影片
营业时间
星期一至日
11:00 - 13:00
16:00 - 00:00
以上资料只供参考，请与餐厅确认详情
本身諗住去食 cafe Siam， 但係冇book到位，等𨋢嗰陣咁啱遇到cafe Siam嘅職員, 話畀我哋知 full booking。因為我哋冇book到位，就唯有另行覓食啦，就係咁去咗呢間 good luck thai food restaurant。同樣係泰國餐廳，又同樣喺蘭桂坊， 點解呢間得嗰小貓三兩隻， 不禁有啲懷疑食物質素係唔係信得過，又或者啲人都鍾意環境靚啲嘅餐廳？不過我就幾鍾意挑戰未知，環境固然重要，但好唔好味先係最緊要。 一入到去間餐廳， 首先見到啲裝修比較舊式，啲地磚少少污糟，其實感覺幾似去左泰國，而且好環保，因為成間餐廳都好昏暗。 個侍應 攞咗四本餐牌過嚟， 原來除左泰式仲有馬來西亞食物，各自有一本餐牌。不過，細心啲睇，其實啲食物好大同小異，大家都係咖哩為主。 結果因為泰式啲圖片色彩比較鮮豔就齋嗌泰式。Pad ThaiPad thai必然要嗌啦，最基本試得出間餐廳嘅水準。 個sauce係正常應有嘅味道，口感上略嫌有啲過濕，同事都話鍾意乾少少，可能係啲水落多左，但亦有機會係啲粉唔夠黏稠，之前喺泰國街市買過啲粉自己煮，確實係會乾身啲，不過都尚算接受到。 我嫌棄嘅係佢竟然冇落菜脯粒，而且炒嗰陣好似冇落蒜碎去爆香啲油，香味上大打折扣。炒通菜個炒通菜係我最欣賞嘅，啲菜係幾嫩，炒得夠入味，可以辣多少少。炭燒魷魚 個魷魚肉質幾彈牙，而且帶有炭燒嘅味道，點埋泰式酸辣汁，唔錯，值得推介。 青咖哩牛肉 最失望係呢味，味道唔過關, 唔夠正宗。 辣味不足，欠缺椰香，必然係落少左椰奶，食唔到泰式蘿勒嘅香味，最失敗係太鹹喇。 我一個外行人，如果你畀包泰國超市買嘅青咖哩醬，椰奶，同羅勒我，我都可以煮出正宗過呢度嘅味道。 煮嘢食好唔好味除左技巧，真係睇你有冇心有冇要求。 roti油餅 表層幾香脆，而且唔係太油膩，齋食唔點咖喱都夠香。
继续阅读
呢日，小有地黎到南丫島，對上一次應該十幾年前了，同BB和大班朋友來到這裡食泰菜，不過天氣成34度...唔緊要，我都食左D泰式風味既東西，就來介紹一下吧！其實叫左好多野的，不過因為天氣太熱，無哂心機....我食左咖哩蟹，好厚肉，同幾嫩口的。又由於咖哩蟹上有好多醬汁，所以又叫了Naan Bread加上醬汁來吃，無胃口的我也吃了兩片。泰式生蝦，小小酸辣，容易入口和醒胃，肉質彈牙，好o趙！不過下次唔好咁熱好嘛？？？
继续阅读
趁假日同老公入左南丫島郊遊，四處走走，由碼頭行左無幾耐，就見到「鴻運泰國美食」，有啲位係放喺戶外，好似幾好feel咁，所以決定閒逛完之後就食呢間。我地今次叫左4個餸，1份小食+2份主菜+1份蔬菜，1. 串燒沙爹（雞、牛、豬）我地叫左mix，所以雞、牛、豬都各有2串，啲肉醃得好入味，味道少少鹹，帶出左啲肉味，另會配埋碟沙爹醬！啲沙爹醬除左加左花生去之外，細味之下，似乎還帶有少少椰汁味，所以比普通沙爹醬更香。2. 香草辣椒蝦炒飯因為老公鍾意食泰式辣椒炒飯，所以我地叫左呢樣。老公話唔夠辣，未夠惹味，但我反而覺得幾啱我，甜甜地而又鹹鹹地嘅醬油味均勻分佈，加上泰式辣椒吊一吊味，層次幾豐富又醒胃。炒飯啲色澤比較淡，但唔影響味道！蝦嘅味道就唔係好出，可能係雪藏蝦掛。3. 泰式炒雜菜我同老公每次食泰菜都必定會叫嘅菜式。西蘭花、椰菜花、菜心、木耳、娃娃菜同泰式魚露共冶一爐。魚露太多就會太鹹，但佢就味道就調得適中！4. 粉絲蝦煲俾佢menu張相吸引而叫左，比想像中大份，3-4個人食都夠。成個煲有6件開邊大蝦，再加上大量粉絲，份量十足，而粉絲整得幾乾身，所以仲保持到幾有咬口，亦都抵讚！粉絲應該用左椰漿調味，少少甜，同我地想像中嘅味道有少少出入，我地仲以為會係類近沙爹味，鹹鹹地咁，始終覺得海鮮用鹹味，比較易引出鮮味。而啲蝦就不過不失啦，都算大隻，蝦肉都幾實淨，開邊煮前已挑走蝦腸，幾細心！不過蝦味都係唔出，蝦同粉絲亦可能因為分開煮嘅關係，未係好入味。最後，我想讚下啲服務，唔會催落單，見我地啲碟有蝦殼，唔使我地出聲，佢地已主動換碟俾我地！Waiter仲有問我地啲野好唔好食，味道點。睇得出佢地好有心了解食客的意見！
