麗香園冰室 (興華廣場)

营业中

休息中

返香港探親遷就佢地居住地點便在柴灣食晚飯。移民前未見過呢間咪試下囉！星期六見居然唔係好滿座都覺得奇怪，一坐低叫餸就知點解！個阿姐(應該係樓面主管)，好唔耐煩咁寫單，一路寫一路問「係咁多喇嘩？」足足每點一樣餸就問一次，直情唔想我地繼續點，簡直幫老細倒米！上菜另一個後生男侍應仲衰，佢同事在我在邊上菜，我咪避去右邊，點知呢條友在我右邊上菜，居然話：「你都比個位我先得架？」，喂，大哥！我已左閃右避仲比你話？你估我有後眼架？我地叫左咕嚕肉、海南雞飯、蒸魚、松露鮮蝦炒蛋，平心而論，啲食物質素唔錯，好過好多茶餐廳，價錢又算合理，講食呢度係唔錯，可惜樓面啲服務態度惡劣，幾好食都運背脊骨落！經濟環境差，飲食業首當其衝，再唔改善的話，我相信呢間嘢好快消失！

呢度裝修得好有心思，有舊時既感覺而。食物質素好高，所以長期爆滿!金磚風沙豆腐份量好多而且炸到外脆內軟，面頭既蒜粉勁濃味所以加埋一齊食岩岩好，唔會太熱氣。咕嚕肉本身有炸過先再炒，所以係會有炒炒脆口而個甜酸汁亦都調味適中，送飯一流!揚州炒飯好經典但又唔簡單既炒飯，呢度好足料，有叉燒，蝦仁連埋生菜絲，好夠鑊氣而個飯炒到粒粒分明又唔會太油!焗豬扒飯呢度既焗豬扒飯比起一般既大份，豬扒真係好厚切而好香濃既豬味，唔係落左鬆肉粉咁冇哂味。而個飯又炒過，加埋菠羅同茄汁一齊食好正!

不明白為什麼會有這麼多的好評。今日和家人在這裡吃晚餐，點了半隻海南雞，兩碗白飯，一份鐵板西冷扒。海南雞份量少，根本不算半隻，沒有雞脾，也缺了雞翼尖，又莫明其妙地上了半個雞頭，白飯像不斷翻煲的隔夜飯，西冷扒一上菜時表面已經不斷有血水滲出，一切開全是粉紅色，叫侍應送回廚房幫忙加熱，最後也只是吃了半塊，另一邊因為牛扒實在太厚，一下刀又是血水不停往外冒，看著毛骨悚然不敢再吃。明白吃牛扒是一門學問，很講究。但我只可以說講究地吃牛扒也要視乎餐廳和食物的品質。在日本餐廳點了和牛定食，你會因為和牛是粉紅色而叫侍應幫你換掉或加熱嗎？吃飯過程中，忽然有個侍應阿姐走過來打開餐具抽屜拿走一束筷子，然後未關好就走掉。雖然餐具是你們公司的，但當時客人在進餐，是否是也跟客人講聲不好意思拿一下筷子比較好？又未關好抽屜就走人，把它當自動門還是覺得客人會幫忙關好？覺得是一種不尊重客人的表現。不過最令人驚悚的是當我打開餐具的抽屜拿紙巾，發現原來第一張紙巾有人用過，有唇膏印和餸菜汁，明顯有人抹完嘴又放回去，因為有餐廳logo那面是向上，唇膏印在背面，所以一開始我沒看到。但之前我已經拿了放在它下面的第二張紙巾抹嘴!!!!差不多

