麥當勞

营业中

休息中

既然睇到麥記賣晒廣告出既signature collection，每個星期都會食麥記既我今次就食左個芝味磨菇安格斯套餐，雖然差不多四十個大洋，但質素都拍得住外面d過百蚊既burger店，材料配撘不俗，性價比夠高，如果一個人只係想食個好包既話，麥當奴真係殺晒！

今天到st paul探完病，想到M記吃一下快餐輕鬆下，但呢次經驗真係令我好不快。第一， 成間店好似烏烏糟糟咁，成個地下「痴立立」、啲枱又係臭臭地「痴立立」咁。第二， 我滿心歡喜叫左最新出既烤栗鮮奶咖啡，點知飲落完全冇栗子味。我懷疑究竟係職員唔記得落栗子糖漿、定還是杯野本身係咁既味。如果本身係咁，真係完全唔得，根本`同普通latte冇分別，我做咩要加多幾蚊？第三， 我知道麥當當係有特別服務：例如漢堡包唔要蛋可以走、薯條唔要鹽可以走，但點解沙律唔要肉唔可以走？其實以往係有出雜菜沙律，宜家個凱撤沙律點解唔可以去肉？個職員仲叫我自己挑走啲肉…我真係萬分無奈。只不過係分開pack起啲芝士同煙肉，又可以保持食材新解脆口，何樂而不為呢？所以，我已經決定去信香港麥當勞總部表達意見，希望可以幫素食者做返少少野。

今日試蛋黃哥 - 焦糖布丁鮮奶咖啡, 有少少失望首先,  mc cafe 果度無人standby, 要等5分鐘先有人過來~第二, 同圖有點不符, 圖較為鮮色第三, 味道問題, 3份1杯都係泡, 主要得甜味為主,飲到鮮奶味但飲唔到咖啡味(極少)!除左影相呃LIKE 外, 唔值得飲, $26~

麥記終於重推久違了近十年的米漢堡「飯TASTIC」。仲記得之前推出時，只係個初入職場嘅小子，面對比其他套餐貴嘅飯TASTIC，真係唔捨得買黎食。之後，麥記一直無再重推，直至近日重推，仲crossover日本人氣卡通角色梳乎蛋推出【親子蛋飯TASTIC】。雖然現在仍然只不過係一個窮忙打工仔，但起碼已經唔需要好似以前咁。要取捨貴D嘅限定餐，還是庶民嘅普通餐....... 親子蛋飯TASTIC + 中薯條 + 中飲料 @ $38包身就是由米飯加香菇再加豉油麻油壓製。飯包夾埋脆炸雞塊、粟米蛋餅，再配以荷蘭醬及蛋其醬而成，外觀尚算同官方宣傳照分別不大。但兩層「飯皮」很油膩，得油味同咸而冇飯味，食完成個鐘，油膩嘅感覺仍未散去。整體味道一般，但真係太油膩。唔會再試。因為飯TASTIC帶俾我回憶嘅關係，我俾OK。但單純以食物評分計係喊

經過聖誕的長假期，2016年1月4日返公司想食得清淡的早餐。途徑大家熟悉的Mcdonald，銅鑼灣的早上大排長龍下外賣帶走。沒有薯餅吃得清淡, Mini早餐適合了我2016年要Keep fit呵!熟蛋有蛋白質，而且不太油膩配上雜豆已經健康無比。通心粉好淋身，配上上湯非常入味。即磨豆醬不太甜，而且滿滿豆味熱辣辣。這個Mini早餐只需$15已經是超值了。

Mc Café早餐除了有乾果燕麥片外，還有數款牛角包、意式包、全麥圈、鬆餅和提子玉桂卷。凡購買任何飲品，即可選購一款啱你心水的早餐組合﹗小妹要了一杯榛子鮮奶咖啡＄27，並揀了小龍蝦蛋沙律意式包＄17。因為趕時間關係，咖啡要求外賣。小龍蝦蛋沙律意式包烘得十分香脆且熱騰騰的，內裏夾著爽彈的小龍蝦肉，以及香滑味美的蛋沙律，煞是好吃。外賣榛子鮮奶咖啡，沒有賞心悅目的拉花，入口質感細滑，奶味較濃烈，咖啡味相對較為淡薄。

呢日買左個m記早餐, 早晨全餐飲熱朱古力。 平時食唔慣重味既野, 呢個漢堡扒食落覺得有d太重。 而個包食落口感好好, 一d都唔硬, 仲有d好似食糯米咁既感覺, 冧冧地, 好好咬。 個蛋都好味, 滑滑地, 唔會老, 都唔會水。 最後到飲朱古力喇, 因為我放到最後先飲, 飲到落底, d朱古力粉係晒底。 最尾個幾啖就好粉喇

沒甚麼，就是要喝杯咖啡，吃包久違了的無鹽薯條，心滿足！附近只有這間死氣沉沉的麥當勞，選擇了坐在落地玻璃旁，方便沉澱一下今天的「問號」遭遇……求其買了杯大的Hazelnut Latte Coffee $28, 當barista調製咖啡時，那陣咖啡香氣飄然四散……奶泡打得很綿，既滑又細緻，而落了Hazelnut糖漿的咖啡，味道平衡，能嚐出咖啡香，不會似星巴克所賣的糖漿咖啡般偏甜兼蓋掩了咖啡香。

