麥當勞

营业中

休息中

麥當勞與ComplexCon藝術總監 Verdy 聯乘，推出麥當勞新包裝，今次新包裝超級可愛，連飲品杯上都有由Verdy設計的圖案，可愛得來型格十足。今次叫左十八件麥樂雞餐，有四款各有特色的麥樂雞醬，包括蒜辣蛋黃醬、蜜糖芥末醬、煙燻芝士醬以及香草檸檬醬。個人比較鍾意蜜糖芥末醬經典的味道和香草檸檬醬酸酸甜甜的味道。以及叫了酥皮朱古力批，朱古力批十分鬆脆，配上流心的朱古力醬，非常誘人。

其實我好想知係咪好多m記員工都唔知唔加大個餐都可以加shake shake粉?話說我今日買個18件麥樂雞餐,仲話想加包"黑椒汁味既shake shake粉",咁負責收銀嗰個係女員工啦,跟住佢同我講:"個餐唔包shake shake粉",其實我嗰下係有少少呆左,因為我買過咁多次都未試過有人咁同我講呢一句,咁唔包粉呢個我知呀,但我意思明顯係想額外加一包架啦。。。咁我就同佢講額外加,之後佢又問我問題啦,我聽錯左佢問我要咩,咁我答左:"要可樂走冰",佢笑左再問係問我shake shake粉要咩味,我又呆左,心諗唔係答左佢既咩-.-咁我照樣答左返佢,不過其實真係好少事,只係想喺到講一講,但個女仔真係搞到我好呆,哈哈,本身食完野都想問佢係咪唔知唔加大個餐都加得shake shake粉,不過廢事啦,我又唔識佢,咁樣行前問佢又好尷尬

新出個咖啡奶蓋難飲到嘔，好似x水咁。想試下係x味係點，可以去買一杯。我要挖走曬啲芝士，先至可以飲曬呢杯嘢。不過當然，可能係因為我本人都唔鍾意奶蓋，所以先會咁反感。

平時食開珍寶套餐 今次試新嘢 脆雞早晨套餐一打開個蓋 哇!得咁少咋炒蛋不過不失脆雞有d失望 無m記10蚊雞扒咁好食☹️再講吓個包 我真係好憎食呢個包囉 唯有點grape juice黎食下次唔會再食脆雞餐 晨早流流食咁多煎炸野(脆雞+薯餅) 對身體唔係咁好

今年此店的三文魚包與去年風格不同，不知是否與用北海道貨源有關。好處是魚味濃郁，與西餐廳的急凍魚柳大不同；缺點是有部份人嫌腥味。第二浪加推菠蘿三文魚包，菠蘿比去年的甜美多汁。海鮮和生果是好拍檔，牛肉和三文魚則無化學作用。驚喜的是牛油果蓉莎莎醬薯條。印象中，是首年推出，牛油果蓉是冰涼的，頗多份量，不太甜，十分清新，與熱薯條一起食可拼出火花。莎莎醬酸中有甜，兩款伴薯條方式均可明年「安歌」。餐盒設計與三文魚包略有不同，與朱古力批包裝風格一致。海報設計則誇張，誇大份量。甜心，心甜！有前菜，主菜，甜品，是最廉價的聖誕餐。

十個有九個女仔都中意食朱古力，麥記成日推陳出新，今次終於出到朱古力雪糕。朱古力軟雪糕配朱古力醬，再潵上可可脆米，口感豐富，係絕配。又未至於會太甜，不過一個人成杯食完，都有少少膩。

到現在服務食品一點也沒有進步過其實本人一向都在這間麥當勞買開套餐,因為之前本人試過買外賣套餐,買完帶回家才發現,服務員執錯包,所以之後我每次買完外賣後,都會即場檢查清楚,直到今次本人還跟朋友一起買時,在等候中時,還講笑:點知,今次真的讓人大跌眼鏡今次本人買了至尊漢堡餐和巨無霸餐買的時候服務員有提到至尊漢堡包沒有蕃茄,我們都理解,也接受,照要,買完我們也即場檢查清楚,服務員也沒有執錯,但買到回家,打開麵包包裝準備進食時,發現竟然兩個包都沒有芝士,俾我開口中,真的十分差~我真想知道這間麥當勞的員工和主管怎樣處事?在服務業行業上有沒有心工作?初次錯誤也算吧,最差是經常犯錯(執錯包),這個也算,可以本人即場檢查,我真想問,夠竟每次買的時候是否真的要檢查得那麼深層呢???(連包裝,麵包裡的包涵)也要檢查呢??

用買一鬆一的hello kitty lab卡~外賣到朋友家吃~麥旋風oreo味同埋泡沫咖啡先~因為朋友想飲泡沫咖啡我都唔知價錢幾多,因為張卡無寫每樣飲品的價錢係幾多...麥旋風~扲到返去朋友屋企,真係溶得幾快...味道甜左d咁..=3=泡沫coffee 19元買完先知道原來咁貴....完全唔知tim....仲之咁樣買1鬆1就唔抵order果陣,職員無乜禮貌木口木臉的....