鴻興海鮮燒鵝食家

营业中

休息中

去開元朗搵朋友，當然要佢介紹我哋一啲平時無食過既餐廳啦！揸車去到屏山附近，見到呢間隱藏係村屋中間嘅飯店，仲有地方泊車添！當晚食咗幾個餸，小炒好香口，夠鑊氣，但都唔係太特別。不過最驚喜呢，就係呢個《南乳炸雞》啦！望落去好似好乾身、好熱氣咁，諗住淺嘗一舊，點知停唔到口。雖然佢睇落炸到好熱氣，但其實個皮好脆，裏便啲肉熱辣辣，好滑。睇得出大廚真係功力深厚，能夠炸到個雞外脆內軟，調味方面都做得好好，好香嘅南乳味，小小辣辣地，一試難忘呀！

今日同事介紹呢間比我，去到門口見有啲殘舊，茶餐廳格局，我們坐到卡位，牆上貼滿手寫菜色，其實都只係食個茶餐，叫個熱狗加熱檸水，食物好快到，熱檸水微澀，落少許糖，可接受！熱狗賣相唔錯，麵包有烘烤過，打開見有普通雞肉腸一條，蕃茄片同一條酸瓜（熱狗通常係用酸瓜醬，而家已經好少見熱狗用一條酸青瓜！）加沙律醬，咬落麵包脆口，肉腸只有咸味，若大條啲會更好味，蕃茄薄身，酸青瓜好正，好酸好爽！沙律醬微酸，好味！講真對呢度無祈望，反而有啲驚喜！覺得佢隻茶餐熱狗有誠意！地方真係唔算舒服，幸好都乾淨！通常唔去呢種中式食店嘅廁所，怕倒胃口，今次去了，除了係窄啲同踎廁之外，幾乾淨，亦有廁紙！女店員比較粗豪，有客問盆菜價，佢話無印傳單，叫個客人自己影低牆上嘅介紹！我們比錢時佢又唔記得同事食乜，又喝番佢返來問，只可以講個女店員唔係特登無禮貌，係粗魯人！呢度感覺食小菜飲啤酒嘅小廚，茶餐都唔錯！

其實食過好幾次，覺得呢度價錢合理，又有免費車位，所以雖然嚟親都有少少不愉快的感覺都仲比機會佢，但今日之後決定會將佢再暫停一排，唔想再受氣！一.服務員不論忙定得閒都係咁晦氣，真係好炆二.食物質素好唔平均，燒鵝好食，但燒肉好難食，叫中式牛柳，佢會比難咬到似擦膠嘅牛扒塊，個汁仲要超差！最嬲係今日，佢都算多客，知佢忙，好多位未執，算啦！有位就坐啦！佢間鋪好似仙境咁，勁重油煙味，我都算，食飽走啦！我兩個婆都唔係叫得多野，叫切雞燒肉例牌，嚟到咁好死，有雞脾，燒肉放底，d知一夾燒肉，每舊都有一半肥膏，肉都係唔得，我光波整好過佢，切雞叫可以啦！但今日最嬲係，追咗三次，等咗45分鐘嘅干燒伊麵不但一上台就傳嚟濃底味，仲要一食就已覺得咸，最後食咗一半就走！我今次一定要決心唔好再心軟！

十年無光顧既「鴻興飯店」，已經變成幾個鋪位既「鴻興海鮮燒鵝食家」。店內明顯比以前乾淨，光猛，但依然有好多食客喜歡坐街邊食，可以睇車，又可以食煙。我個人比較喜歡嘆冷氣，又唔鍾意食二手煙同食塵，所以次次都會走入鋪內食。西蘭花鮮魷，鮮魷幾新鮮，好味。四季豆黑椒牛柳粒，好好食，但食完碟底最少有4湯匙油。家鄉豆腐，味道都可以，但豆腐炸得太乾硬。蒜泥蒸大癩尿蝦，新鮮撈上黎$32元一隻，七吋左右大少，無羔。馬拉盞炒通菜，偏重口味，岩我。

