麥當勞

营业中

休息中

路經此地, 便進去喝杯咖啡, 走到McCafe counter, 看了一會兒menu才決定試試法式鮮奶咖啡(Creme Brulee Latte), 反正推出了一段時間也未有機會嘗試.. 不過由看menu到決定點什麼這五分鐘之久, counter都是沒有員工的, 最後要走到另外堂食那邊的counter求助這間M記的McCafe座位少得可憐, 以欄杆索帶劃分的範圍只有三張枱, 我唯有到堂食那邊坐一張枱坐下, 可惜這剩下的枱是未被清潔的, 但也算了, 只求找個位置喝杯飲品罷了...這杯飲品尚算不錯, 奶泡厚而滑, 跟咖啡很配合, 無需加糖, 事關奶泡上已有creme brulee 之香甜!是次除了對環境及員工有點失望外, 產品是滿意的!

呢間M記真係....令人無話可說...TAKE AWAY10次有8次都執錯包!! CHECK少次都唔得!!堂食次次問佢要"大雞醬"都話唔比得(本人男友極愛此醬!)....但係其他分店間間都比喎?今日中秋玩完諗住去食少少野...叫左個"日和特盛魚堡"再加13蚊要多4隻"鹽燒雞翼"同男友兩份食..真係火都黎埋....個包同薯條唔熱...個雞翼更加不知所謂...勁迷你又冇味...自己屋企炸都仲好食..有生之年真係唔想再去呢間M記食...次次都係咁...

早排去完大角咀果邊個體育館做下運動玩完已經係十一點附近又冇咩好食咁,就去左呢間M記。同其他分店一樣,廿四小時既M記總係會有一班psp團,見怪不怪了呢間比較特色之處就係會係二樓度整野食,之後經條輸送帶送番落黎一樓都幾新奇下可能因為果時係夜市啦,好多買外賣既customer不過佢地都係堅決淨係開一個counter重要開貼住counter入口果個,令到成條隊要二合一唔可以分成買餐一邊同等野食一邊個收銀重話:買完野食企埋一邊啦,唔會咁快有野食架真係聽到好無奈....不過餐飲業流失量大,而且重要係M記呢d乜人都請既公司冇咩training係正常既....食物就保持水準啦....

都幾經常幫襯, 多數係買外賣, 但真係 10 次有 7 次都同我執錯野 / 執漏野, 都唔知係老麥專登定係 D 人發緊夢? 唔係次次都記得 check, 執錯野 / 執漏野o既情況包括：1) 買玉子將軍漢堡變左將軍漢堡2) 買豬柳蛋漢堡變左豬柳漢堡3) 買早晨全餐冇跟薯餅4) 買煙蔥蛋餐冇左舊漢堡扒5) 買一個早餐外加一舊薯餅, 應該總共兩舊但畀得一舊 (x N 次)而家個 system 又有紙出單又有 LCD 畀你睇, 都可以成日執錯, 以前都唔係咁, 究竟係老麥 policy 想昆我呢 d 外賣客定純粹佢地 d 人發緊夢? 不過我諗都冇人睇到呢篇野架啦...

剛剛收工,倦到冇力就走去M記買嘢食,叫了個脆香雞腿包歺走生菜外賣$24,因本人不愛吃生菜,轉飲熱朱古力加$0.5,仲走過隔尼MCcafe買咗個濃朱古力旦糕$l8,薯條熱辣香脆,但係幼身,邊行邊食返到屋企已吃清光,雞腿包就0k,熱朱古力味甜咗小小,旦糕未食唔知?上次買了另外一款朱古力味旦糕,朱古力味濃不甜但旦糕就似食緊鬆糕,唔知今次會唔會咁?

新裝修了不久,發覺面積縮到只有原先三份一多少少的位置,仲加埋mcafe添.宵夜叫了個芝士孖堡餐,用而家的coupon,送多兩隻脆香雞翼,可惜,薯條差到痺,唔熱,又硬,超難食,食咗一半就無食,反而個孖堡汁多,不錯,至於脆香雞翼,只有spicy,沒有香的感覺,雞翼皮又硬.

早幾日朋友仔訓唔著覺突然買左兩個扭扭粉黎同我食早餐第一次食扭扭粉既我發現雖然外賣已經幫你分開湯同粉上但一咬落去d粉淋到即時碎開完全無晒口感反而第一次食既火腿扒比想像中好本來我以為只係厚身d既火腿但原來係類似漢堡扒既物體算係ok但始終成個set最好味既始終都係脆薯餅

朋友仔買黎板燒雞腿包俾我消夜服務唔再comment呢個包好在片雞扒既雞皮較薄同雞油膏較少而且因為係用去骨雞脾所以大致上d肉都唔韌d油由包邊漏出所以包身唔油但就成張包裝紙都係油另一次同朋友仔幫襯時佢想用日日嘗積分換現金劵先買點知個個counter都唔知要經理黎左搞右搞先搞到好似個個都無train咁點解咁耐以黎一d改善都無架???

