點喜來 (已結業)

開至成行成市的點心店就如便利店一般，要解決即時的點心癮簡直是易如反掌....最近為了小友的大日子奔波，行經太子一帶，看見這間點心店，反正又沒試過，而且肚子又是空蕩蕩的，坐低"飲啖茶、食個包"當然是很自然的事....明符其實的來個一盅兩件，對小弟現在已縮小了的胃納來講，已是足夠有餘了。現在有時若沒有胃口的話，"一盅一件"就夠晒喉了....所謂的"一盅"便是北菇雞飯。用羮一掏已覺飯太濕了，咬入口則是一如所料，有點爛且糊口，完全是不合格之作；雞件雖然夠滑嫩但就沒甚麼味道。雪雞的討厭之處實莫過於此；冬菇只得小半片，未免是太小家了一點兒吧，不過尚算厚身有咬口....菠蘿义燒餐包一看見那不均勻的"菠蘿皮"色水便知不妥，再加上樣子又像甩皮甩骨的，已不想吞下來。免為其難的咬一口，味實在是太甜了，甜得有點讓人咯喉；不過包身還是軟熟的，而且义燒餡內不全是一pat pat醬料，仍是能吃到粒粒，甚至間中一小片义燒的，算是拉上補下，扯了個平手....瑤柱鮮蝦荳苗餃也是令人失望透頂之作 ---- 外皮是濕漉漉、黐笠笠的；蝦細隻之餘又沒鮮味，取而代之卻是一個霉字；而且找來找去又尋不着所謂的瑤柱，吃至人十分氣餒...

從屋企搭巴士去深水埗的話, 每一次都會經過呢間點喜來, 每一次都有衝動落車食, 但係亦每一次已經有另外開飯既目的地, 始終緣慳一面, 但係剩係見到個門面同埋招牌, 唔知點解有種好好味既感覺出現星期日既午間, 再次於朋友深水埗既屋企醉後初醒, 相討一輪後終於達成共識, 隨即花十五分鐘步行至太子星期日接近兩點既時間估唔到都要等位, 不過等左唔夠十分鐘都可以接受, 順手可以先睇下餐牌有咩想食入座後上左樓上既鋪面, 3個人坐係張4人枱度都迫迫地, 唔太舒服, 食到喧上下仲覺得冷氣太細喇, 食到出哂汗菜乾豬骨粥, 只計味道的話其實中上, 有股咸香味, 可惜碗粥既溫度只係微暖, 倒扣兩分...蘿蔔既份量太少, 另到成件蘿蔔糕都係得粉, 偏硬唔好味, 亦都無將蘿蔔煎香, 中下之作永遠都係出面既油菜香既, 呢碟白灼芥蘭都係一樣, 特別香同埋爽口, 原因就在於係屋企無人會落大量既鹽油味精蘇打粉去破獲自己既五臟六腑味道合格而不突出, 每一條腸粉有兩隻蝦, 一開二剛剛好分得勻, 腸皮亦過厚唔夠滑XO醬鳳爪炆得好淋好入味, 唔錯百花魚肚亦幾鮮味, 魚肚洗得乾淨無腥味, 令到個汁亦唔需要太重薑味, 不過$24只

距離上一次惠顧,已經大概已經上年了,,,,今次有團購優惠...所以再試多次一行三人點了以下12個點心~~食到差d 反肚!!~哈哈~蝦餃-彈牙.燒賣,-my favourite~正!叉燒腸-都唔錯..係有少少UN~叉燒包-good!小籠包-多汁!馬拉糕-唔太甜..唔錯3色桂花紅豆糕-出乎意外~好好味~春卷-good鳳爪-唔係好夠入味..但都唔差..雞扎-唔錯..係舊魚肚可以再淋dd鮮竹卷-好肥..不過好味~牛肉-good第一次食點心飽,阿媽都話好好食..咁既價錢.質數真的很好了~最重要..野食真係好食過以前....我記得上一年去質數都只是一般今次真係進步左好多~!!雖然係團購~但係都無將貨就價...不停有人幫我地加茶..人唔算超多....座得舒服...值得推介..下次又多一個飯堂選擇~~~

