麵麵店 (已搬遷) 新店位置

星期六中午一點半左右黎到點知已經差唔多全店滿座我唔想食粉麵只係叫淨送蘿白,芥蘭,豬紅,魚肉春卷同酸齋朋友仔就叫左牛肚,牛筋,雞翼拼油麵因為呢度中午係無餐跟感覺上無咁抵但份量上計食完又覺得好抵食蘿白好清甜又無渣,幾好豬紅好滑,雖然係好清,但又會有淡淡既鹵水味芥蘭新鮮唔苦魚肉春卷兩大條,應該係用左春卷皮包住鯪魚肉再炸,但食落唔覺肥膩,只係覺得啖啖肉酸齋酸得黎O岩O岩好,唔會覺得過酸或者哽喉,又唔油,好味道試左朋友仔既牛筋同牛肚雖然只係好淡既鹵水味但炆得好淋可能我鍾意清淡口味既野所以我都好鍾意服務好好一叫佢即刻應你加上有求必應因為最初俾錯左牛腩(試食左一小件都係好淋同淡味既鹵水味)佢即刻叫廚房用碗仔裝番牛筋黎份量都唔少架因為加左沙嗲汁有D辣叫佢俾杯水我佢會好細心咁問你要熱定凍不過至唔好係點解廚房成日出錯黎兩次錯落兩次上次要金邊粉黎左米粉今次要牛筋黎左牛腩

醉雞翼尖好食, 生根吸左好多沙爹味, 亦都好好食, 蘿蔔好甜無渣

這店是我至愛之...每次也叫勁辡..豬肝,酸菜..炸醬都好味....可以叫多d米線...

入到去通常都係食車仔麵,車仔麵算係抵食,$20倒就食倒,而食咖哩飯要30蚊倒~~ 都幾好味的,不妨試下啦~但你入得去要預左侍應態度唔係十分好呢~!同好輪"準"呢

昨晚看完電影，到處找找，結果就走了去「麵麵店」吃車仔麵。$23有4款餸任選，仲加埋飲品，真的好抵。醉雞亦尖很濃的酒味，棒！因為我不吃皮，好像沒吃到什麼肉，(雞亦尖點會有肉)但仍鼓勵大家叫，能吃到它的「醉味」都是好事。^^韭菜餃很足料，但感覺好像有點冷，不知道是否不熟？金菇也很有份量。豆漿也很有豆味，正！只是那裡是不禁煙的，放工的工人和office的都在「吞雲吐霧」。這是令我最想快點離開的原因。

去麵麵店每次都會食粉仔，好正。而家好多地方都冇得食。D車仔麵料選揀多又唔錯，不過坐位有限，成日冇位，野食上得幾慢，尤其是多外賣既時候。仲有係一定要落佢D辣菜甫，我幫佢買左幾樽用黎送粥送麵一流。

今日都去左麵麵店食lunch~唔係太多人啦今日~幾好~!食左3個送既車仔麵+菊花茶最鐘意食既係:魚肉春卷果度d staff好好人既~學生價都係18蚊咋..好抵~!

睇完麵麵店食評，即刻約埋啲friends落去試食，水準不錯，款式又多，最好吃是蠔油鮮草菇、鯪魚肉、黑芝麻荳槳、咖哩又夠味、值得一提喺啲野味菜圃，落喺啲麵和其他食物都好好味，仲有得外菜圃，我買佐兩樽返屋企，亞媽都話好味，叫我下次再買。

食完新興棧後,行過黎食車仔麵,2個人叫左4送車仔麵餐$24連飲品(凍飲+$2),同狗仔粉餐$15連飲品;車仔麵---要左蘿蔔(4-5舊):一般,不夠腍及甜,朱腸:吾掂!有肥膏痴住;,韭菜餃(3隻):亦麻麻,食落去口感似食緊舊粉!,墨丸(2粒):不夠彈牙,金邊粉:尚可啦!幾滑.狗仔粉---似腍左既烏冬,個人認為吾系太好食;冬菇,蝦米,朱肉粒反而不錯!飲品:菊花茶:size頗大,味道甜甜甘甘,應該系自己煲,不俗!凍奶茶亦ok!埋單$41相當經濟,但食物似乎吾多對板!老闆系時候檢討一下!

