麥當勞

营业中

休息中

話說最近喺黃金海岸附近返工，間間餐廳都試下，首先試下令人熟悉嘅老麥！味道同普通老麥一樣，黃金海岸勝在有室外座位，欣賞到日落同海景。職員態度好好，我買完外賣後問問題，佢地都耐心答我，我仲開埋媽咪會會藉添。好搞笑地媽咪會員性別選項有男性揀，唔一定係女性。

以為内地福喜食品事件會令麥當勞生意大受打擊，於是去了屋企附近嘅黄金海岸店表示支持 晚上竟然如常地人頭湧現！没有最愛的麥樂雞食，叫了麥爆雞，兩個双層芝士孖堡，兩個薯條，一杯汽水，一杯荔枝特饮。 麥爆雞不是粉太多，係過左氣，淋晒，仲要鬼死咁細粒 KFC 好食好多！ 双層芝士孖堡同以往沒大分別，只是漢堡扒略乾 ， 薯條真的令我非常失望！不夠熱已經是死罪，仲要冇鹽 冇薯味又唔咸！！！荔枝特饮不算太差， 似荔枝味糖水溝soda ，但冰太多，荔枝味欠奉！溝淡了吧！雖然唔好食，畢竟有情意結，還是會光顧的

當日雖然唔係假日,但有一group 約30人的團體<小朋友> 在m記eating..所以幾嘈~吃大大個巨無霸,haha!!巨無霸餐 25.8元巨無霸真係好好味呀,d生菜乾左少少個包又唔會好硬呢~yeahd薯條又唔會好咸~真係好多薯條呀,炸得幾香^v^咖啡奶昔,雖然要加6元~不過幾好飲呀, d cream又好結實呀~d冰真係好大粒.......環境都不錯,收銀效率都幾高!!整體上,真係好少m記可以做到呢種質素~不論漢堡包,薯條,飲品質素也很好呀

環境都幾靚.. 坐0係度食雪糕食薯條悠悠閒又一日~佢d 薯條真係新鮮熱辣d,再配埋我最鐘意的蜜糖芥末粉....超YUMMY呀

我o係呢附近返工,所以有時都會同d同事買m記做dinner...如果平時o係呢度買餐,一定唔齊架...可能因為平時少人,唔會野定好多o係度啦...次次都要等既,有時就要等薯條,有時就要等包...間野又close 得早喎,夜晚9點幾已經見佢關門了...

如果你想平平地食一餐又想睇下靚景就梗係黎麥記啦，不過我以前都鍾意揀weekday黎黃金海岸，一到weekend人又多，週圍又擺晒一檔二檔鋪仔，氣氛會無咁好。anyway我都好似覺得呢間分店d野新鮮d。

講食品間間麥記都差唔多,但佢服務好好.我食的早餐暫時未有,經理會等到整好,再送到我個位,好親切.

靚景麥當勞o既表表者，雖然座位係少D ，但係你可以外賣，出去外面坐，對住個海，望住個咁靚o既景，真係漢堡包都好味過人o既~~ 嘻嘻....... 大家記得一定要去買佢o既薯條呀，又係勁好味架!!! 記得臨走o既時候走去出面同個麥當勞叔叔影番張相喎!!!!

this Mac is good in weekdays, as it is not crowded, and give you the feeling of outside HK, a spectacular view of the gold Coast