麥田緣 (已結業)

麥田緣(油麻地)榴蓮控同芝士控又出動啦~\(≧▽≦)/~一見到呢個榴蓮芝士包，同時有兩樣我中意嘅餡料，雖然價錢有點兒貴，但也阻擋不了我對它的興趣！wow！ 一切開！榴蓮餡溢曬出黎，真係有幸福的感覺！ 包包其實已經好爆餡但貪心的我希望再多d🤓榴蓮➕creamcheese 其實唔太食得出芝士嘅味道 尤其係加熱後 榴蓮非常濃郁嘅甜味已經佔據了成個口腔 正呀！😆😆7.5/10 另外第二次去嘅時候買左呢個 朱古力creamcheese 成條芝士系裡面頂熱後， 芝士同融化的朱古力融合，感覺更正！不過要成35蚊一個，都幾貴下，間中食一次兩次都可以嘅，因為真係好食成間鋪基本上每款麵包都可以試食，岩心水先買，唔怕有伏啦！哈哈

莓好足料要讚！變相遮蓋左麵團既味道雖然佢用天然酵母 但因為太多苺令到個好甜食落亦冇左健康個種感覺😟較平和少少 例如蜂蜜核桃 清清地幾好食P.s 夜晚幫襯 麵包買2送1😬

芝味大爆發 麥田緣又一個爆餡麵包 今次依款仲多左乳酪味 食落感覺無咁膩紅苺乳酪 $25內餡係紅苺奶油芝士 紅苺吾係苺乾 而係新鮮有汁嗰種 奶油芝士芝味香濃 再加左乳酪香 整體味道酸酸甜甜 幾清新💕麵包用左私房湯種麵團 鬆軟綿密 感覺吾錯麥田緣既cheesecake $25變$15!!!無錯 只要買任何麵包 就可以用成本價買到高質芝士蛋糕><!原味芝士蛋糕 $15聽講落足料*0*食落又真係幾香喎~上面有啲蜜蜂味 下面吾係油膩既曲奇底 係海綿蛋糕 但都吾係鬆軟嗰種 口感偏紮實芝士蛋糕口感係硬身嗰隻 甜度吾高 $15值得一試

今次又在麥田緣揾高質數麵包，留待明天作早餐，發覺麥田緣麵包款式多數是芝士製造，揾到這款無芝士的三無麵包感覺很有興趣嘗試！陽光芒果麵包長7吋半、闊3吋半，不過沒有過磅，不知重量。明顯地看見芒果乾、蔓越莓，但原來綠茶葉是取味，沒有綠茶葉又是很正常嘅。麵包沒有油比較乾，是可以接受的質感，甜甜酸酸的芒果乾和蔓越莓有零食感覺，無蛋無奶的麵包也沒有影響麵包質感，不過，雖然兩人分享$35一個麵包，感覺都是貴咗！

次次出油麻地, 都去依間試食包包,但太貴次次都係試完唔買。今日無啦啦發神經,諗住買個紫米芋頭做早餐, 但拎到上手又覺得30蚊好細個,所以最後買左擺佢隔離賣50蚊但大佢3倍嘅伯爵茶包。個包真係好好味,好香伯爵茶味,又有鳳梨干同紅莓干,個包又軟,仲要話冇奶冇油,唔肥膩。 但真係好好好貴呀

無意路過麵包店，見D包包幾特別入去睇下，原來是健康之選，天然酵母。仲可以試食啱先買，店員十分友善不會介意你試食多幾種初初睇覺得價錢幾貴，$25-50一個包，但試食後真是覺得物有所值，味道跟一般麵包店不同。於是買了藍苺包，手掌大小小 $35，麵包好扎實不是輕飄飄個D，切開仲有好多藍莓，大大粒，好好味呵

又經過在油麻地的麥田緣，入店舖逛逛，之前試過朱古力包仔和紅莓包仔都很滿意。今次又買一包五個的$25紅豆宇治包仔，和摩卡核桃朱古力包，兩款都好吃，大大粒的紅豆又腍又清甜，摩卡核桃朱古力包有摩卡香味，碎核桃和朱古力粒粒包。另外也買咗$50四瓶天使布丁，成份包括淡忌廉、蛋白和牛奶成份，但味道頗似芝士味道，不合我的要求！今天款式選擇不多，售貨員告訴我，每天9:00和13:00都有新鮮麵包上架，原來還有半小時才13:00，難怪，原來第二批新鮮麵包未補給。

呢日唔洗咁早返工可以慢慢麼番公司係返工前去天仁茗茶買野飲咁啱經過呢間麵包鋪就諗住買個麵包配奶茶十一點入到去見到店員fill緊貨架上面既麵包全部麵包都預先用透明袋入好三十蚊起 貴係貴d但係呢度既包都係外面未見過既款式搞到樣樣都想試最後千挑萬選揀左 芒果忌廉芝士包三角形好得意 哈哈 攞起好墜手成隻手咁大買埋珍珠奶綠就返公司慢慢嘆麵包煙煙韌韌 可以見到好多細細既氣孔加左好多種子同莓類淨食麵包都好味中間有芒果忌廉芝士芒果味唔算濃 見到有果肉內餡份量足夠 再多d就會膩喇依家已經好好食一個麵包已經夠飽同珍珠奶綠好夾 間中一餐「甜食lunch」幫自己打打氣

