麥當勞

营业中

休息中

麥當勞大概係本地最大的餐飲連鎖店, 用相對廉宜的價錢就可以食到一餐飽肚的, 有冷氣又有軟凳的地方不容易.最重要是不是全自助而是半自助, 三四十蚊可以做到呢個程度的大概只有某個上校連鎖店, 服務也合格, 清潔阿姐也很勤快.要批評的大概是新人的事前訓練指導不足, 買套餐的時候個新人仔野又按錯, 食物又唔識拎, 就係知道樣樣野都去煩個經理, 手腳極慢.之後經理唔得閒就扮聽唔到客人講野, 以為咁就過到骨唔肯面對, 扮應付唔到搵人頂, 然後就自己彈去後面同朋友仔吹水齋企, 管理不合格. 西班牙個蠻牛漢堡, 好食, 四塊牛肉啖啖肉份量十足, 飽肚. 德國個辣雞堡其實除了個酸菜, 真係聯想不到德國, 不過幾辣幾正, 都可以.德國的黑家崙子新地很出色, 果味十足, 可惜不是長久做. 西班牙個橙汁特飲橙味濃厚, 雜果稍少但很解渴.雞翼方面香烤同蒜香都出色, 抵食但比較小同味道清淡. 脆薯皇當然比已經不是以前外脆內軟薯條的薯條出色. 期待後面巴西主題的套餐吧.

午餐買了最近推出的黑白漢堡回來, 漢堡盒的設計不錯幾型.黑色漢堡是用墨魚汁整個漢堡包的包, 然後漢堡黑胡椒牛肉, 味道方面同雙牛堡差不多, 閉住眼食應該分辨唔到是黑堡定雙牛堡.白色漢堡是用煙肉配雞肉生菜整的包, 煙肉細片到大啖食可能會發覺唔到有煙肉, 雖然如此, 白色漢堡包比較清淡但好食好多.其實麥記的水平是這樣, 不過既然價錢都可以接受, 那樣就不會太計較吧. 這個價錢, 有冷氣有座位, 還好.

今日帶齊所有考試範圍到M記温書。温書前,要令肚子乖乖先。買了一個巨無霸餐,薯條依然好味香脆,但巨無霸份量則少了很多,整體縮小了,百物昴貴嗎好了,雖然肚子是半飽,但也要開始温書了。

4:30分,又係時候放學。約左家姐去M記食野。點了新的芥辣魚柳包餐和豬柳蛋包。芥辣魚柳包D醬不均,但味道不錯。魚柳帶微暖,很好。豬柳蛋包依舊完美,蛋邊微焦,豬柳很香。薯條很熱,真正新鮮。枯橾的學生生涯,此時此刻,這個包為我帶來一刻放鬆和ー絲温暖。

麥記近來陸續有新產品推出，都只是暫時性，新年前試食招財牛肉漢堡，但拒絕食鈕鈕薯條，因為從前試過，覺得普通薯條比較美味，隨餐還送利事封，但只有3個實在不夠用。吃慣了牛肉漢堡，這個招財漢堡，牛肉的味道和質感比較實在，平常的漢堡主要是免治牛肉做成，招財漢堡配上黑椒醬汁，味道不錯，正正因為味道比較濃，舌頭吃慣濃味，吃回普通味道的漢堡，不知道味覺會不會變麻目，可能因此只作限定供應。另一款限定供應的紅豆批，最近才試食了一次，覺得味道太甜，紅豆不夠多，還是喜歡萍果批多一點。

早餐唔食又唔得,今日媽咪順便落街外賣個麥記熱香餅返屋企慢慢嘆今次食咗三塊熱香餅,搽上牛油,加上楓糖漿,暖暖哋的微溫搭上硬度適中的Pancake,金黃色的外表令人胃口大增咬落口唔黏牙,Pancake的氣孔雖然未稱得上十分規則有序,但緊密細緻,吃下去不會有如清風,有實在感且飽肚,pancake粉,蛋漿的比例下得剛剛好,唔會覺得自己有食粉漿的感覺,相比下Oliver's Super Sandwiches的硬班班出品就差太遠了以$14就嘆到個幾好味的熱香餅,又真係一個幾好嘅good morning呀!