鴻興位處屏山，一連四、五個舖位，仲有一個露天停車場係隔離，好似都唔細。雖然嗰魚缸唔大，但係都有十條、八條唔同大細嘅斑，地下就放咗幾個膠盆，有蝦、有蟹。大花蝦只係剩番兩隻，我哋一行三人，就揀咗六隻鬼蝦，用豉油皇煎，因為望落都幾大隻，$10一兩，共10兩，盛惠$100。盡頭嘅舖位，就係燒味嘅肉枱，老闆娘話燒肉靚，我哋就叫咗嗰燒肉拼燒鵝。返埋位，我哋再加碟啫啫通菜牛肉煲、炒斑球同八寶冬瓜粒湯，合共四餸一湯。燒肉拼燒鵝先到，先食一口燒肉，偏肥，入口有d油膩，皮脆，但偏硬，坦白講，撇除肥瘦問題不談，燒烤功夫一般，而且味道偏鹹，麻麻地；至於燒鵝，係下裝，唔太肥，皮唔算脆，但可以接受，肉質嫩滑，味道亦適中，唔會過鹹，比燒肉好食，$60一碟雙拼，可以接受。跟著係豉油皇煎鬼蝦，賣相一流，如果色澤再深d，仲靚；未食，都聞到豉油皇嘅香味，唔錯；隻蝦都好大隻，$100六隻，仲要係活蝦，抵食；入口，肉身爽，豉油皇亦入味，蓋過蝦嘅鮮味，但鬼蝦本身唔夠鮮味，用豉油皇煎就正好把鬼蝦嘅弱點掩蓋。嗰八寶冬瓜粒湯，真係好多料，除咗冬瓜外，仲有勝瓜、草菇、蔥、瘦肉、雞肉、火腿、鯪魚肉、蟹柳、蝦仔、魷魚鬚，可惜湯底唔夠清，有d

今日去咗朋友家中，由於同元朗市中心有一段距離，所以晚餐就叫咗外賣，朋友曾經叫過呢間，話味道唔錯，所以我哋就叫左：1.馬拉盞牛肉炒通菜2.豆豉雞3.炒貴刁大約半個鐘多啲已經送到嚟，豆豉雞好香味道夠濃，好夠鑊氣。馬拉盞牛肉炒通菜，都炒得唔錯，係略嫌馬拉盞味唔出！炒貴刁就超級大盒，唔太辣同淡咗少少！整體都唔錯！埋單$104

重陽節同幾個朋友入元朗行屏山文物徑，然後再去朋友屋企，佢又帶我o地o黎食脆皮燒腩肉，今次人多關係可以比上次食多幾樣小菜。入秋關係已有羊腩煲出場，6個人orded了一個細煲，加埋兩棵大生菜，分量十足，全煲最好味係冬菇，厚身彈牙而且吸晒d羊腩汁，羊腩亦炆得夠火喉。除了上次燒腩肉食完返尋未，今次再加多燒鵝同叉燒的中併盤，而今次燒腩肉皮都夠脆，但唔夠熱，燒鵝都係深井個d好食。雜菜煲又係好大煲，好香南乳味，又唔太咸。生炒骨就一般，不是十分突出；白灼西蘭花，雖然是白灼，都好夠味(落了味精都唔出奇)，最緊要係夠爽口。每碟分量都唔細，所以6個人5碟，都食到好飽。

朋友係附近住，介紹話依度d燒味係自家燒的，價錢又大眾化又好食。探佢之餘順路試o下。因為我o地6點鐘已經到，order碟燒豬腩肉，伙記話未燒起要等15分鐘，15分鐘後一碟新鮮即燒起的燒肉上台，第一次食即燒起的燒肉，熱辣辣之餘，層皮勁脆又鬆化，與剛剛中午去太興食的燒肉無得比。京都骨又係我推介，清炒西蘭花夠爽脆，不過落單時已叫佢少油，上台時都唔少。四個人食三碟小菜同兩支汽水，都係$110，去大排檔都唔得啦!