近呢幾個月，公司有好多唔同流言蜚語，包括人事變動、工作調配，甚至係是是非非。同事由以前好friend，到依家都有唔同自保或自私嘅想法。不過，工作上嘅轉變，唔可以話無所謂，但除咗接受就係離開架啦。由於工作上feel uncomfortable，見我無咩胃口嘅M佬，就帶咗我去食啲comfort food，原來食嘢真係會令人快樂。羅宋湯跟餐有中湯同西湯，我哋就揀咗開胃嘅羅宋湯。呢碗羅宋湯，好多料，茄味辣度啱啱好。鹹魚蒸肉餅我好鍾意食蒸肉餅！我好鍾意食蒸肉餅！我好鍾意食蒸肉餅！重要嘅事要講3次！呢度嘅蒸肉餅，肥瘦度啱啱好，仲有好香嘅鹹魚味。用嚟餸飯真係一流。風沙雞中翼無胃口除咗想食鍾意食嘅嘢之外，香口嘢都係唔錯選擇。呢個風沙雞中翼，新鮮炸起，夠晒熱辣辣，表皮香脆微辣，而肉質滑溜，推介！

今時今日要搵間茶記難，要搵間好食既茶記更難！！難得搵到間想試，一於襯住囝囝番學，捉埋好朋友一齊去試下先～～門口麵包位置有個勁靚既巴士🚌，打咭必備既影相位😍裝修都算光猛～～唔似以前舊式既黑麻麻又污糟糟既感覺😖雖然冇得book位，但勝在夠快～等左陣就有位，侍應仲好好人俾左卡位我地～～wow, 懷舊既感覺呀～～😂一望餐牌，食物種類繁多，連兒童餐都有～～🤩一心想試懷舊冰室既我，梗係點包類同埋咖啡奶茶啦～～朋友就點左海南雞飯同兒童餐～～必食推介：菠蘿包‼️脹卜卜既包上面覆蓋住脆卜卜既脆皮🤤咬落好鬆軟，要小心食到周圍係，因為真。係。好。鬆。脆～～相信邪惡既菠蘿油會更好食😋奶皇墨西哥包：平時好少食墨西哥包，但係門口見到又想試下～～當然黎到又係大大個又脹卜卜啦💓睇到咁靚既包就覺得好開心😄難得個面唔係好甜，奶皇都係微甜但好滑！啱晒怕肥既我😙😙有包梗係唔少得杯咖啡同奶茶～～奶茶個茶都香而且冇苦澀味道，都做到茶香奶滑～～咖啡就一般，似機沖，不過不失啦～好友點左佢最愛既海南雞飯，肥美既去骨雞件，份量唔少添～～偷食一件，d肉好滑，配埋個黑豉油味道啱啱好～～再配埋無冰奶茶，濃淡剛好～～最開心既梗係小朋友既兒童餐：鮮

下午茶時段，叫了個茶餐豬排烏冬，配奶茶及其他食物。奶茶是可以的，標準港式奶茶。但豬排竟然兩成熟。現在啲大陸冰鮮豬有很多是發瘟死豬，還要差不多二，三成熟給人吃，真是害命食堂。另一茶餐咖哩海鮮炒飯，咖哩無味，青口碎及蟹柳都有點（梅），不太新鮮。第一次亦是最後一次幫襯。原本位置的太興雖地方舊了，骯髒一點，但從未試過咁恐怖的經歷。  食完要在商場裡藥房立刻買盒樂信杜蟲藥，食過安心一點。

今日遲咗收工，於是同同事喺鄰近柴灣地鐵站嘅商場食埋晚飯。見到呢間冰室裝修得好光猛，餐牌又多選擇，又多人食，所以就入咗嚟。食物款式都幾多選擇，可以揀晚餐款式，其他叫餸，加$15都可以變套餐，有湯、飲品、白飯。好肚餓，所以兩個人叫咗三個餸。要咗一個晚餐— 蜜椒薯仔牛柳粒 $82🤣 又有黑椒又有蜜糖 甜得黎又間唔中咬到少少黑椒嘅辣味 薯仔同埋牛柳都比蜜糖包住甜甜地好惹味 牛柳肉質鮮嫩多汁 炒得有鑊氣👍🏻 XO醬蝦球炒西蘭花 🥦 $68 大大粒蝦球，西蘭花清爽新鮮，仲有少少蘑菇， XO醬剛剛好，如果炒得耐啲，就更入味更好。😆韭王蝦球炒滑蛋 $61 同樣係大大粒蝦球，夠彈牙，滑蛋分量十足，而滑蛋加韭菜絕對係送飯一流👍🏻呢個係中式老火湯，蘿蔔豬骨湯，冇味精，好有住家湯嘅感覺～ 白飯大大碗🤩呢杯紅豆冰雖然要加$13 ，但絕對抵叫，紅豆起沙，牛奶同紅豆份量各佔一半，原粒紅豆，奶香十足， 十分經典。