麥當勞是我最喜愛我餐廳,如果可以的話,我會天天幫襯,唯獨哩間服務態度實太差本人order了一杯飲品,問靚女cashier可否俾個膠袋,佢俾左一個有汽水同沾有汽水的tissue的膠袋我,實在是聳人聽聞

這天要到香港仔一趟，早餐要在這裡解決，因為想飲杯咖啡，所以選擇來McCafe吃個早餐。選了一杯熱mocha，另配一件朱古力甜方來吃。咖啡的溫度熱了一點，有點燙口的感覺，可能是打奶的時候熱了一點。咖啡的香味不明顯，在加上朱古力漿成為mocha後更顯得朱古力味的霸道。朱古力甜方原來是面包加上朱古力在面層，再拿去翻熱便成。吃的時候朱古力融化成了朱古力漿，配合下面的面包吃，熱熱的也不錯。

麥記時常有限定供應的產品，我很少跟風去食，今次以蘑菇作招徠，我一向愛吃菇類，所以買了一份特級蘑菇足三兩，還有炸洋蔥圈及汽水外賣回家享用，結果是意想不到咁難食。先說洋蔥圈，外層是天婦羅式的炸粉皮，包含一環洋蔥圈，外脆內濕，我不太喜歡吃。蘑菇足三兩的味道不如廣告所述般吸引，玉米麵包還好，因為新鮮鬆軟，還有很多生菜絲。最可惜的是，牛肉味道很淡，厚又有何作用; 煙肉肥肉很多，不健康；蘑菇似乎是水煮的罐頭食品，濕淋淋的，完全沒有菇的香味。

今日偷跳到香港仔的麥café 來個 Tea hea 一下 本來想試新出既焦糖咖啡, 但最終買來的是 Latte 一杯 加一件特濃朱古力蛋糕 先講蛋糕味道的確十分rich 而且啖啖朱香 , 無奈朱古力海棉蛋糕不夠柔軟 , 扣左小小分 但好味過starbuck 近期出的傑作 加了朱古力 Topping 的Latte無疑變了一杯Moca 咖啡味比奶味高出很多失了latte 應有的幼滑度 就當我今次飲Moca 也不差的　

今天下午到了麥記吃ｌｕｎｃｈ，叫了一個麥樂雞餐，配熱朱古力。由於自己一人吃的關係，便試試慢慢品嚐麥記的食品。足足吃了一小時！今次值得一讚的是，薯條炸得很脆。其他都其實沒有什麼大分別。

食完飯同阿媽行經麥當勞見今期鬆一鬆咭又有買雪糕送雪糕，梗係買張咭玩下la今期d咭重係明星設計，我揀左joey 0個款比$10 買張咭，即買即用要左double 新地送oreo麥旋風$12左右有2杯雪糕，抵張咭重可以用到2010年1月...$10好快就回本la

呢間麥當勞既食物都還可以，都算少執漏野。多數去食雪糕，如果撞岩好彩的話，份量都會俾唔少。環境唔算污糟，但成日都冇位坐。但服務真係好麻麻，好冇禮貌，比以前差左好多！以前有禮貌既都走晒，而家全部都係O靚妹O靚仔黎，態度非常求其

中午無論點都唔好去, 因為被學生霸曬, 下午茶食間都唔好去, 因為被師奶免費嘆冷氣霸曬.晚上都唔好去, 因為好多阿伯齋坐霸曬, 最好就係晚上食下雪糕消夜或早餐食下熱香餅去.呢度也成為好多保險佬的地盤成日傾生意, 波友就喜歡成班係毒飲汽水, 還有小朋友食新地薯條.服務就真係好講人, 有很好有很差, 通常好靓同好唔靓的服務比較差, 其他就比較好. 還可以.食物方面就都係一般, 都係雪糕新地蘋果批那些不主流食物比較好食, 包真係非常麻嘛.

我住附近,但都唔係成日幫趁.因為d service完全唔掂可能請的人都是小妹妹,同人客講嘢完全冇禮貌可言,我記得有一次,我要左個飽,但賣哂,佢竟然大大聲同我講(冇呀)而且雙眼唔係望住你,你都唔知佢係唔係同你講緊嘢,嗌完嘢食又唔覆一次,所以成日漏單,好彩住得近,態度超差,真係好想投訴佢,仲要個個都係咁如果唔係我家姐要換公仔,我寧願去kfc好過