麥當勞

营业中

休息中

麥當勞又同hello kitty crossover啦~ 今次係滋味蝦堡，個盒重要係粉紅色，幾靚幾得意丫~唔知係咪為左配合剛完結嘅歐國盃，一打開就見到塊好似足球形狀嘅芝麻麵包。先嚐一口，都幾香幾鬆軟~ 再下層就係号稱「外脆內軟，啖啖蝦肉嘅炸蝦餅，塗上惹味嘅千島醬和芥末醬， 再配合清脆可口嘅切片生菜」…Well…現實賣相係差d，但整體食落口都唔係咁差既…炸蝦餅又真係啖啖肉，同炸得唔乾。 醬汁我又真係覺得少左d，我食到千島醬既味道，但芥末醬又唔多覺。切片生菜唔覺有， 生菜絲就有少量。有人會覺得漢堡包入面既生菜絲係可有可無，但我覺得生菜絲係個包嘅靈魂，可以帶出爽口嘅感覺。總括黎講，廿幾蚊食個包確實有點小貴，不過貪新鮮試下又無妨，反正又唔難食！

麥當勞最近同蛋黃哥CROSSOVER，推出飯TASTIC套餐，相信迷倒唔少粉絲，今日我都去湊熱鬧，會一會咁得意的蛋黃哥先！親子蛋飯TASTIC脆飯餅代替傳統漢堡包，中間夾住香脆的雞塊同粟米蛋餅，配搭好新鮮，由於有粟米，蛋餅咬落去好爽口，味道甜甜地，好清新！雞塊同麥香雞一樣味道，無咩特別，我最欣賞飯TASTIC的荷蘭風味醬同蛋黃醬，令到成個包更加好味

日夕西山，下午令人懶洋洋，沒有什麼動力，最好來一杯McDonald 青蘋果，忙裏愉閒地靜靜享受這個輕鬆的下午。麥當勞的青蘋果味道有一點微妙的酸，酸的程度沒有跟柑橘一樣，近來胃口不佳的我，一杯微酸溜溜的青蘋起了緩解作用。我見他們即叫即做，沒有下什麼防腐和人加味道，應該是健康之選。凍冰冰的它生津止渴，夏天消暑佳品，這杯$15元不算過份，坐在一方，一邊休息下，一邊望下街上行人的百態，輕輕鬆鬆渡過了一個下午了⋯⋯

出生年同老麥進軍香港同年，極勉強與老麥扯上關係。細個阿爸阿媽好鍾意帶我哋兩兄妹食老麥，有些經典玩具衣珍而重之放在玻璃飾櫃內。因此老麥對我來說一定不是劣食，反而係童年回憶(所以搵個肯陪你捱老麥嘅女友可以搵我, 而且我絕太多數叫23蚊餐，仲唔會加大轉凍檸茶)富豪林百欣都愛的魚柳包，那個他他醬，可能係全民辨識度最高嘅醬料，問佢個睇唔起雲吞麵嘅仔林建岳服唔服? 另外我亦睇過一個報道，一位多國高級餐廳名廚選咗老麥薯條為全美所有餐廳酒吧中嘅最佳薯條，因為全部經急凍後翻炸，確保金黃香脆，而且質量穩定。基本上老麥每次出新包都會試，但9成9都係失望而回，但今次有啲驚喜。首先佢唔係炒冷飯，堅係首次推出，手撕雞堅係前所未有。成個marketing賣高級, 搵Now名廚設計食譜。打開包盒，張包紙嘅包法已經同其他包唔同，包紙一角摺成三角紙袋形，裝着漢堡，其餘部分摺成粗長條形，環形地包着漢堡，部分漢堡外露，賣相精緻高級，似去咗灣仔老銅百幾二百蚊一個嘅漢堡專門店。包用了比較硬同挺身有少少粉喺面嘅麵包，好create your taste。非常難得洋蔥圈還是極脆口，之前食過夾薯餅嘅都你淋pat pat。手撕雞的醬汁有

終於等到我其中一樣最喜愛的期間限定，粟米批的回歸。而今日終等到吃一次作為我的宵夜。//可能有不少人覺得平平無奇，但就是因為在香港不是常常食到，更覺珍惜。//為何我對粟米批情有獨鍾？因他咬下去時，除了有一樣的脆皮之外，裡面是滿滿的原粒粟米和忌廉濃湯般的汁。//食到裡面時，其實似飲緊微甜的粟米湯，更可咬到一粒粒飽滿的粟米，所以令這秋天（縱使和夏天沒有分別）有著一點點暖意在心頭，一個字，正!和其他批不可媲美⋯//