七月二十八日 (星期四)"摩登點心店"大概都試過不少最滿意的要數旺角添好運和上環的聚點坊點喜來亦是新貴,我們當然也要來捧捧場是晚有點夜,差不多九點了,仍是坐滿人的可是很多點心都已售罄等了良久,以為是即叫即蒸的緣故但看到比我們還遲來的食客已拿起筷子,看來只是我們的一相情願問一問店員,才知是點菜紙出了點問題店員連忙致歉,並送上賠罪品桂花味頗清香紅豆粒粒結實,微甜的很不錯的甜品成為了我們的前菜未幾,我們的正餐終於陸陸續續登場香滑的魚肚,嫩滑非常吸收了魚香更是味覺享受釀的魚肉也不錯,肉質爽口比較失望腸皮較厚,有點韌不過义燒尚可,尚算肉味濃而鮮甜蝦餃和燒賣不可不試這裡的蝦肉極爽口彈牙無論是蝦餃和燒賣都用料豐富,鮮蝦味十足尤其是燒賣除了蝦肉外,豬肉也極之彈牙新鮮馬拉糕不過不失質感尚算鬆軟不過味道略淡,而且不夠熱呢~單從味道來說,此店算是中上不過一定要保持服務的水準,才可相輔相承希望下次再來會有改善,同時可看到其他款式(但今回售罄)的點心

點心專門店因為坊間有一、兩間點心店成了名兼獲得米芝蓮稱號，即時像雨後春筍般開了很多間點心專門店，這次，我也來湊個熱鬧。這裡地方、桌椅都比較窄，不是太好坐，點心款式亦不算很多，一個餐牌前後兩面已齊全，印象中好像大概30多款左右，圖文並茂的。其實價錢不是很便宜，跟上酒樓差不了多少，只是這裡除茶位，不收加一罷了。我們也點了很多東西，其實款式跟酒樓吃到的亦大同小異，沒有甚麼大驚喜，只可稱為質素平穩吧！個人比較欣賞是黃沙豬潤腸及煎蛋牛肉飯，前者豬潤起沙腸粉又拉得滑，而後者則牛肉餅打得鬆軟有肉味。

這晚和男友欣賞完《奇拍趣奏樂繽Fun》後, 懷著開心的心情從葵青劇院回到家附近的點喜來醫肚。此店自開店以來我和朋友光顧了不下10次, 水準依然, 而且不時會有新款點心推出吸引食客回頭光顧。尤其掛念早前推出的炸蜜瓜奶, 可惜現在停售了...上星期看到團購推出$45可當作$90使用, 身為"團購精"的我當然不放過如此抵吃的優惠! 鮮竹卷: 餡多又好味 (推介)燒賣: 內有爽口大粒蝦 (推介)牛肉腸: 普通蝦餃: 皮薄餡靚, 好味! (推介)奶黃包: 好香又好味 (推介)牛肉球: 普通團購價$45可當作$90使用, 扣除$3茶位和加一, 埋單只需加$19就OK了, 真的很抵吃呢!店內環境舒適寧靜, 店家還會播著一些鳥聲, 沒有一般酒樓的嘈吵, 適合愛靜的朋友 服務很好, 落單上菜加茶水都很快手我想, 就算沒有團購, 這家店都會有捧場客的

本來同男友好肚餓正行緊去志記, 途經砵蘭街一段路發現好多食肆~平時晌地底行去志記, 所以從來冇留意, 既然7/5晚會食三記,就決定唔食志記, 改左飲茶...因為由地下望上樓覺得間野幾大間, 應該信得過,上到去又唔係話好大間, 亦非常唔full, 有點擔心...點心紙每行都有晒價錢唔洗靠估,茶就冇得揀, 得一隻(我唔知係咩味), 會成日自動過黎加茶.叫左7樣點心, 見圖, 樣樣都average,除左最貴既鮮魷份量少有2舊豆卜, 又唔太好食...牛柏葉有粉漿,xo醬腸粉小辣,個粥有料唔係碎濕濕.靜龜龜食完就走, 亦應該唔會再來.

第一次寫食評,要認真點寫.昨天到了太子,經過點喜來,知道是點心餐廳,看見裝潢不錯,便和女友兩個人進去.我們叫了四個點心,一個盅頭飯, 對於下午茶來說是多了一點,但其實我是想試試這間點喜來有甚麼特別.(很抱歉沒有影相,因為當時不太有心情影)第一個點心是xo醬煎腸粉.份量一般,賣16完真的有點那個.至於味道,煎得不錯,但xo醬實在太少,整碟腸粉除了有一點辣味,連鹹味也吃不到.第二個是奶黃包.要對這個奶黃包下評論真的不容易.我只可以說和唐記包點3元一個的奶黃包沒有甚麼分別.接著是盅頭飯,北菇滑雞.份量細小,就本人而言不是重點.但於味道方面則非常一般,而且飯太濕太軟,沒有盅頭飯一般的入味感覺.接著是糯米雞.Size與茶樓的無異,但是與盅頭飯一樣,糯米太濕太軟.(到了這裏,發現很難為所有食物味道都一般的再下評論.)最後是海鮮灌湯餃.這個灌湯餃算是一個相對上不錯的點心.沒有濃烈的味精味,而這就是此灌湯餃的唯一比茶樓的優勝之處.總結這裡的點心味道非常一般,但價錢比一般中價酒樓的午巿和下午茶都略高,而且仍然要茶錢(每位$3)再加一(其實侍應沒有問過我們想要甚麼茶)我和女友吃完後,都認為應該到酒樓吃下午

