黃金冰室 (成業街)

营业中

休息中

講起冰室，就會諗起常餐、特餐、燴意粉之類的冰室經典食品，早在兒時已經開始跟媽媽到冰室打躉，最記得媽媽叫華田走，就會騙我裡面有酒，到自己長大後，茶餐廳開始興起，我亦開始成為該業務的一員，學會各式各樣的出品，製作方法，到成為管理層，開始營運一間餐廳，冰室又開始興起，對我而言，當然是滿滿的回憶和喜悅，因為是我和媽媽的回憶，也帶著童年的回憶。話說回來，又到經常光顧的老地方，不過今天是吃早餐，點了兩份早餐，包括餐肉出前一丁配鹹牛肉炒滑蛋，五香肉丁米粉配黑松露炒滑蛋，後加墨西哥奶皇包和酥皮蛋撻，餐飲凍奶茶和凍檸茶，炒滑蛋，應該是用煎pan快炒而成的，味道不錯，出前一丁和米粉味道正常，餐飲亦不過不失，最有驚喜的是墨西哥奶皇包，飽內奶黃滿滿的，十分滿意😀

叫個快餐仲慢過即炒，問左好多次，半粒鐘先黎仲話人地吹佢多餘，可憐我成杯奶茶飲晒都未有得食，跟住幾個待應不停係我面前大鬧，嘈到拆天，我真係覺得好對佢地吾住，以後吾會黎打擾佢地！

近排經常嚟觀塘做嘢,呢間茶餐廳喺附近食過幾次,今日終於寫食評食物種類比較多一般有嘅嘢佢都齊全,下午茶細份size啲嘅下午茶大部分都係煎炸嘢,或者雙拼三文治,麵包餐,另外下午茶炒粉麵飯種類都多選擇如果想食公仔麵祇有全日餐成個餐比較大份,基本上一定食唔曬,我的食量吃一半掉一半😅希望下午茶增加雙拼麵餐而我們三人最後叫咗兩個全日餐,朋友叫一個咖哩芝士流心豬扒飯,味道唔錯新鮮熱辣公仔麵又唔會太淋,不過沙爹牛肉汁偏鹹,佢個咖哩汁好濃郁椰香味是辣的(朋友唔食得太辣)順便分享埋2日前早餐照片😄真係近排成日嚟食㗎~呢間茶餐廳非常之大,冇諗到咁大同啲姐姐傾偈先知道原來前身係酒樓,店內有些侍應姐姐都很好傾😆不過唯一唔好真係一次比一次差，冷氣非常唔夠,熱到飛起，對面大快活都涼過佢，一路食野天花板一路滴水，原本坐一張枱已經滴水，之後換咗第二張枱依然滴水當然食物我個公仔麵都中冷氣機水,唯有到咗啲湯費事換老實講都係希望食餐飯安安定定可以涼浸浸坐喺度食，沒有冷氣重要滴水，真係要搞搞佢，希望唔使周圍調位這裏不接受電子付款，😅近排經常沒有袋現金在真係唔方便~

間舖只有幾枱有客。舖面職員眼見有三四人 ，冇人執枱，我地揮左手叫人執枱，職員見到但冇人回應，係我地第二次揮手的時候，有職員有回應，但佢明明手頭上冇野做，就轉頭離開左，足足坐左10分鐘都冇人理我們。服務態度好差，完全當我地唔係客，唔會再黎

今日唔知想食咩，食個茶記算啦～估唔到性價比都幾高～餐廳好多座位，仲要有舒服卡位。聽朋友講平日lunch好多人排隊，係打工仔之選。食物都算多選擇，由常餐，快餐到麵包都有。法式芥末汁香煎豬扒意粉$62有兩塊豬扒咁多，意粉比其他茶記冇咁林，豬扒肥瘦適中，煎得金黃，有咬口。美中不足係芥末汁可以多返少少，芥末汁甜甜地唔會太辣，夏天食好開胃。附送嘅中湯寫明冇味精，不過不失啦。凍奶茶茶味都幾出，奶味香濃，算係不錯，係性價比高之選👍

D間餐廳基本上我會一至兩個月左右就會黎一次，今次真係寫下食評先，D度主打係茶記野食，加埋麵類，而我每次都會點一D包同蛋撻，因為真係好正，尤其是係蛋撻，個人認為係必點的，同埋野飲方面，咖啡奶茶都非常高水準，真心唔錯的，價錢位置中上，大約食一人口午餐接近70元左右，但質素係比到大家的，值得一食

今日lunch time叫咗個常餐 見到個包有隻曱甴仔 同個侍應個講有隻嘢曱甴 佢即刻揼咗塊包想毀屍滅跡 只係話俾個塊新既了事 一句道歉都冇衛生差態度唔好 唔會再幫襯永久bad list

星期六帶小朋友上堂, 第一次買了一份腿旦治好足料, 好厚蛋, 感覺已經 GOOD.睇到午餐賣相都好得, 上星期決定入去食個LUNCH.最喜歡咖喱既我, 一家選吉豬咖喱。豬扒脆口唔乾, 食下食下.....2大1B.....都食唔晒一碟。叫了的西炒飯, 唯有打包。都係好大盒 , 做晚餐都食唔晒。姐姐都俾左碗咖哩汁外賣。絕對好評!!!! 

