麻布茶房 (已結業)

今天去將軍澳探朋友，之後去附近商場行下，見到一店叫麻布茶房，廚窗放有多款食物樣辦，十分吸引。尤其是雪糕系列，七彩繽紛好想食，那我和朋友就入座食晚餐和試試美麗的甜品。鐵板燒雞肉定食：燒雞肉份量不少，肉質鮮嫩，配飯和湯、前菜。還有一小碗特製醬汁，拌雞肉和飯食，十分惹味。豆腐海鮮雞蛋丼：蝦仁爽口，魷魚有口感，豆腐、雞蛋超滑，獻汁伴飯鮮甜可口，還有前菜、配湯送。芒果聖代：軟雪糕超滑，比雪糕車的還要滑，加了些芒果醬更香甜，另外還有生果和芒果雪糕球，十分香甜。巧克力香蕉霜淇淋牛奶刨冰，刨冰份量不少，加入朱古力醬、香蕉、牛奶軟雪糕，香甜美味！ 芒果奶昔口感滑溜，甜度適中，還有幾塊芒果肉。

幾個月前黎食都仲幾好幾多人今次黎邊爐 牛肉一黎到未熟已經黑蚊蚊似大陸肉 一位中年男店員態度很差 問拎碗仔又敷衍 之後又唔比 粗聲粗氣 比錢買難受 難怪呢家冇哂人其他食材都唔差 係個牛肉真係牛肉乾咁硬早知去吉野家加上間野唔開冷氣 侍應又好似趕客走咁 食物質素差 唔洗錢都唔好黎食！想知佢係咪冇交冷氣費 冇錢請侍應 又冇錢買食材呢？岩岩叫個男人上雪糕又唔上 佢係咪有心唔想serve 客 一路食一路打呢篇野真係好嬲 錢又識收 放心一定打夠兩百字比差評

喺將軍澳想舒舒服服咁樣食日本野？呢間餐廳就一定要推介俾大家！將軍澳分店有豪華火鍋大割引50%豚肉火鍋A+B $64依家出邊快餐店打個邊爐都唔平，呢度一人份量，仲可以食埋H記雪糕都係$70-80到，我覺得物超所值。白飯轉日本稻庭烏冬+$10火鍋有青口、日本豚肉、日本魚蛋、名門卷、粉絲等等，非常足料。叫咗壽喜燒湯底，湯底鹹甜啱啱好。豚肉鮮甜，煮內左都唔會老。Haagen-Daz有多款口味選擇！充滿牛奶香嘅雪糕，邊個可以抗拒到呢！美國安格斯西冷牛扒配宇治金時 D+E $148呢一個牛扒定食又係超級抵食同高質嘅！定食包蟹柳蟹子沙律，生菜非常爽甜！食到粒粒蟹樓真係真心正。牛扒大過我隻手掌，三成半熟，肉質岩岩好。牛肉味好濃😍😍😍配有雙色鹽，個人特別鍾意點海鹽！而家帶出牛肉嘅鮮味。配有番薯、茄子、西蘭花等等嘅菜蔬，係一個非常有營養嘅定食。宇治金時綿滑既牛乳雪糕配上熱辣辣嘅番薯！冷熱交融，簡直係一大享受！埋單$220 ！性價比非常之高。

今次唔係第一次黎食，平時只係食個set dinner, 但今次係見到個西冷牛火鍋吸引左我，見佢40週年半價就過黎食。入黎二話不說梗係叫個西冷牛火鍋，見佢仲有個追加優惠$40西冷牛肉就當然叫埋慶幸有追加牛肉，份量比我想像多牛肉一開始都放得大耐，所以食落有點靭，搞到有點浪費左之後吸取教訓就等佢差不多熟就即刻拎上黎食，肉質好好多其他配料就不過不失再黎個滑蛋豬肉飯，中規中矩最後當然唔少得甜品雪糕就當然好食，又夠滑。紅豆整得幾好味，係甜左d個人較喜歡宇治金時口味

去了朋友屋企幫手搬屋，中午佢就請我去了附近的麻布茶房食飯。午市有套餐，亦有散叫。芝麻風味涮豬肉冷烏龍麵，烏龍麵質爽彈不糊口，麻醬甜甜地幾好味，有些豬肉、菇等配料，十分豐富，幾適合夏天熱辣辣無胃口之選。雜錦海鮮丼定食有三文魚、立魚、呑拿魚、帶子、蟹子、蛋及青瓜，配料配式幾多，刺身都算鮮甜有油脂甘香，珍珠米煙韌，還配有蛋花湯及醃黃豆。芒果蕨軟糍芭菲表面舖滿了芒果、小丸子、蕨軟糍，還有芒果雪糕，芒果味很香，不過就有點酸。三色豪華是一大杯的刨冰，有綠茶醬淋面，另外還有煉奶、楓糖漿及黑糖漿，旁邊有些小丸子、蕨軟糍及紅豆，煙煙韌韌有咬口。

