麵留香茶餐廳 (已結業)

成條街好多野食人人都知，呢間麵留香就最出名係魚蛋魚角，好多人會外賣魚蛋魚角返屋企煮飯食。而我通常都黎食下午茶，嘆我最愛既西多熱奶茶。呢度奶茶質素都有少少浮動，偶爾會比較澀，但大部份時間都OK既～西多都係一段西多，唔會太多蛋味，不過就即叫即炸熱辣辣。係佢地度我亦食過炸雞脾沙律，佢地既烤脾幾好食，不過就愈黎愈細，沙律醬過多。。。如果下午茶既麵餐，份量都相對地少好多如果未食lunch既話係絕對唔夠食。

這間與隔鄰舖位「麵留香」其實同為一間店舖的茶餐廳，原來店中的招牌出品是自家製作的魚蛋，而且還要在早餐時段也有得吃，我真是到這天幫襯過後才知。 一個早上，又是個在附近蹓躂的日子，來到花園街，見這兒的早餐有店中名物魚蛋粉可吃，正好讓不想吃火腿通、雪菜肉絲米、餐蛋麵做早餐的我轉轉口味。這餐廳的生意可真不錯，大約八時多來到的我，已要在茶餐廳最裡面靠近水吧的四人座位中搭檯，與早我一步到來的另一位顧客一起共晉早餐。不過也正因為這樣，可以讓我看見掛在茶餐廳一邊牆上的有關這兒的介紹，也更引起自己對這兒自製魚蛋的好奇。叫來招牌「魚蛋粉」配以走甜的「凍檸水」做早餐。一吃之下，覺得這兒的「魚蛋粉」果然不錯，魚湯味甜，魚蛋不以爽彈吸客，而以腍滑取勝，三粒魚蛋，兩片魚片，都好味道。魚蛋大小適中，但魚片就顯得稍薄，嚼勁不太夠。 一碗「魚蛋粉」，一杯走甜「凍檸水」，都算是個較健康的早餐吧！

今日放工後同男朋友過咗嚟太子食lunch嚟到呢間好出名炸魚角嘅茶餐廳，黎得呢度當然要食佢嘅招牌炸魚角😁炸魚炸的確幾香，食落麵幾有口感唔錯😋👍🏻男朋友叫咗碗魚蛋墨丸河墨魚丸爽口彈牙，魚蛋口感都OK，整體唔錯我自己就冇食到魚蛋粉叫咗個常餐沙嗲牛肉質感偏林，味道中規中矩，不過不失。整體味道都ok而且呢度嘅炸魚角的確唔錯！👍🏻

麵留香⋯食過幾次⋯但次次都會記錯「楚留香」⋯位於花墟附件，門面唔算顯眼，錯眼以為得小菜食，估唔到仲有粉麵！由於唔係主打食麵，所以初初食麵都會有保留！但估唔到竟然有卧虎藏龍！牛腩河～～～牛腩麵牛腩河真係周圍都係，但味道好唔好就真係見仁見智！而麵留香個牛腩河，試過之後真係會記得返轉頭！牛腩粗切，而且燜得好腍，肥瘦分佈均勻，仲食到淡淡奶油香⋯雖然我唔知師傅點去處理牛腩，而奶油香係我食到出來的味道，好好味！墨魚丸亦意外地爽口彈牙，湯底帶魚湯鮮味。 菊花蜜帶有幽幽菊花香，清香蜜糖味，甜甜的！正！

 中午的那一餐吃得不太滿意，睇完戲之後，再找間茶餐廳，下午茶去。朋友與我一樣邪惡，佢揀西多，我選菠蘿油。沒問他的西多士如何，但菠蘿油就很一般，包本身不熱，牛油太少，浪費了我的Quota。反而，杯茶走可以！傾傾講講，又係時間離開，晚上還有節目。

下午要去行山，所以要吃飯才有氣有力，便找了這間茶餐廳坐下，一個午餐，都沒有什麼要求，味道尚好，只是個肉餅太多肥豬肉。********************選了一個午餐，HKD35，有餐湯，凍飲要加HKD3，所以午餐一共要HKD38。例湯是木瓜排骨湯，清甜沒有味精，不錯。冬菇蒸肉餅，味道夠清淡，入口肉質很滑，可惜是肉餅太多肥豬肉。

