鹿角巷

营业中

休息中

飲過幾次，覺得鹿角巷嘅黑糖珍珠鮮奶都唔差，不過黑糖味好似比早幾次就冇咁濃🤔🤔🤔🤔🤔，因為當你搞均左杯野飲之後，黑糖味就會變得薄弱🙈🙈🙈🙈不過啲珍珠真係食得出有黑糖味🙂🙂🙂🙂😝珍珠嘅份量就好多，而且係膠杯上可以見到清晰嘅黑糖紋，真係幾吸引😚珍珠帶餘溫，所以起初食時就比較軟👍🏻👍🏻👍🏻每次去尖沙咀分店，都要排30分鐘左右，如果要我再等半個鐘嘅話就不了🙈🙈🙈

呢間好似係開得比較早嘅黑糖鮮奶。見到啲人成日影相打卡同開咗咁耐都仲有人排就去試吓。嗰日去到條隊大約去到馬路口，排左大概30分鐘就拎到杯野飲。影相係幾靚嘅，不過飲落就真係冇乜特別。飲第一啖唔錯但之後越飲越甜，好彩咁細杯，唔係應該會好濟。

🇭🇰🇭🇰🇭🇰🇭🇰🇭🇰精明的消費者們 - 鹿頭手搖店☕️每每行過尖沙咀都會想起呢條從未減滅既人龍每次都比佢既人潮消減我增肥既意慾(如果去邊都要排阿肥應該叫阿瘦)早幾日係尖沙咀食完飯行過驚見條人龍唔算太長，即時比同行伴侶拉住排隊雖然條隊唔算長，但竟然都排左大約45分鐘阿肥都唔知幾時開始左呢股黑糖鮮奶熱潮仲有好多打正排頭過江龍/千呼萬喚 之類比較落後既阿肥諗極都唔明終於係前日試左標題顧名思義，消費者們其實好精明你好食好飲，人頭湧湧囉唔好食既，唔洗搞d咩好快就被淘汰好簡潔講黑糖珍珠好入味，唔爛容容，有咬口加埋凍鮮奶到陣味幾夾，而且冇咩冰所以冇點樣溝淡左杯飲品既味道阿肥幾欣賞佢☕️總括而言值得一試既手搖店好食指數：8.0 / 10抵食指數：7.0 / 10回頭指數: 7.0 / 10鹿角巷🏠:尖沙咀彌敦道27-33號良士大廈地下F舖。。。。。#drunklatte_尖沙咀 #drunklatte_手搖店#drunklatte_飲食

之前身處國外常在各社交媒體看到珍珠奶茶的蹤影，知道香港捲起一陣珍奶熱，想不到回來後這股熱潮還沒減退！當中有一家特別深刻的是以鹿作Logo的鹿角巷。🦌 是日趁著出來尖沙咀，打算試試這家人氣店，但萬萬想不到平日的非繁忙時間都這麼多人排隊，可能鹿角巷是沒有非繁忙時間的吧😝最後排隊到拿到飲品大概花了半個小時，我覺得還是可以接受😊這種排隊等食物的感覺真的久違了！🤣這款黑糖鹿丸鮮奶每人限定只可買2杯，可見為人氣飲品🙈 說回飲品，雖然是凍飲，但在未搖勻的時候可以嚐到最底暖暖的黑糖，感覺舒服。鹿丸，即是珍珠，口感很QQ軟滑。整體難以說特別，不過各種配搭份量適宜，又不會太甜，蠻好喝！😊

估唔到第一次寫評就要寫負評，真係不吐不快。因為打風同落大雨關係，排左30分鐘就買左2杯佢地鎮店黑糖珍珠奶飲。點知飲完即刻搞肚，仲要個肚痛得好緊要，柯左好多。要食藥。之後發現原來唔止得我地係咁!!有其他朋友都係相同情況。係大陸生活過既朋友甚至話呢間野係大陸出名伏店，根本無咩人會飲。唔知係咪d奶有問題 。我翻查過佢地fb page賴話係有人會飲鮮奶肚瀉都有"乳糖不耐症"，但係我同我朋友都係飲開牛奶嘅人自己係都有買明治奶黎飲!!而我地本身都係飲食好健康做開運動嘅人，身體都好正常。呢間周圍係廣受人知既channel都賣廣告賣得好行，但我唔想再有下一位受害者搞到身體唔健康。呢個價錢，呢個排隊時間，呢個疑似唔ok嘅衛生質素，大家買之前3思。

做完運動好口渴 就係附近搵左昵間野 聽講黑糖鹿丸珍奶好出名 所以見條龍隊咁長都照排大約排左9個字 終於到我啦 點知見到sold out 2個字係黑糖鹿丸隔離好失望呀 排左咁耐 冇得飲。最後叫左可可珍珠鮮奶 下次一定要早D黎！

30幾度既高溫。。。台式飲品真係開到成街都係最近大熱既呢間鹿角巷又點可以吾黎試下呢～放工同個同事出左去尖沙咀，已經見到好多人係門口排緊隊，既然一場黎到。。。排就排吧～排隊買加埋等佢製作。。。。足足要等成45分鍾今次我叫左黑糖鹿丸鮮奶珍珠等左咁耐，終於到喇，就咁睇個樣已經覺得好靚， 黑糖珍珠係我鍾意既口感， QQ 軟軟既，都幾有咬口，有淡淡既黑糖獨有香味， 鮮奶口感細滑， 雖然越飲會越覺得有d 偏甜,但整體黎講都係好飲既。。。下次經過吾洗排隊會再飲

