麥當勞

营业中

休息中

尋日(30-3-3019 Sat)晏晝,老公要食晏,佢喺喥買咗新出,$35.00嘅金澤風味黑咖哩吉列豬扒漢堡餐,我黐食幾啖呢個漢堡,日本咖哩一樣都甜而不辣,但有咖哩味,而睇見佢有沙律醬,不過喺呢喥作用輕微,生菜絲爽口,吉列豬扒厚薄適中,外脆同唔乾,值得一讚.呢個算係成功了.呢個評分係味道: 5  環境: 3 服務:3  衛生:3  抵食: 3        OK

尋日(29-10-2018 Mon)清晨同老公由日本返到o黎,瞓醒執o野,到晏晝肚餓要食o野,老公就買新出$39.00o既鋒味安格斯-煎蛋肉醬包套餐醫肚,要可樂,但將薯條改為粒粒粟米杯;佢幫我買$25.50o既凱撤沙律,再加$8.50要鋒味曲奇奶茶麥旋風.佢返到o黎打開睇,至發現原來漏俾鋒味安格斯-煎蛋肉醬漢堡包,又要佢坎返落去攞.所有o野有齊就開餐,我先食凱撤沙律,蔬菜全乾身,爽口,麵包粒脆口,有少量芝士同煙肉,沙律醬係丘比特芝麻沙律醬,大家都知呢隻芝麻沙律醬幾鹹,所以我逐啲落.粒粒粟米杯,俾o既牛油唔多,就落啲丘比特芝麻沙律醬啦,咁就好味啲.鋒味安格斯-煎蛋肉醬包,肉醬味重,其實蓋過o左安格斯漢堡o既味道,要分開細味至食到佢o既牛肉味.最後到鋒味曲奇奶茶麥旋風,食到大大舊o既脆塊,原來呢啲係奶茶味曲奇碎,佢本身味道唔算好甜,奶茶味唔太濃,撈埋雲呢拿新地食就甜o左啲.PS: 我o地24-10-2018 (Wed)朝,臨出發起飛前,都係o係呢o度食早餐.

前日(6-10-2018 Sat)朝,要食早餐,我好奇想試新出o既煙蔥蛋早餐,由於我o地唔係咁餓而且屋企重有好多o野食,於是叫老公o係o度買一份share食,佢買o左好耐至返到o黎,用$29.00買o左煙蔥炒雙蛋套餐,飲熱奶茶.份早餐份量好少,真係好彩屋企有好多o野食,好,先食煙蔥炒雙蛋,炒到好老,煙肉冇乜味,咁都好,健康啲,只食到o鞋同洋蔥粒o既口感.味道: 0.5分其他豬柳,鬆餅同薯餅都正常冇問題.而杯奶茶就改良o左,做o左港式奶茶,咁茶味就夠同滑,係另眼雙看.味道: 5分抵食係2.7分

前日( 17-3-2018 Sat)晏晝老公放工後買o野返o黎食,佢買o左$40.50o既大大啖菠蘿蝦堡套餐,有菠蘿蝦堡,大薯條配櫻花蝦味粉同白桃特飲.先偷食薯條,今次薯條炸得金黃冇燶到,而且食到薯仔o既味道. 然後食菠蘿蝦堡,蝦堡亦冇炸過火,沙律醬勁多,菠蘿中和o左油膩感,炸蝦餅鬆但其實味道唔算好夠,反而個包幾新鮮. 而shake 好o左櫻花蝦味粉o既薯條呢,其實咪就係蝦籽粉,味道係一樣,不過佢份量o岩o岩好,咁就唔會太搶味同太鹹,亦夾到薯條,有驚喜o既.最後到杯白桃特飲,佢大大杯o既,不過就係白桃味汽水加啲雜果,

因為睇到廣告話今期有櫻花蝦味調味粉同埋白桃特飮,所以中午外賣咗個"大大啖菠蘿蝦堡套餐"翻屋企食,主角菠蘿蝦堡個包砌得企企理理,非常美觀,塊炸蝦餅外面脆裡面彈牙,不過就好清淡冇乜味,反而配角炸薯條落咗櫻花蝦調味粉之後幾惹味!口味有啲似雲吞麵檔啲蝦籽粉,一試之下,瞬即成為我咁耐以嚟最鍾意嘅薯條調味粉!以前最愛嘅紫菜調味粉都要屈居做阿二;我建議大家如果想個蝦堡好味啲,可以落少少櫻花蝦調味粉响塊蝦餅喥,個包當堂惹味咗!另一配角"白桃特飲"啲顏色同個餐嘅櫻花主題襯到絶一絶!淡淡嘅粉紅色望落已經十分舒服,飮落係好對辦嘅桃味汽水,大大杯十分滿足!所以話今次麥記套餐啲配角搶盡晒主角嘅風頭,妹仔大個主人婆。

