影片
开饭介绍
提供日式浜烧水产黑门市场的地道特色小食、海鲜、时令食材等，款款新鲜美味。此分店设有1人座位，照顾不同食客需要。
继续阅读
营业时间
今日营业
12:00 - 15:30
17:30 - 23:30
星期一至日
12:00 - 15:30
17:30 - 23:30
以上资料只供参考，请与餐厅确认详情
有关奖赏计划
嚟到銅鑼灣想搵個地方舒舒服服傾吓偈，搵到呢間日本餐廳，最近佢哋推出咗個午市套餐，價錢由$168起跳，每個set都包埋茶碗蒸、沙律同埋秋葵漬物，加$12有飲品，真係性價比好高必試嘅係海膽蟹味噌甲羅燒，用蟹殼煮到香噴噴嘅蟹味噌，加埋新鮮甜美嘅海膽，濃郁香滑嘅口感簡直係絕配！個蟹味噌香濃得嚟唔會太鹹，海膽嘅鮮甜味都完全保留到，食落層次感十足。另外推介嘅係黑門令彩虹丼，上面擺滿咗新鮮嘅吞拿魚蓉同埋海膽，啖啖都係鮮味！個吞拿魚蓉油花分布均勻，入口即融，配埋香甜嘅海膽，再加埋香香嘅溫泉蛋，簡直係一個完美嘅組合。如果想食刺身，大阪木津海鮮丼就最啱你！新鮮嘅三文魚、吞拿魚、帶子同埋其他刺身都擺得滿滿，每件刺身都肥美多汁，刺身厚薄適中，食落質感一流。底層嘅飯都係日本米，粒粒分明，啱啱好吸收晒個丼飯嘅醬汁配菜方面，茶碗蒸滑嫩香濃，沙律新鮮爽口，秋葵漬物夠入味，每樣都做得幾出色。最最重要係份量足，一個人食一set絕對夠飽！地方又坐得舒服，啱晒晏晝想靜靜地傾吓偈
继续阅读
出開銅鑼灣，順便嚟埋呢間save低咗好耐嘅餐廳食飯，都幾唔錯餐廳位置旺中帶靜，佈置非常日式，唔講又呃到人我去咗日本海膽蟹味噌甲羅燒我會推介呢個係必食item!! 好打卡able，足料、口感一流，重點係海膽好大嚿！每一啖都係蟹籽粒喺口中爆開+海膽嘅咸鮮味，仲撈埋隻鵪鶉蛋，好滑不一啖上去梳打餅上面咁食法唔會太漏，非常精緻睇住佢慢慢烤熱，就算同怕食生嘅人嚟食應該都會好安心（btw今晚咁啱見到有啲年紀比較大嘅長者都嚟食haha)北海道蜜柑鯛薄切刺身名符其實嘅薄切刺身，好薄但都好多片，配搭個醬汁唔會蓋過佢原本嘅味道，very nice~黑門令龍蝦湯煮海鮮睇menu見到呢個係人氣之選，點啱咗而家坊間嘅海鮮鍋好濫，是但比啲急凍嘅又賣到好貴，呢碟就唔同！睇落差唔多嘅海鮮，但一食就知唔係啲普通嘅海鮮，有咬口! 而且大致上都係每款兩件，兩個人一齊食好方便,同埋最後嗰啲龍蝦湯真係好濃郁，好似順便點埋個湯飲咁至於有咩海鮮就睇相啦：燒雞腎（一串）配埋杯Asahi生啤，更有日本居酒屋feel!壽司小卷呢度嘅壽司都有好多款，我揀呢個，食完都唔怕太飽，冇咁有罪惡感！磯燒芝士魚蛋呢個夠晒特別，第一次食到，係有香港魚蛋特色+日本燒烤芝士小食咁🧀總括嚟講，啲食物唔只賣相靚，味道都好好價錢都係講緊二百零蚊一個人咁上下，開喺港島旺區食材又高質，算係抵食了！
继续阅读
