影片
港铁乐富站B出口, 步行约3分钟
继续阅读
电话号码
23548006
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
今日假期放假，見有時間，就諗住同屋企人去食吓嘢。點知食到一肚火。經過商場就諗住去飲吓茶，所以就入咗呢間嘢到食嘢。我地9點幾先至攞位入座，入到去坐咗一陣就叫嘢食，飲吓茶，傾吓計，點知我地坐咗一個鐘多d，職員就係10點20分，夠膽行埋嚟同我地講，出面有人等位，叫我地埋單走人讓俾人坐。真係嬲到爆，我想問吓呢間嘢，幾時多咗條條例，有人等位就要埋單讓俾位下枱人？我地又唔係叫得少嘢食，埋單都成4舊水，佢地咁嘅服務態度，簡直影衰飲食業。唔怪之得d人走哂上大陸食嘢啦，真係有跟據㗎，以後都唔洗再去食。
继续阅读
昨晚真係食得好嬲嘅一餐!!!!⑴專登去食=昨晚食咗千三蚊，局住要坐，為咗門口收銀阿姐自己嘅私心，而被迫要我哋調坐長嘅膠接枱，坐到左右腳都頂住，食得好辛苦又激氣嘅一餐！⑵熟客=我哋係生客，就無收銀阿姐嘅服務至上。因為收銀阿姐只為佢嘅熟客所需，係為佢哋10個突然話嚟食嘢嘅人，而要我哋5個嘅生客，亦唔需要理會我哋有老人家。因為落咗單，又唔想浪費食物，所以唔走，局住留食。⑶利是=因為門口收銀阿姐，收熟客利是，亦比我親眼見到，咁就知道點解我哋比錢食嘢，都食得咁辛苦嘅原因啦！⑷發脾氣=我真係忍唔住，行去埋單時，同門口收銀阿姐講我嘅不滿，講完當我轉身走時，聽到收銀姐大大力咁㩒機發出do do聲，可能係要話比我知，佢無錯掛，發脾氣嘅收銀阿姐，根本就唔明，我哋比錢食嘢，都要食得咁辛苦！⑸代伯伯憤憤不平=嘥錢食唔飽，是但回應伯伯的收銀阿姐。~~~~食物評價，滿分是5分。-碌鵝：唔好食，又肥，又韌，但好嘅係砂鍋煲兼有爐熱上。2分。-番茄烤魚：爐熱上好食。4分。-大酸菜魚：魚分量夠，好食。有4分。但只得銀芽做底，無薯粉或粉絲做底，所以扣減1分。係有3分。-白胡椒豬肚雞鍋半隻：無胡椒，豬肚只得幾舊，雞就正常，也有砂鍋煲爐熱上，有湯飲，算可以啦。2分。-椒鹽豆腐，蒜茸炒西蘭花，都係正常。3分。總結：食物可以嘅。不過服務也算可以，只係得門口收銀阿姐就欠缺優質服務。亦大膽代伯伯比收銀阿姐差的評價!!!!~~~~*以下就係昨晚2024年7月13日，星期六晚的發生經過情況。而你亦試想吓，我嘅角度，感受吓樂富廣場B區，點出色餐店，門口收銀阿姐的服務有幾差......~~~~昨晚食得好嬲嘅一餐 ~ 2024年7月13日，星期六晚，約6時許，我一家五口，滿心歡喜咁去樂富廣場B區嘅點出色食晚飯，點知最後。。事原，我哋5個人，一入去，有善的經理安排咗坐卡位，但我哋有兩位老人家出入唔方便，所以要求調位，而有善的經理為我們安排調去近門口的拉併枱位。不過里個位置係超大的冷氣位，所以又再一次調坐隔離枱，而當時經理和一位職員還親切地說，你哋過去坐，我哋幫你哋搬嘢過去就得啦！而我當時覺得很有服務，之後就開始落單，落完單後，點知......又嬲又激氣嘅位，就出現啦！就係門口收銀的女職員行過嚟講，佢有客，共10個人，要坐我當時坐緊嘅位，叫我哋可否讓比里個客(10人)，而佢哋話會比隔離近門口嘅凹位我哋坐，還說得很好聽，比一張長枱我哋坐，而我哋無奈地起身，坐向隔離搬出長膠接枱，而我哋無奈又點解唔走。係因為落咗單，唔想嘥曬D食物，又唔想浪費，亦心諗，頭先經理都幫忙比我調位，亦就我家兩老，無所謂啦！同時，經理和其他職員都好有禮貌對待，和餸菜又上齊，(不過果刻未知係收銀阿姐識嘅人和收利是嘅事)，但當時在食嘅途中，我奶奶感到上面滴了一滴水落佢度，咁我就問職員，里個位係咪會滴水，佢哋望完，就話係上面冷氣嘅倒汗水。(所以里點=都有嬲)。