麦玉子 (已結業)

🥚玉子小姐🥚推介指數 ❤️❤️❤️❤️🤍由唔知幾時開始，做外賣仔已經成為一種生活方式或者習慣，見到想食嘅就買咗先，食嘢真係好減壓㗎！我真係好鍾意食雞蛋，煎蛋、烚蛋、炒蛋、奄列、蒸水蛋都識整，不過手殘就係唔識整玉子燒，所以每一次經過麦玉子，好自然就被吸咗過去，無時間堂食都買外賣。麦玉子便當款式都唔少，有玉子燒燒雞拼盤、玉子燒餃子拼盤、薯仔牛肉便當、雞肉蔬菜飯玉子燒卷等等。🥚明太子玉子燒卷✨明太子粉絲表示一次過滿足2個願望，秒放入車仔啦，1盒8件做light meal啱啱好！✨手造玉子燒、採用日本米同日本蛋，蛋有蛋香，飯質地黏稠同米香。.··餐廳：麦玉子 (北角)地址：北角渣華道123號北角匯2期B1樓一田超市內

Lunch唔知食咩好，於是去一田行個圈睇下有咩食見到呢間主打玉子燒既既好似唔錯，加上12半冇咩人唔洗等位，所以試下無妨。叫左個燒雞扒定食🍱$69個set包左 麵豉湯、酸蘿蔔、燒雞扒飯、玉子燒- 燒雞扒係一整塊切開2件，用黑椒調味，面頭淋左芝麻醬，個皮食落脆脆地，唔會過鹹👍🏻 - 玉子燒食落有湯汁，有另外配芝麻醬俾你點🤤同樣都係好味👍🏻朋友試左燒鯖魚定食，同樣都係配麵豉湯 酸蘿蔔同埋 玉子燒燒鯖魚係去左骨既，不過佢話味道普通，佢話我叫既雞扒好食d

炸豬排定食，定時好豐富，包埋🐣吞拿魚玉子燒，同味增湯。🙃CP值好高。玉子燒中間有吞拿魚🐟，好特別，第一次食到咁juicy嘅高湯玉子燒🍳🥚😍，吞拿魚味道都好夾。難怪玉子燒係招牌食物。炸豬排炸得好脆，豬排分量都大，仲有豬排醬同醃菜添～用嚟送飯岩晒。另外加咗個忌廉玉米薯餅，一樣炸得好脆，裡面有粒粒玉米，味道好好。雖然超級邪惡，但係真係好好味啊🤤 依度啲食物唔貴，又全部都好味，值得再嚟食多次。

今日首次食北角一田超市內麥玉子，套餐都算抵食，不外乎炸雞，炸豬扒，再加個沙律，麵豉湯同玉子，都係$60～70玉子即叫即整，好滑，有蛋香，炸雞都算嫩滑，湯好咸。唯一唔好係坐位置在主要通道內，成日好多人經過，加上高椅太高，與枱距離近，要彎腰食飯，使成餐飯食得唔自在🥺🥺

北角匯最近舉辦了一個紫色花海來增加商場的人流，雖然只有十分鐘，花亦是假的，但拍照的效果真是好美，是打卡一流的景點。打完卡，一進入商場就見到一田超市，就嘗試下去看看有甚麼買，怎知看到自己喜歡的玉子燒，亦有桌椅供人使用，我就點了一個照燒雞扒定食$69。這個定食好豐富，有主菜燒雞扒、一碗白飯、一碗麵鼓湯和一碟四塊的玉子燒。有兩大塊的雞扒，表皮煎得夠焦香，肉質保持嫩滑，醬汁是芝麻醬，所以味道很香。玉子燒口感軟滑，但蛋的味道淡，調味亦淡，所以有點失望。