继续阅读
星期六去左南丫島行山，原本想由榕樹灣碼頭行去另一邊碼頭，由於太熱有33度，所以行左上山頂之後再行回榕樹灣食晚餐。我同朋友兩個人6點就開始食晚餐，餐廳有室內或室外的坐位選擇，由於我地行完山，所以選了室內位置坐，有冷氣及電視睇。由外籍人位做服務員，方便遊客點選菜式。我地點了3個餸，2個飲料及1個甜品。蝦醬通菜～～南丫島的蝦醬都好出名，用來炒通菜一流，再加少少辣椒絲，好野味，食落“索索”聲。夠新鮮。泰式蒸烏頭魚爐配冬蔭功湯～～冬蔭功湯料足又入味，鍾意食辣的我，一邊食魚一邊飲湯。魚肉質地比較結實，我把全條魚由頭食到落尾，魚頭魚骨也不放過。朋友見到都話我不會浪費食物。湯內有草菇及娃娃菜，由於菜已把魚及湯精華吸收了，所以特別好食。紅酒煄雞翼～～雞翼一放落枱就有一陣陣紅酒香味撲鼻，我立即食一隻先，炸過肉體比較實，配上紅酒做成汁，甜甜地好開胃，有些紅椒，腰果，蔥粒點綴，非常搶眼。飲料～～新鮮椰青可以解渴及清熱，另一杯是青檸流打，青檸酸酸，特別醒神。兩杯野飲對剛行完山我我地黎講，特別“正”。最後，甜品是芒果糯米飯～～廚師把芒果做成花葉，糯米做成花朵，而糯米煮得煙煙韌韌，食落好有口感，芒果又甜又新鮮。7點開始多人食晚飯，而我地已經食飽飯，預備坐船回中環了。下次行山可以再食。
继续阅读
經過星期一至五的工作折磨後, 在藍天白雲的日子決定讓大腦閉關,跟媽媽悠閒遊南丫島,落船後立即覓食, 之後才有力行山嘛在炎熱的天氣下, 最好是選擇開胃消暑的菜式所以從碼頭步出的一列海鮮餐廳這類較heavy的菜式 已剔出我們考慮範圍看到這間的餐牌好像很吸引,泰國菜都是酸酸辣辣, 應該較醒胃吧~~而且泰式餐廳通常一定有消暑必備飲品--- 椰青!!於是我們就一坐低, 就每人叫款冰凍飲品消消暑我揀了 冰凍椰青, 幫媽媽揀了 青檸梳打到食物方面, 見餐牌有咁多選擇, 花多眼亂反而唔知點揀好本身好想咖哩蟹, 但2個人實在會食唔晒, 而且會HEAVY 所以放棄揀下揀下, 唸到頭都大埋, 望到有set lunch , 內裏已包含 湯, 青菜, 多款小食 及飯,所以決定唔再花腦力去唸, 直接叫個豐富的set lunch 2個人share , 到時唔夠飽再叫一些小食冬蔭功湯雖然只是跟餐的湯, 但十分足料, 一湯碗都足夠分成2個飯碗份量內裡有蝦, 秀珍菇等材料酸辣度剛剛好, 聞落帶陣陣檸檬葉 香茅的清香, 很開胃上湯菜苗其實坊間很少set lunch會有菜食, 這樣實在不太健康的~~有時還要另外特登叫一碟青菜, 又好唔划算所以實在很喜歡這個有青菜食的set lunch小食拼盤: 鮮海蝦餅+芝麻醬茄子(原為菠菜)+上素春卷蝦餅: 一口一件, 蝦餅很彈牙, 一點也不油膩春卷: 已切開, 容易食, 炸得很香口芝麻醬茄子: 還好是換了茄子, 本來不太喜歡菠菜的草青味香草辣椒雞肉炒飯落單後, 才發覺忘記同侍應講要小辣, 幸好食落也不算很辣,炒飯炒得算乾身, 雞肉也有不少重頭戲: 冰凍飲品冰凍椰青我十分喜歡飲椰青, 尤其是在東南亞旅行或香港夏天時,用來補充身體的水份及電解質, 是解暑妙品, 又低卡路里, 100毫升才19卡路里, 比起坊間用糖水調配的飲品健康得多一開個蓋, 滿滿的椰青水, 飲落實在透心涼青檸梳打不用多說, 望落已經覺得爽了其實梳打水是一種碳酸飲品, 當中液態的二氧化碳轉化為氣態的二氧化碳時, 會帶走體內的熱能, 達到降溫的效果, 如沒有加糖漿的話, 可說是較健康降溫的冰凍飲品之一話說這杯內的青檸角也有3-4粒,一般餐廳的可能只給一兩粒,所以整杯青檸梳打也很足料, 很夠味沒想到一個SET LUNCH 份量竟然那麼足, 竟然可以填飽2個人的胃!
继续阅读