今日初來貴店地點位置都方便，員工有禮服務又好，又有水飲，叫了碗叉燒瀨粉，係我食過最好食，完美k.o.尖沙咀好多餐廳🍴冰室，茶記囉！一定會再去呢間冰室同試下其他分店！

因為公司喺附近，會間中來幫襯，我覺得食物水準係唔錯嘅，我鐘意佢早餐嘅“濃湯”通粉，但可惜門口女收銀 太度好差，埋單比錢 平時都係比散紙，只係今次用咗張500元啫，就比佢一輪咀喺度閙，話我比咁大張500元，話要唱錢去對面銀行唱，唔好喺度唱，又大聲又惡，食早餐食到一肚氣，而其他裏面嘅員工係正常有禮貌嘅，唔想受氣，暫時都唔會再來喇。

最近上班日子跟哥哥隅然經過發現原為酒樓的舖頭變成冰室而門面裝修都算簡約企理便即興幫襯下午茶，舖位夠大所以不難搵位，餐牌豐富，真有點選擇困難症feel，最後決定嘗試它的燒味瀨粉（油雞），原來都有茶餐可叫又平咗十幾蚊，多謝阿姐正確落單👍我阿哥就叫咗酸辣魚片米線…上菜算快，賣相和份量都唔差，唔知正餐份量會否更多呢？湯底唔錯而油雞亦夠嫩滑，瀨粉雖然唔係我至愛的粗瀨但亦見爽滑…好！我阿哥亦覺米線味道、口感都OK…最後我們再點咗菠蘿油作結，包夠脆但略嫌塊牛油唔夠大和厚…總體質量幾好，價錢亦算合理，可再幫襯👍

服務態度好差，員工之間缺乏溝通，本身一個員工叫我同人拼檯，之後另一位同事就話入面有卡座，叫我去入面坐，當我叫餐時，第三個同事對著我大叫： 你點可以一個人坐喺度？之後不理會我想點餐的意願，走左，冇幾耐返來話調位。其實俾人調咗兩次位，又係因為午餐時間得一個鐘，我就有啲煩躁，只好咪講你個同事叫我坐喺度㗎喎，佢都依然不理會我叫我調位。調咗新位就算，唔幫我嗌餐就走咗，之後係第四位同事幫我叫餐的。雖然上餐速度都算快，食物味道都OK，不過服務態度勁差，難以忍受。重點係啲阿姐好串，不接受客人的意見（佢話冇得投訴）。

深水埗長沙灣果兩間都有食開，最近發現觀塘老母都有，點都要捧下場。前後叫過六，七次外賣。D野食係好食既，但每次都等勁耐。所以之後都醒水兩點半就打電話落order.但今次電話落都等成差不多半個鐘。等左五個字左右問下收銀有無漏單，又要受佢氣😞 到d餐岀黎，一個侍應抽成四大袋。我都係叫一個外賣姐，就要陪埋其他大單一齊等。其實兩點半之後都無爆場，如果見煮好就拎岀黎啦。今次食下午茶牛柳粒飯，有炒底，牛柳都好多，非常抵食。Ps 我有試過兩半前落單，但部機落唔到tea

今早食早餐，次次入去都好似唔多鍾意俾人坐前面座位咁，我都唔想坐入面座位，收手機訊號差，冷氣調節又差，人多時好焗，坐近地渠位好臭一陣味，可想而知成餐食慾大減。樓面越做越差，抹完台D食物碎仲係台面，都唔係一次半次係咁。菠蘿油和酥皮蛋撻叮咗係唔熱，唔會有下次幫襯。

我們中午時間三個人去吃飯，門口侍應問我們搭不搭枱。因為要返工趕時間，所以當時認為搭枱不是問題。但之後我們在門口附近看到一張4人枱最先離開，就問是不是這隈，結果門口侍應告訴我們那4人枱只可以4人坐。我們完全不能理解，之後問她，如果不搭枱，有什麼枱可以坐，她說要等𥚃面的4人枱。完全不明白什麼操作，不搭枱不是也要給我們4人枱嗎？為什麼就那張不可以，而以我所知當時大部分等候的都是3人枱，我不明白為什麼要這樣操作。