麗香園冰室 (興華廣場)

营业中

休息中

朋友知我鍾意朱古力，話呢間既荷蘭谷咕好好飲~包我冇飲過咁濃既朱古力飲品就約左今晚帶我黎試下!地點係柴灣地鐵站附近，一去到係好光猛既冰室隔局，但6點幾去到竟然都要等位，見咁多人食都知應該幾正下!好彩等左陣就有位，朋友推介鮮茄焗炸雞脾飯，就叫黎試下，另外再叫左兩個小菜，當然唔少得專登為佢而黎既荷蘭谷咕!荷蘭谷咕首先一定要講我最期待既荷蘭谷咕先!一黎已經見到好濃既朱古力色~飲一啖真係非常驚喜!底層係暖暖地，吸一啖就飲到好濃好杰既朱古力，從來未試過飲一杯咁濃既朱古力飲品!感覺好似食緊一個朱古力甜品咁，朱古力控一定要叫呢個!如果嫌太濃可以溝一溝勻先或者飲一啖底層飲一啖面層，咁就有兩種唔同既感覺~鮮茄焗炸雞脾飯朋友推介!個人認為係焗豬扒飯既變奏版~只係將豬扒換成炸脾~焗飯有炒底，鮮茄醬夠多所以飯底唔會乾爭爭，雞脾好大隻，炸得好脆，雞肉醃得夠香又唔鞋，確係幾好食既!椒鹽鳳尾蝦其中一款晚餐，有湯有飯同飲品~湯要左羅宋湯，上檯熱辣辣又唔會過酸，唔錯! 椒鹽鳳尾蝦一黎已經聞到好香炸蒜味，一食落口真係狂讚~仲正過朋友推介個焗飯!D蝦炸過再落D椒鹽同辣椒一齊炒，又香又惹味!成隻擺左口，連殼都食埋，脆卜卜好香口

今日過去柴灣探朋友，之後朋友帶我來麗香園冰室食晚餐，朋友話呢間冰室好味道又經常好多人排隊。啖啖海南雞配油飯，雞肉真是啖啖肉一塊骨都冇，雞肉嫩滑又香雞皮又不會太多肥膏，油飯又香飯又軟熟又不會油膩，雞肉沾上醬汁更美味。韮黃蝦球炒滑蛋，韮黃配蛋一起炒好香，蛋又炒到好嫩滑，蝦仁又大大隻又爽口彈牙。清蒸紅鮪，好大條魚又肥美又新鮮，蒸魚火喉又控制得剛才好，蒸到魚肉嫩滑又鮮甜。柏薑菜心炒牛肉，菜心炒到好香又不會過老，牛肉又夠入味。紅豆冰粒粒紅豆好好味。

雖然訓教好重要，但偶爾都會想早啲起身地食個靚早餐港式茶餐廳既早餐真係香港名物，由細食到大都唔厭選擇多同大路，港式西式都有想就咁食個包，飲杯嘢又得個糯米雞望落好足料好想食但我又鐘意食多幾樣，唔想齋食一樣喎下次搵人同我share先再食最後我都係揀左港式茶餐廳必有既沙嗲牛肉仲配左多士同炒蛋最鐘意就係將個炒蛋放入沙嗲湯同啲粉麵一齊食而個牛油多士都要浸沙嗲湯再嗌多左個酥皮蛋撻我個人就鐘意食酥皮蛋撻多過牛油皮所以見到有酥皮揀就忍唔住嗌左個嚟食好鬆化既酥皮加埋好滑既蛋食落仲甜甜地，雖然唔係新鮮出爐，但都好好食偶爾返工前食個咁豐盛既早餐都幾正另外，不得不提嘅就係屋村茶餐廳有嘅人情味一路食一路聽到啲侍應同啲街坊講早晨好親切一起身食早餐食得舒服，人都開心啲

今日去開柴灣興華廣場, 原來新開左間餐廳見佢D set dinner 都啱食, 價錢又OK , 一於試下啦~夠多位又夠寬敞，坐得舒服有5款晚餐選擇，另有menu 主餐牌晚餐有餐湯及白飯是晚羅宋湯很濃味及足料~菜膽雞(例牌)$58雞肉鮮嫩入味又香滑, 抵食呀!雞湯汁又鮮甜!!! 送飯絕對OK晚餐的豉汁蒸倉魚條倉魚好新鮮!!!! 條魚眼仔突突~ 真係魚肉入口肉嫩鮮甜~~ 正呀, 我最鐘意食魚~推介呀~涼瓜炆牛肉好鐘意食涼瓜,  夏天人體火氣旺，吃苦瓜可以清熱起火、養顏美容，特別適合吃苦瓜，炒牛肉最perfect ~ 個汁好好送飯~跟餐可以優惠價換購特飲桂花烏龍冷泡茶加上彈彈的蜂蜜爆珠, 清涼解喝又有口感.

