麵麵店 (已結業)

今日同同事lunch, 之前揸車經過見到門面幾吸引, 今日經過見到有位就入去試下。店內都幾闊落, 見到有台式肉燥飯同麵食, 我選左車仔麵, 自己選餸, 麵類, 同湯底, 本身選左兩個貴餸, 牛腩$12, 雞翼$12, 同勁辣汁, 服務員見到就介紹不如$44 任選4餸仲包豆漿, 真係好抵食, 問佢個勁辣汁辣嗎？ 佢話都幾辣, 可分開上, 自己落。我選左分開上。服務員推介醉雞撈麵, 留返下次試。服務員好親切同熱心介紹食物。仲有我鍾意食既菜甫任落。香辣菜甫, 加落麵一齊食, 惹味提升。哇~~送到埋黎, 真係嚇左跳, 好大碗, 好豐富。我點左鹵水雞翼, 豬腸, 牛腩, 東菇。雞翼同牛腩都好入味, 牛腩軟腍, 豬腸有口感及入味, 東菇有質感, 油麵配上辣湯同菜甫, 真係好味到暈。辣汁分開上, 都幾辣, 我就無落晒。同事就選左魚皮胶, 豆腐, 鹵水雞翼, 酸齋, 檬粉, 清湯。同事話D餸同D麵都味道唔錯。又多間飯堂之選, 抵食又好味!

小儀車仔麵係我經常會去既飯堂！因為佢咩都有得食，又有台式肉燥飯，咖哩飯，車仔面連煲仔飯都有，最緊要係夠多餸揀！ 環境仲好舒服，裝飾用心，非港式車仔面般咁擠逼，食完就想走。是日晚餐係蝦餅檬，waitress話依個好好食，仲有新鮮整沙律，雖然講到好吸引，但我嘛嘛地蝦餅，就放棄了！心大心細左好耐，終於揀左四餸車仔面都係44蚊，抵到爛！連湯底揀咩都唸左好耐，因為個個都好好味！仲有好多其他野食，唔多講，自己睇圖啦！最後揀左韮菜餃，腩肉片，酸齋，牛丸米線，清湯。黎到真係嚇親，每款餸都有勁多舊，食到一半已經飽左。最中意個酸齋，好少車仔面會有得食，雖然就油左少少，個腩肉片有點硬，似食緊bacon !，但overall 都仲有杯奶茶，勁好飲。車仔面店既奶茶多數係好稀，但佢做得好濃好滑！絶對係飯堂既首選！

車仔麵是好人性的，有無心做好每樣餸一食就會知。這間店之前是坐無虛席的，今日經過無乜人就唸住食個quick lunch啦。叫咗個4餸麵同凍豆漿。個豆漿係.....無味嘅，連少少豆味都無，真係飲水好過。至於個麵，我叫咗清湯，真係好清，好似水咁無味。魚肉春卷有少少硬，個腐皮魚肉唔知係唔係放得太耐，唔脆又油多之餘仲係un的。係個雞翼尖同蓮藕就正常啲⋯⋯係正常，唔係好食！

是是旦旦 18/9/2016晚上七點幾 現場報導:無粗麵無河粉無米線無韭菜餃由於現場『沽清欄目』未有顯示最新資訊，請各食客入座前“”主動“”向店員查詢，以免上述不幸事件再次發生。報導完畢

其實係呢頭番工,大角咀真係好多野食選擇,不過唔係間間好食lunch黎講其實我冇咩要求,因為得一個鐘,乜都食得好趕所以只要餐廳去到唔洗等位,出菜快,食物味道正常就ok不過呢間真係伏到喊唔洗等位,出菜快佢做到不過食物質素真心差台式肉燥飯一開始以為佢黎錯野,冇諗過肉燥飯會有堆炸魚個堆炸魚手指咁幼,魚肉真係冇乜,又乾又硬,食緊炸粉咁而啲肉燥得個少少,似乎重點比例上有啲錯個飯有啲汁,食落唔乾身,不過愈食愈咸但最離譜係舊豆腐,2舊豆腐都係"叔"架!!!唔知係咪天氣太熱啦,變左味!我食左一半就放棄左,真心難食

明星效應，知道是小儀開，又有朋友話早餐好抵食，就趁星期日不用上班，就到此一試。早餐非常抵，34元，包三餸(價錢不跟)及飲品。今日點選了鹵水雞翼、牛膀及木耳，配薑酒湯及粉絲，飲品是紫貝天葵。紫貝天葵酸酸地，好醒胃。湯底不覺有薑味，酒味就有少少。牛膀好厚切，好入味，口感好粉，有三塊。鹵水雞翼色水都不錯， 都好入味，雞肉都好滑，正。木耳细细朵，好爽口。店內有特制菜脯， 辣辣地，与粉絲一起吃也不錯。

 懷舊傢具, 型格風格, 外觀看, 不易發現, 哈哈上次食過麵, 幾韌, 車仔麵的麻辣 真係好麻, 我唔太受! 所以今次食飯!!! 哈哈米是長長的, 應該用上泰國米 , 好有飯香, 米同水比例甚佳, 水也收得好乾, 粒粒分明, 很少斷米, 配以肉燥, 香味十足, 肉燥不會太油。鯖魚就普普通通, 不過份量幾大, 配蛋, 豆, 幾夠食! 我覺得食飯 比粉麵更好食, 下次會試煲仔飯!!!