今日經過麗香園冰室見到要排隊不過個Menu又好多嘢食揀所以最後排隊等幾分鐘就入去la四川重慶口水雞配白飯（小辣）$62好大碟口水雞🐔仲有跟老火湯同凍奶茶（+3）雞肉夠滑麻辣味好重 岩重口味人士不過怕辣都可以食ga啖啖無骨海南雞配油飯 $62無骨雞啖啖肉係正既！正宗新加坡式海南雞飯有嘅配料佢都有甜醬油、薑蓉、花生配雞肉另外油飯都好香法蘭西多士 $29新鮮炸起中間有粒粒Peanut Butter 當甜品食一流炸雞全翼（2隻）$23好大隻chicken wings炸到脆卜卜入面雞肉依然滑嫩我仲食到少少香矛味tim總括而言，去過咁多茶餐廳吃飯黎講呢間絶對食得過食物質素同環境都好掂重點讚一讚佢嘅環境真係好整潔同乾淨

啖啖無骨海車雞配油飯正價比高，因為去左骨，一份入面會有滑肉有鞋肉。個油飯好香，唔太油，食落岩岩好。配有配菜花生，薑蓉和醬油。風味十足。配油飯很夾，油飯似係個靈魂帶出雞的鮮嫩。 金銀蛋肉碎浸時蔬西蘭花用呢個碟上賣相一般，食落好入味，原來個湯加入肉碎特別好飲架。食落係皮蛋咸蛋各一種，西蘭花全熟很正。蒸魚發覺出面食蒸魚總比家中自己整更惹味，因為比較滑，時間岩岩好同味道很到位。仲有個xo醬抄烏冬，我覺得足料，但油左少少。呢間餐廳味精唔重，餐廳光明，服務都okay, 食物好食，所以值得再訪。

阿媽話今晚冇時間煮飯, 不如出街食, 由於時間尚早新開既冰室不用排隊, 一於食佢。懷疑冰室新開, 所以人手不足, 我多次要求拎匙羹, 但都沒有下文, 最後要自己自行拎匙羹。鐵板豬扒跟意粉(蒜蓉汁) $75有兩塊豬扒, 阿媽話豬扒入口鬆化, 唔會覺得乾爭爭。 (由於阿媽太肚餓, 所以未影相已食了) 韭黃蝦仁炒滑蛋 $62韭黃不老, 蝦仁好大隻, 滑蛋過左d火。蜜椒薯仔牛柳粒 $82黑椒惹味, 牛柳粒比較細粒, 肉質軟腍, 但油太多, 感覺不太健康。

午餐去咗呢度食個咖喱豬扒飯佢啲咖喱有少少椰香味，啲咖喱汁唔會太辣，啱啲想食咖喱又唔食得太辣嘅朋友。另外啲豬扒有兩大塊，都幾多嘅，豬扒做得幾軟身唔會太硬。再配埋杯熱奶茶，價錢50元。

剛好去左柴灣探朋友，佢帶我去商場來到一間好多人在排隊的冰室，就是這間麗香園冰室。韮黃叉燒炒滑蛋：韮黃配蛋一起炒香，蛋炒到好嫩滑，加上叉燒增添了多重的口感。沙薑雞：雞肉嫩滑無比，亦非常厚肉，雞味香濃，而加上沙薑汁令其更加美味。蜜桃中式牛柳：牛柳肉質嫩滑，有用上黑椒醃得入味，增添點點辣味，配上蜜桃，令原有的中式牛柳的酸甜味道上增添了一層香濃的蜜桃果香味。最後來杯蜂蜜爆珠的特飲消暑解渴，爆珠中的蜂蜜清甜美味，令整頓飯的油膩感頓時消減良多。

