麥當勞

营业中

休息中

呢間M記已經係新翠商場開左好多年，地方都幾大，成日都好多人來食。呢排M記搞裝修，新裝修好靚，多左甜品站，有新出既朱古力甜筒，個個都話好味，食返童年回憶，所以自己都去左買來食，味道果然不錯！仲有Oreo麥旋風都好好味！

支付寶攞到五蚊券，於是用咗嚟買兩杯雪糕等於買一送一見好多人都用支付寶畀錢相信都係呢個原因本身見好多人食脆皮都諗住試下，不過又覺得咁多朱古力醬一定好漏， 而且唔想食到成手都係污糟曬 ，所以都係食番冇脆皮嘅雪糕五蚊一杯朱古力扭紋， 好夠朱古力味，而且雪糕好夠凍好實， 好食

夜晚肚餓。大圍間麥當勞開24小時。諗唔到食乜。就買個$24趣辣雞腿包餐。雞腿包餐20秒已送到我手上。果然快。味道大家都唔洗有咩期望。但雞腿夠熱。我俾95分。薯條也夠熱。飲zero可樂。呃自己飲無糖可樂唔會肥

M 記有新款，當然要試。脆脆黑椒堡就有點失望，因為當我食脆脆黑椒堡時，包內的麥西哥脆脆已經唔脆，除非很喜歡麥西哥脆脆的味，我食了一啖後將脆脆挑走晒。只食黑椒堡就好ok，因為芝士和黑椒味超夾，而黑椒堡好厚，好足料。 最近飲食界掀起紫色旋風，連m記都參一腳，推出香芋麥旋風。其實只係加了香芋糖漿的雪糕，配上少少o reo餅碎。店員攪得唔均勻，有一啖超甜，一啖無味的情況，要自然再攪。甜甜地的香芋雪糕加oreo餅碎是非常配合，可以一試。

就黎世界盃麥記突然推出新包---德國辣雞堡(未宣傳已經見到有得賣)德國辣雞堡近年可以填飽肚的麥記包雞肉腸加脆辣雞腿晒我呢個食肉獸不過可惜在味道唔夠突出醬都唔夠早前泰式辣包(唔係好記得全名)惹味但可以試再試今次配埋薯皇食完呢個餐唔使再加錢買其他包填肚

麥記近年不停推出限時新包岩晒貪新鮮我地月頭的脆香素菇包(未寫食評已經唔見左影)應該是配合佛誕的檔期推出之前是長洲獨有現在在市區都能買到緊係立即去試食後品評---不會再試素餡太油淋晒，可能擺左好耐味道有點似炸芋頭魚但又唔夠味醬汁跟素餡味道又唔夾呢個包真係試一次就夠

已經很久沒有去過「老麥」了，如不是近排有新產品推出，也未必有所動作，,加上又從同事處看到成品，看賣相也是引人，做人來說，在適當時刻還是要抱有一點好奇之心.........基於本身不太愛汽水，加上實在有點凍，宵夜來說，還是想來一杯香濃熱朱古力，起碼喝後可祈望有個甜睡。整個全餐也不過四十元樓下有找，既然很久不去，要吃還是想吃得「好」一點。這個名為的超級蘑菇漢堡包，也真是漲卜卜的，在中間有所裂開處，玉米麵包包著的，由一堆生菜、車打芝士、煙肉及蘑菇塊等所組成，當然少不得的，還是那一塊由細吃到大的漢堡扒。至於入口的味道就........不知人大了是否變得咀刁，還是集團越來越見退步，一塊又乾又瘦的免治扒，如同咀嚼橡膠一般，也不能硬說鬆肉粉味道是童年回憶，加上生菜殊不新鮮，醬汁味道也不見特色，再看配料們各自為政，套用某特首候選人的評語 --- 雷聲大，雨聲少。係臨尾個炸洋蔥圈標番個尾會，炸薯條吃了多年，加多數塊錢咁又點話，也不得不讚炸得夠香脆，雖然粉漿也真係厚了些少，大批量的洋蔥來貨，也不能奢望鮮甜多汁，奉餐時是沒有送上任何醬汁，惟有主動地取包茄汁，否則都幾熱氣下。以前香港賣包只得「老麥」獨家稱霸，

這一次試食新包....個餐有d貴...但忍吾住想試新野希望M記吾好再加價啦!!!香草雞堡包內有香草,番笳,沙律.......既酸又香........加上香草有另一番味道.好美味今次的暮條吾太咸,岩岩好.................但同burger king & Mos Burger相比仲差好遠都係叫左奶昔,士多啤利味...............味道好甜假期既人吾算多,排左一陣隊就買到

人大了,不愛到m記了。但它的歸來,卻令己主動去m記一餐。一個將軍漢堡餐。太久沒食過將軍漢堡,而且推出的日子短,寫到明「期間期定」,今次也很像只推出一個月。實物與圖片差很遠,包縮了水,汁和生菜也比以前少。包不熱不暖,照燒汁仍是甜甜,但比以前浠,味也沒以前的濃。至於豬柳則可以,吸收了照燒汁的味。至於薯條,有腍有脆,不過非常多油。價錢越貴,份量越少,味道也越來越差。雖將軍歸來,卻無意再食。

今次又黎,不過並唔係食板燒雞腿包...今次係食開心樂園餐,4件麥樂雞,夠哂熱,d皮又夠脆,點埋d甜酸醬,算唔錯...薯條今次又夠脆,唔會話淋哂,又係點番d甜酸醬,比點茄汁好食...飲就...今次飲qoo,唔飲可樂了...唔知點解,而家又食多左m記了...

今餐係人地請的...其實自己都唔會尊登又去食m記...先講板燒雞腿包,包夠軟,雞夠滑多汁,帶有小小辣味,醬汁都唔錯,加堆生菜,整體上唔錯...但係個星星sh!!餅就...同平時果d薯餅冇分別,只係形狀唔同左,好油,皮都淋,但入面d一粒粒薯仔就硬...唔好食...如果下次食,淨係食板燒雞腿包就好了...

早左過來，竟然比我發現呢度，唸住食番個鐵板烤雞腿飽餐，點知擺好晒發現個薯條變左舊款！原來個「薯皇」已經無做喇，又唔早響，比廿幾蚊都係為左食你個薯皇，你比番D舊款薯條我，就理應減幾蚊啦，認真係黑店！話明薯皇就緊係好味D，貴D都應該。個人覺得比起薯條，薯皇厚身有質感，少少焦夠香脆，無咁鹹，亦因為夠厚所以唔會咁油。早知去KFC食格格脆薯塊好過，人地而家upgrade緊個image，服務雖然有待改善，但新舖加裝了洗手設施，乾淨了很多。

喱間ｍ記既服務都ｏｋ既，但係負責執桌子的人，成日都等好耐先好執．．．食物既味道同熱度都ｏｋ，但係有ｄ服務員落單落得好慢，要等好耐先至排到你，有時真係排到好憫嫁～！！　　仲有呀，佢個廁所好臭嫁，我每次入到去都攪到我好想嘔嫁，佢既臭又唔係話公廁嗰ｄ臭味，係佢唔知擺左ｄ咩香精之類既野攪到好臭，我去過咁多間得呢間係咁既味～！！

排隊排勁耐…同埋d 野食…有少少腍…唔夠fresh!!!