麻辣川米線

营业中

休息中

✅麻椒米線$33最小辣+$8竹笙唔算好餓，淨係叫咗一個餸，估唔到佢地嘅份量都幾多吓，平時食x仔都係得3.4條竹笙，呢度有10件8件，好滿足☺️☺️☺️（都係叫單餸）都幾鍾意佢地嘅麻椒湯底，相當有特色😍✅烤燒蜜汁豬頸肉$50性價比唔算太高，但係味道不錯，豬頸肉幾爽口😋所以都會叫黎做小食✅幼嫩鮮時蔬$20選咗腐乳配通菜，本身見到啲通菜無葉好失望😐我最鍾意食葉⋯好彩原來係底🤣即刻開心翻～腐乳好好味，同平時出面嘅味道唔一樣，偏甜甜地，好中意呢度嘅腐乳，睇一睇個menu 原來有得賣🤣即刻想買樽返屋企！唯一美中不足就係餐廳無蒜泥白肉😭好多米線舖都有，希望餐廳有機會加落去🫢

今日去食米線～自從轉咗工之後已經好少經過呢到附近, 呢間米線亦都慢慢從我個list到消失咗,既然今日難得行過,緊係要入去食番次先啦！呢間米線鋪最吸引我既地方係佢地既湯底,鐘意辣既朋友呢到要注意下,因為佢既辣度同出面個啲有啲唔同,好食得辣既可以試下小辣,麻麻地又想食辣既不妨由小小辣開始試～又或者你可以跟我一樣嗌麻酸～ 一樣好好味！今次碗米線我叫咗個麻酸滷豬腩肉配豬潤,呢到既滷水整得好入味,但唔會過哂龍好咸,相當唔錯,豬潤就新鮮得嚟煮得岩岩好,唔會煮到硬柴柴,有興趣既朋友可以過嚟試試！

今日出開呢頭又想食米線 就搵到呢間米線舖✨麻椒辣米線$33配麻椒牛腩$14+滷雞腎片$8麻椒辣湯底好正 😆😆 麻味同椒味都好重😋😋 叫左小辣但都好辣（平時食開譚仔3小）如果再食我應該會叫小小辣就夠 麻椒牛腩係好似咖哩牛腩咁 整到細細粒好易入口 味道都唔錯👍👍👍 建議要另上 咁啲汁就唔會撈埋落碗米線度 雞腎片都有滷水嘅香味👍✨麻酸辣米線$33配鮮雞絲$8+黑柏葉$14+藥材花雕酒浸糖心蛋$8叫麻酸辣但冇乜麻味 比較重酸味 🤔 呢個叫左小辣就啱啱好 😋 鮮雞絲黎到其實係一舊舊雞肉 鮮嫩同味道幾香😋 黑柏葉就韌左啲 🙈 糖心蛋酒味夠重 都好食總括黎講味道都唔錯 米線唔夠彈牙 偏硬少少 但都ok 嘅 湯底同配料都好食 入到去要自助落單 環境一般啦 食辣野最緊要嘅冷氣都夠嘅🤣味道❤️❤️❤️❤️抵食❤️❤️❤️💔服務❤️❤️💔環境❤️❤️❤️💰午餐人均～$60✅再幫襯

長沙灣有兩間出名嘅米線-麻辣川&雲南米線今次揀左麻辣川係因為佢個麻椒湯底！覺得好特別，所以就想試下～1. 椒麻湯底米線配黑柏葉（小辣）超鍾意個湯底！好香椒味又唔會比麻味蓋過，小辣（平時食開譚仔麻辣小辣）都已經覺得夠刺激😂之後食過小小辣，可以飲埋個湯！米線qq唔會太林或太硬；黑柏葉要睇情況，一時啱啱好，一時好似擦子膠……會為個湯底encore2. 蒜辣黑木耳蒜蓉太多，冇咩辣味，食落有啲苦；份量係多嘅，但唔會再叫啦～下次可能試下其他小食啦

我搬左去長沙灣半年，諗住咁近應該可以常食，但原來會唔記得左。琴日係白田整完野，慢慢行返屋企，6點幾，醒起麻辣川，好開心，流晒口水。見無乜人，即刻衝去買。上次試左麻酸，今次試下麻辣，叫左麻辣湯底配麵筋大腸米線。麻辣湯底 - 一開見到啲紅油就好興奮，一試就好香，唔算辛辣，但好麻，勁正。麵筋 - 叫麵筋既原因因為要吸收啲湯汁大腸 - 我食邊間都係會叫大腸，因為整得好食係唔同。不過硬到好似橡筋。（唔好叫）米線 - 爽身個隻，我本人唔多鐘意。Conclusion, 湯底超正宗.

味道唔錯⋯ 😋😋😋第一次試食，味道真係可以泊住老闆娘米線，今日試咗酸辣雞肉米線，個湯底好濃，味道又好香，酸辣嘅比例剛剛好，冇話點個偏重咗，雖然係小辣，但整體而言係好夠味⋯雞肉好滑，而且保持小小肉汁，正！米線亦都好滑，唔會太淋⋯反食指數係100分⋯ ✌🏻✌🏻✌🏻

我粒蛋爆咗 搞到我接受唔到食過一次外賣，覺得個溏心蛋好好食，所以第二日就過嚟嗌多次外賣，諗住再享受多次個溏心蛋。今日就去買麻椒米線外賣啦，等咗陣，攞到外賣，咁我好開心咁攞住翻公司，滿心歡喜咁諗住食咗米線先，最尾先再食粒溏心蛋，結果一打開，啲蛋汁流晒落啲米線到，即刻唔開心😖點解要壓爆我粒蛋？！好失望，唔想再有下次！雖然唔係好影響個米線嘅好食程度，但係用餐體驗就顯得好差😖（sor 真係原則嘅問題🙇希望貴公司會改善下包外賣嘅習慣。。。獻上我充滿蛋汁嘅米線相片一張

