鴻運車仔麵

营业中

休息中

下午茶15元一碗兩餸麵，還包一杯豆漿，好抵食。我最喜歡椰菜餃，好多菜，好爽口，蘿蔔又好甜，我每次都會吃蘿蔔，湯底好好味，令我一吃上癮，還可選擇咖喱汁，該店的咖哩汁夠辣，又夠香，配上粗麵一流。

今日行過長沙灣，見到鋪前人頭湧湧就同男朋友入去試下睇一睇價錢~唔貴喎仲見到有張紙貼出黎話下午茶係去到8:00~有豆漿送~正！今日同男朋友食左咖哩螺頭、蘿蔔、菜肉餃、貢丸片、燒賣、豬腸、雞翼非常之好味！！食到津津有味我見到老闆娘包菜肉餃，好俾心機。餃好有咬口，又多餡~正未食過貢丸片，第一次食覺得好特別，好美味~yummy雞翼好入味~蘿蔔又真係好甜喎~果然係亞洲首選咖哩螺頭辣得黎又好惹味，而家好少鋪頭有得食~總體黎講~真係好好下次一定會再去~

經開o個頭都會去食..佢地d豬紅好爽口,,蘿白好清甜..值得推介

今日唸住搵D老友食Lunch,點知落到車埸見到一個二個食跟車仔麵,重食到鬼死咁好味,佢地話真係幾正,叫我同條女去試.我叫左八爪丸-貢丸片-朱紅-蘿白-油麵-咖哩汁+可樂女朋友--九菜餃-沙爹牛肉-河粉-清湯+凍O茶 八爪丸--幾好 貢丸片--特別,未食過,香口 朱紅----勁正,又滑又好味 蘿白----O.K. 油麵----正常 咖哩汁--超正 九菜餃--薄皮 沙爹牛肉-都好正 凍O茶---普通

　　我和老公今晚路經呢間表面平凡的麵店，看見門口有碗仔翅賣，唔係好肚餓，但都想食．　　企了３０秒左右，一個女人同一個亞叔已經不停叫我地入去，重話佢地d野好好味，我老公出名食野麻煩，佢話即管試吓有幾好食．　　我叫了一碗翅，咖哩魷魚及咖哩螺頭，而我老公叫了豬紅，豬腸，蘿白，韮菜餃油麵．我鍾意食佢個咖哩汁，又香又夠辣(正),碗仔翅足料都O.K.,老公話D豬紅夠滑又夠味，豬腸就一般la，蘿白佢話真係好好味(清甜又無渣),而d餃子就好新鮮(因為個亞姐o係到包跟餃子). 我地估唔到一間唔出名麵店可以食到咁多好味的食物，真係一個驚喜，又唔貴，真係值得再食．　　　　

因為工作關係，我平時都會係度買車仔麵做lunch~~因為都幾好食但上次的經歷卻令我卻步我在外賣的車仔麵入面搵到一條毛.....一定不是頭髮吧...我即時想嘔...只能說服自己那是加拿大毛吧,比小強更恐怖我以後都不敢再買來

今日同表妹去食車仔麵~係我一生裡面食過最好味既~服務態度好~食物新鮮份量足~以後一定會再幫襯

行過深水埗永隆街, 朋友指著說這間的碗仔翅不俗,雖然我不吃, 但都陪下君子啦~我叫了一碗豆卜蘿蔔粗麵加沙嗲汁,豆卜平凡, 蘿蔔清甜, 沙嗲汁不甜又不辣,整碗東西平平無奇,幸而總算不過不失~$14 一碗, 過得去了!

呢間麵檔出面有特色既字..例如:英超聯車仔麵所以吸引左我入去食..佢D野食幾夠味..係我食過最好味既車仔麵店=)不過D豬腸就唔太掂...個個老闆幾傾得..D服務態度真係唔錯..佢D碗仔翅幾足料..唔算太"杰"..整體黎講真係唔差!

