麥當勞 (已結業)

麥記又有新嘢出，當然要試試!這期叫"辛滋味",即是辣的產品，第一輪推出是"泰火辣雞腿飽",稍後會有其他如黑椒漢堡，芥末魚堡。套餐價$28.8只看外型份量十足，塊雞腿好大塊，內有大量生菜絲，雞炸得香脆，望落覺底食。個飽拿起幾重手，一咬，塊雞真係熱辣辣，香脆多汁，麵包鬆軟，這個名為霹靂辣椒醬汁，橙色，望似溶了的芝士，入口小小酸，有小小咖哩的嗆口感覺，個人覺得加多小酸甜會更好，因食時味道會被雞的咸味蓋過，只感到餘蘊的嗆口，論辣也不算辣，泰色與否，不得而知了。總的來說7/10分

麥記繼上次咖哩漢堡後, 同一系列第二擊有 - 韓風辛辣雞腿包.以為有甚麼特別, 原來一句講晒: 只不過將脆辣雞腿包改用韓式泡菜辣醬.但一點也不好吃.韓式泡菜辣醬有泡菜味, 辣度OK, 但泡菜味"太搶", 最終我只感覺個口好辣, 雞肉牛肉根本沒有分別.請麥記推這類新包時加少少誠意, 不是求其加上新醬汁就好吃, 有些醬汁並不適合加入漢堡包中, 又或是需要其他配合才能入口.下期即將推出芥辣魚堡, 看廣告其實也只是普通的魚柳包加上芥辣醬; 這個應該不會試了, 一來本人不喜芥辣, 二來已經不會再對這個系列有期望.

今日我地黎到旺角，掃完一輪野食都好似仲未見飽, 知道麥當勞又出左返黑椒漢堡，又有香烤蜜糖 SHAKE仲有我勁愛o既麥當勞湯都返黎喇, 一於再黎食個餐先返學粟米磨菇湯好夠熱, 呢個係我好鍾意飲麥當勞湯o既原因之一忌廉味香濃而且好細滑，粟米同磨菇份量足, 淡淡豐富好味加埋包黑胡椒 , 更香更美味, 不過要加 $ 8 , 一年比一年貴 Shake shake 薯條大部份口味都好味，除左上次個 wasabi 今次附送o既係香烤蜜糖味都唔例外 , 好似卡樂 B 薯片味黑椒漢堡o既黑椒汁少得可憐 , 跟本就唔覺有黑椒味, 反而洋葱粒就好多，呢個包比較適合叫洋葱漢堡多d，漢堡扒乾身欠缺肉汁，而且無咩味道，成個包得好細 -.-"## 總括黎講，呢個套餐都係試一次就夠喇，價錢唔再講，但味道真係有點遜色令人失望

Mcdonald’s 的蝦堡再度回歸, 筆者當然急不及待買一個試試. 單價(HK$17), 較往年貴了兩塊錢. 購買時特意要求多千島醬, 打開盒子時蝦堡果然多醬, 不錯. 上下層的麵包也烤過, 中間的炸物做得非常出色, 蝦膠打得剛好, 軟硬度適中, 間中還會看見原隻蝦粒的容貌, 淡淡的蝦味, 加上外層的炸漿, 生菜, 大量的千島醬, 真的很滋味. 雖然外層的炸漿不及mos burger 的吉烈外層出色, 但其半蝦膠與原隻蝦粒的狀態, 真的令人回味無窮, 再加上較mos burger 的便宜, 絕對不能錯過.