出到尖沙咀，咁就要試試呢間成日排長龍嘅鹿角巷啦！究竟佢有咩咁吸引？於是我就試佢Top 1 嘅黑糖奶～ 包裝蓋係沉實寶藍色，都幾吸引到我，size唔算太大杯，飲落都有濃濃嘅淡奶味，珍珠好好咬，好煙韌，黑糖味唔算濃，飲完成杯會好飽肚

諗住開舖時間無甘多人去試下 但係去到未開舖就已經有人龍 前後計埋差唔多等一個鐘左右啦 因為orde晨曦要再等15mins 賣相可以 味道一般黑糖鹿丸鮮奶就正正常常 其實飲落就無乜特別 同其他舖差唔多 唔知點解會甘hit呢？

次次一出Isquare就會見到對面有條長龍,雖然多人排隊,但係都會抵唔住引誘,走過去排一次.排佐我足足45分鐘,先發現自己耐性驚人難得排到,當然要揀款最最最出名既黑糖鹿丸鮮奶同小鹿出抹.飲第一啖係好好飲..不過攪拌黑糖鹿丸鮮奶之後,鮮奶就越飲越滯.唯獨鹿丸珍珠夠好味,感覺好多蜜糖包住珍珠,再加上黑糖,就好好咬口.而小鹿出抹就當然綠茶味好出,不過有少少澀,仲飲到有一粒粒粉狀綠茶,莫非就甘用綠茶粉沖開?反而攪拌之後,一D奶味都無...都係好彩珍珠夠好味補救成件事!如果無人排隊,應該會再黎!

黑糖鹿丸鮮奶$28 黑糖好濃 溝埋鮮奶超好飲 跟住好好咬口 呢個價錢係貴左啲但係都值😆好飲過奶茶！盆栽奶茶$26 賣相好可愛 珍珠奶茶上面鋪左一層曲奇碎 但相對黑糖鮮奶來講就冇咩特別啦推薦大家飲黑糖鮮奶😍

🚩香港搵食 • 食在#尖沙咀 🔍🍃🍃🍃🍃🍃🍃🍃🍃🍃🍃🍃🍃🍃🍃👉🏻 黑糖鹿丸鮮奶 $28來自台灣的過江龍手搖飲品店😌😌黑糖味道香濃 珍珠有咬口 煙煙韌韌💯😋而且珍珠索曬黑糖味道 但一啲都唔膩喔😍😋😋由於飲品甜度受黑糖限制 所以冇得自由選擇甜度同冰量🚫不過呢 重點係!! 黑糖對女生好有益的喔 偶爾食下都唔錯嫁😚..🌈✨🌈✨🌈✨🌈✨🌈✨🌈✨🌈✨🌈✨🌈✨

今日同友人出開尖沙咀，就順道決定一試哩間人氣過江龍 台飲店：鹿角巷人氣果然唔係浪得虛名！！！雖然已開張一段日子，但熱潮一啲都無減！人龍好長，仲已經排到轉角位！不過既然專誠嚟到，都決定等落去。結果排左45-50分鐘左右，終於輪到我地啦！我地兩個都叫咗店中最signature既⭐️ 「黑糖鹿丸鮮奶」（$28）黑糖珍奶最緊要就係個 虎紋掛邊！未飲前，梗係要即刻相機飲先啦我揀咗「原糖」，朋友就揀「微糖」。如果好似我咁，係一個黑糖控！就一定要試「原糖」啦！店方教飲第一啖 ：飲管要直插到底飲咗先！之後可以除個人喜好，搖9下再飲！第一啖因為未攪勻，所以黑糖仍然微暖，而奶則是凍的，感覺會有啲怪。但係啲黑糖味真係好香濃！好正呀！珍珠口感亦非常煙un！之後就試下搖勻再飲，兩者真正融合後，味道原來都幾夾！ 不過搖勻後飲用，黑糖味會相對比第一啖時淡咗。可能再落多少少黑糖漿 ，預顧客搖勻後飲時，仍能保持其甜度/香濃度會更好！總括而言，如果要排45-50分鐘，尤其在夏天天氣咁熱嘅情況下排，的確有啲超過了！但待熱潮有啲減退，最多排15分鐘內，必然會再飲！！！

食完放題經過見到人龍頗短只有平時一半，就去排一下，誰知前後最尾竟然也等了45分鐘，破了之前自己話“絕不願意排超過20分鐘”的諾言，也辛苦了友人疲倦至極都肯陪我排長龍。到手的黑糖鹿丸鮮奶底部是暖的，第一啖黑糖味幾濃烈，搖晃後和鮮奶融合之後就不算重味了。珍珠軟韌，黑糖味道頗重，其實對我來說偏甜。整體口感順滑，奶味好香，但是近來發現自己越來越不喜歡太多珍珠阻礙我飲奶，總是想避開吸到珍珠。對我而言這杯珍奶是有些牛嚼牡丹了，或許下次應該點其他沒有珍珠的飲品(如果無須排隊的話，會有下次的)至於友人點的奇異果沙冰就非常清新開胃，底部依然好多珍珠，不過佢就對珍珠讚賞有加，看來僅僅是我過了癡迷珍珠的年紀結論依然是，不值得排超過20分鐘。

無時無刻都超多人排隊，記得要預留時間，今次排左50分鐘，終於可以試試。本身想叫少甜少冰，但店員見我第一次飲就建議正常，拎到飲品後會叫你唔好搞勻即刻飲，珍珠好重黑糖味、煙煙韌韌暖暖地，搞勻左之後就係杯鮮奶