麥當勞 (已結業)

M記最近有新搞作，謝安琪同麥浚龍賣廣告賣得好hit，於是約埋朋友就一齊去試吓佢啲奶蓋新口味。同埋我哋仲揀咗珍寶Deluxe size👍1️⃣芝士奶蓋四季春我覺得呢一杯唔錯喎，淡淡嘅茶香味配埋滑滑嘅奶蓋，幾好呀。🤗 2️⃣芝士奶蓋莓莓我最鍾意就係佢係奶蓋上面嘅拉花，好有心思呀！啲莓味都幾甜哈哈😄3️⃣芝士奶蓋抹茶呢一隻抹茶味🍵口感好特別，有時都好怕會飲啲好苦嘅抹茶，呢款係偏向淡啲嘅，似m記荳奶，顏色鮮艷配搭得好靚👍👍

話說老麥最近推出咗新飲品 － 芝士奶蓋，仲要限時免費，作為芝士控嘅我就緊喺要試下！免費嘅飲品包括大杯裝嘅芝士奶蓋四季春，同芝士奶蓋咖啡。🥤芝士奶蓋四季春先講茶底，因為mccafe係開放式廚房，見到職員放左好多冰，所以茶底喺極淡，只係飲到好少茶味，同水差不多😅而芝士口感唔錯，都算喺幾滑同厚，不過同樣亦喺好淡味😢唔知食緊乜咁排隊時間都幾耐，因為免費所以好多人，職員做極唔停手，都難怪杯野飲淡而無味，其實與其因爲忙而搞到杯野飲咁難飲，不如唔好搞咩免費活動，做壞自己個名🤷🏻‍♀

食左連續幾次，板燒雞腿包個雞腿好硬，個包好凍，要求要換又話我咬左一啖5俾我換，跟住要走冰又加左好多冰，要佢走冰，佢又話多人5俾換，薯條又凍，又燶，又硬，叫佢堂食又俾左外賣，要紙巾，又話要俾錢，成個包凍點俾人食，服務質素太差，叫佢俾茄醬俾得一包，叫佢俾多兩包就嫌我煩，今時今日咁既服務質素太差，唔理個餐係20蚊又好,100蚊又好，食落肚有問題就關佢事，如果要黎旺角千萬不要黎朗豪坊食，真心服質素同態度太惡劣

麥當勞最近推出「一套4款出前一丁為食咭」麥當勞＋出前一丁＝學生時代必備之物加上有段時間沒有食雪糕，乘機買返杯Double朱古力新地+Oreo麥旋風，同朋友分享下

3月14日，麥當勞推出$3.14批，路過當然買返一個試下先，下午大約四點幾，勁多人，都好多人買批食，蘋果批已經賣哂，只好試下新口味 - 野莓吉士批。外脆內軟，好香莓味加埋吉士，唔會太甜，都幾好味，重點係平@$3.1。

之前睇過啲blind test, 有香港著名咖啡師講過 麥當勞嘅咖啡整體評分其實仲好過好多連鎖咖啡店😳😳😳 呢度賣緊cappuccino只係16蚊 仲要拉花!!!! 行街行攰咗過黎朗豪坊坐下，歎杯咖啡都係一個唔錯嘅選擇👍👍👍

本人勁喜歡玫瑰味嘅製品， 今次見麥當勞新出嘅 Rose Cheesecake，今日終於試到賣相就幾靚，但一入口玫瑰味好假，係有玫瑰香但係應該用玫瑰香精做出嚟，又唔夠芝士香食原味好過😪

原本行去朗豪坊想買聖誕禮物，點知無貨，然後行過麥當勞，記起自己有張「為食卡」，咪外買左一杯double 新地，兩個新口味既芝士藍莓批返公司同同事share，因為個位同事想試一試呢個新口味！以為個芝士藍莓批會好伏啦，好彩味道唔錯，批個面都好脆，𥚃面似熱左既藍莓味乳酪，喜歡食奶類既朋友，可以試一試。至於杯double 新地，無乜特別，正正常常一杯雪糕。呢個同同事開心share既下午餐只係$16.5，平平地又一餐！

今日約左朋友食晚餐，但時間仲未到，便去了座落朗豪坊的麥當勞🍔。此麥當勞位置都算多，等了一會就有位了。朋友之前買左麥當勞為食咭，我們點了Zone A 凍新鮮檸檬🍋茶及Zone B 的曲奇麥旋風。

