麗都總廚 (已結業)

聖誕日晚我地就出發飛關島, 下午我地去佐屯門飲茶, 今次去佐新開既麗都總廚, 食物就來來去去都係果D野啦, 但係價錢超抵, 我地八個人飲茶, 叫佐十幾碟野, 埋單都只係$305, 傻架, 好鬼平.

20-1-2007晚飯我，男友，男友媽媽，男友妹妹，妹妹女兒，一行五人黎拾下拾下．１．食物－質素尚可接受，味道不錯．２．伙計－拾下拾下，叫佢攞少少野，叫幾次，心不在焉些甚麼呢？３．埋單－等咗好耐，計多兩樣食物既錢，叫佢翻單，有ｄ不滿．４．說話不清晰－女知客說：食滿$200就免一個鐘．大家以為如此類堆，點不知原來一張枱只送一個鐘．５．座位－較迫．

新開張之後都没有來過, 23/12七時多到來竟然無需等候, 即時入座, 真開心。一般麗都都以街坊裝修, 這兒的都可以稱為豪裝, 四人卡位有私人電視還附設衛星電視, 享受一流特價食物似乎已經是麗都的招牌, 是次點了半隻燒鵝$38, 燒鵝皮燒得有點過時, 黑了點, 但是仍是皮脆肉嫩, 鵝味重而且肉厚香身, 半隻的份量都不少, 不錯不錯. $4一兩的灼蝦大隻新鮮, 肉質結實而且鮮甜, 很好吃. 乳豬拼海哲$58算是餐牌中比較貴的一個, 乳豬的脆皮做得不錯, 肉又不是太咸, 晚市仍有如此脆皮乳豬, 真是不錯, 海哲則一般, 不太爽口而且味道太淡。另點了一客什菜煲, 這個煲真的很大很豐富, 味道清清的不太油, 如果菜不是煮得這麼腍便好了.Service都是一般吧, 有時落單亂了點, 點了2支汽水會送3支給你, 可能還未熟習吧! 下次可以再去食多次!

呢間酒樓啱啱新開, 諗住同d朋友去試吓啦, 點知真係食到一肚都係火, 人手完全唔夠, d人做野又求其,明明早兩日已經訂咗位, 去到又話無,攪刑要等成大半個鐘先有位,一碟餸由坐低追刑走, 結果都係無嚟到,明明200元一個鐘免費泊車,食咗600幾元,個部長居然剩係擺低兩張飛,同個待應講叫佢幫手搵個部長講講,佢話佢都係部長喎,咁叫佢跟,佢又話唔關佢事,攪咗好耐先至攞得番張飛,總之就超級唔掂,永遠blacklist啦

早前大人同朋友黎呢度飲過茶覺得幾OK,今晚同我黎試下晚飯。位置係以前百佳超市,地方算大,最特別有馬蹄型座位,每個卡位又有電視仔睇;另外呢度電視機超多,真係可以電視送飯!紅燒乳鴿:炸得幾靚,外皮好脆,乳鴿夠入味又有肉,呢個唔錯。腊味炒時蔬:分別有腊腸粒、潤腸粒、腊肉粒,三款腊味味道ok唔太肥,時蔬係白菜仔,份量一般,由於有腊味關係,呢個餸都好惹味;潮式煎蠔餅:份量夠大,蠔仔都幾多,而且幾肥美大隻,好處係洗得幾乾淨,無蠔殼嘛!成個餅炸得好脆,面頭個層真係脆到"慘"口,中間部份就係淋,味道麻麻啦,加上伴食個碟魚露好咸,呢個唔係太好;黑椒西芹炒牛柳粒:份量最迷你,唔知有無用到2條西芹呢??牛柳粒都幾大粒,雖然份量好少,但味道又不俗bor,成碟餸炒得好香口,西芹又好爽脆,如果大碟d就更好;腐乳汁鵝腸米線:呢個組合幾新鮮所以又試試,腐乳汁都幾辣,撈埋米線味道又幾特別,鵝腸口感爽脆,呢個一試無妨;鹵水鵝拼盤:1/4隻鹵水鵝、一隻蛋、一件豆腐。幾款鹵水食物都好夠味道,味道都幾好!鹵水鵝唔太肥,肉質幾軟唔會太老;蛋就一般啦,實的的左d;全餐最好味竟然係呢件豆腐!!因為用左布包豆腐黎做,所以好嫩滑,好似食

呢間酒樓十二月初先開...weekend 有機會同家人一試，重點如下:1.人手明顯唔夠: 晚飯時段, 竟然未執好檯就招呼客人入座, 幾污糟; 好難先搵到人落單, 添水, 埋單; 上菜, 埋單速度頗慢..2. 侍應頗生手: 本來expect 侍應會是熟手, 點知, 觀乎上菜, 換碟既表現, 幾肯定係生手; 更過份既係見到有上完菜既侍應, 一手捧著盛菜碟既盤, 另一隻手o係度傾電話!!3. 優惠不優惠: 有38蚊優惠(假日仲要加$10), 二至六位可選燒鵝半隻或清蒸班仔一條; 七點幾點菜, 蒸魚已售罄(我們六點九入座, 並冇聽到有關售罄既annoucement), 結果點左$48 半隻燒鵝...4. 通通售罄: 約八點, 陸續聽到各樣食物售罄, 包括燒鵝, 肥牛, 就連豆腐煲都冇!5. 酒樓格局: 好奇怪, 異常多長方檯, 對於多人食中餐小菜等極不便, 好難夾菜, 要經常將小菜換位!6. 味道: ok 既, 不過不失, 料都幾足!但礙於1-5 點, 勸大家姑且等多一段時間先去，因為呢間酒樓好似好多野都未ready 好以應付需求...

早兩日,聽見班friend話屯門開間,好旺,咪即刻走去試,果然門口人山人海,好彩我一早book定位.坐低,見做緊特價1蚊１隻雞,哽係要啦.再order d 刺身叫個孖餐,有大青班,燒鵝,重有１個電飯煲飯.跟住,睇埋D裝修,又正喎,個個卡位都有獨立電視,我睇見D電磁爐重有埋總廚logo,又幾得意.講番D食,雞同燒鵝都好正,青班有成斤重都好滑,刺身夠新鮮,煲飯有8碗咁多.飽哂肚,每人都是六十幾蚊.真係冇介紹錯.