冰室熱潮未有減退跡象今天來到了柴灣的麗香園不知道跟已結業的佐敦麗香園有沒有關係晚上八時多到達仍有人在排隊門口阿姐以令人討厭的態度叫人排隊坐下後發現枱面仍濕漉漉雖叫冰室但有小菜焗飯扒餐等點了鮮茄焗原塊厚切豬扒飯賣相不錯出爐仍熱辣辣表面的芝士有點少但焗得透徹豬排有相當的厚度入口鬆化茄汁甜酸度適中炒飯底香口XO醬海鮮炒烏冬碎上味道不俗相當惹味海鮮份量不少不夠喉點了一份奶油多沒有失手就已經非常成功餐牌中赫見荷蘭唂咕這款經典飲料唂咕沒有奶喝起來較香濃苦澀喜歡純可可味道的朋友必點

是日義工團體係青年廣場聚會，之前就同朋友一齊黎到位於興華商場嘅「麗香園」食個飯。餐廳非常光猛，好有70年代香港情懷，門口裝潢仲好似巴士車廂咁，除左有一般茶餐廳嘅食物之外，門口仲有各式各樣嘅麵包同蛋撻買添。帶位個呀姐話鐵板好味，咁咪試下囉。我地叫左一個西冷扒一個雜扒，可以揀配飯，意粉同薯菜，汁方面就有燒汁，蒜茸或者黑椒汁。每份鐵板跟是日老火湯或者羅宋湯，同埋飲品一杯。羅宋湯: 呢度嘅羅宋湯好好飲好惹味。顏色，質感，口味都感覺到係豐料十足！味道有豐足香甜既菜蔬，飲完之後真係的確令人好回味。西冷扒:西冷扒都幾大塊，大約7成熟，肉身夠淋，入口幾juicy，咁嘅價錢有咁嘅質素真係算唔錯，配上黑椒汁同白飯，認真唔錯。雜扒:雜扒餐有牛扒，豬扒，雞扒，腸仔同埋煙肉，樣樣都有少少，真係開心，最值得一讚嘅係D雞扒非常嫩滑，配埋蒜茸汁，同埋香脆嘅薯條，真係完美組合。見呢度D蛋撻咁出名，同行朋友都叫左一個黎試下，新鮮出爐嘅蛋撻真係香噴噴，個皮熱得黎之餘內餡亦都相當鬆軟，非常好味。餐飲我地叫左熱檸茶同埋凍檸賓，為我地今日簡單嘅午餐劃上完美句號。

午餐時間嚟到柴灣呢個商場搵嘢食，見到呢間經典嘅冰室，門口有麵包同蛋撻櫃，令我想起小時候的冰室🥰🥰，咁梗係喺度開餐啦，午餐時間比較多人，排左一陣隊，不過都好快可以入座啦啖啖無骨海南雞配油飯🐔🐔🍚🍚顧名思義海南雞係冇骨嘅，咬落啖啖肉，調味非常出色，基本上唔需要點醬汁都覺得雞肉好入味，肉質嫩滑，油飯都一樣唔會太過油，有味飯令人可以更加開胃，例湯係霸王花湯，真材實料，唔會話淡茂茂，都幾好飲咖喱吉列豬扒飯🐖🐖🍚🍚呢款係港式嘅咖喱汁，同飯係分開上台，好處係自己想要加幾多咖喱汁完全自己話事，咖喱汁香而不會太辣，而個吉列豬扒都炸得好鬆脆，豬扒好大塊, 咬落保持到豬扒嘅肉汁，都好有水準爆脆炸雲吞😋😋每隻炸雲吞內都有一隻鮮蝦, 所以咬落除咗覺得外皮趣卜卜之外, 仲非常鮮味