放假帶了阿媽去行山，之後返去九龍灣的麻布茶房食午餐。餐廳有豪華定食套餐，全部都是$108，除了主食外，還包一份特定甜品，超級抵食。所有定食都附有湯及小食，湯裏面有蛋花，咸咸地，小食是黃豆，甜甜地硬硬地幾好味。冷蕎麥麵配和味牛肉飯一個套餐可以有兩款享受，蕎麥麵爽口不糊口，配上鰹魚瀗，清新簡單，適合夏天食；牛肉飯雖然是迷你版，但份量都不少，有洋葱及牛肉配燒汁，牛肉不油膩亦夠腍，珍珠米煙韌。鹽燒三文魚定食三文魚以鹽及黑椒醃製，煎至表面焦香手，裏面保持魚肉鮮嫩，而且還有油脂甘香，旁邊有些燒茄子、薯仔、西蘭花，十分健康。三式甘味有三款不同甜品。燒番薯霜淇淋宇治金時雲尼拿雪糕下面有燒番薯，番薯又甜又腍。金時蕨軟糍軟糍下面是紅豆醬，紅豆夠腍但比較甜。牛乳粟米金湯粟米味濃郁，有些粟米衣，帶有粟米甜香。

剛剛喺Popcorn睇完戲，就同朋友到商場裏覓食。所以就來到麻布茶坊試吓佢嘅晚餐。麻布茶坊既甜品好出名，尤其是雪糕。之前都食過好幾次，但係佢嘅主食就真係未試過。所以今日就同朋友晚餐來呢度一試。環境裝修都唔錯，感覺好舒適，餐廳夠闊落。我們二人被安排坐四人枱。我哋都懶得諗，所以便選了晚市套餐。這裏有不少套餐選擇，有豪華定食或自選晚餐。價錢亦都很優惠，食日本野就最好唔使諗，因為會有齊前菜，湯品，沙律，通通都有。一個主食配搭一個甜品大約$120左右，份量絕對夠飽。鐵板燒牛舌定食是薄燒牛舌，牛舌有嚼勁，牛味濃郁，不用點醬汁，已經吃到燒烤香氣，非常爽彈。牛舌份量都唔少，下面更有滋味洋蔥片，蘸上惹味的牛肉汁，更加香口，送飯一流。旁邊更有一個小食，腌製的紅蘿蔔和黃豆，酸酸甜甜，幾好吃。熊本霜降西冷牛扒都幾大塊，足足有300克。我們點了七成熟，熟度剛剛好，表面有些少焦香。牛味濃郁，更帶有牛肉香甜，絕對有驚喜。旁邊更有些少筋和脂肪，更添牛油香氣。杏子金時雪糕非常軟滑，而且有很香的雲呢拿味。下面會有暖粒粒的番薯蓉，很香甜。杏子很甜配上雪糕又多了一點咬口。抹茶聖代有香濃的抹茶香味，分別有原味軟雪糕和抺茶雪糕球

我想講其實我係住tko架，成日係popcorn揾野食都會唔記得左仲有呢層。因爲平時只會早上黎呢到同長輩飲茶。但今日食完又覺得幾好！呢到食日本野，有shabushabu, 不過最重要既都係佢個甜品好好食！晩市有套餐，套野基本上都係包甜品既。我同男朋友就一人叫左一樣。我叫既係蒜香牛柳粒！都幾好食，牛味濃，油脂夠，而且好厚切，食落有有質感！要讚既仲有佢落左一小舊牛油！令個香味同味道都增加左！好食！送飯一流！男朋友叫既係熊本霜降西冷，都幾好食，同炒牛柳粒既質感好唔同。好香牛味。佢俾左普通鹽同抹茶鹽去配牛肉，我好喜歡抹茶鹽既香味！好好味！男朋友個飯跟沙律，我就跟前菜。平時食西式沙律我就鍾意跟沙律醋，但食日式沙律，特别係有青瓜蟹籽個D, 我勁鍾意配卡夫D沙律醬，係兒時既味道！個蟹棒好厚身！整體配得幾好！終於到我的最愛啦！！！！我個餐配既係三式甘味！點解點呢個餐都主要因爲呢幾樣野！個樣實在太吸引！中間既係迷你燒番蕃霜淇淋&宇治金時，左邊係金時蕨軟糍，右邊係牛乳粟米金湯(熱)，每個都細細份，但就帶出三種味道，質感&温度。左邊in un, 中間最有驚喜既就係雪糕下面有熱既番薯！真心開心！好好食！右邊既粟