住北角附近，經常都會到一田shopping，之前已非常喜歡麥玉子厚厚的蛋餅，而家仲有飯set配玉子，真係方便之餘滿足2個願望！屋企人都好鍾意食這裡的玉子，所以決定買回家分享。點了個🌟玉子燒黑椒豚肉定食，套餐還可以配我最喜歡的明太子玉子😍 師傅即叫即整的。還點了個餃子小食單看賣相，已覺得很吸引的日式外賣便當😋🌟明太子玉子：第一時間當然是先吃漲漲的明太子玉子，厚蛋配滿滿的明太子，好match，大🈵️足！🌟玉子燒黑椒豚肉定食：想不到黑豚也炒得很好，還有黑椒的惹味，送飯一流。而且還加了很多菜，很豐富。🥟炸日本餃子：他們的餃子特別之處是用了雞肉，而不是豬肉。餃子炸得很脆，而且不會有很多肉很膩的感覺。既方便又好食的便當🍱下次想食玉子時一定再買

今日去北角一田行街，去超級市場行到攰攰哋 ，見到賣日本和牛凍肉對面有一間叫玉子燒的小店， 好懷念去日本旅行的日子，心思思就坐低食啦。我嗌咗 一個鰻魚飯 ， 啲日本米煙煙韌韌好飽滿，鰻魚都好有鮮味，一啲腥味都冇，飯有啲洋薏米，又幾特別喎，鰻魚下面有好多玉子雞蛋絲，飯上面有啲薑， 好有日本feel呀。我朋友叫咗最經典嘅日本咖哩吉列豬扒飯， 豬扒入口鬆化， 好大塊 ，咖哩是日式，唔太辣，好似喺日本食嗰啲一樣 ，飯附有玉子2件。另外我們也叫了炸餃子，脆卜卜， 味道唔錯呀，有五隻咁多。 我哋又叫咗兩件炸雞，啲雞肉好嫩，唔會太鹹，總體嚟講  性價比都算高。如果你好想食日本嘢， 都可以試下喎。

今日要食個快lunch，行勻成個地方，最想食就係呢間，因為我鍾意食玉子吖嘛！原來呢度食材全部來自日本，仲特別選用土佐清水市特製鰹魚汁及北海道產雞蛋製作玉子燒。玉子燒青花魚定食 ($69)有日本白飯、湯及3件原味玉子燒。魚身油脂豐厚、肉質鮮嫩；玉子燒蛋味濃郁又滑溜，原來每份玉子燒都用4隻雞蛋㗎；白飯夾雜咗燕麥片，口感比白飯更豐富忌廉粟米薯餅外脆內綿滑，食落唔會太油膩好抵食，而且份量都多，下次如果要食快lunch都會再嚟！

今日同囡囡去行北角匯，去咗一田超市內嘅麥玉子食tea醫肚，因為囡囡最鍾意食日本嘢，雞蛋更係佢喜愛嘅食物。麥玉子就有好多雞蛋嘅菜式，啱曬佢。囡囡點咗蛋包飯，我就要鯖魚定食，包白飯，湯 ，仲有三件原味玉子燒。另外我仲加咗煎餃子同野菜沙律，沙律上面有幾片叉燒，幾特別。蛋包飯嘅滑蛋超級滑溜，裏面嘅飯夾雜咗洋蔥，紅蘿蔔粒同肉粒，撈埋茄汁，酸酸甜甜，好開胃。而鯖魚好甘香可口，啱曬鍾意食魚嘅人。麥玉子價錢大眾化，又美味，會經常來開餐👍

After shopping at Yata supermarket, mother suggested having lunch with me at Mujitamago (麥玉子). We like tamago (玉子燒) because it is delicious, nutritous and easy to digest. We ordered tamago with salmon flakes and tamago with grilled eel. Both types are fresh, yummy and full of flavor. The thick and well prepared tamago is appealling to the eyes and taste. The portion is generous and there are altogether six pieces in one dish to satisfy your appetite.We also ordered deep fried pork cutlet ric

