麥當勞

营业中

休息中

成日黎到呢間mcdonalds都會見到成枱都係碟，無人執加上薯條都經常凍冰冰，仲要落好少鹽，淡某某咁其他野食其實就無問題既，但呢兩樣問題真心趕客! 希望黎緊可以改善，我都想屋企附近多一間可以揀既餐廳!

一知道麥當當推出bagel做早餐，我就已經成日好想買黎食！因為我都算係個bagel控😁終於都食到了。我只散叫一個包。因為我不想食薯餅，怕熱氣呢😅叫左個煙肉蛋Bagel。拎上手都幾重手下。一打開真係不得了。d芝士爆晒出黎！煙肉並不是平時煙肉蛋漢堡那塊煙肉。仲要有3片煙肉，我無諗到麥當當會咁足料！味道確實不錯，又夠飽肚👍🏻

功夫熊貓好hit呀前排連我早餐食開的粟米脆脆都轉左包裝，亮點極高單點了一個香芋麥旋風，無食一排又加價了眼見有紫紫地色的汁，紫紫地色的粉粒，食落去，香芋味甚濃郁，很喜歡呢。我是即食的，但粒粒Oreo唔脆的，個人認為oreo的cookie最夾cream，所謂cookie n cream嘛~所以三者唔算話好夾，分開食會較正

今朝起身 心血來潮想食麥當勞早餐於是 就嚟咗呢間麥記 買外賣返屋企食 當我一打開嘅時候餐嘅份量 比平時分量多 同埋呢間餐廳係即叫即整 所以返到屋企亦都唔會凍曬 個包同埋豬柳都覺得好好好鬆軟 薯餅炸得都得好脆好爽口

吃過晚飯之後, 便和太座四處逛逛, 口淡啖便入 "老麥" 吃點東西 ~呂宋芒果新地這杯新推出的新地, 芒果醬是比較稀, 芒果味道不算突出, 與軟雪糕混合之後, 是較難看得見果醬的顏色, 二合為一, 融合於一起 .... 味道一般般, 不甚突出 ~本編完 ~

其實活著還真是件美好的事，不在於風景多美多壯觀，而是在於餓了，就找吃，吃飽了，人就滿足了，幸福了，果然，能吃就是幸福❤️❤️被食物溫暖了一下，即使是天氣超冷冷的～～天冷就是要吃冰，以毒攻毒，以冷攻冷，又或是負負得正，冷冷得暖吧～～哈哈總之，冬天就是要吃雪糕取暖❤️❤️好啦～～打夠了書面語～～就打我最流利既口語吧～紫薯新地的確係幾好食，出乎意料的好食呢😊麥當勞嘅雪糕其實係唔算差正如佢啲咖啡一樣，沖得ok都仍然不錯👍🏼始終都係大品牌，點都會好少少雪糕一貫麥當勞有着既甜甜牛奶味😬所以呢個雪糕都係偏甜 但出乎意料 紫薯味挺濃郁呢😍而且唔知係咪太耐無食m記雪糕 覺得香滑左呢以$5.5計 果然經常食都也不會心痛😎我個人覺得好食過之前出嘅黑芝麻味、抹茶味

鐘意食蘋果批既我見到栗米批出爐就一定去試。外皮同以往一樣鬆脆，粟米餡熱辣辣。粟米粒幾多，粟米味突出，非常香甜。粟米同白汁重有批皮好match,食落飽肚又唔太膩，重好食過蘋果批添。$7一個真係幾抵食。趁佢重出緊，大家好快d去試，遲d可能冇架喇。

近期近出hawaii漢堡，我以前在hawaii生活過，當然要試清楚。漢堡加上芝士，再加上菠蘿，配搭上算是不錯，效果幾好，因為漢堡夠厚，又juicy, 加埋菠蘿一齊食，酸酸甜甜，食指大動。加上成個burger size夠大，足足係魚柳包等既double, 食落夠晒飽肚。

因為麥記有新餐，所以我又來這裡吃晚餐，今次吃的是惹味辣牛堡餐如下：惹味辣牛堡裡有4片牛肉、芝士、生菜、很多醬汁，很夠辣味，十分惹味。個包即叫即整，吃的時候有煙出，很夠飽。洋蔥薯寶有5粒，由於餐廳冷氣太大，吃完個包再吃薯寶涷晒。薯寶是加入了洋蔥的小薯餅，十分美味。青蘋果梳打茶：冰涼清新，邊吃辣包邊飲青蘋果梳打茶，味道很夾。這間餐廳冷氣較大，找座位並不容易，並非因食客太多，只是大部分枱上都有食客吃完後遺下的餐盤，可能餐廳人手太少了。