麻辣湯底非常好味！.配料方面，強烈推薦雞絲！原本以為雞絲，就係一小撮雞肉絲。點知原來有好多雞柳，鋪滿大半碗面，淨係加一個配料都夠食～ 有驚喜.埋單只係$39，抵！

呢間米線係食開, 一向味道都不錯, 值得推介。不過入坐安排混亂, 佢有兩邊舖, 通常你揀一邊門口等位, 但小心多人時入坐會不清楚, 最好自己找定位, 繁忙時間要自己爭凳坐。位置唔多, 大班人要分開坐, 生意好不能要求有服務態度。今次叫左竹笙肥牛麻酸辣米線, 米線太淋, 肥牛太肥, 鍾意食肥肉嘅人就啱, 小小辣就唔夠辣。叫咗香草雞翼, 味道剛好, 同埋腐乳通菜, 佢有自家製可以另外買走。餸就正常, 每款有八至十蚊樣, 叫2-3個餸就六七十蚊。

作為米線愛好者，我已經聽過麻辣川既米線好耐la，但係一路都未有機會去食。今次去開附近，就決定去食呢度既米線！呢度最特別既一定就係佢地既麻椒湯底，其他地方都冇見過！另外仲有酸辣、麻酸辣、雞湯揀。呢度既辣係辣得好過癮🤤不過如果唔係好食得辣既話就記得唔好嗌太辣，呢度既辣比起其他米線舖好似辣啲🥵鍾意食麻辣湯底既人一定鍾意呢間既米線！1️⃣麻椒米線（中小辣）（$31）（鮮雞絲+$8）（藥材花雕酒浸溏心蛋+$8）黎到緊係要試下最特色既麻椒米線啦😜中小辣辣度比我想像中高，個人覺得比起譚仔小辣再辣啲🌶️一黎到就見到紅紅既湯底🤩嗜辣者必愛！想講朋友揀左少少辣，兩碗湯底隻色差勁遠🤭唔食得辣既人真係唔好亂咁挑戰。聞到湯底既麻香味，湯底飲落係真係好麻，食完之後會感覺到嘴唇同口腔入面留低既麻勁，好正。米線份量都幾多，食落幾爽。配料本身有啲芽菜、韭菜同埋比較特別既係有菜脯，脆脆地酸酸地，唔錯。  另外揀左要雞絲同埋溏心蛋。雞絲同出面既米線舖唔同，佢係雞柳黎，肉質都幾滑👍而且都比得幾多。另外最驚喜既係溏心蛋😍呢個一定要嗌啊！溏心蛋既味道係好似醉雞既味，花雕酒既味道好入味😳  

每次經過長沙灣或者深水埗都會嚟嘅一間米線舖，我鍾意叫麻辣米線，我每次都係叫呢個黑柏葉同埋竹笙😌佢嘅味道好好味同一般出邊米線鋪有啲唔同，食個返尋味～佢小食一定要叫呢個蜜汁豬頸肉～落少少青檸檬仔～酸酸甜甜啖啖肉😂咁嘅配搭我已經食咗好多年😂…係唔會改變的。不過話說上次加嗰一次小食麻椒牛柏葉..仲要叫咗勁辣😂食到流晒口水..不過一個人真係食唔到咁多野同埋黑柏葉有小小硬，如果成碟自己食就有點兒那個..但係其實都幾好食。

兩個人去食，我叫咗雞肉、糖心蛋同埋牛肚，因為佢啲辣好勁，所以叫咗個少少辣，都已經好辣。雞肉好香麻油味，肉質好滑，值得推介。糖心蛋好香酒味，健康之選。牛肚好入味，好好味。再叫咗個番薯苗加滷水汁，每次都要叫淋，會好食啲。呢間米線算係中上，平時都成日幫襯。

住係長沙灣咁耐🤣第一次去食麻辣川💖味道唔錯不過就冇上網啲人講到咁好食🧐定係我太高期望所以有少少失望🙆🏻‍♀️主鋪坐滿人去左2號店今次叫咗⭐️蟹柳⭐️麻麻地⭐️豬肉餃⭐️好食菜同肉嘅比例啱啱好⭐️豬面肉⭐️爽口一啲都唔肥好食⭐️墨魚丸⭐️正正路路⭐️香草雞翼⭐️香草味太濃

好減，中辣已算普通人之上，帕葉很硬，魚片頭好人食，米線粗彈牙，味道一搬，食食下有幾條黑色短毛，冷氣幾舒服，光線充足，下次不會再食，去返對面食茶餐廳好過，應該隔離無人都會更好

呢間麻辣川係我見社交平台好多人推介，所以一試。不過食完之後真心有啲失望。我叫咗粟米芯酸辣米線，一上嚟嗰陣個賣相真係好頹，所以我連相都冇影。因為好多人推介所以我對佢嘅味道都有少少期望，但點知佢嘅酸辣見連鎖店都不如，係好寡同好單一嘅味道。清湯豬軟骨米線亦都失望，係豬軟骨炆得唔夠淋，而且淡而無味。所以咁多好評令我覺得相當奇怪，可能唔啱我口味啦，所以我應該唔會再幫襯啦。而且服務亦都麻麻哋，我見落單之後，可能見我哋叫得唔多，所以佢哋啲服務員喺度望住我地竊竊私語，所以食完我哋就快快手走。🙈🙈🙈