一直覺得麵麵店水準高於一般車仔麵，每款餸都落足心機做。今次到來點了兩碗4餸，咖哩魷魚、沙葛餃、爽肉及魚春卷油麵，另一碗則點了牛腩、蘿蔔、貢丸及滷水豆腐粗麵。等了好一段時間，兩碗麵送上來，滿心歡喜吃一口，我們互望，竟然不是熱燙的，只是微暖。本來點了較特別的薑酒湯，卻沒有以往濃濃的薑味，也沒有一點酒味。其他餸也只是做到本份，一點特色也沒有，像沒有靈魂的，絕對不及以往質素，難道生存環境真的可以令熱誠減淡，可惜。

一直都好想識試由小儀開既麵麵店，好可惜一路都無咩機會到大角咀，今日終於有飯腳陪我去食下，午飯時間都好多人，都坐滿8成，但都好好彩，好快搵到2人位，一直都以為呢間野只係得車仔麵食，原來午市時間仲有肉躁飯，咖哩飯，撈麵等選擇小儀推介，都幾多特別野食最後決定食車仔麵餐，4餸連飲品(豆漿/夏枯草），$42沙葛餃，麻辣蓮藕，牛腩，魚肉春卷配粉絲，勁辣汁都算係足料，牛腩偏硬，唔夠'林'，魚肉春卷係腐皮包魚肉，麻辣蓮藕夠麻辣，好過隱，第一次食既沙葛餃幾得意，沙葛好爽口，而粉絲煮得太耐，'林'晒

大角咀食肆臨立，競爭十分激烈，短短既一條街已經有差唔多二十間食店，想殺出一條血路都唔係咁易！「麵麵店」位於埃華街既街尾，由港鐵站既天橋行過去都只係需要五分鐘左右。可能因為小儀既名氣掛，是日去到都見到好多疑似係慕名而來「朝聖」既生客。Anyway，可能只係中午十二點幾，即使係星期六裏面都唔係太多人，每枱客都可以獨霸一枱。餐廳顧名思義以車仔麵為主，不過亦都有供應其他好似食品好似咖喱飯同肉燥飯之類。車仔麵餐 (四餸+豆漿) ($42)︰黎得呢度點可以唔試呢個招牌菜呢？同其他車仔麵店唔同，呢度有好多平時食唔到既餸，好似墨魚巻、雞腎等等。而「食肉獸」既我都點左魚片頭、墨魚巻、卥水豆腐同埋牛腩四個餸。粗麵好快手，太約五分鐘後就到。麵身冇乜特別，都係D大路野。魚片頭方面就有D失望喇，以為會用新鮮魚蛋果隻質素啦，點知原來只係凍肉舖frozen晒之流，失望！牛腩同卥水豆腐算OK啦，唯一要讚既係墨魚巻，真係有D似果間賣春巻賣到出晒名既連鎖麵店既出品，口感唔錯！吉列豬扒肉燥飯 ($42)︰個size都算幾大，豬扒同埋飯既份量十足。豬扒炸得剛到火喉，入口非常鬆軟，再加埋淋喺上面既醬汁調味真係口感一流！肉燥方面

這是我少有地沒有做過 research 而入的餐廳 (連鎖快餐店不計啦)，turn out 是一個意外收穫！當晚其實是想吃冬暖夏涼車仔麵，怎料沒有開；再到 Burgerman 看看，怎料太多人，burger 要等上15分鐘。在走訪了兩個地方後，所餘的時間無多了，因為趕著去看戲。身旁的憤怒鳥說 "見到什麼就吃吧，別扭了"，所以連開openrice search 一下的時間也沒有的前提下，我們來了這間在埃華街、近君匯港一端的麵店。店的裡裡外外都以黑色為主，帶點工業味，我還以為是吃西餐的。週末的8pm，沒有滿座。一坐下便看到清晰的車仔麵 order 紙 - 每樣餸$8，麵底 $10-14。見到4 餸連飲品是$42（即是$8 x 4 + 10 但送飲品，所以便宜了），我便極速地 spot 了些比較少見的餸。一目十行的速度像鬥快做 crossword puzzle，連我自己都有點驚訝。女人的選擇困難症，其實是被充裕的時間所縱壞的。其實這店還有車仔麵以外的東西，是茶餐廳會找到的東西，例如是碟頭飯、咖喱乜乜乜。聽到隔離枱叫瑞士雞翼，其實我都想吃，不過職員說要等15分鐘，今次與我無緣了。等食物時眈天望

