鴻運餐廳小廚

营业中

休息中

今日去屋苑幫人補習，都知附近冇乜選擇，誤打誤撞入咗呢間茶記。環境同種類同普通茶記一樣，午餐常餐咁，但唔想食碟頭飯之下，叫咗碗麻辣雞絲米線，佢有分大中小辣嘅，我叫咗小辣但碗米線來到我已經覺得好似好辣咁喎其實我都估唔到一間茶記竟然碗米線都算幾出色，湯底野味，唔係得個辣字。配菜，豆卜，雞都好多，唔係得幾條。不過呢一個唔係餐黎，$45得碗米線，要加$10先有嘢飲，加埋都要$55，所以我都係無加到。但認真講，一間茶記呢碗米線真係算幾好，下次可以再食

話說8點左右落樓下叫左兩個外賣 等左15分鐘 入去問 佢就話外賣多要排隊 好啦 死死地氣等 最後35分鐘先拎到兩個飯 食物好唔好食唔講喇 等到谷鬼氣 食乜都唔好味喇 總之成件事就好嬲喇 好明顯你會見到佢地做左堂食單先 外賣單理得你死 叫佢吹下都懶得同你吹 就話係咁架 等下先喇 要去食就記得食堂食啊 仲之我就無下次你話你去問佢 佢幫去廚房問下都仲好 你一問佢 佢就直接同你講話 排緊隊 做緊 等等先 當你眼見遲過你入黎坐低個堂食客 食完埋單走 你個飯都仲排緊隊 真係激到你唔知好嬲定好笑。

基本上前身既翠麗快餐個名整得麻麻地，所以我都好耐無去落樓下食個呢間茶記。環境係比而前好左好多（起馬都乾淨左，坐得落人），伙記都幾好禮貌。今次就叫左個黑椒雞扒飯，本身就叫左汁另上，因為我個人就唔鐘意飯太多汁。點知佢唔記得左，佢一上到黎我心諗：嘩，呢個係湯飯黎架？Ｄ汁多到咁。如果鐘意多汁既人應該會幾鐘意食，因為其實味道係ＯＫ（當然係茶記STANDARD ），但我自己鐘意乾身飯就食得有Ｄ辛苦。好彩雞扒都幾好食，但係慘就慘在食完好GUILTY 我食左幾多CALORIES落肚呀。不過，茶記黎計都算不過不失架啦（如果汁有另上我分分鐘比個５星你）

屋企附近無咩食，想食早餐，都是一間茶餐廳，三十幾元有野飲，叫左個腸仔沙爹牛肉麵，都幾多牛，但麵比較唔爽，叫做不過不失。水準其實有待提升，但呢個價錢，都叫還可接受。

放假小休，想食下茶餐，就去左屋企附近既呢度，講平呢度唔算，可能呢度租金比較貴。不過，我叫個雙併既紅腸五香肉丁米份量幾大既。肉丁都比幾多，辣油都比到足，真正把辣肉丁既惹味同碗粉融入到。不過幾塊紅腸好像有d over左，比較硬，雖然都香口，但都幾美中不足。 總括來說，是合格既。

今日起身天清氣朗，星期六休休閒閒。最好落街食個港式早餐屋企附近呢間雖然唔係d咩連鎖茶記，但勝在夠方便。自選雙拼腸蛋麵熱檸茶盛惠$33。不過今日唔記得叫佢淥淋d鍾意食淋d嘅朋友仔記得叫佢淥淋d

住翠麗既好處⋯就係樓下有間茶餐廳。放假唔想煮早餐，訓到自然醒，就落鴻運餐廳小廚度食早餐同老公！我叫左沙嗲牛肉同餐肉米粉，飲熱杏霜，而老公叫左沙嗲牛肉同五香肉丁米粉，飲熱奶茶！味道不過不失，大眾化早餐，三十幾蚊，都抵食！

