 陳年彫皇整體來講：，今年d蟹🦀幾多膏，品質唔錯！另外，大閘蟹除咗食之外，還可以「砌」成圖片😁價格💰：$1,013.1 ($438 + $438 + 茗茶$30 + 花生魚仔$15 + 加一服務費$92.1)味道😋：OK

今日2人到這𥚃食午餐。酥皮义燒包，似一個有餡嘅菠蘿包，暖暖地，幾好味。石頭魚湯雲吞 $70，有8粒小雲吞，魚湯濃烈，吾錯。潤腸滑雞飯$88，潤腸有點酒香，雞都幾滑，但個飯就濕左d，爛爛地，口感不佳。炸鮻魚球$55，有8粒，魚肉打得吾夠彈牙，個蜆介汁太浠又冇乜蜆仔肉，這個好一般。豬仔豆沙包仔 $27，有3個，影下相就ok，但其實只是一個小的豆沙包仔，冇乜特別。埋單$330/2位，久不久食一次，都ok 嘅！

Please note that all these photos in this commentary are original without any editing at all.You know during this epidemic maybe sometimes it is better to stay home and just order takeaways. This time we ordered a 自選外賣套餐 for 2. We ordered 蜜汁叉燒 among the 燒味; 君度橙花骨 among the 小菜; and 竹笙野菌浸魚腐 among the veggies. The set came along with 2 bowls of plain rice. The price was $328 via online dining platform 外賣送. The price was cheaper if you chose to take it home on your own. Everything was well packed

近排叫得多外賣先知鴻星出左外賣二人餐，一款一菜一肉一湯就外賣送餐價$288，自取價$238。另一款兩肉一菜就外賣送餐價$328，自取價$298。我本身係食肉獸，又點左兩肉一菜，跟兩碗白飯。係手機程式落單就可以安坐office等飯食！黎到真係好聚手，份量真係超大！我就同同事落左樓下一齊野餐，呼吸下新鮮空氣，分享下中式美食！洋蔥煎牛柳，好厚身！好惹味。蜜汁叉燒，薄切，半肥瘦，正！外面蜜汁甜甜，而且唔似燒味舖落重味精。元貝鮮菇腐竹，呢個超大盒！腐竹多到滿瀉，有咬口得黎又唔會好硬！多汁，送飯一流呢！呢個份量，2個人真係食得好飽，真係有得encore！

中午訂咗檯都要等幾張，幾時有檯又唔知，道歉都無句，個部長重要好寸話訂檯只係優先俾檯並唔保證（獨特公司制度），訂檯時又唔講清楚。佢以為全灣仔得一間酒樓。咁既制度同態度，我以後都係揀其他酒樓好過。

我覺得灣仔的茶樓現在越來越少，想去舒服而又好吃的茶樓也少了選擇！見好耐無去鴻星，就去下！首先我推介的是金沙苦瓜條，非常之好吃，外面是香脆的咸蛋黃，裏面包住苦瓜，這個配答非常好，連我朋友平時不吃苦瓜，她也話好吃！跟著第二推介的是流沙奶黃煎堆仔，其實我平時不吃流沙的，但這個流沙煎堆非常好吃，好煙韌鬆軟，裡面留住奶皇，大家可以當甜品吃😍跟著生煎包，其他餃也不錯！食物水準keep 到👍🏻下次我會再去的！

喺灣仔搞完個passport又帶住BB車就搵間酒樓飲下茶 呢間酒樓地點都幾方便 天陰陰怕落雨 好彩有天橋連住行過去 入到去都唔洗等位 12點鐘 可能weekend啲人未咁早起身🤣原來依家仲有「超點 」先到「頂點」同「特點」遲啲可能多個「勁點」🤣都唔係好肚餓就叫咗一個炒飯套餐加兩個點心揚州炒飯 唔會太油膩 都算夠料 蝦 叉燒 加啲菜心莖 蔥花 味道一般 唔係好夠鑊氣 醃香牛展 係幾香幾好味 配酒一流蜜瓜包 兩個$30 賣相可愛 裡面係蜜瓜餡 夠香 唔會太膩 雷沙奶黃煎堆 皮有點太厚 奶黃不錯吃 夠熱 整體來說 餐廳環境闊落 灣仔會展附近來講這個價格也是正常 食物質素正常 蜜瓜包特別有驚喜 服務質素也是正常倉

因為要同長輩食飯所以特登去搵一間酒樓，又咁啱在旺角moko咁不如試下未去過嘅鴻星酒樓。我喺度諗係咪都係炒粉麵飯家常小菜吧！但下午三點鐘食小菜又好似有點過份，咁到底食咩好呢？不如試下點心拼盤同埋甜品，來到點心蒸完出嚟，質素算唔錯👌有皮嘅都算皮薄餡靚，嗰個甜品(忘了名稱可睇相)簡直抵到爛！咬落去又香口又脆又甜得嚟又唔令人覺得過火👍地方尚算闊落，環境整潔😊侍應效率亦都高，態度亦良好。所以如果飲茶，呢一個地方都係我會推薦嘅地方，而我自己亦都會再去

放lunch成班同事去飲茶係最正，因為一大班人可以唔洗就住就住，點到成枱點心都清得哂鴻星可能一黎地理位置唔算話太方便，二黎定價比同區其他酒樓高，所以午市都未見好爆棚。鴛鴦醬蒸蝦米腸粉 $46腸粉米漿好滑，配埋甜醬花生醬芝麻，唔係平平無奇嘅街頭美食芋絲春卷 $39熱辣辣炸出黎，夠哂香口，不過芋絲味就唔係好食到焗酥皮叉燒包 $46上菜時唔夠熱，所以酥皮林左，口感爭啲金沙涼瓜條 $65利申我係唔中意食苦瓜，但唯獨呢度嘅咸蛋苦瓜令我食到停唔到，兩種食材好夾，炸到好脆必嗌！蛋煎糯米雞 $46同事太中意食香口野，捨棄傳統蒸糯米雞。幾特別喎，不過又未至於脆到煲仔飯嗰啲飯焦貢棗糕 $15好抵食，又好好味芒果布甸 $28加花奶，簡直係由細食到大嘅酒樓甜品呢度啲芒果都幾多陳村粉蒸排骨 $46同腸粉一樣，滑溜溜排骨就有啲少😅雪菜肉絲炒年糕 $78年糕煙韌，不過雪菜太多，成碟野有啲太咸

office在附近, 這裡簡直就是我們的食堂，因為老闆最喜愛到這裡用膳，環境和招呼相當好，食物質素也不錯，尤其點心方面，很多特別款式，有些更是可愛動物造型，好像到現在也未完全試過每一款，至於今次試的這個甜點幾特別，黑白雙色，擺放成太極圖案，黑色是芝麻膏，白色則是椰汁膏，兩款也是我的至愛，好看又好吃😋

依間酒樓真係世外桃源，好食到傻咗！尤其係粉絲+勁大隻既海蝦，仲有燒鴨，果盤豬仔包好可愛，一隻大既豬入面仲有隻細既豬仔最最最好食係個燕麥蕃薯，外脆內軟，出面真係好難食到依個甜品果晚同屋企人去食，咁啱撞正有政府高層官員搞晚會慶祝退休，成個場好熱鬧！雖然我地間房係入面，十幾個親戚朋友一齊有少少逼，但酒樓做既啊姨呀叔都好好服務，態度又好，成日會走入黎睇下我地有咩需要，一啲都唔會因為出面有event就冷落咗我地。服務好好！