早餐1030﹣1200pm，hkd32 3餸一麺（可以轉菜底）加豆漿，份量算多，味道正常，以宜家車仔麵一般嘅價錢來講 性價比算高。豆漿幾濃厚，唔算好甜，唔錯，跟餐送菜圃唔咸，甜甜辣辣（唔係好辣），但係油左少少，幾好食牛膀幾入味，勁辣汁其實唔太辣，只不過係靠中間pat 辣椒醬豬紅正常，份量幾多咖喱魷魚正常粉絲份量幾多，而且唔會淋gg酸齋幾好味，好似arm arm 炸完再放入去，唔會凍冰冰個腐皮魚就唔多掂，魚肉細到睇唔到（之前都有人講過，不過想挑戰下），都係arm arm 炸起，所以幾油膩麻辣蓮藕好食，爽甜有麻辣味

麵麵店的車仔麵甚為出名，但怎料我和朋友當時都沒有吃車仔麵的意慾。反而我點了他們另一的推介"小儀干撈麵"，朋友則點了咖哩吉烈豬扒飯。小儀干撈麵這干撈麵是小儀推介的，單是嗅這個麵已經很香。味道有濃慾的鹵水味之餘，還帶點麻辣，的確滋味。麵質彈牙有口感，每麵條都充滿鹵水味的香濃和麻辣的滋味。至於蘿蔔方面十分鮮甜又多汁，肉碎帶濃濃的肉香，豬耳仔亦爽口之餘，還帶有濃濃的鹵水味。由於當時干撈麵有兩款都售罄，所以貢丸和豆卜是後加的，當然不能跟原配的餸相提並論，但算是不過不失。咖哩吉烈豬扒飯咖哩吉烈豬扒飯的香氣撲鼻，我也忍不住要試一點。吉烈豬扒炸得香脆，一點油膩感也沒有。咖哩汁充滿香濃的咖哩味，口感幼滑之餘帶有惹味的香辣，跟飯和吉烈豬扒是個一絕的配搭。今次的午餐相當不錯，份量適中，價錢相宜，味道亦屬中上。

位於佐敦廟街的「麵麵店」本店在開業後，因為小儀入股而重新改革的關係，早已聽聞過此店的大名。原本位於白加士街的麵麵店，因老闆捱不住高昂的租金，曾轉型至外賣食店；直到小儀與好友決定入股，將店舖重新包裝重開，並將湯底、麵條與食材等等加以改良，保留懷舊食材，更以型格的裝潢吸引客人；獨特風格讓這間車仔麵店變得絕不平凡，後來更於大角咀開設分店。經友人介紹後，吸引我前來試試。外表是灰黑的磚牆與玻璃配搭，Raw 味十足，以為它毫不起眼嗎？卻因為與原區格格不入而特別吸引目光。店內亦充滿懷舊氣息，將舊燈泡重新設計，搖身一變成為型格的燈飾。窗邊是較高的吧檯位置，從外面隱隱約約地望進去，還以為這裡是酒吧及西式的輕食小店。下午有足夠的陽光照進來，悠然舒適；晚上剩下暗黃的燈光，令餐廳充滿懷舊輕鬆的氣氛。開放式廚房牆外置有黑板，寫上當日時菜及特飲，也小儀推介。除車仔麵外，更有懷舊「狗仔粉」供應。可惜的是這裡的狗仔粉用上外形接近的上海粗麵，也難怪的…現在要找到正宗的舊式狗仔粉實在是非常困難…桌上放有自家製的菜脯，內有大量蒜頭與辣椒，新鮮爽口、惹味又開胃，愛吃蒜頭的話必定會喜歡。吃車仔麵，在紙上自行劃上自選湯底、麵條及

認識麵麵店，始於其位於白加士街的舊鋪(之後已轉為外賣店)，及後老闆與小儀合作，麵麵店得以在佐敦以全新形象示人，開業初期我倆已拜會，更有幸遇上在店落手落腳的小儀哩!!!原來半年前，麵麵店靜俏俏的在大角咀另開分店，仍舊以黑色裝潢作主調，新潮的型格與傳統的車仔麵店大為不同食車仔麵，最重要當然要選擇多，麵麵店提供的食物種類可真不少，部份更挺特別的，坊間少見如魚肉春卷,酸齋等等，而湯底除了沙爹或勁辣汁外，也有老闆袓傳秘製的薑酒湯供選擇，四餸連飲品$42，也算挺相宜喔~小丸子的一碗就選了特別的魚肉春卷和鹵蛋，不過最讚的仍是那爽口到不很的豬腸，洗得乾乾淨淨的肥脂幸沒去掉，羶味更濃更香口而比利也同樣大讚豬腸，除了入味的豆卜和惹味牛椒丸外，鹵水雞翼也不可錯過，大大隻的雞翼鹵得入味，真的有家的感覺哩~枱上也有任吃的辣菜甫，是好此道者的大喜訊~除了車仔麵，這裡的小食更是不可錯過，炸魚皮是少吃到的熱辣辣，又香脆無比另一款新穎小吃，是竹炭蝦多士，特別以竹炭法包炮製，蝦膠味道鮮香，也值得一試喔~而炸鯪魚球也是大大粒，外層炸得金黃，脆口非常，入面則是鮮香的鯪魚肉，蘸上蜆蚧醬吃，確實滋味無比大角咀分店就在力奇舊址附近