搞裝修d野真係搞到頭都大埋，成日都要走黎走去，真係好麻煩！搞到夜媽媽，都成9點幾啦！唯有睇下附近有咩開門先有野食∼搵到附近有間茶餐廳，打開Menu一睇，一個飯三十四蚊就有了？呢個時勢喎？叫左個男人的浪漫，豆腐火腩飯，我開頭仲諗衰野，個飯實好細啦，$34邊有咁抵呀！點知黎到，嘩！咁大碟既？豆腐數埋都成6，7件，火腩又點呢？火鍋都有6，7件。豆腐皮炸至金黃色，脆口，火腩無臭豬味，不是用平價豬喎！火腩都唔係好肥，雖然有肥膏，但肉的部分都多，$34係超值！

試過叫一個雞翼麵，d雞翼好似炸到生cancer咁 ,好黑好多油, 油多到浸住個雞翼， 唔知佢啲野係唔係比人食！？ 其實我本身住樓上, 十年可能食過五次, 因為實在太過差 . 喺屋企煮麵都好過佢呀...而且收費又唔係平。。。

工作中四圍去搵食，今日下午茶時間來到呢間茶記，地方幾大！坐到玻璃窗卡位，普通茶餐格局，下午茶餐唔啱食，所以叫個快餐，食物好快到！生炒牛肉飯：份量大，賣相唔得，一睇見就覺得啲料差，只有唔多雜豆同牛肉碎！（平時係牛肉配生菜絲！溫度啱夠，明顯係炒好放一段時間，顏色雖然好深，但味道淡，我要加調味先食到！唔好味！ 豉椒排骨河（$34）唔夠熱，好像求其淋啲汁上啲河粉度，河粉無炒過，排骨大件，骨大件，無乜味！味道其實唔錯，但溫度太低！時菜什會飯（$32）夠熱，全內臟都幾驚，好在唔腥！份量好大！好味！牛腩河：（$32）河粉比較粗糙，湯汁濃郁，牛腩帶啲肥，所以唔覺嚡，牛筋滑嘟嘟！汁好味！飲品要額外加$10（所以食物價錢平都唔代表抵食）不過枱面有清茶供應！熱檸茶：茶餐廳水準，茶味濃唔澀！店員比較冷淡，服務就好爽手！同事食燒味飯就話好味！好後叫呢款！

兩個人入去叫左個鹽焗雞飯加粟米石班飯, 雞無味 啖過白切雞, 沙彊熔 入面全部都係油 你點唔到仲要比得果少少你, 之後問佢取彊熔, 又係得果幾滴, 仲要有"醒"味的, 真係唔要好過要. 而粟米石班飯, 魚得 3舊咁大把個汁 仲要 漿到實, 例湯係送的, 真係送比你都唔好飲呀, 滾水加鼓油味. 

今日男友過黎搵我..之後會係附近搭車出去...所以係樓下餐聽食早餐!!!10點幾落到去...成間野都冇咩人...之後我地揀左角落位黎坐..望到個餐牌...原本都5平嫁!!!!我: 艇仔粥+炸兩+華田男友: 皮蛋瘦肉粥+糯米雞10分鐘左右la...d野食都黎晒la!!!皮蛋瘦肉粥 - 似水粥..稀到不得了..俾人食嫁咩??糯米雞 - 已經算好食..夠大隻..艇仔粥 - 稀到不得了...又冇味..似水..d料就係得浮面d豬皮同花生...咁其他le??炸兩 - 還可以..但就5太熱..華田 - 味道都還可以食個餐垃圾早餐....如果佢平既..都話是是但但者...但佢d價錢唔值lo~~2個人...total:$56

住係呢頭附近,平時無人煮飯,附近D食肆摺曬- -摺正呢間,就會貪方便黎呢間食野所以不嬲都有幫親呢間,講真呢間同一般茶餐廳差唔多,唯一好ge就係D燒臘幾好,同埋會送一個湯碗咁大ge例湯。其他ge就麻麻