又係見完客要一人晚餐嘅日子～平時比較少去將軍澳呢邊，原來呢度都有麻布茶房，唔洗諗，就呢度啦！「壽喜牛肉定食 $98」賣相非常吸引，同餐牌上嘅圖片係一模一樣！碗嘅大半部分被一片片嘅牛肉佔領咗用壽喜汁煮過嘅牛肉甜甜地，肥瘦適中係日本嘅味道啊～～而其他配菜有沾上七味粉嘅薯角同茄子，蕃茄，西蘭花仲有一碗清甜嘅日式湯其中一個鍾意呢度嘅原因係隨餐仲有甜品「紅豆白玉，雲呢拿雪糕，燉蛋」三款甜品都係我鍾意食嘅～份量大小剛好，食完真係大滿足！總括而言，第二次光顧依然無令我失望，下次再見！

假期好處就係可以訓到自然醒，自然醒即係幾時?  個肚會自動叫醒你起身開餐囉!  所以通常呢餐會食得豐富D!今餐想食日本嘢，諗起呢間有定食又有好多甜品選擇午市定食選擇多，想輕食有呢D想食得豐富D有豪華定食一於食豪華定食2號餐壽喜牛肉定食，包湯及白飯，仲有少少漬物伴食，份量對眼!主角壽喜牛肉，選用半肥瘦牛肉片再以壽喜醬汁煮成，味道鮮甜，用黎送飯好開胃口，洋蔥亦索入醬汁入口更加甜味; 而其他雜菜配料顏色不同，甚是吸引!7號餐冷蕎麥麵(迷你)配和味牛肉飯(迷你)，一客定食入面有麵有飯，有冷有熱，滿足晒有選擇困難症嘅我冷蕎麥麵凍感十足，混入冷麵汁加埋蔥粒及芥末一齊食，清爽中帶點刺激; 而個和味牛肉飯雖然話係迷你，但原來份量都唔係太迷李；牛肉飯嘅整體味道及感覺似層相識，醬汁甜甜地亦另胃口大開，最後成碗清晒!! 哈..哈......話左食豐富D，除左定食外，仲叫左呢客炸鷄翼，炸至金黃色後再上調味粉唧D檸檬汁上去外脆肉嫩嘅鷄翼仲好味D，入口熱辣辣，真係超好味!餐飲點左熱檸水及咖啡，食完個定食可以慢慢享受下!以為就咁完?!  點豪華定食，仲送"三式甘味"一客，包括迷李燒番蕃霜淇淋，宇治金時，金時蕨軟糍，

今日男朋友踢完波之後，我地就去左附近嘅麻布茶房食晚飯。因為係晚飯繁忙時段，staff禮貌地叫我地等一等位先，等左八分鐘左右，都唔太耐~男朋友叫嘅係麻布什錦燒烏龍麵（$108）同什錦天婦羅（$68），佢話個麵味道好香濃，天婦羅都炸得好脆！而我叫嘅係鐵板燒雞肉定食+紅豆燒蕃薯霜淇淋（$108）d雞肉好嫩，雞肉個燒汁送飯一流！今日個重點係個甜品，熱辣辣蕃薯配上雪糕同紅豆蓉，一冷一熱一軟衝擊口腔，口感特別得黎，三者味道都好match，令人想食多個！飲品方面，男朋友飲嘅係冰柚子抹茶（$38）而我就飲芒果可必思（$38）我會建議飯+甜品套餐咁叫，因為抵好多！下次要再黎食燒蕃薯霜淇淋XD