29-10-2017 (Sun)晏晝同老公抹完屋後,佢冇食晏搵o野食,我就提佢麥當勞有粟米批買一送一優惠,佢就去買,麵幾耐吓至返o黎,佢話多人買,炸唔切, 等o左3分鐘,啊,咁呢個一定熱氣死.拎出o黎睇,炸得幾靚,食落,外層鬆脆,內裡就似粟米忌廉湯,粟米好甜, 忌廉湯就鹹淡適中.味道: 4    環境: 3    服務: 3     衛生: 3     抵食:  4     笑臉

前日(6-8-2017 Sun)晏晝同老公o係屋企做家務前先食啲o野,由佢發版買,佢買返o黎o既係$29.00 o既傻蛋孖牛漢堡餐,有脆薯嘜6件,同芬達汽水.另外買$8.00o既香蕉批.傻蛋孖牛漢堡由佢一人食晒,我打開睇,黑椒汁o黎o既,佢話唔辣,只有黑椒味.我就食脆薯嘜, 脆薯嘜厚身,有薯仔味,只係徹徹鹹o左啲啲.味道: 4.9分而香蕉批呢?香蕉批呢,外脆,內裡o既香蕉蓉唔係太甜,正常好味.味道: 5分芬達汽水就夠冰凍.抵食係2.3分

前(4-8-2017 Fri)晚,老公OT O到好夜,返o黎時o係o度買o左個餐,而我因為冇食晚飯,所以都一齊share,餐盒內有兩隻唔同味o既雞中翼同雞膇,同3件麥樂雞,中薯條同菠蘿特飲.我就試吓啦,先試橙啡色o個隻雞膇,皮唔多脆,而味道….係鹹酸, 酸味來自檸檬,呢個味道好怪,唔係好易接受,而事後睇返張單,發覺佢o地真係冇改錯名,因為呢個餐叫”脆怪分享盒套餐”.味道: 1分另一隻雞翼呢?皮脆不過辣,內裡肉嫩多汁,但我唔食得辣,所以食兩啖就唔食.味道: 4分麥樂雞都係o個個正常水準;薯條冇炸過火,而且都熱熱地,OK.最後係杯菠蘿特飲,加幾粒生果就係特飲,味道就只係菠蘿梳打水,好單一.味道: 1.5分價錢:都係最後至睇張單,呢個餐要$39.80,轉菠蘿特飲要加$4.00,即係$43.80,好貴.1.7分

尋日(23-7-2017 Sun)朝早9:20掛8號風球後,同老公落o黎食早餐,由於人手不足,所以排長龍買o野食,等o左好耐,我至買到$27.70 o既豬柳蛋扭扭粉套餐,飲熱朱古力.老公就買o左$26.00o既脆嫩魚柳早晨套餐,飲熱奶茶.其實今次我只係想講老公呢個餐,醬係蒜香蛋黃醬,我食一啖魚柳, 魚柳薄,蒜香蛋黃醬係蒜香但都幾鹹,質地creamy.而老公就將鬆餅免費轉為麥圈, 麥圈口感實,老公話以為個餐o既份量唔多就唔夠飽,但原來唔係,係夠飽o既.題外話:佢o地裝蒜香蛋黃醬o既膠器皿,係兩個蓋o黎,一個係雪糕新地o既外賣膠蓋,一個係凍飲o既杯蓋,完全唔使再另外設計同製造膠器皿,總算係唔環保中o既環保.

與寶寶在荃灣踩完單車後又餓又倦，便去了麥記醫醫肚吧。是拉差辣脆雞是什麼東西來的？只知道是辣炸雞漢堡，套餐也要$35.8，在麥當奴來説其實也算昂貴，不過太餓所以不管了。從經典的巨無霸和我最喜歡的板燒雞腿包下架後，麥當奴就行了高檔路線。理相與現實圖竟然一樣，相當驚人。炸雞很大份，還夾著煎蛋，完全適合運動後需吸收蛋白質的我哈哈。蕃茄和生菜也很新鮮，芝士也有一大塊。我張開血盆大口也不能完整咬下。味道一流，絕不是快餐質素。