日式的裝修好似真係身處係日本嘅居酒屋，勁Chill。枱與枱之間亦有足夠嘅空間，即使多客都唔會覺得逼，牆身仲有好多宮崎駿嘅壁畫，真係好靚。# 黑門鰻魚玉子燒蛋皮薄又柔軟, 一食覺得蛋好滑又濕潤，唔會煎到乾晒，入面包住嘅鰻魚肉入口即溶，口感十分好。而蛋嘅柔軟同鰻魚配搭得好好，調味亦唔會話太甜或太鹹。#焦糖蘋果鵝肝多士煎咗嘅鵝肝食落好綿，中間嘅蘋果片好清新，再加埋本身焗到好鬆脆嘅多士，加埋嘅口感好特別。鵝肝嘅味道好出，而蘋果嘅酸味啱啱好地中和返成道菜嘅味道令到唔會覺得好膩。#黑門令蟹味噌甲羅燒一上菜已經覺得外觀好吸引，師傅仲會幫你燒埋，仲好細心會問蒜粒幫我落埋定遲啲自己落，因為本身鍾意食蒜頭，所以直接叫師傅煮嘅時候落埋。雖然落咗蒜，但完全無蓋過咗蟹肉同蟹膏嘅味好鮮味，平時出去食有時都會食到好聲嘅甲羅燒，但呢個完全無，好好食。煮完個份量都好多，好想要多塊餅去襯返。#鐵板宮崎柚子胡椒香蔥牛舌心可能因為鐵板上，所以一上菜濃郁的黑胡椒嘅香氣已經即刻撲鼻而來。一開始以為牛舌心嘅味道會被佢蓋過咗，但完全冇。牛舌心本身嘅牛味好出，配埋個黑椒汁，反而覺得好夾。而牛舌亦煮得啱啱好，肉質好嫩唔會好韌，肉汁又多汁。啲配菜亦都同個味好夾花。#椰子雪葩最後仲叫咗個甜品，用椰子殼包住嘅質地細膩滑順椰子味雪糕。雖然雪糕入邊冇椰果肉，但係椰子味好濃郁。炎炎夏日，呢個簡直係不二之選。中意椰子味嘅真係可以試吓。#柚子檸檬梳打柚子蜜好足料，檸檬嘅酸度啱啱好中和番柚子蜜嘅甜，食住咁多好野，加返一杯清爽嘅柚子梳打真係啱啱好。總括而言，食完會番尋味！會想再去食，仲要人均只係200幾一位，真係好抵食！
继续阅读
聖誕前同朋友聚會，之前食過尖沙咀分店覺得不錯，但銅鑼灣店的體驗令我們相當失望。整體性價比非常差，食物價格偏高，食物質素相當一般。叫左個牛肉壽喜燒，湯底沒有味，牛肉4塊，相當普通。明太子炒飯超級辣，平時食開譚仔大辣都接受不到，而且完全食唔到明太子味。其他海膽天婦羅及甲羅燒都普通。服務也不好，服務人員每隔30分鐘換碟，非常擾人，但我們沒茶或食完野既碟又不會主動收。另加了枝清酒，埋單2000蚊。整體不會再食也不推薦。
继续阅读
彷彿置身於日本的居酒屋一樣，環境好chill看了看菜單，好多選擇好多好吃的想點看網上介紹必須要吃甲羅燒跟刺身🍣我們人均兩百多就可以吃很飽了～🦀海膽蟹味噌甲羅燒 新鮮的海膽蟹肉搭配濃郁的味噌醬汁，細細的蟹絲跟三文魚子 蔥花 鵪鶉蛋黃攪拌在一起，用餅乾蘸著吃，每一口都是滿足的味道😋🥩吞拿魚刺身 肉質鮮嫩多汁，色澤鮮紅誘人，每一片都如同藝術品般精緻完美！再來一份三文魚刺身，新鮮軟嫩，蘸上點芥末就覺得很美味了🥰🥧焦糖蘋果鵝肝多士 超有層次感的甜品，甜而不膩，香而不濃，鵝肝富含油脂，不會糊糊的，焦糖味很香，絕對值得一試！🥗麻醬沙甸魚乾蕃茄豆腐沙律 酸甜適中的番茄配上麻辣誘人的麻醬，再加上軟糯嫩滑的多春魚乾和清新的嫩豆腐，豐富的口感，美味又營養～🥚黑門令海鮮茶碗蒸 鮑魚、海膽、蛤蜊、魚子……豐富的食材交織出一鍋美味的海洋寶藏湯，吃著暖暖的很舒服，蛋液超嫩滑，入口即化🥰
继续阅读