好難想像, 會有人有興趣睇麥當勞既食評. 麥記的市場競爭優勢, 肯定唔係食物口味, 而係美式最洒家既標準化生產模式吧, 食咗咁多年麥記, 係消費者心目中的印象, 一係就: 永遠都”咁難食”, 一係就永遠都”咁好食”, 而唔會係: 上一次好好食, 但今次唔好食, 又或下一次幾好食…, 這就是美式標準化生產的精髓, 歐洲永遠學不來, 當然歐洲人也不恥要這樣的生產方式. 而麥記當然還有另一洒家之處, 就係: 好快有得食, 好快食完, 這是KFC也做不到的, 不知大家有否覺得, 在KFC排隊, 永遠估唔到要排幾耐….哈哈....講翻食評, 既然麥記食品無嘢好講, 咁就講吓服務啦, 兩次幫襯, 放在一次食評內講吧. 十天內幫襯了兩次, 一次服務零蛋, 一次服務100分. 話雖食物無嘢好講, 但點都要講吓既, 否則編輯大大又會退翻轉頭. 中杯Latte, 簡單拉花, 麥記咖啡的味道比較淡, 但一點也不差, 咖啡味雖不太濃, 但香味不減. 當然全靠咖啡豆和咖啡機.眼前這部Nuova Simonelli Aurelia, 起碼都五、六萬港紙一部, 沖出來的咖啡, 點都有翻咁上下吧…朱古力鬆餅, 大件過

lahris 鍾意飲咖啡，得閒就會搵下Café小店，不過平日返工又想飲，惟有幫襯Starbucks/Pacific，但質素之低真係令人無奈平日都係飲開Latte/Cappuccino，再唔係就整杯Mocha，正常野沖慣嘅人都知。特別係Sbx囉，個別barista 好hea，打奶打到overheat，搞到杯咖啡都唔知變咗乜味。lahris男朋友成日話，奶對溫度好敏感，攝氏60至80度就最甜，總次太熱就無味啦!講返咖啡本身，大型連鎖店turnover大，啲咖啡粉應該去得好快，但係呢啲粉搭飛機去到香港，都唔幾用咗幾多時間，咖啡味fade out一啲都唔出奇。平心而論，如果要係Sbx和Pacific揀，後者質素好好多入正題! 大家可能忽略咗MC Café，其實係個寶。啲barista有心機好多（lahris終於遇到對的人啦!!），打奶質素好好多，飲落甜唔會有怪味，仲要拉埋花俾你，咖啡本身唔錯，雖然唔會俾咩靚野你，起碼新鮮啲囉!其次價錢啦，medium Latte $24，再加個加咗價嘅豬柳蛋/魚柳包，先$34，呢個時勢算係咁啦!

呢間m記係我食禁多間最差一間，包括環境，態度。 我座係到食野，見到門後面入面廚房太恐怖，我見到周地都係水，發臭。我見到有個呀叔收垃圾，啲水一邊流流流，流到成身都係腳又係，啲垃圾袋又穿哂洞。（我就聽到呀叔話，你地啲員工點解五倒左啲水同汽水先放入垃圾洞既？)然後，我聽到一個好無禮貌神情想殺人既著藍色制服貌似經理既女仔就話，（呢個不樓都係我地公司既規舉嫁喇，你禁整污澡達地喇。好大聲罵個叔叔)之後我就睇到距企係到好似想打人禁望住個倒垃圾既呀叔。我係到唸，人地呀叔都係打份工姐，你地啲水禁倒落垃圾洞。你地員工應該有責任五放水落去，然後見到水要即拖，公司咪無禁臭囉，太危險了成地水。真係看不過眼。個經理仲要惡人，蝦人。

「脆香素菇包」一直都是長洲太平清醮才有售的麥記產品。每年都只能「恨食」這個遙遠的包包，因為實在不想去迫爆長洲。但由 7/ARP開始，全港200多間麥記將會限定供應。簡直是一大喜訊。裝可愛的包裝。素包餡是由青豆、粟米、紅蘿蔔、香菇及薯蓉製成；口感有點似炸薯仔餅，入口熱騰騰，未見非常油膩的感覺；加上有少少生菜點綴，尚算不錯。由於我是不食沙律醬，所以預先走醬，然後自行加「茄汁」。薯餅加茄汁簡直是絕配。美味い～～ (/≧▽≦/)套餐價 $30.3, 單買$15.3套餐可以跟凍檸茶／汽水識飲的你一定懂。╰（￣▽￣）╭

