黃金滿屋茶餐廳 (已結業)

今日响法國飯店（屯門）買左個外賣做晚餐，惡夢從此開始。乾炒牛河$78，全碎！無一條係完整，最攞命係成盒都係𤓓架！一放入口，只係食到𤓓味，完全食唔到，成盒掉左，好垃圾呀，仲寫住係「人氣食物」，真係唔敢唸其他食物會係點。我老公叫左個銀芽肉絲炒麵$73，面底全部都係冧，一條脆都無，未食過咁差既嘢！唔識煮嘢食呢，就執咗間餐廳，唔好整埋啲垃圾俾人食，食壞人。真係好垃圾好垃圾嘅一間餐廳，以後都唔會再幫襯，亦都會提醒身邊嘅人要小心。

已食過幾次堂食，送餐姐姐態度不是友善，感覺似趕客。坐低叫食物叫三次也沒有人給餐牌，落單時候好像又不耐煩要等。 食物質素也很一般。11:00沒有早餐，10:53 分就話冇早餐叫。 不會有下次。

剛剛裝修完，環境乾淨，抄粉麵飯夠鑊氣跟之前完全不同，價錢大眾化👍餐牌都改左，種類繁多！全部改進了不少！食物味道好，尤其抄粉麵飯超好食！茶餐廳價錢抵食夠大碟份量足夠，抵食又好味之選！

叫午餐外賣一盒飯跟餐一杯凍檸茶，要收3個外賣盒(每個$ 1）同再收加一服務費。打去查詢後，佢話星期六日係要收特別收費。咁樣即係撳住搶！仲要事先冇講明，擺明星期六日搶錢。

過年本來想有一個美好既一天 黎到想食個港式早餐 叫左個沙嗲牛肉麵 第一次試過牛肉可以唔熟呀 唔講以為食緊牛扒5成熟 服務態度差到冇人有 真係貼錢買難受 永冇下次 仲有個唔知係咪老闆既人 全餐廳最差態度就個佢 講兩句好似想打人 奉獻各位有睇食評既人 千萬唔好食依間餐廳 食物質素 差 服務態度 差 人品 差 真係全黃金海岸冇一間餐廳可以差過佢 自問飲飲食食廿幾年 未試過食一間普通茶餐廳可以食到好似去同人嘈交咁 不過我諗依間茶餐廳都出哂名差到無人有 唔洗我多講都知佢差到極點

個女侍應服務差劣，落錯單提番佢，仲想屈係我錯，語氣態度好差。落單前又唔覆一次，落錯又話係個客問題。未食完就問左2次食完未，趕收工，趕人走咁款比錢買難受，只食一次，永不再去

同屋企人一行9人，晚上入嚟行吓食吓。想搵間餐廳坐低食晚飯。附近多數都係鬼佬餐廳Happy hour咁，好似唔係好岩一家大細。就求其揀左尼間茶餐廳，諗住食啲野醫肚就算。點知中伏。一家人尼，所以叫一些小菜大家share食。首先尼個例湯，飲第一口，🤣好鹹啊～飲唔落去。然後上小菜，嗰個酥炸排骨都幾柴皮。跟住上其他小菜🤨都係麻麻地，味道好普通😑。個咖哩都唔好味😑梅菜扣肉🤨得梅菜好食😑我食過唔知有幾難食。

作為一個冇乜錢嘅普通人，雖然得閒都會去下啲高級地區，但其實食嘢嘅budget都唔多山長水遠入左黃金海岸，以為全部餐廳都會好貴、點知俾我搵到間同出面差唔多價嘅茶記雞扒芝士撈麵（$38）紅豆冰 （+$8）雖然係下午茶，但都有2大塊雞扒除咗芝士醬之外，仲有埋芝士粉！雙重滿足哈哈！另外紅豆冰味道唔太甜，而且有好多紅豆，正！另外朋友就食左常餐（$49），五香肉丁公仔麵加牛角包(賣曬轉多士）同炒蛋。五香肉丁幾好味，肉好林，唔太似出面食到罐頭嘅味總括而言，E個地方食到e個價錢，好滿足了

又一個長假期要結束啦，難得相約家人一齊出外晚膳, 雖然要分開幾張枱坐, 但都係一個HAPPY DINNER!我哋去到黃金海岸商場, 行咗一陣。最後因為老人家想食中餐, 所以我哋揀黃金滿屋甜品, 貪佢係中菜價錢又合理。基本上每款小菜都係HKD 70, 包一個餸, 一個飯, 例湯同熱飲 (凍飲加HKD 3)。我哋點咗4 個餸之後, 職員有送例湯俾我哋, 我同老公都冇要, 但聽返其他人講, 個湯係偏鹹, 鹹到飲唔到的。三星蒽煎封海倉 - 條魚偏細, 都滑, 不過不失! 蝦乾海鮮什菜煲 - 唔係好見到蝦乾, 海鮮有幾粒青口、海帶仔同蜆肉, 菜同粉絲都多O既, 唔講, 真係以為食緊粉絲煲呀! 呢個菜味道偏淡 蜜椒七彩雞中翼 - 雖然雞中翼味道頗甜, 但係都算不錯, 幾好食! 有好多彩椒同洋蒽, 新鮮好食! 白肉金沙炒滑蛋 - 白肉係帶子仔, 金沙係蟹籽, 呢個炒蛋口感不錯, 味道適中, 幾好! 喺黃金海岸唔一定要食中價西餐或燒烤O既, 如果想食中餐, 而要求又唔太高O既, 都可以試吓呢間。