我有幾晚收夜,岩岩推出"至尊漢堡"咁我之前未食過,就試下啦...食左幾次唔覺有問題...但有一日我o係其他麥當勞再食就知出事...原來我o係大角嘴麥當勞一直都係比"至尊漢堡"o既價錢但食緊靚Do既漢堡飽,因為我o係其他麥當勞(尖沙嘴,左敦...)食o既"至尊漢堡"塊漢堡扒係好厚,有肉汁味既,但o係大角嘴麥當勞食o個個係將普通漢堡壓扁,壓到好似好闊,好大塊咁...為左證實係咪真係比佢"呃",我再去大角嘴麥當勞實地考察,證實真係比佢地"呃"左...當我想用相機拍抵既時候,個經理好驚咁走埋黎話:"先生,有咩幫到你呢?" 我話我買呢個"至尊漢堡"塊扒好似有D問題。跟住個經理仲話:"塊扒返黎就係咁架窩"我同佢講我係其他麥當勞食都唔同窩.佢就話同我換過. 我緊係唔肯啦...點知佢換D咩比我架..P.S. 有相為證(即開即影,本人發毒誓絕無增減)

如果唔係o係朋友仔屋企樓下而佢又咁鍾意食麥當當呢d香口野我一定唔會再黎只不過係兩個餐但一次又一次既錯失次次唔係俾漏茄汁就係無俾牛油有時又無俾薯餅十足十拜神唔見雞一樣每次都令人好嬲好炆爭

琴晚同朋友仔睇完戲後佢話突然想食脆薯角就陪佢黎買Counter個哥仔話要等3分鐘先有朋友仔想食唯有等下話就話3分鐘但最後等左5分鐘都有呢樣都算喇但呢幾分鐘我就睇到好多唔係咁見得光既野喇第一．首先哥仔話d薯角整緊叫我地等3分鐘但事實上係我地話等再等佢得閒先倒d薯角去炸根本無可能3分鐘就得完全係呃人好在新鮮即炸真係幾好食而且無俾我見到d唔乾淨用手執等等舉動咋第二．整軟雪糕層朱古力脆皮o個d朱古力係用個杯裝左一杯朱古力漿o係度用完再用而且又唔知杯朱古力漿放左幾耐第三．個個咀miu miu見到我同朋友仔企o係度睇佢地執食物眼超超黑晒面服務差已經預左但衛生差真係好令人擔心奉勸大家唔好食脆皮朱古力軟雪糕

朝早同朋友仔去行畢業禮前黎食早餐都係食大路野～早晨全餐包尚算熱但漢堡扒超油好在蛋尚算少油但唔夠滑不過服務真係參差d很counter個姐姐仔忘記左俾薯餅但因為我地total要兩份即時拎得既只有一份到佢補番第二份時個經理記得補齊兩份薯餅咋同埋經理會細心留意到自己無拎飲管俾我更會即刻主動話拎俾我

最初推出黑椒漢堡時經過以為係將軍漢堡回歸已經想拉朋友仔去試雖然後黎知道自己搞錯都仍然想試下琴日朋友仔建議下午茶黎食叫左巨無霸餐同黑椒漢堡點知食完好失望黑椒汁太少好乾而且佢標榜係純牛肉做扒會多汁d但完全唔覺朋友仔試左d都話無特別我覺得連最簡單既漢堡包都好味過佢至少有片酸瓜吊下味丫巨無霸size仍然好大芝士原來得下面o個層有如果上面都有就更perfect薯條已經凍晒唔多好食加價之後食物仲差左,點得架!!

咁大個女都係第一次食雙層芝士漢堡第一次破戒都係因為朋友仔買左黎做消夜我口痕食左少少但咁o岩咬中酸瓜o個度中和番晒o個種煎漢堡扒o個種油膩感覺感覺上無咁heavy另外雖然食過香蕉批但始終都係蘋果批最好味呢間係二十四小時營業難得既係咁夜都仍然咁多人同樣難得既係由買到食隔左成半個鐘仍然係暖證明新鮮出爐

近幾日見其他食家話蕉蕉批不錯個人己經不嬲都鍾意食麥當勞既蘋果批既外皮雖然前一晚o係呢度買新地已有唔好既經歷但都心郁郁想試下點知有D失望囉批無錯係用左蘋果批既批皮但只係暖唔夠熱餡料係香蕉蓉雖然話係蓉但又未溶得晒仍有少少粒粒幾有口感加上唔太甜都OK但個人黎講都係鍾意蘋果批多D今次排左另一條隊係另一個姐姐仔serve我反應快得多加上我要一個新地一個批一冷一熱佢都會問我駛唔駛分開袋