題目很諷刺，是嗎？M記貴為眾所周知的垃圾食物表表者，確是小弟尋求健康之路的暫時出路。基本上平日上班的抑鬱心情實在難以令人吃得健康，硬是要吃個豐富的午餐才對得起自己。所以放假留在家，就想吃得清淡一點。 問題就來了，作為屋邨仔的小弟，附近的食肆不是茶餐廳就是粥麵店，再來就是快餐店，想吃得健康點不是要小弟來一客沙嗲牛肉麵吧？此時M記實在是小弟的救星！因為M記是少數有健康沙律餐的食肆！好啦，其實很多人也知道，但我實在要不厭其煩地介紹一下，因為在香港要尋求健康，居然要找M記，未免太令人沮喪吧？ 不過話說M記的沙律餐也算不賴，三十多元有沙律，粟米一杯（別把持不住將它轉作薯條。）及飲料（想健康麻煩加數元喝凍檸茶不加糖。）男孩子想吃點肉也可以點四十多元的烤雞沙律餐。沙律的味道不會太單一，因為會有芝士碎，麵包粒和碎煙肉作點綴，我更練成了吃沙律不加醬汁的絕技（有凱撒沙律醬和芝麻醬兩款。）應該可以更健康吧？ 但，我強烈建議大家晚上不要點這個餐了，我好幾次晚上家中沒煮飯，於是我自己到M記點了沙律餐，實在是不好吃。菜已經不新鮮了，麵包粒更是沒有香脆的口感，令人失望，不過要健康，總要點代

尋日(13-5-2017 Sat)朝,同老公同成班friends去長洲前,食少少o野,我o地兩人只食一份早餐,老公用$28.90買o左呢個精選早餐,要凍奶茶.個膠杯印上可愛卡通公仔,呢份早餐最差o既係個包,唔單止軟熟度唔夠,重竟然係韌,好彩我o地一人只係食半個.而其他炒蛋,薯餅餅同豬柳都正常冇問題.杯凍奶茶呢,o係老公冇為意下,倒晒糖漿落去,攪到佢甜o左啲,茶味比以前改善o左少少,有返啲.

大前日(26-4-2017 Wed)晚冇飯食又懶得再煮烏冬,於是等老公放工後買麥當勞食,我想食豬柳漢堡同麥樂雞,佢就買齊呢兩個餐, 麥樂雞重要係18件,蘸四隻醬同轉要薯格.18件麥樂雞個盒好cute,四隻醬係酸甜醬,蜜糖芥末,韓式辣醬同唔知咩醬,打開晒自己試啦.睇見韓式辣醬同唔知咩醬都幾深食, 韓式辣醬幾辣,所以我唔蘸呢隻;而唔知咩醬,我覺得似燒汁但好濃亦唔太甜; 蜜糖芥末溫和到幾乎食唔到呢兩種味.而薯格呢,粉唔多,有啲香辣,不過同薯條比我都係揀食薯條.唔知幾錢,就當$50.00計.味道同抵食係2.6分

9-4-2017 (Sun)全家拜完媽媽後分批返o黎,大嫂二嫂佢o地o係麥當勞買啲餐返o黎食,當中唔少得o衣o家大賣廣告o既清新田園烤雞漢堡,餐$35.80,單買$25.80.睇見佢有好多生菜,番茄同一片芝士,由於唔肚餓,我就食半個, 烤雞唔香脆,成個包味道都係清清地唔過鹹,但個包就幾實不過唔香,所以食o左半個都好飽.而佢o地都竟然買到芋頭批,呢間分店絕少供應芋頭批,到晏啲,我老公返o黎後佢食,我就黐兩啖食,已經唔熱(咁重好,冇咁熱氣),但仍脆脆地,餡唔係太甜,OK o既.價錢同味道評分:由於立立亂,我就只計我食o左半個清新田園烤雞漢堡俾分.兩項都係 2.7分

26-2-2017 (Sun)朝早同老公去食早餐,我想食麥當勞,於是走o黎,老公叫我發板,行去睇,有新出,同為$24.80o既炒蛋煙肉漢堡同黃金蛋餅火腿堡餐,我就幫佢揀後者,因為蛋餅中有雜菜,叫做好啲.而我自己就要豬柳蛋漢堡餐,同樣係$24.80,兩個都要熱奶茶.食物到齊,影相後食得.我先食薯餅,金黃色薯餅,熱騰騰,依然吸食冇問題.然後食老公o既黃金蛋餅火腿堡,睇個樣平平無奇,但一路食落去,底o既芝士上有啲白色o既汁流出o黎,即時令個漢堡深潤啲,而蛋餅內粟米粒都幾多,火腿扒厚度正常,當然,佢同芝士都係鹹.而我o既豬柳蛋漢堡,同以往一樣,都係正正常常鹹.熱奶茶亦一樣,茶味唔多夠,但口感係滑.味道係3.625分, 抵食係2.3分