之後又係食嘢嘅途中，聽到後面10人枱某位女士原來係熟客，亦被我親眼見到，10人枱某位女士比咗"一封紅色嘅利是"給予門口收銀女職員。(所以熟客里點=又嬲咗，=收利是，又再嬲咗。不過最搞笑嘅係，門口收銀阿姐想平息我，亦大聲回應我哋，送咗椰汁糕和桂花糕！-_-真係多謝晒喎!!!最後食完行去埋單，總共$1,309！而當時嘅我，真係忍不住，對門口收銀嘅女職員，反應我嘅不滿，當然，佢對住我笑住咁講"唔好意思"，亦講咗三次，而我對佢說，姐，"我都算係就得人，而你個枱10人嘅大客，我又係客，同時，大家都係咁比錢食嘢，點解我得唔到"顧客服務至上"，而我話完佢，轉身走後，聽到收銀阿姐大大力咁㩒機，發出do do聲，應該想話我知，佢無錯掛！另外一提：為坐我對面一個人食晚飯的伯伯而發聲。當時我見伯伯食食吓，放下筷子後起身，行出去門口，(同門口收銀阿姐講了話)，便向前走。我當刻心諗，伯伯應該去廁所。因為佢一個人食飯，所以行開，想話聲人知，點知收銀阿姐是但回應伯伯，攪到男職員收晒伯伯的食物，結果伯伯約5分鐘後返回座位，愕然咗一吓，驚問職員，收晒我D嘢，咁我份報紙呢？伯伯取回報紙後去埋單走人，而我又咁啱得咁橋，上一層去廁所，又見返伯伯，咁我就和奶奶走去問伯伯，佢出走坐時，係咪同收銀阿姐講過，伯伯就憤怒咁話，我同咗門口收銀阿姐講，需要去廁所，千萬唔好收執佢未食完嘅食物，收銀姐回應話好，點知求其應的收銀姐，攪到伯伯話碟餸好貴，想返位食埋去，飲啖茶，點知被人收晒所有嘢，谷氣埋單走人。點解......點解咁少事，收銀阿姐，係咪我哋唔係你嘅熟客，又無比利是你，所以就被迫，無你嘅優質服務，但係我哋和伯伯都有比錢食嘢㗎喎(希望里位樂富廣場2樓B區，點出色嘅收銀阿姐，唔好再一己之私啦!!!做返稱職的收銀員吧！
继续阅读
其實間野啲出品唔差唔好比佢個外表呃到都冇人講到咁伏 款式都多起碼好過樓下木兆小品佢既晚餐孖寶已經變咗做我哋既飯堂佢無論係點心定小炒都整得唔差雖然我見最多人都係食烤魚價錢又唔太貴杯茶又幾好飲咁次次都加個五指毛桃湯 三十幾蚊 唔係好大碗 但都足料 不過不失 欖角骨酸酸甜甜有鑊氣 送飯開胃鵝腸唔係最爽脆 但合格 性價比高普寧豆腐都做到外脆內軟炒土豆絲都幾爽口 住家菜口味印象中係個肉餅飯渣渣地大家可以試其他嘢食同一價位既中餐黎講我覺得算係咁
继续阅读
之前有喺點出色試過晚飯，感覺一般，個烤魚有點兒腥，配料又唔多要自己逐樣加。印象有d唔好，但阿媽話試多次啦，所以今次試午市點心。客家燜豬肉飯幾好味，伴有芹菜木耳咸酸菜絲苗米夠香又滑，配上肥豬肉食唔停。招牌韮菜角同煎釀茄子味道係好，但兩款點心都吸油吸到爆！奄春蛋燒賣個豬肉餡彈牙夠味，皮薄餡靚！咖哩魷魚又係惹味！但個免仔流沙包就一般般，蛋黃味不足，內餡太過流質無蛋黃沙沙感覺，好似化學野。但小朋友見到就開心到不得了，自己啪晒成個總結一下，點心係幾唔錯，客飯都唔差，但烤魚就below average了
继续阅读
呢間港式點心鋪餐單上的選擇好多首先，鮮蝦炸韭菜角，外脆內嫩，韭菜的香氣同鮮蝦的鮮味融合得宜魚茸煎釀茄子，茄子外皮煎得金黃酥脆，內裡的魚茸味道啱啱好唔會過鹹，一個字，正！鮮蝦菜苗餃，蝦仁鮮嫩，菜苗爽脆，個個餃子都包得飽滿。醬皇蒸鳳爪，滑嫩多汁，醬汁入味，係鳳爪掌心尤其吸得最好。安蝦咸水角，外皮酥脆，內餡鮮美，加埋啲蝦籽，真係一絕。紫米脆蝦腸，脆脆的蝦腸配上特色嘅紫米外皮，內裏有一層脆脆，又美味又特別。薑汁千層糕，千層糕層層分明，搭配薑味糯米糕，清新開胃。最後，煎釀虎皮尖椒，辣椒外脆內嫩，辣味仲慢慢咁樣湧出嚟整體黎講，呢間點心鋪的食物質素極高，服務態度親切，氛圍舒適。係一個滿足港式點心愛好者味蕾嘅好地方。
继续阅读