麥當勞

营业中

休息中

其實係想試下黑松露味shake shake 薯條。 但散叫就算你買大薯條，shakr shake 粉都要加$2.5. 横掂都係，就叫左個三文魚堡餐加大，加大就免費送shake shake 粉一撕開包粉，的確好重黑松露味，之後放落shake shake 袋同薯條一齊shake, 食落口就唔知點解無左陣黑松露味，而係好重味精味。 另外，同茄汁完全唔夾，所以都唔使點茄汁。三文魚堡同魚柳包最大分別就係加左洋葱，醬汁係千島醬同埋個包無魚柳包甘軟。 其實中間都係炸魚，三文魚同平時魚柳我覺得分別唔大，本人覺得魚柳包好食d.總括而言，下次會order魚柳包+紫菜 shake shake 粉

我一向都對麥當勞有份情意結，讀書時無錢成日都食，即使到依家都只廿幾三十蚊就食到一餐！瑞士滋味漢堡包！件肉夠厚夠juicy，加埋個蘑菇汁，成個包既感覺好豐富！我本身唔鐘意食好乾既野，呢個包就岩哂我！ 今日仲豪食，買多個粟米批，超正！如果你都鐘意飲粟米湯的話，咁就一定唔可以錯過不過呢間麥當勞既人手真係少，廚房加收銀得兩三個人，做到佢地手軟，d客又等得好耐。好彩我唔趕時間

人少少去左食麥記新飽 推出兩款新口味當然首試瑞士芝士安格斯啦 另外萍果又無咁吸引我 所以下次先試兩種芝士+ 磨菇 +生菜 仲有大大塊安格斯牛喎 味道唔錯 牛肉係唔太juicy不過夾埋磨菇同瑞士& 車打芝士真係無得輸 散叫$26 套餐$36 價錢尚合理加埋雞亦 超級滿足 還有送雪糕新地卷添呀 可即用或遲d用添

食飽飯後，口裡還欠一點點食物！結果去了麥當奴！叫了一個士多啤梨新地～面頭有碎花生，同士多啤梨醬舖在新地上！碎花生不是脆脆的！士多啤梨醬味道唔錯，加上新地味道奶味很濃，配合得宜！但係麥樂雞不熱！又不脆！口感不好！點解呢間麥當奴不及其它其它店舖？

今朝去麥當奴幫襯，叫咗一個魚柳包，價錢貴咗！仲要縮了水，細個咗！唉！加埋一杯咖啡，合共27蚊左右！好在芝士係完整，好似卡夫芝士，魚柳既味道唔錯！小小脆，魚既質地仍然結實，無雪藏味！麵包都軟熟！所以食起嚟口感都可以！

好耐無去麥當奴食早餐啦，有 d掛著熱香餅！之前佢哋做推廣既時候，熱香餅可以配幾款醬汁架，有士多啤梨，柚子等！幾吸引！各有特色！但係而家只有牛油同蜜糖！都算啦！足知，我都係叫了一個熱香餅，但係點解熱香餅 d 餅邊硬哂！好似整完好耐！無乜餅香味！ 牛油又溶哂！味道有點兒怪怪！幸好齋啡味道唔錯！有咖啡豆香味！不太濃！不太淡！16蚊一份早餐！價錢唔錯！

自從老麥有特價餐，我都好少食正價餐，今日見到有新包推出，又唔貴就試下啦。由於lunch time 去，所以預左人多少少，但係估唔到要排長龍，可能呢間老麥請大量中年職員，做野速度真係會蝕底少少，但睇得出個個好認真做野，有禮貌及有熱誠。其實請中年人對老麥型像有正面作用，好過老麥之家捐錢，幫下中年人就業我點了一個 加大 菠蘿滋味蝦堡餐，有"識shake"粉跟，要左蜜糖味。老麥炸薯條水平好平均，真係好少會 出事。呢間炸薯條合格，炸得幾好，又唔會過咸。Zero氣水裝滿，好耐都無試過老麥會裝滿Zero汽水 菠蘿滋味蝦堡有生菜，沙律醬，一塊炸蝦餅，一塊鑵頭菠蘿。主角賣相其實真係好一般，成個飽差唔多色，冇好大對比。因為包裝係有紙盒，所以成個包型好"庭"身。味道方面，其實預左沙律醬同生菜炸蝦餅好夾，但估唔到 重點係 一塊 勁甜鑵頭菠蘿，出奇地好夾成個飽，硬度適中，如果用新鮮菠蘿 一定唔夠甜及太硬。老麥雖然間間賣相同野，但係其實食物賣相同處理時間，每間都有分別。愉翠老麥算一間慢但整得幾好食既老麥。

都唔明mcdonald唔係有qc咩??點解呢間食左幾次都係咁無味道,d粟米又乾身.係最近呢兩三個月先係咁喎....個火腿排芝士漢堡片芝士又唔溶...唉....

我住係附近都快4年了，因樓下無咩好食，大多都會幫襯麥記的，起初幫襯時經常都會發生以下情況：1.俾漏食物，無論係"拎走"或打電話外賣都經常發生!2.繁忙時間唔夠野食供應，特別係中午同晚上7時後，去買野食十居其九都唔可以同一次過俾晒客的，永遠要D客等，個個客企埋一邊等都幾壯觀嫁3.無改善的誠意，佢地又唔用D方法識別客人喎，我試過買個餐堂食欠個包，咁我就食住等啦，薯條同汽水都落晒肚，個包都未黎，多好時仲要係D員工忘記左你欠D咩!!我都試過向經理反映,但佢無咩表示只係講兩句SORRY，仲反向我解釋佢地唔會預備太多食物供應給客人喎，佢地會主張要先落order，佢話怕無人買喎..........之後仲話要陪罪送張優惠劵俾我，我一睇，又係d要你係早上11am前買早餐送鬆餅的...............佢誠意可加啦!!這是一間員工經常叫"單one" 的麥當當...........

住响附近,間唔中黎呢間食野,食物尚算新鮮,今日同男友下午茶,2人order了牛肉烤餅餐加大,雞扒沙律同一個漢堡包,質素ok la,起碼仲熱嘅,薯條夠脆服務真值得一讚,去過咁多間麥記我最欣賞呢間。唔止今日,平時都係,當食物要等時,公關主動送埋黎你枱,又sorry又多謝,有禮貌好笑容,(佢叫Money),執枱那個四眼仔响客人臨走都會講下多謝。環境尚算整潔以前去過太古廣場同西洋菜南街那間食野係無公關或mgr响大堂嘅,等食物要自己取(不是繁忙時間,我裝到重有2個mgr响入面遊遊下), 仲以為大鋪會好招呼d 添,超!希望麥記管理層知道後正視吓。

今日下午行錯路，唯有去麥記醫肚，廿幾蚊個餐，巨無霸熱熱的，但包得不太好...算。薯條細細包，但夠脆，算...忌廉大杯..算。飽...又一餐。