麥當勞

营业中

休息中

好耐無食過M記啦，話說之前朱古力批買一送一時我買左黎試下，係聖誕優惠，點解咁吸引我？因為$4咋！一向食M記蘋果批既我，今次試朱古力批，因為做promote，等攞既時間長左，但幸好批攞到上手都係熱辣辣既，批皮睇落都幾油，可能炸時比較重手，咬開朱古力好似流心咁流出黎，朱古力溫度一般，有少少凍，同我預計既差左少少。質感亦沒有想像中咁好，太多朱古力漿一次過食好麻麻，味道太濃，有d膩，整體一般，就是平，飯後甜品也是OK的。

BRILLIANT VALUE MEALS. BRILLIANT SERVICE Missed a few items off order, but given to us immediately!

不知不覺間，mc donald 已經加價不少了，雖然比其他地區的mc donald 仍然較為便宜，但質素上卻仍有不少進步的空間！！有時手緊的時候，想平平地食過快餐，這會是我的好選擇！！今日lunch time 就去幫親了佢地啦！麥樂雞餐～一點也不陌生的麥樂雞餐，麥多雞可算是我最喜歡的食物之一，今次就新鮮炸起，沒有over ! 配上honey mustard 的醬更是好吃！但反而薯條就有很大進步空間啦，顏色偏深，好明顯是炸得太久；而且還是冷掉的！食物質素不穩定，若不是選擇便宜的快餐或趕時間的話，還有其他更好的選舉呢！

mc donald 定時都會推出一些期間限定的食物，而我最喜歡的便是Dim Jack 啦！一知道佢再度推出，放工的時間就去買來試一試及回味一下了。由於是晚飯時間我們叫了兩個套餐，分別是豬柳蛋漢堡餐及主角的麥樂雞餐！考慮過一次叫18件麥樂雞可以試哂4隻醬的味道，但亦考慮我們一定不能全部吃掉它！所以都是叫六件及自選一個醬！今次叫了蜜糖芥茉醬，有小小麻醬的味道，小小像蛋黃醬的味道，我十分喜愛！麥樂雞就新鮮炸起，但薯條就不夠熱！一向對香港的mc donald 期望不高，主要也是為了dim jack 而來！真的需要繼續改善！

星期日周圍都係人，連搵食都難，所以最後揀左食Mccafe。不過，有D自己中意食嘅意式包都無哂，所以今次就只可以食小龍蝦意式包同埋New York Cheese Cake。飲方面就叫左cappuccino同埋long black。小龍蝦意式包都唔錯，不過有一兩隻小龍蝦有D腥。而Cheese Cake就幾好食，食落好滑。

去親麥當勞大多數都食雙牛芝士漢堡個d ，今次就去左mccafe 食。咁$18就有一杯中杯凍cappuccino或者long black。另外加錢可配包。雞肉火腿芝味多士好抵食，有兩種芝士係包入面。而雞肉菠蘿意式包都好食。

今晚夜晚來大埔昌運,搵老麥食,因為BB好鐘意THOMAS火車,好彩夜晚都未比人換晒,即刻來食...點解會寫食評呢,因為點餐時,在自動點餐機上面見到推介套餐,安格斯磨菇牛肉飽套餐,居然送焦糖芭菲,嘩,呢個套餐平時都貴...居然都係41.8,抵食呀,所以即刻點了一個,心諗抵呀,其實佢呢個signature系列一向貴開,而之前呢個系列曾經試過全部轉晒做雞,只係得雞無牛肉,果時真係好唔開心,其實m記一來雞成本平,個人覺得食得多雞都係唔好,而牛肉係m記一絕,之前已經鐘意食厚牛肉如足三兩,好彩佢地終於回歸,比足三兩更足牛肉味安格斯牛肉,正...其實真係好好食個人覺得佢個牛內人真係好正,另外呢個套餐送一個價錢十幾蚊既焦糖芭菲,又係估佢唔到,今次真係值回票價,見到附近好多人都有叫呢個套餐,識食一定食呢個餐,食普通巨無霸餐已經好難令我返轉頭,食開厚牛肉,再食安格斯,無牛肉味滿足唔到我,當然講就咁講,有時為左快都會叫番D超值套餐,老麥有時平平地食一餐,飽肚就算都會有。

呢間麥當勞一向都旺場， 而家改咗自助售票機， 正門有五部機， 側門都有兩部， 淨返兩條人手line買票。初初出嗰陣時見到好多人都唔會用機買，兩條人手line排得長一長， 最近去情況有改善咗，好多人都會用自助售票機。今朝去食早餐因為有coupon。呢個coupon仲可以喺電話下載，show個電話coupon畀佢哋睇就得， 唔使好似以前咁剪報紙我見人手line得一個人排緊隊， 我又唔知自助售票機點用coupon，結果我都去咗人手售票處叫咗煙肉蛋漢堡 薯餅+最近新出嘅熱檸水， 真係新鮮檸檬果隻，檸檬新鮮，熱檸水好處多多，可以增強腦力， 抵抗力 ，多飲無妨 。煙肉蛋漢堡同薯餅都係保持一貫水準， 呢個早餐我食咗好多年喇。 煙肉唔會過鹹， 唔會好似豬柳咁油膩，薯餅係熱嘅， 我要攤凍佢一陣先至食， 冇咁熱氣呀

