黑福多拉麵 (已結業)

雖然見到這拉麵店的評價一般， 不過係呢區想食拉麵又真係無乜選擇。一於比次機會呢間拉麵店。可能抱著期望不高，而且呢間不是出名拉麵店，唔會有驚喜的心態， 我又覺得呢度的拉麵唔錯， 當然唔好期望與那些得獎麵店相比， 但至少這的麵質素不錯，湯底夠濃，少辣的辣度亦足夠， 而且配料夠多，木耳爽口，厚切豚肉大大舊， 不過真係孩咗少少，價錢比出名的拉麵店平，而且星期日來，等位時間亦快，總總因數加埋算係一個好算擇。

黎呢到食個下午茶，見佢賣相唔錯，於是入黎食下賣相係同相片一樣，不錯但係個湯太多麻油，一食落去只有麻油味豚骨湯味好小，較稀叉燒肉好“鞋“，無入口即熔既口感叫左小辣，但一點也不辣建議平時食開辣既人大膽食中辣都ok！可惜湯底又係無豚骨湯味，得個顏色以為好濃味，但其實只有好小既辣味厚豚肉係豬腩肉，有入口即熔既感覺！但怕肥既人就唔岩豬軟骨就幾入味！拉麵唔彈牙，麵質麻麻

好耐無黎愉景~ 都唔知食咩好~ 呢間有卡位又想食拉麵就試下喇😚dinner set 包一份小食同飲品~ 我地都選左三文魚~ 都新鮮~ 拉麵都幾彈牙~ 湯就淡 d ~ 但無包糖心蛋😞另外加多份餃子~ 都幾細隻~ 但味道唔錯~ 服務幾好~ 價錢 ok 又坐得舒服👍🏻但收碟真係收得太密~ 就有點騷擾~

愉景新城係一個適合一家大細去的商場，適逢仔仔放暑假，就同仔仔來e個商場玩下。可能因為係平日，間間食肆都有位，我地就隨意揀左e間食個晚餐。入座之後，才發現此餐廳係同 pokka cafe 同一公司， 即係都系美心集團。 餐牌內選擇並不多，仔仔話要食飯。。。飯類只有三款：鐵板牛肉（$88）/ 雞肉 （$85）/豚肉 （$88）芝士炒飯，甘我地就選左牛和雞。鐵板牛肉芝士炒飯，上枱時個鐵板「茲茲」聲，好熱，牛肉有六七片，糸半生熟的，上面有一片細細的芝士，配上一小碗燒汁，一碗䓤。個炒飯糸diy, 食客自己將食材撈埋一齊，如果想要d牛肉熟d就要趁個鐵板仲熱食快快炒熟。炒完都幾香，因為個鐵板夠熱，炒完的飯很夠熱也夠乾身，帶點飯焦，不錯不錯！牛肉肉質普通，因為沒有醃過，炒完有點鞋。整體上覺得味道不錯的，可以一試！鐵板雞肉芝士炒飯，原理是同鐵板芝士牛肉炒飯一樣的diy炒飯，換上的是8粒左右的日式炸雞，汁是日式咖喱汁。幸好個汁是不辣甜甜的日式咖喱，適合仔仔食。炒出來都幾香，不錯！極上豚肉大板燒 （$69），感覺是'一餅'日式章魚小丸子，上面有兩片「極上」豚肉，擠上日式燒汁和沙律醬，上面舖上紫菜絲和木魚絲。

行開愉景新城，就去食個下午茶牛肋條拉麵，牛肋條好入味，一層肉一層脂肪，好味，湯底係豬骨湯，好濃不過好鮮，飲多2淡又d口乾，拉麵質地煙韌，唔錯。煙三文魚飯，三文魚有少少腥，不過點左豉油，就唔覺。沙律就好開胃，菜好新鮮

2個人+一個bb晚飯叫左一個 set dinner拉麵，由於帶住bb冇時間心情影低d食物，所以提供唔到相片。set dinner 包最 basic 既叉燒拉麵一碗，一碟兩件壽司，同一罐飲品，$88都幾抵。拉麵味道不過不失，又唔太咸，湯底係豬骨湯底，有兩塊叉燒，叉燒就唔算入口即溶，所以呢點冇加分，叫左碟三文魚壽司，塊三文魚比想像中細，味道都ok新鮮，呢個價錢我覺得都算抵食。另外叫左個吉列豬扒拉麵，都係豬骨湯底，等左約15分鐘，塊豬扒應該係即炸既 ，亦都不過不失。另外要讚餐廳好 baby friendly, 個度既 staff 對有bb既客人都好有禮貌，特別係叫 Tony 個位Supervisor, 十分照顧有小朋友既爸媽需要。

話說愉景新城這一年內新增了不小新食肆，最初，大部份都不設下午茶優惠，但現在似乎大家都要向現實"低頭",  因為閒日愉景新城確實人流並不多，下午茶優惠會有助生意額提升。太太很想食碗熱辣辣嘅湯麵，黑福多的下午茶有幾款選擇，我們揀了一碗拉麵和一碗烏冬。叉燒厚切豬肉豬骨湯拉麵，湯底確實有重重的豬肉味，很濃郁，一件薄薄的叉燒，味道沒特別，反而那件厚切的豬肉很入味，肉質很淋，但對我來說，那些肥豬肉有點受不了，所以沒有吃下。麵質有咬口是我喜愛的。唐揚雞塊湯烏冬的湯底較好味，小了豬的酥味和油膩，四件炸雞做得幾出色，不會很油，肉質很嫩，加些菜絲和沙拉醬一起食更可口，麵內有一塊紫菜，配以芝麻粒香香的，我覺得比另一碗更好。下午茶時間確實抵食，有機會可以逐間試！