麥當勞經常有新稿作，而早前Hello Kitty Fairy Tales系列可算是我近期較愛的一個。上次吃過可愛造型包裝的一餐讓我吃得很開心，這日趁這個主題來到尾聲吃吃黑芝麻雪糕新地($7)。雪糕新地只用普通沒有印著可愛造型的杯盛著，失望。但更失望的是黑芝麻雪糕新地的味道。首先雪糕質感的確是滑，不過味道很甜，再配上同樣只有甜味又欠卻香味的黑芝麻醬，甜加甜，這個超甜甜品吃一半已覺得太漏了。

一向極愛SHAKE SHAKE薯條...每縫到推廣月就會吃個不停以往曾推出不少令人回味的口味...至今仍念念不忘和風紫菜味最討小孩歡心...差不多個個都選它本人對紫菜味沒什感覺...反而偏向鍾情於濃味一點的風味當中星洲椒鹽與法國蒜香也是不錯的創意口味...讓人難忘最愛當然是香烤蜜糖味...集香濃甜蜜惹味於一身不瞞你說...每次都多買十包粉放家裡坐鎮...留待推廣期完結時用麥樂雞餐 $20 [ 特價]加大配薯條調味粉 $4這次SHAKE SHAKE調味粉...只有一種濃香芝士味不大清楚是為了宣傳德國風味辣雞堡...還是專為薯條而設愛SHAKE絕對不能錯過任何新口味...就跑去試一試帶點期待...卻又怕只有咸味而沒甜味一打開...單嗅而嗅到芝士香...色澤橙黃色的甚誘人芝士味濃郁...咸中帶甜...討好吸引再濃烈一點更為不錯...最好每口都是芝士香但現在也屬理想之上...應該輕易獲得大眾的喜愛對SHAKE是愛...但也有不滿處加大才有配調味粉...可是調味粉的份量往往只夠灑滿中薯條薯條份量太多...調味粉只夠塗上薄薄的一層...有些甚至沾不上建議加大調味粉的量...才會達致完美的比例另外.

今期挑戰廣告大熱的「德國風味辣雞堡」，套餐原價32.30，加大再轉飲奶茶(減肥期間走奶走甜)，埋單約38.80，幾乎等於兩個二十元套餐，相當不便宜。首先，點解叫德國？據說加入左德國酸菜絲同雞肉腸，搭配脆辣雞扒，芝士很誘人，實在味道偏淡，雞肉腸也沒什麼特別，辣雞扒一貫乾身，酸菜絲不算酸。麵包方面據說是黑麥包，但顏色和味道不太像，令喜愛黑麥包的我有點失望。整體味道特別，但不算好吃，只試一次。加大可配特別味粉，芝士粉顏色像小學食那些芝士什麼波之類零食，味道亦很像，個人還算喜歡，最少比「德國風味辣雞堡」吸引得多，算是這餐的一個小亮點！

今早要到朗豪坊戲院看早場, 於是便到麥記買柸咖啡+薯餅+兒童早餐 做早餐。今次的麥當勞位於朗豪坊商場2樓。由於距離開場時間還有10分鐘, 於是便買外賣離去。今次order了1) 薯餅 - 很鬆化, 味道好好, 配合埋茄汁一起吃, 簡直是完美!!(2) 咖啡 - 朋友喜歡飲, 晨早起床要提提神!! (3) 兒童早餐 (漢堡飽餐) - 目的是要換"藍精靈" , 牛肉比以前鬆軟了不少, 值得一讚!! 過了一會兒吃, 包都沒有硬班班的感覺, 很好!!每個地區的麥當勞價錢都會有所不同, 由於這兒是旺角, 所以價錢都比一般貴了少許。而且光顧的客人都很多, 自遊行的遊客亦不少!!總括來說: 值得一讚!!

繼日盛魚堡包後麥記推出變種版蜜糖芥末魚堡最近巳經把減肥大計拋諸腦後今晚就來吃麥當勞吧～蜜糖芥末魚堡（HKD26）用上的是長玉米包入口很鬆軟，但沒有什麼玉米香炸魚塊比正常版的魚柳包的來得長，不過味道跟質感跟正常版的沒差伴以椒香芝士、兩大片番茄和生菜重點的蜜糖芥末醬汁，白色醬汁中有著芥未的顆粒沒有芥末的辛，只有淡淡的蜂蜜香始終還是原始的他他醬更為對味

