麵麵店 (已搬遷) 新店位置

除了招牌車仔麵之外，有一款名為 "香辣菜脯肉碎煎蛋飯" 亦有水準！餸和飯的份量適中，驟眼看似是 "芙蓉煎蛋" ，非常香口，沒有想像中的辣，可以接受！唯一缺點是附加的豉油較甜，有待改善！

來過呢度食過兩次同d同學...第一次都冇咩野啦,第二次就拎走的其實佢d麵冇問題~我覺得d"食送"都唔錯我食過炸菜,韭菜餃,芹菜餃,貢丸本人覺得芹菜餃同頁丸係好好味但個女人d態度實在好有問題...本來係係度食埋,我地揀完落單個陣,個極舉哂手都冇人理我地,有兩個女人淨係係咁傾~我地係叫到好大聲~係冇理由聽唔到,根本就係唔想應我地住!!!一嗌完野,忽然覺得間鋪勁臭好似爆屎渠咁,越來越臭,頂唔順...咁我地係鋪頭出面等...咁有同學問佢可唔可以比d沙嗲佢(入面食的張table有得自己落)個女人答:冇架喎~~冇得拎架~~咁想佢落d係麵度啦,佢就話:你地咁多碗~我鬼知落邊碗咩~咁煩架!!!真係唔憂做咁,態度差成咁~~~係架,係煩架....我地要咁多碗....冇生意咪唔煩囉~唔洗煩添啦!!!我仲記得上次食野個女人差d計錯我地錢~~

由於在佐敦上course, 就來這邊開發看看有什麼吃的發現了呢間麵麵店, 很多人於是就試了間店的食物不算貴, 而且食物選擇種類挺多就算只是普通的車仔面也會有些比較特別的餸, 如醉雞翼尖、麻辣蓮"偶"而選粉面底的話, 本人推介檬粉這里的檬粉跟出面的有點不同, 比較爽口好吃不過最後跟大家講, 雖然車仔面等不錯,但千萬不要試狗仔粉, 因為真的很稔好難食只要唔叫呢個就不錯

基於工作在左敦關係, 又再次四圍試叫外賣, 見呢度食評都幾多人話唔錯, 就下午一試.... 誰知... 難吃得很... 價雖便宜但味道實在強差人意....下午茶時間, 叫了一個懷舊粉仔餐, 寫著有冬孤粒, 金華火腿粒, 蝦米等, 我叫外賣亦問了伙記, 原來粉仔就是上海麵... 19.00 免費送豆漿一杯.不消一會就送到公司, 打開一看, 貌甚難看, 全碗是碎濕濕的上海麵條, 而且很淋淋的, 看下d 餡, 冬孤和蝦米是有了, 但所謂金華火腿... so bad 只是一些半肥瘦臘肉, 絕對唔係金華火腿, 吃了不夠半兜就吃不下了, 因為實在未試過咁淋而且難吃的上海麵食... 豆漿還可以喇... 但經此次... 又再少一間外賣紙在公司出現了... 又bad list 一間...p.s. ,唔知係忙or 大意, 呢次外賣, 又無飲管又無筷子匙羹.... 百無...

下午荼餐非常之平宜。十八元己有二餸的丁麵和熱飲!也可自選三、四餸的麵、粉和米線，只是廿元左右!環境都算尚可，有電視睇添!

因工作關係, 呢排成日去呢間野都度...講真..食物相當不俗...幾好味! 而個麵底..唔係好油, 幾好! 有人話啖口咩, 其實佢有2樣調味品...其一, 你可以加沙嗲...沙嗲味幾好架....其二, 佢台面上有d...好似酸菜o既, 我見好多人落, 但我就冇試過要彈o既係等候時間! 你叫一個麵...即使得4,5個人, 你太約都要等10-12分鐘, 俾我o既感覺係..好似得一個人"6" 麵, 仲要逐碗慢慢整咁....如果趕時間就唔好去了.服務態度方面, 收$ 果2個好好, 一個是男, 一個是女, 唔知係咪老闆, 不用著制服, 而且態度好好. 但著制服就.....有待改進

兩人食:1. 海南雞飯套餐($33): D雞一般, 菜飯唔油, D汁最正!2. 煎釀三寶($11六件): 新炸熱辣辣3. 南乳炸雞翼($8一隻): 最晚highlight!

上個星期五, 我倆又嚟到这裏嘆下午茶, 這是我最喜歡的車仔麵店.这裏比較小油, 清淡一些, 但是好好味.腐皮魚肉-香脆-十分好吃, 但浸耐會"淋"咸雞好入味, 以一間小店來說是高水準.涼茶不太甜-好好, 因為我好怕太甜蛋沙律, 是我吃过最好的沙律, 好过好多大餐廰,大酒店

講自己係車仔麵專家, 都冇錯.款多, 味道也好, 車仔麵暫時最喜歡呢間. p.s.鍾意佢地有五花茶.