去完尖沙咀,諗唔到有乜好食,突然醒起佐敦官涌有間食麵小店,一於行過去試下~店子唔起眼,最多只得廿個座位,而門面亦似係一o的賣行貨的小店,不過就有幾多種類的食物,包括車仔麵,粉仔,飯同小食等.兩個人點了如下食物:煎釀三寶($10五件) - 熱辣辣又好大件,老闆仲送多一件添~醉雞翼尖($10十隻) - 好入味,不過酒味略濃~粉仔套餐($17) - 粉仔都幾多料,冬菇,豬肉等....粉仔本身就麻麻,硬身左少少~咖哩鮮牛月利飯套餐($28) - 咖哩有分小辣同大辣,我要左少辣,不過OK,下次可以試辣o的.咖哩好香而有少少甜,配料的薯仔好諗好好味,而主角的牛月利就好夠份量(大大小小有成十件!!)食落真係覺得係新鮮牛月利,唔會有雪味之餘仲有肉香, 不過都幾羶!呢味直頭食唔晒要打包添~順帶一提老闆好好人,落單好有禮貌,呢o的先係服務態度嘛~食物質素好,服務又好,一定有下次!

黎過一次, 係食車仔麵. 我覺得水準唔差, 但又唔覺得好好食.我知道除左車仔麵之外, 呢度仲有其他野食, 或者下次再黎試下, 睇下會唔會有唔同感覺.

又係度睇完D評語,今日Lunch走左去食,叫左個車仔麵醉雞翼尖,鯪魚肉,牛腩,粗麵($20)醉雞翼尖-真係好醉呀,佢D味好濃,又好香鯪魚肉:好似人手做,糊椒粉重左D牛腩:好淋,不過好細粒,夠味唔錯唔錯~~

今日玩完由大陸番黎落船已經差唔多八點肚仔餓餓見近近地就黎左呢度食同朋友仔兩個人叫左煙鴨胸撈出前一丁同一碗車仔麵跟餐要左凍啡同凍檸茶少甜兩個凍飲先到但凍啡黎左凍奶茶朋友仔無所謂照要但老闆一醒起即刻話出過杯俾佢服務認真,抵讚到我個車仔麵我要左蘿蔔,菜心,豬紅,魚皮角同金邊粉點知黎左米粉底侍應放上檯後我都未望真點知老闆已經發現俾錯左米粉我即刻叫廚房出番個金邊粉底俾我佢拎左個淨金邊粉俾我時我都唔知點好佢叫我食埋佢最後我都係夾左d送落碗金邊粉個碗到俾番d米粉佢落左沙爹汁幾好味個湯底同d送好清但好夠味加少少醋好好食朋友仔食既煙鴨胸撈出前一丁試左一片鴨胸唔un但好夠味至於出前一丁朋友仔話係用甜醬油撈既味道聽聞都唔錯

今晚返學前6點左右同朋友黎呢間車仔麵試試,兩個女仔叫左個粟米魚肚羹餐$15連煎釀三寶5件---魚肚羹尚可,稀杰適中,足料;煎釀三寶也不錯,魚肉頗新鮮彈牙,有口感!茄子青椒亦幾大件.車仔麵餐館29(4送+飲品)---蘿蔔:清甜冇渣,魚皮角:有4-5粒,細細粒,味道不錯!蟹黃丸:好彈牙!內裏有蟹黃,幾得意!粗麵:一般而已,湯底:吾得!千祈吾好飲,反而佢d咸菜幾好食!見佢menu有其他特色小食,會再反兜!另外,service亦值得一讚!

早在幾個月前見到飲食男女介紹都好想來試下,終於早幾晚去睇古巨基前有機會來食.我同老公一人一個晚餐(@$23包四餸同飲品,凍飲加$2)我問個伙記有咩好食,佢介紹左我炸燒賣+魚肉+醉雞尖+我自己鍾意既牛筋.炸燒賣我覺得麻麻,因為原來即係炸龍蝦丸.魚肉幾好,好彈牙.醉雞尖好正,個酒味好出,個我筋都幾好.飲品我叫左凍央少甜,都幾好.好在叫左杯凍野飲,因為我碗面叫佢加左沙爹好勁,好在有杯凍野頂住,如果唔係實噴火....我老公點左:魚春卷+豬利+豬腸+牛腩,魚春卷勁正,出面好少食到,幾特別,豬利我稍覺得難咬左o的,其他2樣送都幾好.總括來講會再來幫襯!