麥當勞好像前兩年也推出過招財福堡，接近春，麥當勞又再次推出，原本害怕高鈉高鹽高膽固醇高熱量而很久沒去麥當勞的我，忍不住想去吃一趟。　　這間麥當勞格調不錯，燈光柔和，播放著一些柔和的輕音樂，但人卻出奇地多，我帶著了書想好好坐下看都不行，而且座位也不算多，很多人捧著餐就到處找座位。　　我很幸運，雖然要與人搭枱，但總算可以坐著吃。　　忙了拍照，只好以文字描述我的味覺享受吧。　　我要了牛肉招財福堡，一打開，便看到滿溢了的醬汁，那個醬汁真的很惹味，鹹鹹甜甜的，和著一顆顆的蒜粒，再加上黑椒，又鹹又甜又辣，三種味道又恰到好處，而且牛柳夠厚夠大片，而且還很夠熱，而包則是吉士包，很有口感。　　但很可惜扭扭薯條炸得又乾又焦，而且非常鹹，更是不夠熱。　　整體來說有點貴，＄29.8，下次去麥記是吃經濟餐了，不過應該是很久以後的事了。

今日食晏突然想食唔麥當勞嘅魚柳包。之前見到新出左紅豆批，一路都好想試，於是今日直奔買咗一個食吓。都係$6渣！ 個人又覺得幾好味喎，個皮夠脆，紅豆味濃郁，亦都超多餡，啖啖都食到紅豆蓉。不過就無影到相，個人都幾推介試食！

在高登上大家都說這個包的賣相不討好，並惡搞一個攝影比賽。不過欣賞一眾不堪的相片後，反而增加我對它的好奇心。於是懷著戰戰兢兢的心情去嘗試。咖哩漢堡餐 @ $32.5漢堡 + 中薯條 + 中飲料坦白講，價錢有點貴。漢堡包以紙盒來盛載，打開紙盒另有一張藍色包裝紙包住，一貫麥記貴價漢堡包的包裝。其實紙盒是多餘的，而且相當唔環保，但可能麥記以此襯托出貴價包的身份吧！相比攝影比賽中的賣相，還算還過得去的。不過跟官方宣傳照就差很遠，當然這是常識吧！ 一開始打開包裝紙就被咖哩醬弄髒了雙手，而且包裝紙上都沾滿了很多咖哩醬，啡黃色的咖哩醬在藍色的包裝紙襯托下，難免令人引起無限聯想。難怪被網友賜予「便便漢堡」這個貼切的雅號吧！味道方面，打開包裝紙便傳來一陣好香的咖哩香味，咖哩辣中帶甜，很惹味。咖哩醬不會很辣，調味方面做得不錯足三両牛肉好似比以往薄，洋蔥粒好少。整體黎講，撇除賣相計，食落其實幾好味。

今日放學之後有D餓就去左食M記我一直都覺得最好既就係BIG MAC同雙牛芝堡但今次真係好失望....好似冇放醬咁囉搞到個包一D汁都冇塊牛又好乾仲要唔熱 真係好X難食其實依間野服務一直都唔係好得突然係LUNCH幾間中學既學生係齊度排都有排等 仲成日流單有次買早餐加左芝士又冇比買湯又唔比湯匙前個幾日早餐用麥樂卡個收銀話睇唔到我有用卡唔送野比我最後我個FD企係個度等佢先聰明少少去比反個薯餅我依間真係要好好檢討下

探完太太的堂姐，看完BB女，我們的簡單晚上餐就乾脆的在醫院對面搞拈。其實，大家都是一個半飽的身子，帶著這半飽的身軀，不吃，回到家一定會餓；吃，一定吃得不多。為了不太空洞，剛好醫院對面有麥當勞，那我們就一於從簡，食 junk food 過活。以前，我曾經批評過麥當勞的 Double 只在宵夜時段推出，那麼夜誰會有那麼驚人的食力去食一個 Double 足三兩式是 Double 魚柳包。現在，這一個深夜 Double 推前了三個小時，現在6點已有得食了。這一個是我是日的第五餐，的確好耐沒有這樣放肆過了，這一個是晚餐，因而，我點下了這一系列的 Double 晚餐。而這個就是香辣雞件加上麥樂雞，我自稱這個是雞之盛宴。麥當勞的香辣雞鎚絕對不比家8雞的差，香脆的外皮加上不斷滴流的肉汁。雞肉香而嫩滑，辣度剛剛好，符合了外國人對 spicy 的要求。而麥當雞就更加不用多說，junk food，炸物，香口的東西，總是令人喜愛.....但不健康。不健康還不健康，好食還好食，麥當勞夠方便，我從來沒有叮走佢。

至正豬柳蛋包!熱辣辣~~蛋黃大大,芝士醬多多,豬柳又好味^.^chocolate 新地多多醬~~唔太甜,$6一個抵食~~芋頭批細件左- 3-但味道依然....新出既芝麻醬蝦堡就麻麻,包又細,醬同餡仲少...芝麻醬見唔到咁...買完見到都氣餒=3=anyway,今次甩到頂心口,又包又批又多多醬新地,飲埋杯野,ok la~~