利申，我沒有買任何包，媽媽喜歡造天酵包，基本上媽媽回港呢幾個月都是好幸福地吃媽媽做的包包。行過見到標籤天然酵素，咪同媽咪好奇地走入去看看。包包獨立包裝，拿上手好有份量，和手感好軟，媽媽即說，應該真的是天酵包。2⃣️母女在店內看，包種主要是軟包。有免費試食。抹茶芝士包，好軟熟，大大粒芝士，基於本人太愛抺茶及不愛甜，覺得個包抹茶味不夠及太甜，但媽媽說普通的說個包乳酪草梅包，好好味，好多草梅，二十多元一個，朱古力芝士包，呢個好味，芝士又多其實我試左好多款包，普遍好軟熟，夠料，只是個人口味認為甜左小小。包包貴左小小，但是夠份量，天酵，又可以試食，食左喜歡先買。喜歡天然食品，又不介意💰，可以一試。

麥田緣在油麻地新開張都已經一個短時間，今天終於有時間入店鋪逛逛，每個大麵包都要幾十元，我看到一袋5個麵包仔賣$25，平均$5一包又唔算貴，我於是買咗一袋5個朱古力包仔，另一袋5個紅莓包仔都是$25。回到家中急不及待切開，每款式都試食半個包包，原來朱古力包包有朱古力醬架！紅莓包包令我更驚喜，很多粒粒紅莓乾，包包本身軟綿得黎又有麵包質感，真係估佢唔到的麵包仔相對大麵包，好似抵食很多咁，不過，我遲些會試埋大麵包，值得一提，售貨員都有良好服務態度！

是日在油麻地麥田緣買了天然酵母所製的麵包。開設在鋪租高企的彌敦道，店主也似乎是雄心勃勃要與連鎖店和鋪租競爭。這裡的麵包像是以台式做法的健康麵包為主打，不乏較受歡迎的紫薯口味麵包。筆者是日買了一款名為黑糖紫薯合桃包（$35）的麵包，是一款較巨型的麵包。頂層看似像農夫包，入口卻是意外的軟熟，沒有一絲一酥的感覺，倒是回彈力驚人，像是吃軟熟的牛奶麵包。麵包內擠了紫薯餡，也許在紫薯的部分更嚐到黑糖的焦味味道，所以紫薯不會過甜，帶出甘薯味道，為味道較淡的包身注入味道。但同樣偏軟的質感加起來，重複的感覺會帶了點單調感覺。而且，合桃粒不多，口裡感覺單調。推薦指數：4/5(紫薯餡!)最後，作為早餐，筆者也只了2/3，便停口了。價錢雖然不便宜，但吃起來健康飽肚，也是不錯的。順帶一提，翻看麵包透明袋，發現元朗店也有麥田緣，這才發現油集麻店是分店。順路的朋友，也可可試試看啊！

50蚊 都幾貴haha 其實我原本想買30幾蚊果個准山乜乜包 但睇錯位置拎左呢個最貴既 都有驚喜既!!佢叫唐寧伯爵麵包 無糖無蛋無奶既 都幾大個 入面有好多大大粒既鳳梨乾同紅莓乾 好足料 超級好香麵粉味 不過原本以為包身會係無乜味 原來係甜 我初頭以為佢整錯左係咪鹽落錯左糖haha有d唔開心點知問返先知佢原來係用蜂蜜既 即刻覺得個包好味返!!!!!!!!個包真係好香好鬆軟 雖然我覺得甜左少少 但蜜糖都係天然甜啊!!!!!!!!!!!!!!!!!

經過見到麥田緣啲包切好一舊舊比人試食 麵包控見到又比佢引左入去好狗甘試曬全部款當中有幾款吾錯，黑松露芝士、核桃芝士、山藥核桃 仲有啲吾記得咩名但抹茶控覺得最正既係依個!!試食完邊夠呀 即刻買左個黎食抹茶卡門 $35佢除左抹茶味ok外 仲有粒粒蜜紅豆 不過份量就吾多 重點係佢條奶油芝士！我覺得成個包甘重都係因為佢係原條 極粗既忌廉芝士啖啖都食到！Jeng都係之前一開始係佢度買左個伏包 所以先有啲壞印象 但依家改觀lu 會再去試埋其他款

之前食過一次麥田緣既麵包 揀中個難食既 所以一直覺得佢地啲麵包麻麻地今次會再黎買既原因係被我發現到有抹茶紅豆麵包甘就比多次機會佢啦！宇治金時 $25 成分: 蜜紅豆 抹茶粉 奶油 雞蛋一包有五個餐包大小第一啖係提子餐包既味道食食下又有少少抹茶味 不過真係好少~ 根據上次經驗 都吾敢抱太大期望～所以都無失望蜜紅豆甜左少少 不過勝在係一粒一粒 而且份量吾少 有成層都幾驚喜！btw依個應該叫紅豆包先岩麵包質感濕潤鬆軟 但又未去到綿密 都ok既佢真係太鬆軟我可以兩啖一個我都係比較中意啲有咬口既野整體價錢都合理既 味道都吾錯！紅豆控可以試試但抹茶控可能會失望喇

I walked by this bakery and smelled ... yes. Bread. A small shop selling Taiwanese style bread. They have samples and I tasted a few before I decided to buy something. Everything is labeled in Chinese only.This is what I bought. Half a loaf of bread that looked like a watermelon. One whole loaf was $70. Half a loaf was $40. It was cute and yes ... I'm all about the cute. Took it home and had it for breakfast the next day. It was on the sweet side so you really don't even need to add any sort of