魚柳包大平賣, 在初推出期間, 成日做唔切, 要等, 甚至有時要等成10分鍾, 依家反而超快, 因為一早做定好多個包, 放晒係檯面.唉… 真係唔知邊樣好, 打開魚柳包個盒, 一手取出, 是凍的, 基本上已經放了超過15分鍾以上.入口, 麵包凍凍, 還好, 還是軟身, 但魚柳, 脆?? 想創你呀! 又凍, 又硬, 又實. 看見那一小點的沙律醬, 真係唔知好嬲定好笑, 如果賣得”平” 就要咁既款, 咁大間公司, 唔該你啦!!咖啡, 無平到, 還加了價, 所以品質無問題啦.

前日(4-4-2013 Thur清明節)朝早同男友食早餐,佢決定o黎麥當勞.佢買o左$28.00o既珍寶套餐同$25.60o既豬柳蛋漢堡早餐,飲品要可樂同凍檸茶.佢拎到o黎我覺得唔多夠咁,於是佢去Mc Café用$9.00買多個麥圈過o黎.我o地開餐喇,珍寶套餐係豬柳炒蛋,鬆餅同熱香餅兩塊,呢啲o野食o既味道唔使再形容啦.而薯餅就炸得o岩o岩好,冇過火地燶,至於有新鮮檸檬o既凍檸茶呢?男友話冇茶味,唉!麥當勞o既自製飲品真係冇樣得.而麥圈呢,今次係我第二次食,同上次食冇乜分別,只係想讚卡夫呢隻似乳酪o既芝士醬好好食. 環境:窗邊位冷氣唔夠,即使今日陰陰涼.其他:今次影晒啲食先.評分方面會係: 味道: 3 環境: 3 服務: 3 衛生: 3 抵食: 1 喊面

一月上旬‧晴艱辛的行山操練完畢，大家竟說吃麥當奴。我沒所謂，吃得不好最好再吃別處。要了炸雞（對不起，我真的不知這是麥香雞定麥樂雞！），雖然熱，但皮不算脆，有點油膩感。配上泰式辣醬一包，在味道上有點補救。講炸雞，沒得說，也是KFC的好吃！

當天呢間m記分店d職員態度真係好唔得,我只係買杯Double 新地 ...付款後又無主動問儲不儲積分~我就話我有儲,之後職員叫另1個人禁左1陣,又叫埋manager過來禁..................終於搞好喇......幸好呢杯新地的朱古力醬唔算太多,士多啤梨醬也是平日這麼甜...味道ok~

為人比較「慳家」，加上有要事，匆匆吃完又要埋頭苦幹，所以一於麥記外賣，帶回家邊吃邊做！一個慳字，故此目標清晰，就是超值選，雙牛芝堡配蘋果批，合共都是十三蚊，還要用積存已久的八達通日日賞積分來付款，變相這餐分文不付的免費晚餐。雙牛芝堡賣八蚊確實很便宜，因為有時去一些大連繫麵包店買一個有餡包也要六、七塊錢，而且餡料也並不多。但現在眼前的雙牛芝堡，足有兩塊麥記常規牛肉，連茄醬、芝士、酸瓜，雖然味道係公式一點，十年如一的沒多大變化，但志在抵食！此外，蘋果批一向是我另一心水食物，香脆而有咬口的外層，裡面是香甜的蘋果肉，不過以前是滿滿的，今次所吃到的，好像少了很多餡肉呢！

當時下午Mc cafe counter只有1人負責收銀+調coffee~ 所以等左佢3min先可以order~當時Mc cafe新推出的朱古力曲奇忌廉 $21 , 配黑芝麻芝士cake +$15 (原價$22) ~聽個名都覺得呢款飲品係oily的~本身我坐在m記的普通桌等食,之後一見Mc cafe有人走左~咁就走埋去坐喇,正呀~sofa位 飲品方面- 我選M size~cream打得好軟滑,唔會oily~cream上的oreo也不錯~原來呢杯飲品有75%也是沙冰的成份,真想不到呢~~~沙冰中含有朱古力cookies~很好喝喔 黑芝麻芝士cake 幾大件,top有芝麻脆餅粒呢~special cake有濃香芝麻味,很軟滑~taste good!!創新口味的cheese cake~始終今餐的糖份比較高,所以食完無耐就起痰..