麥當勞

营业中

休息中

周日睡到十點多,落樓叫個麥當勞珍寶早晨全餐單點外賣, 為什麼只叫單點,不要飲品? 因家裏有自己更喜愛的coffee珍寶套餐的滑蛋夠滑又厚,口感十足,用上附送的黑椒更醒神及啖啖蛋香。我的習慣用豬柳扒抹上附送的牛油搽在飽上享用,真是幾重味道一起嚐啊！十一點嘆完, 可滿足到下午茶時段才出外再去尋美食...

放工又未到食晚飯時間,一於到麥當勞買個魚柳包頂下肚,記得入了麥當勞會做會員,今個月有生日優惠,選了蘋果批做生日禮物。外賣回家,食個包、嘆個蘋果批,再飲杯中國茶,滿足了。

一係俾漏野，一係俾錯野，個包俾漏舊肉，廚房啲人發緊夢？仲要次次買都會有錯漏！又唔係忙，個個企系度傾計，少少野都錯漏百出，服務態度？建議唔好再買呢間真係勁垃圾 ，行遠少少買另一間都唔會貪近，垃圾！

尼間Mcdonald's 雖然細，出餐都好快，仲要冇乜甩漏。之前去過一D Mcdonald's 成日出錯單同職員態度差。好彩尼間唔系咁，我仲見到職員會主動幫有需要的長者、小朋友。非常貼心窩心。

第一次留言，因為真係不吐不快！疫情期間,俾刀叉我嘅時候放喺counter枱面! 食完第一塊 見到有嘢凸起 一反第二塊 見到咁 繼唔繼續食落去好？轉左醬又唔通知一聲！ 好怕食Jam, 好彩之前食淨左牛油，屋企雪櫃有後備！其實已經俾咗好多好多次機會佢哋…但每一批新人都有新嘅問題出現！都係自己衰懶，唔煮！

McCafé又有新野試啦🤩🤩菠蘿雞肉芝味薄餅🍕🧀🍍個份量一個人食岩岩好，有雙倍芝士食落會拉絲🤤好鍾意佢個酸甜千島風味醬做底，加埋啲雞肉食好perfect🤩我仲加多$5轉配沖繩黑糖珍珠鮮奶，可以叫少甜，夏天飲一流啊🤤

今日約咗好友比啲禮物佢，因疫情大家都不想在公眾場所太久，所以約在呢間快餐店短聚，去到分兩層，地下是廚房，樓上雅座，我在樓下自助機落單比錢，再等5分鐘出菜！樓上座位有些已封，有些加了隔板，地方有點舊有點迫，加上沒有窗，顯得有點暗沉（雖然鮮黃+黑色）地方不算舒適開心樂園套餐（$22）麥芝蛋包：麵包鬆軟，蛋有厚度，蛋白幾彈，蛋黃雖然是熟，但不會熟到粉，芝士半溶，不過沙律醬略多，下次要半份沙律醬就好了！細粟米杯：不過甜，粟米比薯條🍟健康！熱檸水（跟餐+$1.5）水夠熱正常唔澀！朱古力批（$8）炸的略乾，朱古力餡變漿，濃稠香甜，比我來講過甜一點，但仍是好味的食物幾好，同店員只在出菜時接觸，出菜都快！快餐都很滿足

抗疫期間為安全著想不主張堂食，最好外賣帶回家中嘆美食。每年麥當勞都會為麥樂雞限時推出不口味的醬，之前叫《點Jack》近年改為《Dip》，多麼懷念當年瘋狂的《點Jack》出場。4款麥樂雞滋味醬，包括蜜糖芥末醬、韓式辛辣醬、星洲咖喱醬同香草檸檬醬。「香草檸檬醬」- 味帶酸輕微香草味，檸檬的酸在入口後漸漸跑出，像在吃炸魚薯條似的。「蜜糖芥末醬」- 蛋黃味突出， 酸酸甜甜，容易入口， 不自覺地很快地將醬汁通通吃光。 「韓式辛辣醬」- 味道濃郁，酸中帶微辣， 有後勁辣味會維持在口裡一段時間，感覺似在吃韓式拌飯。「星洲咖喱醬」- 醬汁比較杰身，咖喱味不太重，反而甜中帶微辣，口感有少量咖喱粉顆粒，星洲風味十足。

