麥當勞

营业中

休息中

抹茶新地窩夫筒 $12Matcha Waffle Cone.有時麥記會出好食既野 好多人都應該覺得我劣食 但起碼我覺得唔錯呀 小瘦肉都算半個抹茶控 點解半個 因為我唔鍾意太苦 太苦澀 麥記呢個抹茶新地就唔會太苦 仲有陣陣既抹茶味道 甜甜地 正👍🏻 雪糕上面仲有枝我最鍾意食既抹茶kitkat 有得舔有得咬👅 加上食完個底 個cone仲好脆 唔似一般個d超硬超淋唔好食 唯一唔好既地方 亦都係麥記雪糕既通病 就係溶得快 唔可以慢慢享受多一陣😅

今次新的promotion是出自廚壇魔術師Christian Yang所設計。這個slogan已經足以吸睛。今日新包上陣，當然要去品嘗一下。瑞士芝味安格斯漢堡餐($36)，另加粟米批($7)外型算是不錯，餡料有洋葱丶生菜丶芝士丶牛肉丶蘑菇。整個包夠熱，所以包皮鬆軟。洋葱夠香夠入味。牛肉煎得不錯很juice。萬眾期待的粟米批終於重現江湖。今次的粟米批是屬於甜批。甜味適中但略嫌粟米不夠，不是每口都嘗到有粟米粒。

麥當勞近期又推出新作－－美式手撕雞堡。這天突然想吃厚切薯條，便借機試試這個美式手撕雞堡。網站上的介紹，好豐富的材料！收銀機旁的宣傳也真的好吸引！這就是美式手押雞堡的真身了！所謂的「厚脆洋蔥圈」的確很厚，佔了餡料的一半厚度(宣傳照上只佔三分之一)，但面積只佔麵包的一半面積。廣告上說手撕雞「淋滿惹味Tandoori燒雞醬」，但說好了的Tandoori燒雞醬連一滴也找不到，那些手撕雞都是乾巴巴的，很難吃。椰菜、紅椰菜及紅蘿蔔條基本上是混作一堆，感覺就是在吃草，完全說不上「增添味覺層次」，只能說是增加蔬菜比例。至於跟餐的「厚切薯條」，不就是麥當勞薯條的加厚版嘛！味道和質素都比人家Burger King的還差很遠。我對這個新作的評價，只有一個字：伏！

五月中旬‧炎熱即係咁，有時都會吃老麥。有時沒有什麼心水但又想吃點東西，又尤其佢有八元的特價系列。是日，就來吃了麥香雞。雖然看來也接近即叫即製，但賣相一般。加入沙律醬至少不難吃，作為練習前的小吃，也可以。

媽咪衝左入黎叫我同家姐起身食早餐唔使行起身就有得食真好同家姐一齊分完屍先記得影相haha漢堡扒蛋粉自己加左塊芝士好味好味板燒雞腿粉喱個好食d,雞扒有d spicy奶茶一d味都冇對mc donald既咖啡都係唔咁鍾意薯餅脆好味聽講以前會湯同粉分開不過喱家唔會,所以買到番黎d通粉有d過淋不過我都係寧願食珍寶餐

朝早o個幾個做o左幾年既"阿姐" 就好強 , 收錢快上野快解釋長盡無試過執漏野 . 不過其餘時間去 , 其他o靚仔o靚妹做就經常甩漏.試過無數次 : 無俾茄汁 , 買熱香餅無俾牛油 , 糖漿 , 買早餐無薯餅 , 買麥樂雞變雞翼 , 買雞翼無醬 , 買熱香餅早晨全餐無熱香餅 , 等等等等...通常會一次買兩三人份量 , 所以唔係次次check (你都唔會check 到打開個盒睇o下有無熱香餅掛) 唉....

雖然曾說過如無必要我都不會光顧麥當勞，不過今日別無他選，而我又非常肚餓，所以就選啦。一直覺得麥當勞最好食既食物之一就係apple pie! 因為佢甜甜地又脆卜卜，好好味，所以以前成日都買黎食。今日黎到呢度鬼咁肚餓，又見佢而家只係做緊$5，所以就買左個啦。另外由於非常之唔想飲汽水or milk shake呢d咁致肥既飲品，最後俾多 $5 佢買左杯綠茶，起碼叫做有杯野飲下嘛。個蘋果批都熱辣辣既，但唔係好夠脆wor，有少少淋，而且好似比以前少左d料，多d蘋果粒好味d呀! 杯綠茶只係茶包一個，成本真係低...哈哈，$ 5 佢都賺好多! 好鬼難飲，因為完全無味道可言，叫做可以解下渴.... 不過呢個下午茶只係$10，所以唔可以咁多要求! =P

lunch去食火腿扒芝士漢堡+細coke light走冰員工態度差!不過個包唔洗等,但係即整的!個員工一入order,我再叫埋杯野飲,再收埋錢新鮮熱辣既包已經係我個盤上面!熱辣辣超好味!不過果個員工真係唔得...(其他都笑笑口的...)

其實哩個包好好食, 不過佢既做法令到我先食淨烤包, 再食勁多雞, d雞走哂去後面...可能我鍾意食芝士, 所以我好鐘意個醬, 如果平d就好了~

D 野食唔錯~<br />幾新鮮~