再次興起進修念頭,某個晚上到佐敦報名後來個晚餐,本打算到"原居民",但似乎已經結業,還是自己老眼昏花看不到呢?走過馬路四處蕩蕩就見到這間車仔麵,店內沒太多客人加上阿姐招徠,當晚晚餐就是車仔麵了。點菜紙上有不少菜式,阿姐提醒晚餐可點4個餸還有飲品,即時圈了4款車仔餸交予阿姐。等了好幾分鐘,大大碗的車仔麵來了。湯底清澈味道一般,自己還是喜歡較濃味的湯底=p 米粉質感不俗,軟硬程度剛好也不是碎碎貨色,收貨!蘿蔔味道頗甜,但不是太人工化的甜,而且煮得不會過淋或不入味,不錯;冬菇不算太香,煮得沒甚味道,很一般;豬腸煮得比冬菇入味,質感也不會太淋,只嫌剪得有點碎;腐皮魚肉反而有驚喜,點菜時以為是像魚肉春卷那種,原來是像炸雲吞般但改用腐皮造成,新鮮炸起的魚肉香氣撲鼻,腐皮包裹著的魚肉還有絲絲髮菜,剛送來時有點脆,浸湯後又變成軟軟滑滑的,這個的確不俗。飲品選了涼茶,應該是夏枯草來的,清清甜甜的冰凍涼茶,用作解熱氣應該作用不大,心理上覺得比較健康就是了。題外話:經過澳牛時竟然有吉檯,多走幾步才作決定,應該可以慢慢享用一頓澳牛晚餐了,真失敗!

第一次係呢間食過一次既沙律就已經愛上,本來好普通既罐頭生果,加左佢地自製既沙律醬之後味道唔同哂,係個面仲加左d碎蛋沙律,令到口感提升,簡直一試難忘.原本旺角都有一間,但而家無左,無得食lu

叫了四餸車仔麵, 時菜(菜心), 牛筋, 魚肉春卷, 秀珍菇, 金邊粉.牛筋碎濕濕, 太淋, 魚肉春卷唔香兼扁平, 菜心尚算不太老, 秀珍菇很少.湯底淡茂茂, 加了放在枱上的辣菜圃粒才惹味些.衛生麻麻, 侍應將桌上垃圾撥落地下…

中午同朋友食飯，入去這兒試試。點了炸燒賣、魚皮鮫、金菇沙爹粗麵。炸燒賣是炸了表皮，有少少脆脆的感覺，不過浸久了便軟化了，味道不過不失。魚皮鮫好明顯是超市買真空包裝那種，因為家中經常食，不論樣貌、大小、味道都一樣，都是中等水準。金菇和麵沒有什麼特別，但沙爹就非常滿意，微辣，加上陣陣的香味，是此店最佳的一樣食品。朋友加了菜甫和沙爹醬，他說不要太多，因為非常辣的。客人是多，不過為何車仔麵都要等十分鐘左右？好似朋友仔咁講：這個是一個謎

仍記得佢開張時候, 我真係開心過一陣, 覺得佐敦區都終於有間車仔麵喇, 直到我有機會試後發覺都係咁上下, 冇咩驚喜! 到而家好間中間中都會去下,但係要絕對冇咩要求下純粹醫飽個肚的大前題下, 先唔會失望!仲記得早兩日前去食過, 日真係冇咩要求, 淨係想食車仔麵咋! 入到去二話不說就坐底, 見到佢寫$23有4個仲有野飲喎, 好似好抵食咁, 跟住就枝筆圈野食, 叫左牛肚, 豬皮, 豬紅同埋豬腸配米線, 加杯凍檸茶; 先講下豬紅, 一夾就散唔同埋太碎; 豬腸剪得十分細舊, 冇咩哎口, 豬皮好入味不過已經唔爽, 牛肚就最差, 係淋不過唔知似咩樣, 一d都唔似牛肚, 不過最失敗就係d米線, 我一見到仲以為自己食緊上海麵, 真係後悔自己要食米線, 早知叫米粉食好過啦, 真係人都顛! 而杯凍檸茶都係一般啦, 好過飲豆漿啦我諗!不過值得一讚就係地方唔係大但依然有電視可以送麵, 食得快好多, 難得難得, 咁拿拿聲食完即閃! 埋單$26, 點解? 咪就係米線加$1, 凍飲加$2囉, 真係想叫佢地收順d啦, 你d邊係米線, 點解要收多我$1呢? 想食好d就唔好諗呢度可以比到你喇!

見到有咁多哈哈笑, 應該唔差, 所以今晚專程黎食車仔麵...好失望呀!四餸金邊粉+ 豆漿- 牛肚好羶: 好難食!- 炸燒賣: 外皮好脆, 好有口感!- 玉子豆腐& 蟹柳: 好咩特別...成碗粉都好淡, 餸的份量好少. 食完後, 個肚仲有D唔多妥, 希望今晚唔好肚屙, 下次一定唔會再黎!