這晚吃宵夜，在麥當勞點了一個脆辣雞腿包套餐，除了包，當然還有薯條和飲品。包還是老樣子，但包內的雞腿好像變小了，味道仍是不錯的。薯條不夠脆，結果沒吃完，唯有喝橙汁汽水使自己更飽。這麥當勞在商場內，一個入口通向馬路，另一入口通往商場。地面那層有自助點餐機，人手點餐付款處和取餐處也在這層，座位不多。另有座位在二樓，店內有樓梯直達，也可用商場內的扶手電梯到二樓，然後步行到二樓的用餐區。

今日放早，行過見到呢個banner, 見重有得食, 雖然唔肚餓，但都心思思想搵啲嘢食。最終食咗個魚柳包加熱啡、同肉醬薯條，肉醬薯條好野味，醬汁都夠多，唔駛再沾茄汁食，加上咁啱薯條炸好，脆卜卜好正😋魚柳包啲份量比以前細個左，味道整體OK, 組合都幾多元化:有包、鷄翼、雪糕、薯條同飲品類...

今日經過美孚，有啲肚餓，就決定去麥當勞買個餐食下，點知嗰間麥當勞都幾多人，所以我就去咗買外賣。咁我今次就買咗個麥樂雞餐，另外加個調味粉，shake shake，雖然今次冇事到去個新嘅調味粉，好似係即食麵調味粉嘅味道，依然選擇返和風紫菜，跟住因為有啲眼瞓，所以就跟餐配左杯咖啡。拎到返屋企，啲薯條有少少琳琳地，但係依然都有啲熱，至於個麥樂雞，覺得有少少乾，同埋炸得太耐嘅感覺。而我嗌左一杯即磨咖啡，個人認為個奶唔係太足夠，引致到杯咖啡有啲龍，不過咁嘅價錢，都算不過不失啦咁食個下午茶🤗🤗

今晚通宵睇波,咁就叫麥當勞醫肚,諗住12點叫,1點左右會黎到啦 (佢既時間係一小時到) ,點知等到成2點先黎,咁都算啦。可能太忙,咁我叫左個鋒味漢堡餐,加shake shake粉,黎到打開shake shake粉冇既,個鋒味包溜晒汁。打返去叫佢送,野食都凍晒啦。希望可以改善下麥麥送服務。

住喺附近所以呢間麥當勞最近，但很多次唔愉快經驗就，所以有時候會行遠少少去另一間，今日有點累唔想行遠，所以黎返呢間食。薯條好多薯條碎，開頭諗住算啦，點知食下食下發玩半包都係碎，我知可能有d人會鍾意碎因爲比較硊，但我冇特別要求要碎，真係無奈另外試左黑椒漢堡，汁唔係好夠，聽到旁邊客下話冇汁要找員工加汁。快餐本來就唔應該太高要求，但平時其他分店食都正正常常，呢間真係特別差下次都係寧願行遠省少去另一間，比呢間好d。

Attracted by the new honey mustard favour of shake shake powder, ordered a 9 pieces McNuggets meal. Changed the drink to a small orange juice to reduce sugar intake. The McNuggets are freshly made and mixed well with BBQ dipping sauce, juice and crispy. The honey mustard is less salty as expected and slightly add the taste of fries. It is surprisingly yummy that I look forward to it's BBQ favour. After all, the Tabasco sundae arrived. It's look identical as ordinary chocolate sundae and so as it

最近公司搬左黎呢頭，麥當勞好近，所以小不免會黎買早餐。一黎到已經long queue，仲要得一個黑口黑面嘅員打響度點餐。等左15分鐘先拎得！然後我就遲到嘞我想食豬柳，所以叫左一個豬柳蛋扭扭粉同一個雞扒。用蛋同同事換左塊雞扒。真係唔換好過換，塊雞扒食落梅嫁！啲肉一絲絲咁甩。。。我真係多謝哂啲通粉仲要煮到淋哂爛哂。我美好嘅早晨，從買早餐果刻起就冇左Ps，之前試過落大雨見麥當勞冇乜人入去，叫左幾聲先有人應，上面個banner大大個扭扭粉圖，一嗌個員工好惡咁話 我地冇扭扭粉阿！服務差不特止，食物仲差