其實這店都開了一段時間，本來都有很多機會來試試的，但因為食評的影響，說這店價錢貴水準又說不是太值得，受到這些食評我都有一段長時間沒有來試，但近來想想食評必定有一些的主觀性，而味道這些事都是自己食過才是最公平的，所以就來到這間點心店: 點喜來試試。點喜來就在太子道西和砵蘭街交界，就在太子地鐵站的附近，交通便利，而附近也有很多的食店，競爭方面也都十分之激烈，所以店的交替也都十分之頻密。店的設計有些特別，店的街鋪是一個門口，下面只有兩至三張的枱，而大部分的枱都是在兩樓的，長條形狀的店子大部分都是放了一些兩人的木枱，有一排四人的枱是近窗的，可以望到下面砵蘭街的情況，店子是新裝修的，感覺都是簡潔簡單。食物的選擇有蒸點、盅頭飯、粥、腸粉、煎炸類和其他的種類，數一數都有四五十種的種類，以種類來說都有幾多的。說是不看其他的食評來食，就隨意地選擇了五個點心來試一試:笋尖鮮蝦餃、百花魚肚、豉椒排骨飯、香茜牛肉腸和薑蔥牛柏葉。笋尖鮮蝦餃($20)去到食點心點都要叫下蝦餃燒賣來試試，今次就叫了蝦餃，蝦餃的皮就薄薄的，食落就有微微的粘口，而大小就適中，不會包得過大的感覺，食落餡料都幾鮮味，蝦的鮮味和豬肉的香味都

近年出現了很多林林總總的點心專門店，實在是方便了不少點心迷例如我，有時心血來潮一個人也可以來個「一盅兩件」，嘆一杯中國茶。而近半年最得我歡心的點心店，就是位於太子的點喜來。男友在太子附近返工，晚上待他放工後我們倆小口一起踏進點喜來的門口，店子分兩層，地下我相信主力是接外賣，堂食則要上一層，侍應安排我們坐一張四人檯，我最喜歡此店的檯櫈擺放不算擠迫，感覺坐得蠻舒適的，耳邊傳來雀鳥叫聲的音樂，抬頭一看窗邊掛著一盞盞鳥籠造形的吊燈，小店營造的氣氛是值得一讚的！雖知道很多點心店都是「食物出色，環境擠迫」，再好吃的食物也不能好好享受，實在是違反了一盅兩件「嘆」的原意呀！坐下沒多久就開始點菜，男友的胃不太舒服，不宜多吃，所以今晚只點了以下四款點心；首先上檯的是潮州粉果，粉果皮不會太厚，晶瑩剔透，包得滿滿的餡料很入味、爽口，連本身不太喜歡粉果的男友也讚了兩句。接著出場的是蜜汁叉燒腸粉，今次的腸粉皮拉得不太夠薄，所以口感差了一點點，幸好叉燒餡料份量十足，而且他們的甜豉油味道不錯，彌補了腸粉皮的遺憾，希望下次再點的時候會好一點。最後鮮竹牛肉和瑤柱蒸蘿蔔糕一起上檯，鮮竹牛肉的味道保持水準，咬下去不會太乾，有

我同太太兩個，行過見到新開 (我對上一次行過都唔覺眼開左)咁就去試下，當時已經係12:30左右大約等左10分鍾左加就有檯 (持應話有檯不過執唔切位喎...)我地食左:菠蘿叉燒包 - 好味道，菠蘿皮脆、叉燒餡夠香麻辣燒賣 - 唔錯，不過我嫌麻辣味不足燒賣皇 - 好味道，蝦夠鮮味灌湯餃 - 個人覺得一般般，不過用料唔錯(真係見到好多瑤柱肉，湯都okay)，美中不足係...居然用蟹柳當蟹肉菜苗餃 (好似係咁上下) - 菜同蝦都好鮮味，個皮仲整得好好我見隔離檯有人叫粥叫飯食，不過...份量好似好少咁而且，我估佢啲點心耐唔耐就轉款 (因為我去到已經無左山葵餃...等推介食物點)呢間野真係好得 (除左價錢貴啲之外)日後一定會再幫襯

一個人午飯，在旺區要找比較舒適而合口味的，尤其是小女子一名，這間小店不失為一間好選擇！本人點了菠蘿叉燒包，筍尖蝦餃和菜芯一碟。點心選擇不像譚點多創新之作，但平實中見用心---連美心這些大集團都給比下去！吃罷，舌頭給的分數促使我寫了這篇食評。