前排興華商場裏面新開一間茶餐廳,就諗住一定要去試試,不過知道是新開張一定很好多人去吃，所以都係諗住過多一陣子先去吃，但是不知道這間餐廳是不是很好吃的原因長期很多人排隊，無論係早餐 午餐或晚餐都有一班捧場客，所以我都急不及待相約朋友在平日的晚上六時半較為少人的時候去吃，想不到六點半自覺還沒到晚餐時間應該沒有那麼多人但是入到餐廳內已經爆滿座！ 就座後職員都好快拎餐牌給我們看還介紹當中本餐廳嘅推介！我們看兩看很快決定點了兩個主菜一個小食和兩杯凍飲品鐵板西冷牛扒配薯菜配黑椒汁經典鐵板牛扒餐-現在很少茶餐廳可以吃到由鐵板呈上的牛扒，西冷牛扒過大塊濃郁牛味食落去很多肉汁鮮茄焗牛舌飯餐廳著名焗飯係即叫即焗-所以等候需時，飯係炒飯底鮮茄醬鋪面厚切牛脷，牛脷質地好軟熟唔會太韌咬不到麗香園炸雞髀招牌雞髀-店員說係即叫即炸等候需時，來到時候熱辣外皮黃金脆卜卜，雞肉很嫩滑多汁紅豆冰原粒紅豆，紅豆起沙之餘再配上牛奶的奶香，係一杯經典飲品荷蘭谷古比平時一般朱古力凍飲更香濃更有可可味道

今日在柴灣收工，晚餐時間當然要食埋飯先啦，記得上次食過間（麗香園冰室），好鬼抵食，和同事兩個人就決定去返食，同上次一樣都係要大排長龍，不過唔洗等好耐，大約十分鐘左右就有位，點左西冷牛扒餐有老火湯有野飲，四川麻辣口水雞和清炒時菜，飲品叫左芒果爆珠特飲，都係加十三蚊啫。先來個老火湯，雪耳大大隻個湯夠曬火喉好味。再來個口來雞，大大碟都係58蚊，雞肉新鮮嫩滑，麻辣醬汁入曬去雞肉，喜歡食辣一定鐘意。亞姐話最好賣既西冷牛扒到了，大大件叫左五成熟，新鮮牛肉夠 juicy，價錢唔貴超抵食，唔怪得最好賣。會再來食

麗香園,最近係柴灣開左鋪   商場門口就見到,收11PM,柴灣友救星柴灣好多餐廳一早就收,沒有太多選擇麗香園典型茶餐廳有鐵板,小炒,小菜,焗飯,常餐選擇都多,價錢由$50多起仲有是日精選,也不錯 老火湯,每日不同,味都算濃,略為油了一點紅湯湯料多,夠酸辣濃味,出奇地好飲 小菜菜心炒牛肉薑片太大片同多,薑味太重如改用薑絲同減份量比較好牛肉略乾身,整體水準一般,有進步空間 鐵板牛扒 &鐵板雜扒有選黑椒汁或蒜蓉汁可選飯或薯菜薯條係即炸,夠脆口,黑椒汁夠濃辣,但少了一份香味,配料仲有粟米粒同西蘭蔥份量超多,幾乎食唔完牛扒約有200克,加埋薯條食完好滿足牛肉無得選熟度,上到黎大約7成熟不過肉仍算嫩,肉味濃,用貨也不太差 鐵板有雞豬牛煙肉,薯條最具份量,雞扒肉厚,但醃既味道一般靠返個醬汁食都OK豬扒帶骨,食起來味道還好,牛扒是薄牛扒全熟純粹想過下口引,唔錯,份量十足焗豬排飯飯有炒底,蛋炒飯,但無乜味道,但番茄醬汁多撈飯食都唔錯,醬汁夠濃豬扒厚切有1CM ,焗得再香口一些會比較好食麗香園冰室 Lai Heung Yuen Cafe

午飯時見到朋友屋企附近開咗間新嘅茶餐廳裝修好似幾清新闊落 就行過去睇下啦凍西洋菜蜜大杯潤喉嚨 飲茶記最緊要梗係呢杯港式炸魚蛋煙韌爽口魚蛋 外脆內軟冇得彈 下次再嚟要再食煉奶牛油厚多士邪惡嘅必食港式小食 大大件超抵食紅豆冰紅豆冰都幾多紅豆淡淡都可以飲到好濃味嘅紅豆蓉不錯西多士西多士係好經典嘅入邊有花生醬外面嗰層蛋好香豬扒即食麵豬扒比想像中好食不是很乾身很大塊即食麵就普通，湯味還好炸雞翼雞翼炸得Ok，保留着雞翼嘅肉汁食落去不會很油膩食完仲係口乾 即刻叫咗杯利賓納 最驚茶餐廳沖淡曬啲利賓納 啲水加得啱啱好 讚!