因為我在旺角返工，所以過來食完野才返工。1。話說找錢個時有兩次找少錢俾我，兩次都收多我10元，想點？現在好等錢洗咩？兩次食多我10元。還有一名職員在找錢仲衰，用500元俾很細價錢的食品，找錢時係我面前曬出來，好像話回489元俾你，佢就在你面前把489元一張一張紙幣同硬幣放在桌面曬出來，而唔係一手慢慢找返啲錢俾我。係咪想我話俾人知我好有錢？問題係我有錢就唔洗走上來食你地啲野同唔洗返工。2。在食物上，有次叫咗麥樂雞餐，同我唔俾醬汁，叫我乾食，好辛苦嫁，被迫同佢地說返，話要收1元，之後我話都無俾到醬我，佢地無奈地俾返我。仲有很多醬汁對我來說係食唔到佢地咩味，仲好過無俾醬汁我順下口。3。好食得辣的人，對於係有辣野而食下去是完全無反應，額外的醬汁都無用，都唔知係咪辣野是減少辣到的。都唔知咩原因令人走上去食野，而走去不多遠的麥當勞食野仲好

見到 chef lemon 同m記合作出左個新包 哩牌仲有得食shake shake 薯條就忍唔住試下喇因為都只係tea time 一個人食唔哂一個餐所以都係同男朋友share 一個加大餐啦黎喇黎喇鋒味安格斯煎蛋肉醬包我鍾意漢堡包皮夠哂林同埋都熱既入面都幾蛋料咁當然啦個樣同廣告個樣有番咁上下出入個漢堡又真係唔干啵同煎蛋肉醬都夾其實真係幾好味懶係健康咁叫左橙汁不過薯條有d唔新鮮 林林地Shake左紫菜味 嘥左包粉如果薯條新鮮d就好喇不過食完個包都真係想食多次唔知係咪有人同我爭食覺得好味d~

麥當勞又有期間限定新品，McCafé將推出全新秋日限定「McCafé x Vitasoy 虎紋紅豆抹茶」系列。虎紋紅豆抹茶，杯邊加上香甜的紅豆醬，撞入有機豆奶，幼滑的豆奶奶泡、馥郁甘香的西尾抹茶與軟綿的粒粒紅豆醬完美融合，最後灑上薄薄一層的抹茶粉作點綴，口感豐富。

依排周圍既朋友都瘋傳麥當勞推出一連十六日的優惠，我本身都無特別感覺，無話非吃不可，但見今日做$16脆辣雞腿包配中汽水，的確好吸引，所以決定去湊下熱鬧。果然同預期一樣，人來人往，比往日更多人，由於人太多，食飯時間只有短短一小時，決定買外賣。但一個脆辣雞腿包又好似唔係好夠，最後加左$11買埋脆香雞翼，這應該是麥當勞的推廣策略吧!開頭都擔心做優惠個包會較細，但居然沒有，脆辣雞腿夠厚身，沙律醬同生菜都好足料，值得一讚!

一連16日嘅老麥promotion點都要湊一湊熱鬧，嚟到第2日，今日係四重芝士孖堡加杯中可樂，一共 $16～老老豆豆如果唔係呢個campaign我都唔知有個咁嘅包🤔廣告張相明明好飽滿好靚仔的，但實物扁塌塌🤨，唔只個包乾爭爭，兩塊牛肉都又乾又薄，d配料少得可憐，要揭開塊包先見到d茄汁同洋蔥碎，但實在太少嘅關係食唔到個味乜濟，每一啖都淨係食到片裝芝士同牛肉乾嘅味道。另外可能因為要應付promotion嘅關係d包預先整好曬，所以一d都唔熱👎可樂只能轉zero或者芬達/雪碧，都係d唔值錢嘅野🙊總括嚟講，成個餐雖然價錢平但質素真係一般同埋唔飽肚，感覺唔太值🤫

網上見到宣傳，今日豬柳漢堡買一送一，當然唔可以錯過啦~😆同同事夾份買咗個豬柳漢堡，但又怕唔夠飽，見到又新出粟米批，就買多個粟米批嚟試下~雖然今日做優惠好抵，吸引咗好多人都嚟幫襯，但都唔洗等好耐。喺機落咗單之後，等5分鐘左右就有得拎喇~😊開餐時間~~~😋😋雖然今日做優惠，但個豬柳漢堡完全無偷工減料，好多芝士，好足料~👍🏻👍🏻可能今次芝士太重手，略嫌鹹咗少少~之後到粟米批喇~食落感覺就好似飲緊粟米忌廉湯咁，好正！唔會太甜/太鹹，恰到好處。下次可以再encore!!👍🏻👍🏻