天氣實在太熱，在麥當勞吃完包後，我忍唔住買了杯雪糕吃，今次想試新出的菠蘿新地。想不到菠蘿味很有消暑的感覺，甜酸味道清新，配上細細粒果仁，十分冰涷美味！美中不足的是雪糕份量少，賣相不夠好看。

今天和妹妹來這裡吃晚餐，我和她都想試新嘢，同樣點了新出的「騎騎笑煙肉雞堡餐」，加＄4把汽水轉為「眼柑柑新地樂」。這款新包和新雪糕的名字都十分攪笑，我向店員購買時也覺得很有趣呢！煙肉雞堡包是長形的，質地適中，不軟也不硬。煙肉質地較硬，似肉乾。芝士一大片，但沒有溶入包中。醬很少，吃不出是什麼味道。整個包很乾身，吃得很乾淨，不會有餡或汁跌出來。雞肉雖然是炸了，不覺熱氣，但比較乾。生菜份量不像廣告所言那麼多。中薯條不熱，而且很乾硬。眼柑柑新地樂有雪糕加柑橘味梳打汽水，很冰涼清新，裡面有少許果肉粒，甜度適中，非常好飲！總括而言，這款煙肉雞堡包味道有點令人失望，只吃過一次便夠了，眼柑柑新地樂才是亮點，一定要再吃，炎炎夏日，一杯在手，很寫意呢！

小時候到麥當勞吃雪糕新地, 是有三款味道的, 分別是朱古力, 士多啤梨以及熱焦糖. 那個是芬達還叫做發達橙汁的年代, 一切還是那麼美好的年代. 近日, 麥當勞把熱焦糖新地從新推出, 我當然不要錯過, 尋回昔日的感覺.熱焦糖新地 Hot Caramel Sundae $8: 8.5分, 這次重新推出的經典熱焦糖系列有好幾款選擇, 包括有熱焦糖Double新地, 熱焦糖新地蘋果脆, 不過我還是回歸基本步, 選擇熱焦糖新地.軟雪糕是幾香滑的, 不會太冰, 奶香不俗, 而主角熱焦糖醬, 當然是幾香甜, 甜度幾高, 但吃焦糖不夠甜, 不如不吃焦糖吧. 焦糖配上軟雪糕, 實在相當甜美, 面頭再加上花生同吃, 滿足!麥當勞重新推出的熱焦糖新地, 熱焦糖醬大甜美, 配上香滑的雪糕, 愛吃焦糖的朋友, 準會滿意. 實在很久沒有吃此品了, 不知道這次的復刻, 會維持多久呢!

想試左個新ge芝士薯波同荔枝梳打茶好耐~於是叫左佢個盒套餐。點知買完先知係分享盒，份量好多，如果兩個人食除番就好reasonable (可憐我買完先知，變左一個小毒毒自己食分享盒)。本身好中意食荔枝，所以爆中意個荔枝梳打茶，撇除佢有D太甜, 套餐加三蚊就有好抵~~p.s.薯條走鹽, 又熱又脆 B-)

話說上次講到m記有新野出，我就去試左第一個包(黑漢堡)中左伏，今日又見無咩野做就諗住再去試埋另一個新嘅漢堡，希望佢好食喇，因為上次包真係唔得。今次一打開飽盒，就發硫比上次果個好好多了，起碼唔會聞到一陣變壞左嘅味道，同埋飽盒入面個包唔會亂晒龍，似番個包。今天我食左呢個白漢堡第一啖之後，發覺個包嘅味道都算可以接受，雖然黑椒味過重，薯蓉又唔夠滑仲要凍凍地。但係我覺得味道上都係ok的，起碼唔會好似上次咁食兩啖就走，唔會浪費野食。。。

因為住附近， 無奈每次外賣送餐都係 e間分店負責準備送黎次次都遲， d 野食凍左又要漏單都算冇唸過堂食都咁差最近因為工作關係都會經過附近一次夜晚，一次今朝間野都唔算多人兩次行埋櫃檯都即刻買到野唔洗排但 d 員工係唔叫都唔會理人主動落單而且對客永遠都黑口黑面對廚房或者其他員工就掛住傾計一路笑仲要自己聽錯落錯單都好似個客問題咁好啦， 講番今朝個早餐我叫左煙肉蛋漢堡餐難食到死冇錯係比得 e 個價錢咁既質素正常但佢係仲差賣相：個托盤本身有水， 一放紙巾已經全濕， 個包張紙油淋淋， 見到都唔開胃味道：個薯餅好似隔夜既， 唔脆之餘硬掘掘， 重隔夜油味個包唔熱， d 芝士都唔太溶到杯朱古力， 㩒個制冇難度既野唔會難食得去邊結論：唔到餓死都唔會再幫襯