見鋪頭都几旺的一間拉麵店，價錢最平62+，但係就只有一片肉，海鮮湯底就要89＋，都唔平，勝在多小食可選。上到黎，食落幾失望，麵身完全唔彈，就係普通麵的感覺⋯⋯豬骨湯底應該改名豬油湯底，女士慎點，男士就見仁見智，老公就話難食lor～好彩我明智選海鮮湯底，湯底好濃，掛汁，如果個麵質素跟得上就perfect了～總體感覺，四個字“七國甘亂”，少筷子，少紙巾，WiFi密碼又是錯的，店員不停大叫幫手⋯⋯

二人各吃了一個麵餐麵質本身不錯，可惜湯十分糟糕原味豬骨及辣味湯底均只得一個咸字感覺也有點稀。二塊日本叉燒雖然肥瘦適中，但煮得乾乾硬硬的。可惜。總結，材料是不錯的，但料理得十分差勁。別說是專門吃拉麵的吧⋯

原來與POKKA同系的日本拉麵試試吧! 並沒有純素菜的湯拉麵, 我叫了一客一片叉燒麵加低辣度湯底($62),加$8玉米, 樣子形態是不錯的, 有半熟蛋特別細隻, 木耳少少, 但麵卻很硬, 又不太像日本拉麵, 叉燒是日本叉燒的做法, 可惜肉地好硬, 中間的肥肉混行的目的達不到。朋友等了良久的海鮮天婦羅烏冬面, 樣子可以啦, 但吾系我入口, 不評分! 

一個人的晚餐食乜好？食麵？食拉麵！冇錯！呢間真係好適合個人去，因為坐位寬廣，而且唔係太多人，唔洗同人迫，最緊要既係食耐啲都冇人趕我點左芝士吉列豚肉拉麵同炸雞粒，拉麵爽口彈牙，濃濃既豬骨湯底更是成碗麵既精髓，每啖麵都散發住豬骨既香味，不會一味死咸。芝士豚肉真係好正，淡淡既芝味溶入豚肉裏面，香而不漏，配埋拉麵簡直一流至於個炸雞粒冇乜特別，不過勝在夠熱，即叫即炸，雞肉新鮮，冇雪味。總括黎講食物質素同環境服務係唔錯既，但係貴左啲囉

向來喜歡吃拉麵的我，今天和朋友分別order了吉列豬排豚骨拉麵+吉列大蝦赤骨拉麵。除了吉列大蝦較好外，味道以及麵質卻普通到唔普通，但價錢差不多$100一碗，感覺有點價

餐牌: 圖文並茂，清晰。日式咖哩吉列豬扒定食: 咖哩汁帶甜，配飯得好。吉列豬扒炸得鬆化，有肉味和JUICY，不會油，但皮肉分離，影响賣相，味道搭夠。面豉湯: 跟定食付的，但沒有面豉味，偏咸，差。吉列芝士豚肉卷拉面湯底算濃，有豬骨香，味精應不重。流心旦很可口，旦黃流心狀，有旦香，而且入味~义燒略肥，但淰滑。面質偏軟，質感一般，沒彈性和面香，吸湯能力弱。份量算多。吉列芝士豚肉卷: 芝士控必為之著迷，好濃好香的軟芝士，被豚肉所包圍，肉味和肉汁配上芝士，天才之合，而且外脆內軟，再沾上少許燒汁，兩件也不夠喉吧。如果能付上芝麻醬沾椰菜絲，會更添滋味。在方圓選擇不多的情況下，這店子整體質素OK，可以一試。

豬骨湯拉麵，湯底濃郁，但略覺有點味精，因為食完有點口渴豬骨炆得好林，好好食晚市都係60幾蚊碗拉麵，所以分量小d係正常不過，以我咁大食，食兩碗先夠。唔計湯底，拉麵係ok既，不過如果打算食飽，一碗就可能唔夠服務都ok既

不知道愉景新城給大家的印象會是什麼呢? 媽媽級別的朋友或會覺得這是賣嬰兒衣服用品的寶地，有些朋友會認為這商場只是睇TVB大結局的地方，難以發圍。而我，雖家住附近，卻甚少走過來，因為這裡的餐廳食肆，除了一間翔龍會是較似樣之外，其他真的無謂多提。近月，這商場來一個大變身，現在已翻新得七七八八，可是我卻沒覺得有什麼大起色，只知道多了一、兩間新食肆，係咁多。既然跟朋友在附近交收東西，也趁難得的機會，獨自走來吃一頓晚餐，看見有間黑福多拉麵，是我不認識的，即管入去搏一搏，得就得，唔得就返屋企食美心蛋糕。來一客黑墨豚骨湯拉麵，等了好一會，拉麵送到，我看到那張紙巾，才知道原來這是Pokka Group的。黑漆漆的湯底，大家可能覺得好核突，但於我而言，是幾吸引的，可惜呷口湯後，那股吸引力徹底地消失。因為，是完全沒味道的。至於麵條，也沒有預期中的爽身，很是麻麻。配料方面又如何? 自家製的叉燒是可以的，鬆化可口；蛋也沒問題，半流心的夠吸引。另外的吉列露筍豚肉卷，裡頭是幾條的小露筍，不明白為何不採用一條粗身的，相信口感會更好。咬下去，外層略為實，小露筍甚至有少許渣，有欠驚喜。埋單成舊水，不便宜喔！