　　今日大約兩點幾，身在長沙灣，諗起附近有檔車仔麵幾好食的，就係呢間。但係起呢次就遇到ｄ不愉快經歷。　　我同埋一個朋友分別叫左兩碗麵，學生有豆漿送，車仔麵的味道不錯，而且我食的貢丸片同埋朋友食的豬紅，都覺得好味而家有特色。問題就出於豆漿果度，飲落去味道怪怪的，絕對不是正常的豆漿，飲後心覺得很不舒服，令到我地食完覺得好唔舒服。

我係長沙灣果頭返開教會，我差唔多每個星期日都去食1次! 講真! 咦間野真係又平又好食! 由其係佢ga豬紅，魚皮餃! 簡直冇得頂! 果到仲有撈車仔麵，好創新! 買滿30蚊仲有得叫外賣! 個老闆又傾得! 真係比個good佢!

我平時食開車仔面...昨天咁岩去試下...good ... 整體上好好味又平...之前我好鍾意去極之好食...雖然貴左少少但好味又有乜所謂...不過昨天去左呢間...我諗我唔去極之好...呢間好味..又平老闆又親切...魚皮教幾好喔翼尖都入味罹白係甜架>.< 正牛肚又"林"店員仲問我地覺得點...又話佢地豬紅好好味...拎左粒比我男友食...我男友食完話正...好清咁樣＠＠不過睇到以上既人有人一些劣評．．．好似．．．同我食果ｄ相反喎＞．＜

聽人地講呢間車仔面幾好味..今日就去左食喇..尋日睇完食評見到d人對呢度既評價一般..但系我覺得完全吾系咁囉!一入到去..個老闆已經親自招呼..圈緊車仔面d野食既時候..d牙姐已經睇你張paper圈咩就即叫煮果d人預備..所以野食好快送到..我要左油面+腩汁..豬紅+豬扒+翼尖..面煮完仍然食到油面獨有既味道..系近黎我食左咁多間之中比較好食既..而且亦爽口..吾錯!腩汁反而未算突出..佢仲送埋時菜系入面..今日系椰菜..呢個亦都吾太好食..豬紅爽口有味..好味!豬扒值得稱讚...同出面車仔面檔比起黎真系好好味..爽口..味道吾似出面既一味亂+糊椒導致難以入口..味道不濃不淡..好食!翼尖水準幾好..bf俾左d貢丸片我試..味道不錯..略遜既系炸得有dd過火..3個送$17+$5野飲...仲送豆漿tim..我1路食1路望住個老闆親自招待客人同介紹食物..真系幾好service..d牙姐1路包餃1路解釋佢d餃好味既原因...我諗下次去我刀要試下$10碗既水餃...

想試吓去ｄ新舖頭食車仔麵，唔使來來去去都係食個幾間。咁又剛行經鴻運，即管入去試吓咩料。叫公仔麵，餸有獅子狗、貢丸以及魚皮餃，加埋檸檬茶，盛惠$22。獅子狗好唔掂，黑黑咁，而且食到好大陣"窿"味。魚皮餃望落去好似溶溶爛爛咁，食落係唔係太有味。貢丸就只係得兩粒，仲係硬硬地，又唔彈牙，很一般。三個餸連飲品要成廿二蚊，比起我食開個間貴2蚊，仲冇咁好食，應該唔會有下次。

5/4(三) 1:30pm友人曾推介此店,今日自己一丁友食lunch,有機會試試.環境頗細,要左個2送米粉,豬腸及韭菜餃加腩汁,送油菜(椰菜)及豆漿都系$13,抵到無話可說!湯底沒特別,米粉反而頗滑!豬腸份量相當多,吾算濃味,但夠腍!韭菜餃3隻,餃皮似食緊魚翅餃多d,味道一般!椰菜夠甜!豆漿出奇地無渣兼豆香味濃!服務亦十分親切,咁既價錢,食得過!