姨甥仔學校校運會，我特別回娘家附近捧佢場，當媽媽拎完午飯去運動場俾姨甥仔後，就是我跟媽媽兩母女撐枱腳的時間在娘家附近的商場選了麻布茶房，因為想食完午飯，可以食埋個甜品，之後就順理成章，就差不多可過返運動場接返姨甥仔放學了之前都食過幾次麻布，每次望到佢個甜品Menu就會變左心心眼，不過每次食完個正餐都已經好飽了好彩我們差不多2點才到餐廳，所以十分超級極之肚餓，今次終於可以一試其甜品了!加上佢個豪華午市定食 有送 沖繩燒紫蕃薯霜淇淋呢~~豪華定食 選擇都唔少三文魚定食、鯖花魚定食、牛柳粒定食這類熱門的日式定食當然唔少得估唔到連藍殼青口意粉都有呢~不過我就揀左 海鮮泡菜稻庭烏冬鍋，貪佢酸酸辣辣，開胃一點媽媽則鍾情薑汁燒豚肉定食，因為這個午市餐沒有配甜品，反而俾左個機會我地可以一嚐麻布的日式特色甜品媽媽點的薑汁燒豚肉定食先上燒豚肉份量超多呢~~~豚肉薄切，肉質頗腍身，加上醃得十分入味，還可以食得出有薑汁味 海鮮泡菜稻庭烏冬鍋橙橙紅紅的色調已經令人感到很開胃了泡菜湯不鹹，酸辣度適中海鮮配料也有不少唷，蟹棒、魷魚、蝦、青口...也有與泡菜湯的好朋友 - 豆腐說真的，如果不是稻庭烏冬，我真的甚少在外

麻布茶房進來呢間商場內的日本餐廳， 叫了個刺身丼 ,賣相不錯，可惜，三文魚，吞拿魚等刺身都不太新鮮。蛋又一般。食晒餸都無意慾想食晒飯， 其他食物如漬物，都沒有令人想放入口的意慾。呢間真是一般，希望其他分店好味d.

星期日喺商場行完街，就想搵人少啲嘅地方食下飯！餐廳好多梳化位，所以可以舒舒服服咁樣食晚飯。熊本霜降西冷300g (D+F)$155整個定食擺盤非常精美！先來麵豉湯暖胃！蟹子蟹柳沙律：西生菜切成幼絲，入口爽甜。牛扒有好多配料，包括有茄子、番薯、西蘭花等等，有驚喜！我哋叫咗3成熟，的確好多肉汁！牛肉味係慢慢慘出嚟嗰隻，肉質好有嚼勁。真心好好食！$155有咁嘅質素，仲要配埋甜品，呢個價錢係邊度搵呢！冰淇淋金時豆寒天雪糕充滿牛奶香味，配上軟綿綿嘅紅豆同埋蜜糖，簡單又好味。鹽燒鯖花魚定食$118 配湯 前菜鹽燒鯖花魚，表皮燒到薄脆，鹹香得來送飯一流！魚肉好滑！燒得好食！白飯係日本珍珠米，好大碗，但係都食得晒。燒魚套餐配甜點三色甘味，好抵食。牛乳粟米金湯忌廉湯好幼滑，但用係頭盤會合適點？迷你燒蕃薯冰淇淋熱騰騰蕃薯配雪糕，再加宇治金時，冷熱交融！金時軟糍：口感軟韌，黃豆粉好香！今餐食得舒服得黎我覺得係物有所值！埋單$300，算好合理！

放假 帶小朋友食野揀麻布茶房 係因為我好鍾意個甜品話晒都算係第一代過江龍食日系甜品 今次就去再回顧從前的味道門面同以前感覺一樣有個display櫃睇到d定食 甜品 就好吸引原來依家仲有晚市火鍋+甜品定食半價割引。睇來我都要再來難得有機會要對自己好d叫左個豪華定食睇落好似好貴但入面有好多野最重要係 三式甘味咁就值回票價叫左個小食--串燒盛(雞肉漢堡，年糕，牛舌，香菇) 呢個係朋友的蒜香黑椒牛柳粒定食呢個係我同小朋友的冷蕎麥麵(迷你) 配和味牛肉飯(迷你)我就分左我個前菜同個冷麵俾小朋友咁都就有個飯食la個冷麵好滑身 配埋冷麵汁for我ok ge但小朋友就會鹹dd因為小朋友係咁拿水飲問他好唔好味 小朋友話好食至於牛肉飯 雖然迷你size但都唔細碗 at least我都有50%滿腹感而且牛肉 煮得夠入味 唔會話鞋配埋紅薑絲 好搭至於今次三式甘味有牛乳粟米金湯，迷你燒番薯霜淇淋同埋 金時蕨軟糍粟米湯 俾小朋友 極速飲晒(一口都唔俾我)軟糍就有紅豆蜜 加埋有黃豆粉點綴味道多重 而且軟糍 真係好林滑至於燒番薯霜淇淋 呢個是經典味道奶香滑 番薯甘甜 配埋濃郁抹茶醬