影片
更多
2024-07-14
507 浏览
昨晚真系食得好嬲嘅一餐!!!!⑴专登去食=昨晚食咗千三蚊，局住要坐，为咗门口收银阿姐自己嘅私心，而被迫要我哋调坐长嘅胶接枱，坐到左右脚都顶住，食得好辛苦又激气嘅一餐！⑵熟客=我哋系生客，就无收银阿姐嘅服务至上。因为收银阿姐只为佢嘅熟客所需，系为佢哋10个突然话嚟食嘢嘅人，而要我哋5个嘅生客，亦唔需要理会我哋有老人家。因为落咗单，又唔想浪费食物，所以唔走，局住留食。⑶利是=因为门口收银阿姐，收熟客利是，亦比我亲眼见到，咁就知道点解我哋比钱食嘢，都食得咁辛苦嘅原因啦！⑷发脾气=我真系忍唔住，行去埋单时，同门口收银阿姐讲我嘅不满，讲完当我转身走时，听到收银姐大大力咁㩒机发出do do声，可能系要话比我知，佢无错挂，发脾气嘅收银阿姐，根本就唔明，我哋比钱食嘢，都要食得咁辛苦！⑸代伯伯愤愤不平=嘥钱食唔饱，是但回应伯伯的收银阿姐。~~~~食物评价，满分是5分。-碌鹅：唔好食，又肥，又韧，但好嘅系砂锅煲兼有炉热上。2分。-番茄烤鱼：炉热上好食。4分。-大酸菜鱼：鱼分量够，好食。有4分。但只得银芽做底，无薯粉或粉丝做底，所以扣减1分。系有3分。-白胡椒猪肚鸡锅半只：无胡椒，猪肚只得几旧，鸡就正常，也
⑴专登去食=昨晚食咗千三蚊，局住要坐，为咗门口收银阿姐自己嘅私心，而被迫要我哋调坐长嘅胶接枱，坐到左右脚都顶住，食得好辛苦又激气嘅一餐！
⑵熟客=我哋系生客，就无收银阿姐嘅服务至上。因为收银阿姐只为佢嘅熟客所需，系为佢哋10个突然话嚟食嘢嘅人，而要我哋5个嘅生客，亦唔需要理会我哋有老人家。因为落咗单，又唔想浪费食物，所以唔走，局住留食。
⑶利是=因为门口收银阿姐，收熟客利是，亦比我亲眼见到，咁就知道点解我哋比钱食嘢，都食得咁辛苦嘅原因啦！
⑷发脾气=我真系忍唔住，行去埋单时，同门口收银阿姐讲我嘅不满，讲完当我转身走时，听到收银姐大大力咁㩒机发出do do声，可能系要话比我知，佢无错挂，发脾气嘅收银阿姐，根本就唔明，我哋比钱食嘢，都要食得咁辛苦！
⑸代伯伯愤愤不平=嘥钱食唔饱，是但回应伯伯的收银阿姐。
~~~~
食物评价，满分是5分。
-碌鹅：唔好食，又肥，又韧，但好嘅系砂锅煲兼有炉热上。2分。
-番茄烤鱼：炉热上好食。4分。
-大酸菜鱼：鱼分量够，好食。有4分。但只得银芽做底，无薯粉或粉丝做底，所以扣减1分。系有3分。
-白胡椒猪肚鸡锅半只：无胡椒，猪肚只得几旧，鸡就正常，也有砂锅煲炉热上，有汤饮，算可以啦。2分。
-椒盐豆腐，蒜茸炒西兰花，都系正常。3分。
总结：食物可以嘅。不过服务也算可以，只系得门口收银阿姐就欠缺优质服务。亦大胆代伯伯比收银阿姐差的评价!!!!
~~~~
*以下就系昨晚2024年7月13日，星期六晚的发生经过情况。而你亦试想吓，我嘅角度，感受吓乐富广场B区，点出色餐店，门口收银阿姐的服务有几差......