是日邀請到近來人氣急升的 Mr. C.B.D 接受訪問。以下 代表記者； 代表 Mr. C.B.D。 ：謝謝您接受訪問。 Mr. C.B.D，請問您的全名是…… ：噢！就是 Chicken Bacon Deluxe，紐約特級煙肉雞堡。 ：方便透露身價嗎？ ：身為 M Selections 的一份子，當然高……一點點罷了！單價二十元零八毫子。怎樣？ ：聽說您採用「優質小麥麪包」？ ：哼！甚麼優質小麥麪包？完全沒有麥香，乾巴巴的，倒像放了一夜的麪包。 ：廣告中強調您的芝士，是「歐陸式高級芝士」？ ：你不說我還不知道是「高級」貨呢！ 連鎖快餐店的水準……不過不失啦！這芝士味道較平常的淡，但口感較軟滑。 ：那您對「香草原塊雞胸肉」的評價如何？ ：老實說，一開始我就不喜歡它。眾所周知它是「金玉其外，敗絮其中」：外皮無疑炸得金黃香脆，可內裡的肉質哪，除了乾，還是乾！ 板燒雞腿、脆辣雞腿甚至麥香雞都比它好！至於香草，味道太淡了，我分辨不出到底用了哪種……你知道嗎？ ：新加入的「脆香煙肉條」呢？ ：肥瘦比例剛好，有煙燻味，店員也煎得恰到好處，值得一讚！ ：順帶一提，西生菜的表現您滿意嗎？ ：

呢一日行過呢頭，唔知點解會入左黎食個餐。我醒起啦，有張五蚊既coupon要用埋佢。咁就食個巨無霸餐啦。巨無霸個份量好似細左，不過牛肉就幾好食。料都算幾足既，芝士又溶溶地。幾好食架。薯條都係咁上下啦，普通既貨色。其實都幾貴，雖然有五蚊coupon。

呢日喺朗豪坊McDonald's食我最鐘意嘅麥香雞,香芋批同綠茶,跟住一坐低打開杯熱水諗住放個茶包落去,點知杯水同個蓋有好多黑色嘅污穢嘢,因為我一個人,嗰陣又好多人,走開咗可能無位坐,所以叫個阿姐幫我,我同阿姐講"佢比杯咁嘅嘢我!"於是個阿姐攞咗杯水入去,但佢攞返出嚟嗰陣陰陰嘴咁笑, 我已經知道有唔妥,我一打開個杯蓋見杯水得翻大半杯,即係個阿姐根本無換到比我,就咁倒咗啲污穢嘢就算,跟住我即刻走去counter同收錢個姐姐仔講翻個經過比佢聽,佢就即刻叫人換翻杯水比我.我最火滾嘅唔係杯水有污穢嘢,而係嗰個阿姐嘅服務態度,如果佢係唔想做嘅,好心佢就唔好做啦!!! 我希望呢間麥記嘅高層好好培訓吓呢啲服務態度咁差嘅員工,啲嘢係污穢嘅,就咁倒咗小小就當係乾淨嘅攞返比人飲?!!!太離譜啦!

5點幾諗住去買個芝士火腿扒飽食啦! 入到去見到好多服務員係Counter 到, 但係D服務員手腳慢, 人又咁多, 淨係得個經理係後面做野.....本來都冇咩野, 但係排係我前面個妹妹仔, 排到佢時, 原來個服務員識個妹妹仔, 識唔係問題, 傾兩句都唔係問題, 佢o地傾足3分種, 當後面o的人死o架......經理見到又唔出聲, 淨係響到做, 你估你係牛咩...到我時, 個店務只問完我食咩, 落完order收埋錢, 就走o左去執佢個friend 份order....咩而家唔係收錢還收錢, 執野還執野咩? 你o地麥當勞而家o的咩新制度呀? 分開做效率高o的咩? 如果係點解o的員工又可以轉o黎轉去.....做經理個個又唔出聲, 點教人呀? 我覺得你o地麥當勞真係要檢討o下......特別係呢間麥當勞 .