剛好去左柴灣探朋友，因為我話想得街坊啲 但又想坐得都舒服 跟住佢就帶我去商場來到一間好多人在排隊既麗香園冰室～～～～睇睇menu 佢地有中式小菜 西式鐵板 一般茶記既食物 因為我地唔想食扒 最尾就叫左啲小菜share~~韮黃叉燒炒滑蛋：韮黃配蛋一起炒香，蛋炒到好嫩滑，加上叉燒增添了多重的口感。沙薑雞：雞肉嫩滑無比，亦非常厚肉，雞味香濃，而加上沙薑汁令其更加美味。蜜桃中式牛柳：牛柳肉質嫩滑，有用上黑椒醃得入味，增添點點辣味，配上蜜桃，令原有的中式牛柳的酸甜味道上增添了一層香濃的蜜桃果香味。最後我仲叫左杯蜜糖爆珠特飲 呃 啲珠珠好有咬口 但有啲偏甜 ..頂唔順太甜既 一定要叫佢少甜呀！

地鐵站附近，一入商場就見到，好方便。好多街坊光臨，放工時間好多人買包。食物選擇多，由包點類，常餐，小菜，鐵板，全雞，咖喱。真係日日換個款都有排食呀。仲有早餐，午餐，下午茶同晚餐，通常比全日供應既平少少。但係，今次發現轉左一批員工。之前服務態度勁好，今次有人明顯新手同服務未見突出又唔係唔好，但少左種街坊餐廳既感覺。餸菜方便，上餸速度勁快，轉個頭已經到左。我地點左海南雞，去骨，半滑半唔滑，肉質結實。通常海南雞跟三隻醬汁，其中一種係辣既，但呢間餐廳將佢變左花生。呢樣野幾個人既，我就想要辣汁多d. 個時油汁做得好出色。另外，個星洲抄米好乾身，少少辣既。好正但偏細碟。都叫左份菜心抄牛肉，揚州抄飯同椒鹽骨，蛋撻。

今日放工去左接朋友放工，之後一齊食飯，見呢到有好多人，就入左去。我叫左個鐵板雜扒配薯菜蒜蓉汁，有哂牛扒雞扒豬扒腸仔及煙肉，真係好好豐富。雜扒好大份，大份到連鐵板都唔夠裝，要疊起放。而扒亦整得好好，特別係豬扒，醃得好腍但質感又保持到結實，好味。蒜蓉汁雖然唔係好濃味，但食得出係真材實料，蒜蓉味道都好出。 呢個老火湯味道唔算好濃，但好香，而且飲得出真係唔係味精水，以餐湯黎講絕對係極高質。 見到有人食海南雞飯，搞到我地都想食，所以叫左個淡淡無骨海南雞配油飯，呢個無骨海南雞，可以大大啖咁食好正，但最正既係海南雞煮得好滑。一般既海南雞已經算滑，但呢度既比一般既更加滑，特別係雞皮，食落直頭好似食緊啫喱咁，加埋醬汁既香濃同油飯既油香，食多幾碗都仲得。 西多士真係茶餐廳必食，炸到香脆既外皮加埋入面軟熟既麫包，再配埋香濃既花生醬同煉奶，簡直係絕配。 呢個芒果爆珠配泡茶概念好得意，泡茶既甘味同芒果爆珠既酸甜又意外地夾，加埋少少既桂花味，又清香又刺激。不過有個小tips，就係最好過一陣先開始飲，因為要等茶包既茶味出左先，如果唔係味道會比較淡。呢個設計好細心，咁大家就可以搵到需要嘅嘢！