有時候諗唔到食咩，麥當勞真係一個快靚正嘅選擇。＄24 ,可以食得好飽，雖然比起以前＄20餐係貴左，但係比起出邊嘅其他餐廳，＄24可以解決到呢餐，真係好抵！我點左個麥樂雞餐，再加左一個兩件脆香雞翼，都只係$34，脆香雞翼大大隻，真係名符其實又香又脆。點sweet chili食，好正！麥樂雞都係好脆，雞肉好嫩。不過薯條就爭d，唔多夠脆，腍腍地咁，唔係新鮮炸起的。另帶一提，用電子點餐機，原來可以揀兩隻都要雞中翼，好方便！仲有姐姐教我點禁。窗口位仲有得差電，好正呀！

今早要跟老公家人去拜山，就到附近既麥當勞買早餐。我們選用了自助形式落單，嗌左兩個火腿芝士漢堡餐同埋單點左個魚柳包，個餐跟野飲加左$1.5轉飲大鮮橙汁。前後用左五分鐘都冇，成個餐出晒。真係好快手呀！食個漢堡既時候，包仲有熱既感覺，而薯餅亦都係新鮮炸起，熱，但唔油同埋食既時候都唔林。雖然只係廿幾蚊既早餐，但真係可以做到快，靚，正! 對今次用餐經驗好滿意，之後係大埔到既就剩係食呢間麥當勞，保證唔會令你失望

好想好想試，趁放假突意走去麥當勞試新品。麥當勞換了面貌後 都係首次幫襯。買了杯阿華田 泡沫脆脆. 喺自動售票機購票， 等左一陣就拎得 非常方便。香濃阿華田味道 加埋脆脆 topping 好好未 小時侯 最喜愛的飲品新環境很不錯 喺度 hea 下 上吓網 仲可以 义埋電 非常讚

今日黎揾個朋友食飯，跟住為左揾個地方好好坐低傾下偈，就費事周圍揾，一上openrice就見到呢邊有多間食野嘅舖頭，於是就去左簡下有邊間好食，行行下見到呢間快餐店想醫肚嘅我地，就簡左呢度開飯喇。 漢堡包入口都算已經令人滿足嘅。不過味道就真係太一般喇，雖然唔算貴，但點都應該整好啲俾人食喇，又咸又燶底，雖然有陣肉味，但大佬真係咸左啲喎，都唔明點解咁多人黎，餐廳比起一般舖頭都有好多位應該做得更好更加到位，但係有小小失望囉希望有機會會再黎

人，全部都係人，幾時都係人！呢間麥當勞真係好旺，無時無刻都好多人，依家改左睇號碼拎餐，令到好多人積左係門口樂逼，又冇路行，如果自己一個去我多數都買外賣算啦，啲枱又細張又唔好坐，都係想你快啲食完快啲走

買咗麥當勞期間限定嘅瑞士芝味安格斯漢堡.麵包挺實而鬆軟,安格斯牛肉漢堡扒比一般嘅漢堡扒厚身非常多,同埋冇咁乾身.香蒜蛋黃醬略少,但配上白芝士同車打芝士都幾惹味.炒洋葱同生菜爽脆兼可中和膩感,只係烤蘑菇片份量唔多,同埋包身滲出唔少油份.不過以麥當勞出品嚟講水準唔差,價錢亦可接受.

深夜出街食宵夜，於是去左開廿四嘅老麥食我嘅飛佛麥甩咯啦😍。-一入去，又變左樣嘅？新裝修完？嘩，仲有新玩具😂😂😂呢部咪傳説中嘅自助點餐機？不過原來用機點雞翼係冇得揀哂全翼喎，唯有傻更更返counter 柯打。-老麥嘅麥甩咯同炸雞翼係我心目中同其他同類食品比係排第一架！廿三蚊餐有麥樂雞餐無得輸。麥樂雞同雞翼都係即炸架，一打開香噴噴。▶️即刻拎起隻雞翼，點大量泰式甜酸醬，趁熱辣辣一啖齒落去，炸雞啲汁(油？唔理啦！)必哂出黎😍，皮脆肉嫩，正呀！▶️麥樂雞得六件，好掛住廿四件嘅大盒麥甩咯呀😣！點麥樂雞，醬先係精粹！麥甩咯緑色盒甜酸醬，係其他乜鬼芥茉醬bbq醬韓式醬爛鬼伏醬無法媲美嘅！咬一啖點一下，啖啖肉啪入口，食肉獸表示好滿足🤗。▶️Btw, 有得免費轉粟米真好😭，起碼食哂個餐都冇咁內疚🙈。之但係如果唔係食宵夜，記得問職員攞牛油，自制重牛油粟米👄👄👄。