去朋友柴灣屋企打牌，打到肚餓就落商場搵野食，覺得柴灣食野都幾方便，無咁多大陸人，好多食肆都唔洗等位，商場內只有一間要排隊，原來是新開無幾耐叫「麗香園］既茶餐廳，我哋就排埋一份想試吓好唔好食，排咗唔係好耐15分鐘左右就有位，叫咗個鐵板西冷牛扒薯菜黑椒汁，一個鐵板雞扒拼炸蝦跟意粉，風沙雞中翼和菜心炒牛肉。飲品方面都有特飲，叫咗芒果爆珠和普通的凍奶茶，味道方面，西冷雖然太熟，但又不會太韌，啱曬怕血又想食牛既朋友，至於雞扒就好新鮮嫩滑夠juicy，我就覺得個風沙雞中翼超好食又平，下次一定要返食。

柴灣又多一間食店供大家選擇啦！環境非常光猛，裝潢極具老香港的情懷，比較像昔日的巴士車廂！其實每次經過這裡都排晒隊！想避開人潮的話，我建議12:00前段時段較為少人。是日老火是湯南瓜甘箏湯，非常足料，唔似一啲味精湯。主角是火熱西冷牛扒配薯菜，牛扒可以選擇三、五、七或全熟，牛扒份量大過我手掌，配上香脆可口的薯條。金黃色的菠蘿油，並非平日吃到的菠蘿包味道，而是充滿著有菠蘿的鮮甜味！另外，重點的牛油非常厚實呀！沙嗲牛肉軍艦上的沙嗲牛非常澎湃！而且沙嗲醬汁味道濃厚，牛肉煙韌，麵包經過烤焗帶點微熱，整體十分美味！

下班經過這餐廳總會發現超多人排隊，這天剛好和鄰居朋友約了吃飯，我們決定試一試～這裡的菜單選擇頗多，很多都很有特色，看到旁邊的人都是點焗飯或海南雞，我們都跟著點！啖啖無骨海南雞配油飯 $62店員上菜的速度很快，一下子就奉上海南雞套餐。除了油飯外，還有一碗有很多蔬菜的中湯，它不會太咸，味道不錯。至於海南雞沒有多餘油脂，雞肉嫩滑，不點醬已經很夠味，點了特製甜甜鹹鹹的醬油味道更加豐富！油飯視覺上像白飯，入口卻感受到油飯的香口味，飯粒都很連綿，整體算是很好的平民晚餐。白汁粟米焗海鮮飯 $56份量比想像中大很多的焗飯裡面有很多海鮮食材，基本上一匙羹飯都一定會有一款食材，白汁不會太膩，剛好均勻混和在每顆飯粒上，裡面還有蛋香。風沙雞中翼 $58一盤有8隻，上桌瞬間已經聞到香香的椒鹽味，雞翼炸得酥脆入味，完全沒有油膩感覺，裡面的肉很有咬口，是相當有驚喜的菜式！蜂蜜爆珠桂花烏龍冷泡茶 $30這麼熱的天氣有這款飲品怎能不點？茶包裡面有滿滿的茶葉，下一層則有足料蜂蜜，連爆珠咬開都爆出蜂蜜，所以是非常滋潤的飲品，我更欣賞他們用這款長條冰，令傳冷的效率更高，有興趣可以試試～

放假不想煮飯 約兩點多見肚餓 於是落樓下睇下食咩好。見到一間開左差唔多兩個幾月既冰室，抱住一試無妨既好奇心買個外賣回家試試。睇左一陣menu,最後揀左咸魚雞粒炒飯，心想如果一間茶記連最簡單的炒飯都唔好食既話，其他野食應該都好不到哪里去。回家後急不及待食一啖試試，有驚喜，飯粒分明，雞肉爽滑，咸魚不太咸，食完會令人想繼續食落去既感覺。唯一不足時奶茶一般，叫左少冰後依然係咁多冰。