一行四人餓住肚專誠過來吃點心，一坐下就狂點，差些點到停不到手，安蝦咸水角：即叫即炸（我估），外面香脆而內裡軟滑且帶點煙韌，凍了反而仲好味。三色桂花紅豆糕：外型精巧美觀，上層是桂花，中層是紅豆，下層是椰汁，桂花的清香被椰汁蓋了，加了紅豆增加口感，甜度適中。叉燒腸粉：皮薄料多，又軟又滑，如果多些汁就好喇....窩蛋牛肉飯：賣相好看，牛肉味重，夠滑，飯粒乾爽分明，配上雞蛋和「士」油，正呀！子薑皮蛋：薑不太辣，酸甜度剛剛好，皮蛋原個上，有糖心喎....黑糖馬拉糕：外型獨特配上古銅色的肌膚，內裡甜思思，令人不知覺咬它一口，黑糖香在口中散開來 ....反沙奶皇包：食完都係愛流沙，無沙漏引不起我興趣。麻辣燒賣、海皇薄罉：我無食過，已被友人食哂。師傅小籠包：皮厚但肉汁飽滿，幾好。糯米雞：真的好大，大過拳頭。老火靚湯：無味精，好好味！個口食得快，都不及點心來得更快，台已放到無位了，要層層疊，如果有壺茶給我們就好，我們飲水驚人，費事次次叫店員過來添水，服務好好，有禮貌，好客氣，價格適中，四個人吃了二百幾元，幾抵.....

同個朋友講起話依家去嘆茶食點心一盅兩件都唔一定要去酒樓，朋友都附和話係呀，「叮叮」咪得囉，超方便，但要兼顧埋有質素嘅，「叮叮」就要行埋一邊，想講嘅梗係點心專門店啦，突然間多咗好多依類點心店，講出名嘅首推摘咗星嘅「添好運」，但連深水埗分店都實在排隊排得太誇張喇，小弟一晌都唔多會為食一餐而要咁排法，所以近近哋走過去太子頭，搵嚟「點喜來」試試。一行四人，飯腳又係表哥表嫂搭表姪女，因為表姪女晌太子學英文，搵佢哋一家一齊食就啱晒路線圖。雖然晌裝修上花咗心思，採用簡約中式設計，壁畫畫有喜鵲立於梅花上嘅圖案，配合番自家品牌圖案，感覺幾雅致，但可惜環境有啲逼，座位又有啲窄，唔算太舒服。佢哋晌張枱下面加咗掛勾俾客掛袋，似乎效果一般，細嘅袋就OK，好似小弟個背囊，掛咗真係頂晒腳，仲唔舒服，好彩我坐近窗，一排窗都有窗台，索性成個背囊擺上去。硬件麻麻，服務殷勤算係軟件方面做番足啲。點心介紹，A4紙大細，前後兩面，35款點心，3款甜品，2款特別飲品，圖文並茂一眼睇晒，不過實際又唔止咁少嘢，要知有咩食就睇張點心紙，分門別類，印晒價錢，收茶錢，無加一，都好易計到數，埋單前自己計計數就唔怕收多錢。因為小弟今勻一餐當兩

今日最後一天是團購得來的一百大圓 Coupon 懷舊糯米雞: 米雖然很糯很好味, 但材料很削, 印象中只有幾件大舊肉同汁料 香茜牛肉腸粉: 皮異常地厚,不是很滑, 牛肉量雖然不小, 但也不能拉高分數 菠蘿焗叉燒餐包 : 相信餐包Keep 在熱爐內, 所以上枱時絕對熱辣辣的 菠蘿皮幾香口, 無奈叉燒奇小又無蜜汁感, 兩者有小小Match 唔到 黑糖馬拉糕 : 食唔出黑糖的深厚糖味, 鬆軟度則合格, 只有深色了的馬拉糕而已 瑤柱鮮蝦菜苗餃：最喜歡這味, 皮不是太厚但通透地見到菜苗同蝦隻, 味道是啖啖的鮮味 白灼菜心 : Chok Chok聲的油菜, 唔係為左一日要食一份菜, 基本上今次唔會番兜的 蠔皇叉燒包 : 呢個比焗叉燒餐包好, 起碼叉燒帶點蜜汁又唔多肥豬肉, 而且保持應有的水準三色桂花紅豆糕：見食評咁多人讚, 一定要試下 先講賣相頗精美，上層是桂花紅豆糕，下層則是椰汁糕，其實修整體只會食到椰汁味道(過份啖口吧), 美麗的上層就當只供觀賞吧, 質感又會過份地彈口, 有點怪怪啊 最後補了 16 圓總結: 任務完成了, 當儲多一個食評