麦玉子疫情稍稍緩和一陣呢幾日又再爆發又要減少外出食飯或者外賣喇今日黎到北角突登黎北角滙新開嘅一田超級市場潮聖對於港島區嘅朋友絕對係好消息價廉物美種類繁多超市入面仲有幾間熟食店等大家行到攰又可以坐低休息食吓嘢經過見到呢間玉子燒細細間但玉子相片吸引份量同價錢都十分相宜於是食飽飽先入去血拼-******************************-🔅玉子燒黑椒雞扒便當$55玉子燒得香滑唔會太乾蛋味香濃甜度適中兩件玉子對便當黎講岩岩好雞扒燒得香口惹味肉質嫩滑好味配以芝麻醬汁好醒胃白飯入面仲有啲薏米食落無咁滯口最可惜係佢其他味道嘅玉子賣晒喇下次一定要再黎試其他味道-******************************-麦玉子 (北角)北角渣華道123號北角匯2期B1樓一田超市內

去外地，最愛就是去超市找吃的，因為比餐館的平很多😈😈而北角一田超市裡的麦玉子，想不到質素高之餘，服務亦非常好，且不用加一小費，省不少🤪🤪玉子燒黑椒豚肉定食~抄豬肉有點點的黑椒辣味，很惹味又刺激😈而抄的椰菜亦很鮮甜👍玉子燒~不得了‼️‼️這個超好吃，濃濃的蛋香味，而蛋的水份仍能保持濕潤，吃起來也不油膩亦沒焦燶，玉子亦不像平日吃到的那種甜漏，只有濃滑蛋香，我個人很喜歡吃這種👍👍👍玉子燒炸雞定食~炸雞嫩滑有肉汁，外皮亦香脆可口，很不錯😍不得不提就是店內的日本人超好，看到我帶著小朋友，主動幫找餐桌，幫抹桌，雖沒服務費都能那麼積極，我真心給他的服務一百分‼️‼️‼️

一田超市入面原來有幾間餐廳，今日去食既麦玉子主打日式厚玉子燒，食材全部來自日本，可以安心食用，不過店內得一張bar檯，大約4-5個座位，所以唔太適合同一班朋友去食可以單點玉子燒或者叫定食，有青花魚、吉列豬扒、鰻魚等等，價錢唔算貴，大約$50-$70左右，lunchtime可以一試－－－－－－1. 玉子燒吉列豬扒定食 $69 7.5/10定食有前菜、白飯、麵豉湯、吉列豬扒、玉子燒，都幾豐富，三大件玉子燒係即叫即整，香甜玉子非常厚實和挺身，蛋層次清晰，口感柔軟，蛋味香濃，真係幾好食🤤吉列豬扒幾酥脆，炸至金黃色，底下有沙律菜解膩，不過豬扒較薄，如果厚點口感會較好

🥚原味玉子燒所有玉子燒都係用日本蛋，好香好juicy，玉子燒都係即整，咬落好firm唔會散。味道調得恰到好處👍🏻.🥚明太子玉子燒影完一輪相個蛋都係熱既😋有豐富既蛋汁，一咬落去既甜又咸，食到中間會有少少咸.🍱豬扒定食用上珍珠米，有芝麻喺面，配有麵鼓湯同沙律🥗豬扒好脆配胡麻醬，濃濃既芝麻香，唔似坊間既胡麻醬咁稀👍🍝日式炒麵 好多肉好大塊，炒麵既大板燒味道適中，麵既軟硬度適中，洋蔥炒得好食👍

今日去開北角超級市場行街見到麦玉子,當然要去食啦！因為本身我好鐘意食玉子.所以一定要黎食!我叫左以下既美食新產品櫻花蝦叉燒豬骨湯烏冬好足料,唔算好濃.好好食鰻魚麦玉子好香玉子味,食到停唔到口食到我好飽好飽!其實麦玉子都幾飽肚.好滿足,好開心!而且價錢亦唔算貴!所以值得一試下次要再來幫襯