今日同屋企人去黃金海岸諗住開開心心食個good breakfast點知揀左呢間地獄茶記餐牌上有糯米雞先揀呢間，坐低後佢話冇，我心諗Dxx我問係賣晒定本身冇，佢話冇，我Dxx Dxx...咁即係呃人好，我叫左個沙爹牛面，面生D一黎到個面仲林到痴左線！係我見過最林既面！！我Dxx Dxx Dxx,好我忍！一食落去，嘩冇味！我以為未攪均。攪均d沙爹後再食，都係冇味！唔係ga wor,沙爹有色ga wor, 試下啖沙爹, 我Dxx Dxx Dxx Dxx!!!! 沙爹竟然冇味！How Come?! 成個面又林，又冇味？！點樣整到？係白烚牛肉面呀！最後成個面冇食到，走人去隔離食M快餐店題外話：D阿姐唔多應人，又漏單

行完山，落黃金海岸食Lunch, 見到呢間茶記價錢合理，入去坐底。自己搵抬坐底。叫咗嗰芝士豬扒撈公仔麵，同雞扒煎蛋洋蒽汁意粉。全程幾嗰女人（侍應）潑婦駡街咁落單，D客入去，叫人自己招呼自己，有位就坐，冇位就冇。人地叫外賣，又話未得閒。嗰芝士撈麵，嗰麵好硬，有 D未熟哂，芝士粉仲一粒粒，難食。衛生唔好，D凍飲杯外有飯，好油。碟意粉算正常，但同比普通茶記差，D汁攪唔均。粉唔夠熱。件扒好彩夠熟。呢間野開响工廠區大檔還勉強可接受，响黃金海岸就堅影響整體質素。

呢間不知所謂員工態度差，當食客透明，自己揾位都算，坐咗一輪至有人執枱，執完又唔抺枱，枱面都好污糟，未抺枱就放匙羹同义喺枱，請服務員抹咗枱先，點知佢求其用紙巾抺咗一少部份，連落單都無就發脾氣走咗，又等咗一輪，另一個服務員問我地食咩，我地講完，佢覆返已經即刻知佢寫錯，把聲仲要粗聲粗氣，好無禮貌，好似話我地講錯咁，仲要喺食客面前話另一啲客人唔啱，如果唔係幫襯開果間執咗粒，我地一定唔會㨂呢間垃圾餐廳，又貴過人，環境衞生都好差，坐出面戶外坐位勁污糟，食緊嘢要同蒼蠅鬥快食，好恐怖🤬🤬🤬👎👎👎

我們上星期日來食下午茶，這裏的嘢食雖然不是非常出色但也可以講一定合格。這裏下午茶是到五點半下午。我一般平日非常少寫review, 但係今日一定要讚一讚這裏的服務員，我們上星期來這裏的時候留了BB車，搵嚟搵去過咗幾日都搵唔到,到尋晚和老婆事件重演後終於記得留了在這裏，這裏的阿姐居然好好地幫我們留起了BB車，本人覺得今時今日這樣的服務實屬罕有，值得嘉許。

行完山落黃金海岸找地方吃晚餐，發現這間餐廳的晚餐不錯，就試試看。我們兩人點了一份梅菜肉餅$70，一份北菇滑雞$70，再加一碟油菜(菜心)$20。梅菜肉餅不會很咸，味道不錯，肉餅鬆軟，送飯一流。北菇滑雞的冬菇大大片，但雞骨較肉多，用汁送飯也是一流。想不到每碟菜的份量也頗大，以為可以足夠三個人吃，但最後我們兩人也沒吃剩。還有例湯送，例湯有粟米節瓜豬骨。這餐廳有室外和室內座位，但室外的椅看上去有點髒，所以我們還是選了室內。那時六點已經很多食客，亦有很多在等外賣，店員有點浮誇，但服務尚算不錯。

看見有露天地方，感覺環境不錯，於是入去食早餐。職員問：「坐岀面定裡面？」我答：「岀面吖。」佢就一句自己揾位坐，然後轉身離開。食物質素普通，份糧比較細，不過，食食下，發現周圍都係蒼蠅，食半分鐘就要伸手潑走蒼蠅。餐廳有無好好考慮環境衛生？