今日做嘢做到好晏！到附近快食一餐！見到呢間茶記都幾企理！仲可以在1800前完結時，五分鐘叫得切下午茶！  叫咗：1）生炒牛肉飯--炒得好鬆！飯粒唔會一舊舊，簡單只有牛肉碎及生菜！但唔會濕！唔會好咸！生菜碎脆口！好好味！份量亦夠！男仔都夠飽！2）乾炒牛河--上碟見色水夠！但食落無味！連咸味都無！雖然炒得唔油！河粉都彈牙！但無味！失望！熱檸水：欣賞用瓦杯上！存熱效果好！熱檸水唔澀！待應勤快！態度都正常！地方普通茶餐廳格局！廁所外地板油膩！廁所無廁紙！幸好廁所內都乾淨！茶餐廳少見！旺角區呢個價錢搵到食！已經好好！

返完自己教會，落到太子花園街搵食例點，依期晏晝飯無咩心水，同行會友話食麵留香，咁就麵留香喇。花園街有兩間麵留香，都係同屬關係，今次入咗去大嗰間，啱啱有位嘛。但求平靚快，快餐就最啱，快餐一共有6款，賣$30或$32，包餐湯同熱飲，見個快餐E叉燒雜果炒紅米飯，好似幾特別，感覺健康啲，就嗌佢啦，跟杯奶茶。點知叉燒粒得好少，而雜果原來係地捫貨，熱帶雜果嗰款，有啲菠蘿粒、木瓜粒、提子乾咁，連埋白米、紅米炒埋一堆。雖然啲紅米唔硬，但炒得無嚟鑊氣，仲要好「乾爭爭」，啲雜果粒跟個飯其實唔係好夾，成碟飯都好麻麻。例湯係青紅蘿蔔煲豬骨，味道稍淡，無乜湯味，唯一唔錯只得杯奶茶。見隔離阿夏生個梅菜扣肉飯餐（$33）仲好似幾好，依個餐只包熱飲，無湯餸，比我個午餐仲要貴多$3，但起碼好食丫。見個賣相似模似樣，黐咗一舊扣肉嚟試，掂喎，梅菜幾香，扣肉唔算好肥，就算肥豬肉嗰部分都係肥而不膩，食得過。其他人嗰啲就唔多講，一來都係普通粉麵飯，二來無試無食。家吓乜都加價乜都貴，總之，以太子區計，都算旺區，仲係賣三十零蚊一個飯餐，有湯有嘢飲，算係咁喇。味道唔太差嘅，都叫做抵架啦，如果好食嘅，已經稱得上平靚正啦！最後俾個「喊」佢

今天是購物日，先去花園街，再去花墟買東西，除日常用品、衫褲，最想去看看鮮花，想買點花放在家點綴一下。逛完了花園街，因消磨了很長時間，所以趁未逛花墟時，先到麵留香食個午餐。原來這裡很旺，幸好我們只有兩人，搭枱也是一件便事。午餐有很多選擇，都是$30-$32，包一碗中湯及一杯飲品。亦有一些特價午餐，才賣$29，只是包一杯飲品。我們要了一客午餐「豉汁蒸排骨」（$32）和一份特價午餐「黑椒豬扒飯」，一杯檸水、一杯咖啡。豉汁蒸排骨，豉汁香，很惹味，而排骨軟腍又沒有多餘肥膏，份量頗多，而且，跟餐的白飯亦一樣大碟。黑椒豬扒飯，黑椒辛香，不過豬扒雖肉質鬆軟，但卻是味道過鹹，還等了很久才到，同樣地，又是大份量地抵吃。至於我杯咖啡有點問題，味道苦澀，又好像有些煲濃的味道。

本身平時都有去呢間餐廳食開平時沒有這麼多人今日全場爆滿今天叫了碗魚蛋米線仲叫了多蔥它的魚蛋非常好味很彈牙我仲叫左腩汁菜心腩汁配菜簡直一流可惜忘記影相呢但服務人員的態度不太好有一點趕客希望會改善

又到食晏時間，又要傷腦筋，始創附近嗰d食到悶，行遠少少去另一端的花園街揾食。行吓行吓，仲落大雨添，於是就入咗去麵留香茶餐廳。食晏時間，好多人，被安排坐到最近，廚房位度，超迫。一坐底，望到牆上有兩隻螞蟻喺度行，行上行落...叫了片頭牛丸河，仲有油菜，要咗通菜。通菜先來，ok, 夠淋，通菜唔老。不過唔鍾意上面有pat腐乳，落單時阿姐完全無講會有腐乳。片頭牛丸河等咗勁耐先黎，碟菜都已經食咗一半喇。碗河一上枱，就見湯裡面有隻蚊滋浮屍...嗱嗱聲畢走佢。片頭及牛丸各2，河粉份量也不算多，男士一定唔夠飽。片頭差咗好多，一d都唔彈，又唔香。牛丸就反而幾好，好彈牙，帶點juicy~不過整體衛生實在唔得。此乃親身光顧之經驗，絕對真實！