~~~~
昨晚食得好嬲嘅一餐 ~ 2024年7月13日，星期六晚，约6时许，我一家五口，满心欢喜咁去乐富广场B区嘅点出色食晚饭，点知最后。。事原，我哋5个人，一入去，有善的经理安排咗坐卡位，但我哋有两位老人家出入唔方便，所以要求调位，而有善的经理为我们安排调去近门口的拉并枱位。不过里个位置系超大的冷气位，所以又再一次调坐隔离枱，而当时经理和一位职员还亲切地说，你哋过去坐，我哋帮你哋搬嘢过去就得啦！而我当时觉得很有服务，之后就开始落单，落完单后，点知......又嬲又激气嘅位，就出现啦！
就系门口收银的女职员行过嚟讲，佢有客，共10个人，要坐我当时坐紧嘅位，叫我哋可否让比里个客(10人)，而佢哋话会比隔离近门口嘅凹位我哋坐，还说得很好听，比一张长枱我哋坐，而我哋无奈地起身，坐向隔离搬出长胶接枱，而我哋无奈又点解唔走。系因为落咗单，唔想嘥晒D食物，又唔想浪费，亦心谂，头先经理都帮忙比我调位，亦就我家两老，无所谓啦！同时，经理和其他职员都好有礼貌对待，和𩠌菜又上齐，(不过果刻未知系收银阿姐识嘅人和收利是嘅事)，但当时在食嘅途中，我奶奶感到上面滴了一滴水落佢度，咁我就问职员，里个位系咪会滴水，佢哋望完，就话系上面冷气嘅倒汗水。(所以里点=都有嬲)。
之后又系食嘢嘅途中，听到后面10人枱某位女士原来系熟客，亦被我亲眼见到，10人枱某位女士比咗"一封红色嘅利是"给予门口收银女职员。(所以熟客里点=又嬲咗，=收利是，又再嬲咗。不过最搞笑嘅系，门口收银阿姐想平息我，亦大声回应我哋，送咗椰汁糕和桂花糕！-_-真系多谢晒㖞!!!
最后食完行去埋单，总共$1,309！而当时嘅我，真系忍不住，对门口收银嘅女职员，反应我嘅不满，当然，佢对住我笑住咁讲"唔好意思"，亦讲咗三次，而我对佢说，姐，"我都算系就得人，而你个枱10人嘅大客，我又系客，同时，大家都系咁比钱食嘢，点解我得唔到"顾客服务至上"，而我话完佢，转身走后，听到收银阿姐大大力咁㩒机，发出do do声，应该想话我知，佢无错挂！
另外一提：为坐我对面一个人食晚饭的伯伯而发声。当时我见伯伯食食吓，放下筷子后起身，行出去门口，(同门口收银阿姐讲了话)，便向前走。我当刻心谂，伯伯应该去厕所。因为佢一个人食饭，所以行开，想话声人知，点知收银阿姐是但回应伯伯，搅到男职员收晒伯伯的食物，结果伯伯约5分钟后返回座位，愕然咗一吓，惊问职员，收晒我D嘢，咁我份报纸呢？伯伯取回报纸后去埋单走人，而我又咁啱得咁桥，上一层去厕所，又见返伯伯，咁我就和奶奶走去问伯伯，佢出走坐时，系咪同收银阿姐讲过，伯伯就愤怒咁话，我同咗门口收银阿姐讲，需要去厕所，千万唔好收执佢未食完嘅食物，收银姐回应话好，点知求其应的收银姐，搅到伯伯话碟𩠌好贵，想返位食埋去，饮啖茶，点知被人收晒所有嘢，谷气埋单走人。点解......点解咁少事，收银阿姐，系咪我哋唔系你嘅熟客，又无比利是你，所以就被迫，无你嘅优质服务，但系我哋和伯伯都有比钱食嘢㗎㖞(希望里位乐富广场2楼B区，点出色嘅收银阿姐，唔好再一己之私啦!!!做返称职的收银员吧！
张贴